المساعد الشخصي الرقمي

مشاهدة النسخة كاملة : رجه باترول 91


الشهري 666
16/09/2011, 03:00 AM
السلام عليكم ورحمه الله وبركاته
الحقيقه اشكر جميع اعضاء منتدى مكشات كافة والحقيقه استفدت انا وغيري من هذا المنتدى الرائع .
مشكلتي في رجه في الباترول اللي معاي موديله 91 الرجه في البدي كامل والطبلون ما خليت شي الا وسويته من خلال متابعتي لمواضيع الاخوان في المنتدى ولكن ما لقيت حل للمشكلة طبعا اول شي سويته غيرت الكفرات وسويت ترصيص ارضي فحصت عمود الدبل وعمود الدوران فكيت عمود الدوران الخلفي ومشيت على عمود الدبل تروح الرجه رحت لاكثر من ورشه يقولون لي غير عمود الدوران الخلفي رحت التشاليح وركبت عمود بداله ونفس المشكله الرجه ما زالت غيرت عمود ثاني من تشليح اخر ركبته نفس الرجه واربع اعمده اركبها نفس الرجه ماراحت قالوا اجل مو من عمود الدوران على الرغم اني اذا فكيته ومشيت على عمود الدبل يروح ما ادري وش المشكله وابي مساعدتكم تكفووون يالربع ومشورتكم وسلامتكم واسف اني طولت عليكم السالفه . مع جزيل الشكر
بدوي جنوبي
16/09/2011, 03:22 AM
عليكم السلام
حياك الله بمكشات
ينقل لقسم الاعطال
الشهري 666
16/09/2011, 03:27 AM
الله يحييك مشكور ما قصرت .
الشهري 666
16/09/2011, 01:30 PM
يالربع نبي فزعتكم .
امباله
16/09/2011, 01:46 PM
طيب فحصت رمانات الدفرنس الخلفي فحصت الدفرنس ورا بالدفرنس فيه صوت
فحصت القير لايكون فيه شي

طيب عندي لك حل بسيط فض القير يعني اذا كان اتومتيك خله على (N) واذا قير عادي خله على الفاضي وامش بالدبل وشف ا لرجه تروح ولا لا طبعا عامود الدوران يكون موجود لاتشليه
الشهري 666
16/09/2011, 11:41 PM
يعطيك العافيه اخوي امباله بفحصها بكره وارد لك .
الشهري 666
17/09/2011, 05:33 AM
يا اخ امباله ممكن توضح لي الحل اللي قلته لي كيف امشي بالدبل والقير يكون فاضي الله يعطيك العافيه .
الشهري 666
20/09/2011, 02:39 PM
وينك اخ امباله انتظر ردك
خرجاوي2009
20/09/2011, 02:55 PM
السلام عليكم
أخوي الشهري
مساء الخير لك وللجميع
ابي منك طلب
ابيك تسلمني على الخبير امبالا اللي يقول حط القير بالفاضي وامش بالدبل
الله يهديك شي بالعقل وشلون تمشي وهي بالفاضي او ب n
كانك تبي النصيحه بعطيك رقم راعي ورشه بالرياض
تروح له وتعطيه السياره وتشرح له الوضع وبأذن الله مايصير خاطرك الا طيب
وإن شاء الله انه يعطيك ضمان
0506606559
موقعه الصناعيه القريبه من حراج ابن قاسم
لو تكرمت علمني وش يصير معك
ولاتنسى امبالا من السلام
أقتراح بتنصيب أمبالا مشرف عام خيمة اعطال السيارات والخبير الميكانيكي بالموقع
sgl2002
20/09/2011, 09:29 PM
ياخوي مشكلتك انت قربت تحدد موقعها

يعني امش على الموتر واذا قام يرج فض القير وشف تروح الرجه او لا
الشهري 666
21/09/2011, 07:11 PM
بعد معانات وقلق نفسي وترددي الكثير على صناعيه الخرج لقيت المشكله , طلع العمود الداخلي للدبل يرج وهو يسبب رجه للموتر لكن ابي نصيحتكم وش الحل الميكانيكي يقولي غير الدبل كامل افضل من تفكك الدبل قطعه قطعه او تشتري العمود الداخلي من القطع الغيار لكن يقول سعره غالي وابي مشورتكم جزاكم الله خير .
قناص2000
21/09/2011, 09:51 PM
يفدونك الاخوان ان شاء الله
الشهري 666
23/09/2011, 01:01 AM
الله يعطيك العافيه جاري انتظار الاعضاء .....