شوركم حول البيكال الروسية ام حبة.

[محب الرحمن]

ابشتري بيكال روسية وما ادري هل تنفع ولا لا للصيد ومدى تحملها وقوتها .
لأن بعضهم يقول هذي رياضية ما تنفع صيد ونبي شوركم يالنشامى.

الموصفات:
شوزن أم حبه بيكال روسية - عيارها كامل - طول السبطانة 28 انش - فل تشك ضوق الماصوره 18,4

[محب الرحمن]

يا ناس ٢١ زيارة ولا رد واحد.
صاحبها مستني رد اليوم. يا اقله تم يا لا.
وما عرفنا ناس تمدح وناس تذم.

[ابن مجدوع]

اخوي وش الفرق ؟؟ هي بترمي بترمي على طبق ولا على صيد !! مااشوف فيها فرق بين بندق رياضية ولا بندق صيد .. انا ماجربتها اخوي حتى افيدك .. تحياتي لك

[محب الرحمن]

الله يجزاك خير وما قصرت وننتظر رد اللي جرب.

[عواد الشمري2]

والله شف بنسبه للهذي مامرت علي بس ام حبه ام طلقه معروفه به بركه
وفيه مقوله تقال عندنا ((( ام طلقه تعشي راعيها وتعشي خوياه))) وانا جربت المقوه هذي وصدقت اخذت واحد من خوياي للنا مزرعه معه ام خمس وانا معي ام طلقه واحد ثالث معه ام طلقه يعني كلنا مانجي نص شوزنه حنى صدنا حوالي التسعه وعشرين صفاره وهو صاد حوالي ثلاثه بس

[محب الرحمن]

مشكور يالشمري.
وبيض الله وجهك ولا يهون الباقين.

[الشرطى]

أختها عندى تونى ماخذها يالغالى ترمى وتسوق أهم شى البيكال معروووفه تحب النظافه والعنايه.
اليوم صايدن بها من الصفارى لين قلت أمين وواحد معه البلجيكيه أم خمس ويقرب من الشجره تقول أن اللى معه ساكتون هوائيه .
شف يالغالى البندق من راعيها وام حبه عدتنى أنا وأخوانى وبعد العداء ولله الحمد صيدنا صفارى وخاضور وخمس دخلات فى أقل من 40 دقيقه قبل المغرب .
وش تبى أحسن من كذا .

[الشرطى]

نسيت اقول اشترها ولا تتردد

[محب الرحمن]

الله ينور عليك زي ما يقول اخونا المصرين.
تسلم والله خلاص باكلم الرجال والله يكتب لنا الصيد ويعطينا خيرها ويكفينا شرها.

[الشرطى]

بتدعيلى أنشاء الله .
يأخوى أقل شى جديده بشحمها حتى لو هى غاليه أفضل أنى اخذها ولا اخذ وحده عمرها أكبر من جدى له 30 سنه والناس تشعفها فى الشعبان لين توسعت ماصورتها وتلقاها تزم فوق من كبر السبطانه .

الله يبارك لك فيها مقدما ويكفيك شرها ويطعمك من صيدها .

[محب الرحمن]

اللهم امين والله يوفقك يالغالي.

[بيكال وغزال]

والله انها تبرد الكبد معي وحده زي الي تقول والله الموسم الي فات اني طارح فيها اكثر من مره ثلاث حبات قمري عيبها الندف قوي لانها اصلا الباروده قويه ملاحظه اذا شريتها لازم تمرنه في البدايه لين يركد رميها وخذ بندق بعدين:good2:

[المنذراوي]

افضل ام حبة جربته بحياتي ولا يمكن استغني عنها
تحمل الندف

[دلماوي 2008]

اخوي هذي تصدم مب ندف بس

نصيحه لا تتعدى استفنز ارخص منها وافضل رمي طبعا 32 انش

[ابو فارس حايل]

ههههههههههههه دلماوي الله يقطع بليسك
وبنسبه لاام حبه خذلك ام سيلان لو مستعمله

[عين حصنان]

قبل كم يوم رديت عليك على طول مع الشرح والصور


في الموضوع الثاني رابطة البيكال

على هذا الرابط

http://www.mekshat.com/vb/showpost.php?p=7277507&postcount=602


بارك الله فيك

[محب الرحمن]

مشكوريين يالاخوان.
ناس تمدح وناس تذم.
ولكن اشكر كل عضو على مشاركته.
بتوكل على الله وبشتريها وانتظروا تقريري حولها.

والسلام عليكم.