إستفسار عن سعر نيسان 99.....لخبراء النيسان..مع التحية [الأرشيف]

أميرالعشاق

16/09/2011, 11:17 PM

السلام عليكم ورحمة الله وبركاته
إخواني الكرام..
أحد أقاربي يرغب في شراء سيارة عائلية
ومناسبة للرحلات البرية..وبسعر معقول..
وبالأمس وجدنا بأحد المعارض سيارة نيسان صالون موديل 99..العداد 300,000..القير أوتوماتيكي..ودبل
السيارة مفحوصة والإستمارة مجددة
السيارة مرشوشة بالكامل ..وخالية من السمكرة
السيارة بها مكيفين..وثلاجة بين المقاعد الأمامية
والمظهر العام/نظيفة من الداخل والخارج ..وتم تغيير الأذرعة والمساعدات وبعض القطع والفاتورة من الوكالة منذ أسبوعين..الجنوط شد بلد وسليمة
والكفرات جديدة
المحركات والدبل على شرط صاحب السيارة.....
وصاحب السيارة طلب 42000 ريال؟؟
وبما أن ليس لدي خبرة كافية في سيارات نيسان ..
قلت ما لنا إلا الإستعانة بالله ...
ثم نستشير إخواني المكشاتيين..
إخواني الأفاضل/
هل تنصحونه بشراء السيارة؟؟
وهل هذه القيمة مناسبة للسيارة؟؟
هل القير الأوتوماتيكي يعتبر من عيوب السيارة؟؟
..
وجزاكم الله كل خير

Abusliman

16/09/2011, 11:51 PM

مرشوشه كاامل وتوماتيك وماشي 300 غااالي بالحيل
بس ابعد عن المعارض السيارة الي تسوى 20 يبيعونها بـ 30 والي تسوى 30 بـ 45
اجل الاسبوع الي راح لاقي هلي غمارة 2007 ماشي 180 والبدي لك عليه وحادهـ بـ 47 سلامااااات
لا بغيت تشري موتر اشرر من الي يدورون تلقاهم الخميس والجمعه او شف موقع حراج يمكن تلقى شي يعجبك
خذها قاعدهـ واحد عااارف السووووق ابعد عنه يعني معارض شريطيه ابعد عنهم
وترا المعارض نفس الشريطيه بس المعرض شريطي كبييير
والموتر الي تكلمت عنه اشوف حقه بالكثير 35
عاد نشوووف اراااء الاخوان

العتيبي 88

17/09/2011, 12:11 AM

كيف حالك ياغالي

تبي راي أخ لأخـــوه .. لاتأخذ الموتر هذا لماذا ؟ القير الاتوماتيك يبي يرفع ضغطك .. ثانيا السعر غالي ومرشوش رقعهاا اجل .. واذا يبي باترول لاياخذ الا من 2002 وفوق واذا ماعنده فلووس يدور له 98 بس قير عادي .... حتى لو ماشي بس لاتأخذ الا بخاخ وقير عادي لا الكلبليتر يبي يجننك ويصرف بنزين ... هذا من واقع تجربه والموتر ترى غالي ..

بقوولك شي اذا بيستخدم لاتأخذ من المعارض دور للك واحد بيد راعيه وخذه لو فرق 3000 ريال عن السوق بس المهم يكون راعيه معرووف والموتر يستاهل ..

مقطع العروق

17/09/2011, 12:21 AM

تبي نصيحتي غير القير العادي لاتاخذ الا في الفتك خذ اتوماتيك

الاتوماتيك في 2001 ونازل يرررفع الضغط وعزم ضعيف

وسعره بنظري غالي وبتلاقي انظف منه بسعره لا وممكن اقل بعد

وجهة نظر خاصه فيني من واقع 4 اشهر بالمعارض مسنتر

غير الخبرات السابقة خخخخ

والله يرزقك البيعه اللي تسرك

أميرالعشاق

17/09/2011, 12:33 AM

مرشوشه كاامل وتوماتيك وماشي 300 غااالي بالحيل
بس ابعد عن المعارض السيارة الي تسوى 20 يبيعونها بـ 30 والي تسوى 30 بـ 45
اجل الاسبوع الي راح لاقي هلي غمارة 2007 ماشي 180 والبدي لك عليه وحادهـ بـ 47 سلامااااات
لا بغيت تشري موتر اشرر من الي يدورون تلقاهم الخميس والجمعه او شف موقع حراج يمكن تلقى شي يعجبك
خذها قاعدهـ واحد عااارف السووووق ابعد عنه يعني معارض شريطيه ابعد عنهم
وترا المعارض نفس الشريطيه بس المعرض شريطي كبييير
والموتر الي تكلمت عنه اشوف حقه بالكثير 35
عاد نشوووف اراااء الاخوان

ماقصرت أخي الكريم/أبو سليمان..
وجزاك الله خير..وفعلاً..المعرض/شريطي كبيـــــــــــــــر

أميرالعشاق

17/09/2011, 12:36 AM

كيف حالك ياغالي

تبي راي أخ لأخـــوه .. لاتأخذ الموتر هذا لماذا ؟ القير الاتوماتيك يبي يرفع ضغطك .. ثانيا السعر غالي ومرشوش رقعهاا اجل .. واذا يبي باترول لاياخذ الا من 2002 وفوق واذا ماعنده فلووس يدور له 98 بس قير عادي .... حتى لو ماشي بس لاتأخذ الا بخاخ وقير عادي لا الكلبليتر يبي يجننك ويصرف بنزين ... هذا من واقع تجربه والموتر ترى غالي ..

