لو سمحتو يا نواخذه

[دسم الشوارب]

لو سمحتو يا نواخذه
ابي صور لكل من :
الهامور اللي في محلات السمك
الكنعد
الشعري
وبعض الا نواع الطيبه للسمك وأسمائها
علشان أعرفها زين إذا بغيت اشتري
وبارك الله في من تفاعل وأفاد
وشكراً

[آدفل]

السلام وعليكم ورحمة الله وبركاته

شوف اخوي انا قبل نص ساعه كاتب موضوع عن الحداقه انهم ما يعلمون عن مواقع الصيد وهذي الصفه فيهم من الازل فما اعتقد حتى انه يعلمونك شلون صاير الهامور ولا الجنعد ولا الشعري تراهم مو نفس البريين البحريين غير يا خوي ما عندهم سعة صدر وفلة حجاج يبون كل شي فوقه فوقه عشان محد يطيح عليهم حتى بالصيد لما يصيدون السمكه ما يرفعونها واهم بالطراد عشان محد يشوفهم . فانا انصحك انك تدش خيمة الصيد البحري وراح تلقى جميع صور الاسماك اللي تبيها واللي ما تبيها ولا اذا بتنطر ابشرك بتبطي .

اخـــــــــــــــــــــــــــــــــ آدفل ــــــــــــــــــــــــــــــوك

[بو راشـد]

السلام عليكم ورحمة الله وبركاته
هذي يخي بعض الأسماك الطيبة للأكل
1- الشعري
http://www.mekshat.com/pix/upload/images14/mk18971_sh.jpg

2- الصافي يصلح حق المحمر والشيلاني (العيش الأبيض)
http://www.mekshat.com/pix/upload/images14/mk18971_ss.jpg

أدري يمكن تكون الصور غير واضحة فسمحلي :)

[gulfhunter]

السلام عليكم ورحمة الله وبركاته

حياك الله أخوي دسم الشوارب

اقول ماطلبت شي ابشر بالخير

الرابط هذا بتلاقي اللي انت طالبه
وهو موضوع اخوي معذب الشعري

اهداء لاعضاء ومشرفين منتدى مكشات

http://www.mekshat.com/vb/showthread.php?t=42999 (http://www.mekshat.com/vb/showthread.php?t=42999)

آدفل

الأخ آدفل...... الله يصبحك بالخير اخوي ...... شكلك عجل ودك بالشي بنفس الوقت .....عط الناس فرصه بالرد ولاتنسى انك انت اللي مستفيد واللي يبي يساعدك يعطل نفسه .... لازم تقدير له.....

وبعدين ليش ماساعدت الأخ دسم الشوارب ..... ليه تنتظر من غيرك المساعدة!!!!!!!!!!!!!!!!!!!!!!

تحياتي لكم وللجميع

[دسم الشوارب]

اخوي آدفل اشكرك لاهتمامك وإن شاءالله اهل البر واهل البحر كلهم خير وبركه وأكرر شكري لك على اهتمامك ولا تحرمنا من طلتك
اخوي بوراشد الا واضحه وما قصرت يالغالي ولشكرك لمرورك
اخوي gulfhunter الله يبقيك ويطول في عمرك ما قصرت يالغالي ما ادري وشلون ما انتبهت له وهو موجود ولا تحرمنا من طلتك وشكراً للإفاده
وهل من مزيد؟

[آدفل]

السلام وعليكم ورحمة الله وبركاته
اخوي دسم الشوارب تامر امر وانا والله يديد على المنتدى لو اعرف شلون انقل الصور جان نقلت لك صور خيمة الصيد البحري كلها باللي فيها ولو بيدي بعد جان والله اييبلك السمك اللي تبيه من سوق السمج للبيت يا خي دسم .
حبيبي قلف هنتر يا ليت اتشوف ردي عدل انا قلت له يروح خيمة الصيد البحري ويشوف انواع الاسماك يعني ما بخصت حقكم بشي على ما اظن وانتوا بعد فيكم الخير الللي رديتوا عليه وبوراشد ما شاء الله عليه رد بسرعه عقب كتابة الموضوع باقل من ساعه . واحنا حاضرين لاي مساعده بالشوفه يا دسم الشوارب ويا جميع الاخوان .

اخوكم
ادفل

[حاقد على لخمه]

والله ياخوى معندى صور فى الكمبيوتر

[دسم الشوارب]

اخوي آدفل اشكر على طيبتك ودماثة اخلاقك والله لايهينك .الصراحه أخجلتني ولا أدري شقول لك
أرجو ان يكون لنا لقاء وشكراً لمشاركتك المعسوله .
اخوي حاقد على لخمه يعني قصدك اجيك بالبيت وآخذ الصور :confused:
أنا إذا جيتك ابي آخذ السمك بكبره مب الصور :o
امزح :D
ياهلا فيك