أكتب من زمان بس ذي أول شيء أنشره (رأيك يهمني)

[محطم عنيد]

ياكثر مايضيق صدري من بعض الأمور
وعلى كثرهن مابينت لمن حولي ضيقتي

يموت الهم وهو في داخلي يجول ويدور
ويموت عدوي مادرى وش هي علتي

يالله يامجري الفلك في سبع البحور
يااللي منك وفيك أستمد أنا عزتي

يالله ماقول أنا كلشي عليه مقدور
وأنا أدري لي قدر وهاذي هي قسمتي

وياربي يسر لي معضلات السطور
وإكتب لي الخيرة يارب في رزقتي

[محطم عنيد]

ماش شكلها مالقت استحسانكم

بس ان شاء الله الجاي أحلى

دمتم بود

[مكرم الضيف]

لا بالعكس صح لسانك لكن قسم القصايد يبيله صبر احيان ردود وماتلحق من كثرها واحيان الله يعين تدور بشمعه يمكن تلقى واحد. وبعدين مثلك خابر وقت طيور وقنص وبراد واكثر الناس كاشته وتقنص .

واذا تبي وزن القصيدة يضبط معك شيل القصيدة تبين كسورها

تقبل تحياتي

[محطم عنيد]

هلا والله مكرم الضيف

أكرمنا الله لايهينك بنقدك البناء إذا شايف كسر او أثقل أو أي شي

أنتظرك وأنتظر الشباب الباقين

[نجم000الشمال]

يا هلا وغلا بمحطم عنيد

اعذرنا يا الخوي ترى من كثر الاشغال والمدارس والدوامات الواحد يجي للنت تقل يسرق هههههههه
ابشر بسعدك ياغالي .

طيب .... انا اشوف ان طريقتها كذا سرد وليست قصيدة ...... حلو

مثل البيت الاول المفترض مثلا يكون كذا:
ضاق صدري من كثير من الامور....وعن قريب الناس ما ابدي ضيقتي

وفيه تنسيقات اكثر ابداع بس حبيت اضرب لك مثال على نفس القافية ، وفيه غيري من لهم باع طويل في الشعر
وان شاء الله يفيدونك .


كل المحبة والتقدير اخوي.

[محطم عنيد]

يا هلا وغلا بمحطم عنيد

اعذرنا يا الخوي ترى من كثر الاشغال والمدارس والدوامات الواحد يجي للنت تقل يسرق هههههههه
ابشر بسعدك ياغالي .

طيب .... انا اشوف ان طريقتها كذا سرد وليست قصيدة ...... حلو

مثل البيت الاول المفترض مثلا يكون كذا:
ضاق صدري من كثير من الامور....وعن قريب الناس ما ابدي ضيقتي

وفيه تنسيقات اكثر ابداع بس حبيت اضرب لك مثال على نفس القافية ، وفيه غيري من لهم باع طويل في الشعر
وان شاء الله يفيدونك .


كل المحبة والتقدير اخوي.

تعجبني الصراحو النقد الهادف لكن قولة انها سرد اختلف معك فيها

الحمد لله لدي الهاجس الشعري وذي من أردى ماكتبت

لكن معجبتني من ناحية موضوعها وأبي أستفيد منكم وش بحرها ؟؟؟

ووين الكسور ولا الثقل

أنتظركم

[محطم عنيد]

للأن ننتظر من ينتقد بذوق ليرتقي فني