نقص الماء في الباترول ولايوجد تهريب واضح.....فزعه

[slolyy]

موتري ينقص الماء اذا مسكت خط يتراوح النقص من لتر الى لتر ونصف علما انه لايوجد تهريب واضح غيرة غطاء الاديتر ولانفع

فزعتكم يا اخوان

[صالح ابو وليد]

غير الغطا اصلي لايحوس عليك الدنيا

[قرم العيال]

نفس المشكله ل صديق لي

http://www.mekshat.com/vb/showthread.php?t=435930

[أبوعابد 22]

يفدون الشباب أنشاء الله وين أصيل حجازي عنك
تراه مايقصر في ها الامور

[عطيب ومايغيب]

والله يأخي انا كان معي جيب تيوتا 97وينقص ولايوجد تهريب وصرت ازيد الماء كل حين وجلس معي سنتين

ولحين معي جمس ينقص كل حين وزيده ولم يتغير شي خله ونتبه له مدان النقص بسيط

[~EmPeRor~]

يالغالي

شيك على طبات الماء < ولا راح تعرف ان فيها تهريب الا باثر صدى فقط

واغلب شي يكون من الطبة اليى ورى طرمبة البنزين اذا موترك كاربريتر ( لان الطرمبة راكب بالمكينة )

[صريح المقال]

السلام عليكم ورحمة الله :)

أحيان يكون التهريب بسيط مثل ما تفضلت بحيث يتبخر فوراً بدون ما يترك أثر وهذي حصلت معي مرهـ بموتري ولقيت المشكلة بأحد الخراطيش الرئيسية :)
تقدر بعد ما تشغل الموتر وتروح مشوارك وترجع (بحيث تكون حرارته خذت وقتها وتمدد كل شي داخل المكينة) تشوف وتشيك على الخراطيش بحيث تضغط عليها إذى لقيت الخرطوش ينضغط معناته فيه مشكلة لأنه مفروض ما ينضغط معك :)
وتحاول تشوف إذى فيه تهريب لو بسيط بس الله يعينك أحيان مثل ما قلت لك يكون التهريب صغير جداً ويمكن من صغر التنسيم ما يطلع معه شي إلا بالحرارة العالية ( مثل حالتك إذا سافرت أو مسكت خط)

وهذي مشاركة مع الأخوان في تحديد أسباب التهريب ولا يعني كلامي ان هذي مشكلتك ، يمكن تكون مشكلتك أبسط وان شاء الله انها أبسط من كذا :)

وعسى أمورك تساهيل ان شاء الله :)

والسلام عليكم ورحمة الله .

[ابو ليان 111]

انا كان معي باترول 95 وينقص مويه
بافيدك بشي وعسى انه مايصير معك
اذا شغلت السياره ورحت مشوار ورجعت لاتطفي السياره افتح غطاء المكينه وشوفه من داخل اذا كان فيه شي مثل الحليب على اطراف الغطا من الداخل فراس المكينه فيه تنسيم بسيط والله يعينك

[رقم 1]

ياليت تشيك على القربة وتشوف هل هي تزود عند حدها
2 ياليت تتاكد من القربه اذا فيها تهريب والا لا
عندك عدة احتمالات
1-يا ان اللي الل في القربه قصير او طايح وسط القربه او منسد بحيث ان الاديتر ما يقدر يسحب المويه اللي فالقربه
2- يمكن يكون عندك تهريب في الطبات او في روس الخراطيش وخاصة اللي تسحب الماء للمكينه
3- يمكن يكون راس المكينة ويبين معك اذا صرا ت السيارة باردة وعبيتها مويه وشغلتها وخيتها شغاله ومع ارتتفاع الحرارة راح تطلع من الاديتر زي الفقاعات وتبقى مستمرة

ولي رجعه للموضوع بس انا طالع الحين جاتني شغله

موفق اخوي

[الصامل1]

شيك على الاديتر يمكن تلقا حلى او دلاله على التهريب وشغل السيارة ودوس وشف وين يطلع معه

[سفاري نجد]

صار معي نفس المشكله ,

غيرت غطاء الاديتر والقربه , والحمدلله مافيه نقص

عدد 2 غطاء اصليه من الحمراني

السياره سوبر سفاري 2003

[عبدالرحمن السالم]

حاول تشيك على القربه هي تنقص عندك او لا ، وزد ماء القربه للأخر بماء مقطر وجرب وشف

[slolyy]

الحمد لله تم اكتشاف المشكلة:p وهي من الماصورة مع لياته التي بجنب المكينه الايمن جهة عيار الزيت
وتم الاستبدال والحمدلله كل شيء تمام:good2:


اشكر الاعضاء على حسن التفاعل:D

[مركز حراره]

الحمد لله وحده