بقوولك شي اذا بيستخدم لاتأخذ من المعارض دور للك واحد بيد راعيه وخذه لو فرق 3000 ريال عن السوق بس المهم يكون راعيه معرووف والموتر يستاهل ..

حياك الله ..أخي الكريم/العتيبي88..
وجزاك الله خير على نصيحتك..
وكلامك على العين والراس يالغالي

أميرالعشاق

17/09/2011, 12:43 AM

تبي نصيحتي غير القير العادي لاتاخذ الا في الفتك خذ اتوماتيك

الاتوماتيك في 2001 ونازل يرررفع الضغط وعزم ضعيف

وسعره بنظري غالي وبتلاقي انظف منه بسعره لا وممكن اقل بعد

وجهة نظر خاصه فيني من واقع 4 اشهر بالمعارض مسنتر

غير الخبرات السابقة خخخخ

والله يرزقك البيعه اللي تسرك

جزاك الله خير أخي الكريم/مقطع العروق..
على نصيحتك...وكلامك على العين والرأس..وفقك الله يالغالي

أميرالعشاق

17/09/2011, 12:47 AM

إخواني الكرام..أبوسليمان...العتيبي....مقطع العروق..جزاكم الله خير..
أحب التأكيد بأن السيارة يرغب بشرائها أحد أقاربي..
وقد إستشارني..ويبدو أنه معجب بالسيارة ويرغب بشرائها..
فطلبت منه أن ينتظر ردي غداً بعد أن أستشير الإخوان في مكشات..
وفقكم الله..ولكم مني كل الود والتقدير

riyadh5113

17/09/2011, 01:05 AM

وعليكم السلام ورحمة الله وبركاته
اخوي الغالي لاتقرب تومتايك انا كان معي واحد وهبلبي يالله يمشي في الخط واذا نطحني هوء في الطريق مايتعدا 120 سرعه لاكن داخل ديره ينفع وفي الطلوع يمرضك اذا تبي توماتيك خذ من 2002 فتك وفوق
اما سعره احس انه غالي لاني معي سوبر سفاري98 توه يطق 300ك مافيه الا زوية ارفرف والكبوت طقه خفيف والباب اليمن من تحت ومسويله تربيط كامل وتشيك كامل على المكينه والمحركات ودخالت فيه المعارض ماجاب الا 38 الف ومابعته والحمدلله الحين استخدمه اذا جب قيمه زينه ولا خليته يكد معي
وشوف سعر الي انت ذكرت حار شوي
وتركد وان شاء الله تبي تحصل الموتر زين لان المرشوش كامل صراحه يخوف شوي
والله يرزقكم الموتر الي فيه خير

مقطع العروق

17/09/2011, 01:06 AM

اخي العزيز امير العشاق

الواحد وده يشتري سيارة بدون وجع راس لاني جربته باثر من سيارة فعشان كذا قلت هالكلام

اكيد اي واحد يبي سيارة يستخدمها ويخسر عليها مبلغ محدود مو مبالغ طائلة احيانا تجيب قيمة سيارة احدث مديل واقل ممشى وافضل في جميع الحالات

والله يوفقه نصيحتي مرة ثانية يبعد (( يبعد ))

ولك مني اطيب تحية

ولد ام الساهك

17/09/2011, 01:43 AM

السلام عليكم
بخصوص السعر يتفاوت على حسب النظافه ؟ هذا من وجهة نظري ؟
واحد من الشباب مشتري سوبر سفاري موديل (99) اللون زيتي فقط فيه عطل في الفتحه مع نافذه السائق والله مشتريه بمبلغ وقدره (28000) ريال من اهالي الشرقية .
وشخص اخر اشترى موديل (99) نصف فل ؟ 30000 ريال طبعا القير توماتيك

أميرالعشاق

17/09/2011, 05:40 PM

إخواني الكرام..
أشكر كل من مر على الموضوع وكل من نصح ...
وجزاكم الله كل خير

قناص خلاوي

17/09/2011, 10:55 PM

ماقصروا الربع
ولو كنت مكانك ما شريت الموتر ولا بـ 30000 ألف
مابقى من العيب شي ماهوب فيه
مرشوش وقير عادي وماشي 300 الف

نور نور

17/09/2011, 11:09 PM

الزين يستاهل

ضامي لشوفك

18/09/2011, 06:09 AM

أفادوك الاخوان

سيف القحطاني

03/10/2011, 09:16 AM

عندي99 بخاخ ابيض قير عادي
ماشي تقريبا 275 للبيع مسيوم ب 42
والبيع قريب وعلى الفحص ماعلى ذمتي شي
السياره واقفه في البايكه من مدة 5 اشهر بسبب
اني مسافر والموقع القصيم وشكرا