الأخ أصيل حجازي وش مع رجة السياره كل شي سويته [الأرشيف]

مشاهدة النسخة كاملة : الأخ أصيل حجازي وش مع رجة السياره كل شي سويته

أبوبسام 0104

14/09/2011, 12:20 PM

عبدالرحمن السالم

14/09/2011, 12:55 PM

احتمال عندك احد الجنوط فيها عفط ، لانه برضو تسوي رجـه
عندك برضو جلد العكوس برضو شيك عليها ، لكن انا اتوقع انه من الجنوط ، اذا تعرف احد معه فورد بدل جنوط وجرب

أبوبسام 0104

14/09/2011, 01:38 PM

اخوي عبدالرحمن السالم الله يجزاك الجنه ووالديك
الجنوط متأكد إنها سليمه والدليل الترصيص انا شفته على المكينه كل كفر سواه على الصفر لومنها الرجه كان ماطلع الترصيص صفر
لكن هل جلد العكوس لها دخل بالرجه

هواوي الشمال

14/09/2011, 02:45 PM

اذا من العكوس راح تبدا الرجه معك من بعد سرعه 120..
احتمال كبير انه من الكفرات والجنوط ...الله يسمح امرك

أصيل حجآ زي

14/09/2011, 03:23 PM

عندي فورد فكتوري سعودي موديل 97فيه رجه على سرعة 80 وسرعة140
سويت ترصيص للكفرات ومازالت الرجه موجوده والكفرات جديد قبل ثلاث شهور مركبها
فكيت عمودالكردان وفحصته بالمخرطه وطلع العمودسليم والرجه موجوده بدلت العمود بعمود ثاني
والرجه مازالت موجوده بصراحه محتار مدري ايش أسوي كشفت على صليبات العمود
وطلعت سليمه ماأدري ايش بقى ماسويته عشان أعرف سبب الرجه-

http://im.gulfup.com/2011-02-10/12973306271.jpg
الحـمـد ُ لله و الصـلاة و ا لـسـلام عـلى رسول الله
وأزوآجـه الـطآهـرآت الـمـُطـهـرآت أ ُمهـآت الـمـؤمنين
وآله وصحبه ومن وآلآه وجميع الأنبيـاء والـمـُرسلين .
الأخ الكريم / أبـــو بــــســآم
تحية عطرة وعيدك سعيد وبعد :

أخي الكريم الرجاء
المرور على هذا الموضوع الـمــُثبت بمـُقدمة الخيمة :
: قبل أن تكتب موضوعك في خيمة أعطال السيارات وإصلاحها (http://www.mekshat.com/vb/showthread.php?t=355126)

كلام الأخ المـُهندس / عبدالرحمن السآلم
رآئع وسليم .

أنصحك أن تسوي ترصيص أرضي مرة ثآنية وثآلثة .
وأن لم ينفع فيمكن عندك طعجة أو عطفة بالجنوط
أو
أحد رُمآنآت العكوس الأمآمية أو الخلفية
أو عدة رُمآنآت مكسرة أو فنآجيل الرُمآن
بها شطور أو كسر أو خدوش { أخآديد }

هذي صور للفنآجيل تــُمسى { ريس Race } :

http://lbcunited.com/earlyford2/images/diff%20bearing%20race.jpg

http://www.loxahatcheeautoparts.com/inner_wheel_bearing_race_for_rockwell.jpg

وهذي الرُمآنآت تحت التي
تـــُركب بالعكوس الأمآمية والخلفية
شـــُـف بالصورة تحت اللي باليسآر مكسرة
واللي باليمين سليمة :
http://thrustbearingss.com/wp-content/uploads/2011/08/Wheel-Bearing.jpg

بالعكس الملون تحت للأطآرآت الخلفية شــُف الرُمآن الملون لشركة تمكن الرآئعة :
http://www.civilianjeep.info/CJaxles/SuperiorAxles/SuperiorAxleDiagram01.gif

