قصتي مع دار موجه والاستغلال الحاصل مع الاسف

[رحال300]

السلام عليكم ورحمه الله وبركاته

بدون مقدمات طلب من احد الشباب شرا قاعده قارمن وشاحن نوفا 205

المهم في القصيم ما اعرف الى دار موجه رحت لمه وقلت عطن شاحن وقاعده عطان يوم جيت بحاسب قال 300 احسبه مخطي الرجال قلت بدون جهاز
قال ايه الشاحن ب150
والقاعده ب150
قلت السلام عليكم الله يخلي لنا امزون وانا متوقع 100% ان السعر خرافي

المهم وادخل امزون واحصل الاغراض كلها بنص السعر والبائع شركة قارمن نفسه
وطلع على مع الشحن 156ريال كلهن وكلهن نفس الى عند دار موجه وهو ماخذه سعر جمله ووكيل يحسب له سعر خاص
انا طلبتها من امزون ومع الشحن طلع السعر النصف مع الاسف عندنا نصب عضيم من التجار
وهاذي رابط الاغراض
http://www.amazon.com/Garmin-010-10747-00-Suction-cup-mount/dp/B000F7857S/ref=pd_cp_e_1

http://www.amazon.com/Garmin-n%C3%BCvi-Vehicle-Power-Cable/dp/B000EGQS5G/ref=pd_sim_misc_7

[اخوخالد]

الله يكون في العون

[مجنون الجيوب]

احسنت في النشر خل العالم تفهم هالأمور

[ibrahim_20]

يعطيك العافيه اخوي

[kal440]

هذا الكلام الصح

[صقار الوشم]

الى الله المشتكى...

[خالى البال]

وما خفي كان اعضم الان بعض الاجهزة مجددة -واذا شريت منهم جهاز وخرب يصلحون شي ويخربون شي
اعوذ بالله جشع في جشع ولعب

[do7my]

الله يعطيك العافيه
والدليل على نصبهم العروض اللي سووها قبل فتره على الـ 205w و 1490
نفس الأسعار من امازون
معنى هاذا انهم كانوا ينصبون على الناس قبل يوم الـ 205w بـ 600 عندهم
وفي يوم وليله وبعد ماكثروا اللي يطلبون من برا صاروا يبيعونه بـ 380 ريال


ملاحظه للأخوان اللي بيطلبون من برا ومتخوفين من شغلة الضمان:
ضمان قارمن عااااالمي يعني تقدر تصلح الجهاز عند اي وكيل قارمن في العالم
أهم شي انك تسوي للجهاز ريجستري يعني تسجيل في موقع قارمن
على الرابط هذا:
https://my.garmin.com/mygarmin/login.htm?service=https%3A%2F%2Fmy.garmin.com%2Fmy garmin%2Fcustomers%2FmyGarminHome.faces
تحصل rigester بالأزرق في الصفحه اضغط عليها وخليك شابك الجهاز في الكمبيوتر وهو بيتعرف على الجهاز والسيريل حقه ويسوي له ريجستر

على ما اضن لازم تسجل بيوزر نيم وباسوورد في الموقع

[ابو هشام]

اتخيل ان اي جهاز تشتري من محل في امريكا تقدر تستخدمه ومن ثم ترده وتقول ما عجبني

بعض المحلات يسألك عن سبب الترجيع وبعضها ما يسأل

واللي يسأل تقدر تقول له ما عندي سبب والجهاز ممتاز بس ابي ارجعه

السؤال وين تروح كل هذي الاجهزه المرتجعه

بعض محلات البيع عن طريق النت في أمريكا تبيع أجهزه مرتجعه (وليس مستخدمه ) على انها جديده. وبعض المرتجع في الواقع هو بحكم الجديد اذا تم فحصه من قبل الشركه وتهيئة للبيع من جديد

ولكن لانضمن أن الشركه تستطيع أن تتعرف على كل ضرر قد يصيب الجهاز قبل اعادة بيعه على انه جديد


عندما تدفع الفين او ثلاث لاتوجد مشكله ان تدفع خمسين أو مئة ريال زياده مقابل الشراء من شركه لها اسم معروف

[qulaib]

وعليكم السلام ورحمة الله وبركاته
عندنا وعندكم خير الجشع من التجار إللى مايرضون إلا بربح 100/100 وأكثر
الشكوى إلى الله
وشكرا على الموضوع
جزاك الله خير

[sameer_1798]

يارجال الاستغلال في كل مكان والناس مافهمت إلا بعد ماستخدمة النت والتسوق من خلاله .