شـــُف موقع الرُمآن على عمود العكس الخلفي
الذي تصل لهُ بعد ما تشيل { تفــُك } الأطآر ثــُم
تفــُك غطاء الدفرنش من الخلف لـتـفــُك الخآبور والتيلة التي
يــُمسكون بنهآية عمود العكس ثــُم تسحب كآمل العكس من ماصورة
المحور الخلفية الذي يحمل التروس التآجية { التفآضـُل / الدفرنش }
وبعد أخرآج العكس تحتآج أسلوب الدق والتسخين لأزآلة الرُمآن القديم .
وتركيب رُمآن جديد مع الفنآجيل { الريس } والورود والأقفآل ... ألخ
الخآبور تحتآج تخـرجــُه أذا بتخرج التآجية { الكرونة } ويوجد تيلتين .
الرُمآن المكتوب عليها { بيرنق Bearing } وتعني حآمل أو حوآمل :
http://z.about.com/d/autorepair/1/0/I/4/79088105.gif

بالصورة تحت تشوف التيلة الملونـّه بالأحمر التي
لازم تشيلها لأخرآج العكس والخآبور هو الصيخ الأعلى لأخرآج التآج
مكتوب عليها { سي لوك C" Lock" } والصورة بعدها نفس الشيء :
http://z.about.com/d/autorepair/1/0/Y/t/42234785.gif

الخآبور هو المكتوب عليه { شــآفت Shaft }
واليلة مكتوب عليها { لوك Lock } :
http://z.about.com/d/autorepair/1/0/X/t/42234784.gif

ويخرُج لك العكس حآملآ معهُ أغرآضــُه من رُمآن وورود وغيرها :
http://t3.gstatic.com/images?q=tbn:ANd9GcSs9IIspE31lElcvUc_j034ASltiKosp iC2gFbOEElM0DmVAfK4

*******************
:f

موفـق
وتلقى خير بأذن الله

""" و الله ُ أعــــــــلـم وأكـــــمـــل """

تـــآ بــع د ر و ســي لـلـفـآ ئـد ة :
أ ُعـلـمـك كـيـف تـُـصـبـح مـُهـنـدس سـيـآ رآت وكـهـربائي سيارآت ومـنـآزل ؟؟؟ 100% (http://www.mekshat.com/vb/showthread.php?t=226714) ‏( 1 (http://www.mekshat.com/vb/showthread.php?t=226714)2 (http://www.mekshat.com/vb/showthread.php?t=226714&page=2)3 (http://www.mekshat.com/vb/showthread.php?t=226714&page=3))

هـذا تحــت رآبــط جـمعـُه الـمـهندس
ســــــُبـر فتك VTC جزآه الله خير
أ ُهـــديــــه لـكـــُـم جـمـيـعــآ خآصة :
دروس ألأصيل الحجآ زي (http://www.mekshat.com/vb/search.php?do=finduser&u=127328&starteronly=1)

أن تـرى أني قـد أفـدتــُـك بــشيء ذا مـعـنى ... :)
وأستحق مـــــــنــــــــــــك دعوة صالحة
فـــلا تــنــــــــــــــســآ ني :no2:
مـــــن صــــــآ لـح د ُعـآك.
:burnout2:
تـحـيــــــــــــــــآ تي

<<< أ بـو عـبـد ا لـرحـمـن >>>
""" ا لأ صـيـل ا لـحـجـآ زي """

AL HARBE

14/09/2011, 03:50 PM

السلام عليكم
الاخ اصيل حجازي ولا يهون الاخوان
اتوقع يكون القير عندك فيه خلل
البطيخه او العمود

أبوبسام 0104

15/09/2011, 12:07 AM

الأخ هواوي الشمال
الأخ أصيل حجازي
الأخ الحربي
بيض الله وجيهكم ماقصرتوا
ابسوي ان شاءالله فحص للعكوس وابشيك مره اخرى على الكفرات والجنوط واشوف ايش يصير إن شاءالله تضبط الأمور

lahoop

15/09/2011, 01:42 PM

اخي اصيل ماعليك تعدي
وجهة نظري هي
اذا كانت والسيارة الصبح وباردة واسرعت
هل تظهر الرج جه ؟
1-اذا ظهرت الر ج جه فان المشكلة بالجنوط والكفرات خل واحد يمشي خلف السيارة ويتاكد من ان الكفرات والجنوط سليمة
2-اذا الم تظهر في هذا الوقت فان الكليبر اللي يمسك الاقمشة يكون ظاغط على الهوب ومع الحرارة يحدث رج جة
اذا تروح لاحد الميكانيكيين وتخليه يقوم بتنظيف الكليبر مع اصلاح جديد
لكم جزيل الشكر

ابوجنبية

16/09/2011, 05:34 AM

احتمال يكون عندك طين ناشف داخل الجنط هذا ان كان غرزت في محل فيه موية اكشف على الجنط من الداخل ونظفة من الطين وان شاء الله تسلك السيارة

ارقد يا ساهر

18/09/2011, 01:25 PM

السلام عليكم
ومساكم الله بالخير.
هذا وانا اخوك صارت نفس الحاله لسيارت اخوي فكتوريا 98 وطلعت المشكله من بطيخة القير مثل ما تفضل اخونا الحربي وغيره بمستعمل بـ1000 ريال

أبوبسام 0104

18/09/2011, 01:51 PM

طيب اخوي ارقد ياساهر
كيف اقدر اسوي فحص لبطيخة القير

ساكن الحنو

18/09/2011, 02:46 PM

مشكلتك في بطيخة القير دائما تخرب وهي تسوي رجة قويه واهتزاز بطن الموتر صارت معي ولابدلتها واعتقد ان مالها تاثير على القير

أبوبسام 0104

18/09/2011, 11:58 PM

لكن المشكله إن الرجه على سرعه معينه من 90 الى100
ومن 135 الى 140

عبدالاله

19/09/2011, 05:56 AM

اسمع يالغالي وخذها من واحد مجرب غير الكفرات واذا تبي تتأكد اكثر شف احد تعرفه وركب كفراته وجربها

أبوبسام 0104

19/09/2011, 11:13 PM

اليوم غيرت الجنوط ونفس الوضع الرجه ماتغيرت
وغيرت الكفرات والجنوط من بنشري للتجربه فقط وحسيت ان الرجه خفت كثير تتوقعون المشكله من كفراتي رغم اني شاريهم جدد قبل ثلاثة اشهر

ارو 6001

19/09/2011, 11:43 PM

اخوي اذا مشيت تحس مراتبك يرجن اذا كانن يرجن وقف السياره وافتح الكبوت اسحب الجلنط وخل واحد يكون بالسياره وخلو يحط القير بـ بالريوس والجلنط طبعا مسحوب وخلوه يدعس والجلنط مسحوب وشف المكينه اذا هي تحركت قوه من مكانها فهو من كراسي المكينه غيرهن وتبي تزين ان شاء الله لان واحد من اخوياي صارتلو المشكله وماخلا شي ماغيرو اخر شي طلع من كراسي المكينه

الباثفندر 3.5

20/09/2011, 12:03 AM

اليوم غيرت الجنوط ونفس الوضع الرجه ماتغيرت
وغيرت الكفرات والجنوط من بنشري للتجربه فقط وحسيت ان الرجه خفت كثير تتوقعون المشكله من كفراتي رغم اني شاريهم جدد قبل ثلاثة اشهر

نوع كفراتك؟؟
احتمال انه في كفر محبل و هو سبب الرجه

أبوبسام 0104

22/09/2011, 02:33 AM

اليوم غيرت كفرات وجنوط لسياره ثانيه ونفس المشكله ورحت اليوم لمكانيكي سعودي مختص بالقيور ابيه يكشف على بطيخة القير ويقول لازم افحص الموتر كله وكأنه مومقتنع إنه من بطيخة القير باقي الحين ابفحص العكوس وبشوف