[سعد ناصر]

ما أقول الا الله يجزاك خير على النشر خل الناس تدري وتبدأ مقاطعة تجار الطمع والجشع

[جمس z71]

الله يكون بالعون وانا اخوك ...

ماندري من من نلقاها كل مرة يطلع لنا تاجر نصاب.. بس سلاحنا بعد الدعاء هو المقاطعة..

ياشباب النت يفك أزمة في قطع الغيار والاجهزة وغيرها... يعني طاح سوق النصابين..

[اشكرك]

خوش ..بدأ الوعي عند المستهلك وعرف كيف يصل الى السلعة وسعرها الحقيقي..ابشر التجار بالخيبة دنيا وآخرة ..وطبعا اقصد الطماعين منهم الذي لايقبل بالربح البسيط والحلال...
شكرا

[رحال300]

اشكركم علي ردودكم

وان شالله ها التجار سوقهم طايح بأذن الله

والله يخلي لنا المتاجر الامريكيه نشري منها ويجيك طلبك بلبيت وارخص من هنا

[قمرنا]

أخوي
الله يكثر من أمثالك ويجزاك خير على النشر
يا اخوان
والله انه ملعوب علينا بجوده البضاعه و سعرها
ولكن الحل الطلب عن طريق النت
و أقترح على اداره الموقع
فتح خيمه خاصه بطلبات النت
ويضعون أليه لذلك
الله يوفق الجميع,,,,

[ب ص م]

المشكلة انك اذا ما تكون ملكع وتنشب بحلوقهم ياكلون حقك وعيونك طايرة
ومب بس بالشغلة هذي بكل شي لازم تدقق عندنا فيه لأن عندنا حماية للتاجر وليس للمستهلك للأسف

[عدى معدي]

ياليت يكون فيه موقع بمكشات يختص بالشرح والشراء عن طريق النت..

[هاوي ونييت]

حسبي الله عليهم
اخواني الاعزاء لو فيه للتجار محاسبه وجزاء كان ماشفتوهم
ينهبون منا ولا بعد يقولك الاستبدال لمدة كذا
يعني يحدد لك اليوم ولو ماترجع الا بعده مايقبله
عموما انا بضم صوتي الاخواني الي يطلبون في المنتدى طريقه لطلب السلع
عن طريق النت
واسف على الاطاله

[عمران المسافر]

دار موجه والله من الموظفين الكده .. شين نفس وشين تعامل ..
انا شريت جهاز قارمن النت وطلع ارخص منهم بخمسمائة ريال .

[ggarmin]

ملاحظه للأخوان اللي بيطلبون من برا ومتخوفين من شغلة الضمان:
ضمان قارمن عااااالمي يعني تقدر تصلح الجهاز عند اي وكيل قارمن في العالم
أهم شي انك تسوي للجهاز ريجستري يعني تسجيل في موقع قارمن
على الرابط هذا:
https://my.garmin.com/mygarmin/login.htm?service=https%3A%2F%2Fmy.garmin.com%2Fmy garmin%2Fcustomers%2FmyGarminHome.faces
تحصل rigester بالأزرق في الصفحه اضغط عليها وخليك شابك الجهاز في الكمبيوتر وهو بيتعرف على الجهاز والسيريل حقه ويسوي له ريجستر

على ما اضن لازم تسجل بيوزر نيم وباسوورد في الموقع\

كلامك هو الي المفروض يصير
لكن للاسف وكلائنا هنا كلهم لهم نظام على مزاجهم من دار موجه وكيل قارمن الى موبيلي وكيل ابل والايفون
تشتري من الشركه الام او اي مصدر معتمد اخر يقول لك مافيه ضمان لك عندنا

يعني الي بيشتري من برا هنا مايدخلونه بالضمان
ولكن اجهزة امريكا جودتها عاليه جدا

[المحترف للصيد]

الاستغلال موجود في اي مكان طبعا و عليك ان تسأل ع اي شي قبل ما تشتري
و طريقة النشر في المنتدى (( هي لك عليها ثواب ان شاء الله ))
تحيااتي
المحترف للصيد
ابو رامي