المساعد الشخصي الرقمي

مشاهدة النسخة كاملة : من سواليف راعي العجراء ( قصة الخروف والشماغ )


راعي العجراء
17/09/2011, 11:45 AM
لسلام علاكم ورحمة الله وبركاته

اليكم سالفه شماغ العيد والضحيه

في سنة من السنين قرر راعي العجراء ان يضحي لجده رحمه الله ووالديه
فقبل العيد اخذت اجمع ريال ريال قرش قرش حتى وصل مجموع ماعندي 40 او اكثر او اقل منها قروش حديد هلل فئه اربع قروش لو يطيح على اصبعك مابغيت غيرها يواسيه مع الارض من ثقله وقرش وقرشين
وكانت الغنم رخيصه ذلك الوقت 150 ريال اطلق ضحيه من النوع النجدي هذا بعد ارتفاع اسعارها وبالسايق اقل من مئه ريال
المهم قال الوالد رحمه الله ابروح اشتري ضحايا قالت بعد انا ابي وحده اضحي بها لجدي قال كم معك قلت هالكثر قال مايخلف اكمل الباقي فرحت اشد الفرح حسيت نفسي اني رجال
وانا توي صغير ماغار اروح للمرأيه اشوف اشنبي هو طلع والا لا وبالصحيح لو اسحبه بزراديه ثلاثة ايام ماطلع شعره وحده طويله
شرينا الضحايا وجبناهن بالبيت قالت الوالده رحمها الله مادامك تبا تضحي اجل ابشتري لك شماغ صرت رجال ويوم حسيت اني كبرت زياده في عيني
وكان من اول تجي الشمغ لفه كامله ومحدد محل القص مثل السماط ولكن يابسات لازم تغسل قبل
راحت امي للسوق واشترت شماغ وطاقيه عليها رسمات ورد لاشفت شكلها تقول مطرحه
فراش المهم زادت فرحتي افراح وقبل يوم العيد غسلت امي شماغي الجديد وحطته على الحبل حتى ينشف في بطن البيت او مثل مايقولون اهل الرياض في بطن الحوي والبيوت هاك الزمن من الطين
المهم جاء الليل ونمت بدري حتى استعد للعيد ابكشخ بالضحيه والشماغ والطاقيه والثوب الخام مثل كيس الطحين من اول
ولكن ماهي مفاجئه يوم العيد
الخروف طلع من الحوش واكل شماغي اللي على الحبل وغص فيه ولاقدر يطلعه وربعه الدبش ماواحد منهم فزع ماغار مباع مباع المهم الخروف مات والشماغ ماكول مابقى الاطرفه تقول فتيلة اسراج بحلق الخروف ويوم صحيت الصبح وولا الخروف رافع كراعينه وشماغي راح الله يخلف مابقى الا الطاقيه زين امي ماغسلتها
وتلاشت احلام راعي العجراء ورجعت كما كنت صغيرا
والله يعوضنا خير
وخذ ياصياح الناس تعيد وانا عيوني اتقول اسطبات جمحيات اللي تجي على الجموس
فقال الوالد اسكت وباكر اشتري لك ضحيه قلت لا ماابي الا خروفي كن مايضحي الا ذاك الخروف ولكن الفرحه راحت مع يوم العيد الاول
انتهت السالفه
وارجوا منكم ان تتقبلوا سواليف راعي العجراء برحابه صدر
وفي الختام
سبحانك اللهم بحمدك لااله الانت استغفرك واتوب اليك
النبهاني
17/09/2011, 12:24 PM
وعليكم السلام ورحمة الله وبركاته
ياهلا بك ياراعي العجراء والله نقولها من القلب
القلب اللي تعود على انجع ادوات نظافه ( من وارد راعي العجراء )
قلب الصدرالذي يتسخ يومياً من غرابيل الدنيا ومشاكلها وهمومها كما تتسخ الاجسام من الغبار المشبع بالرطوبه
فلا يجد الا سوالف راعي العجراء التي هي كفيله بإزالة هذه الهموم
فهل تعلم ياراعي العجراء بان طرحك هو متنفس لي
كيف لا وشماغك فتيلة السراج يضيء لي في دروب الهموم المظلمه
لن أطيل وأقول لك
رحم الله والديك وأسكنهم فسيح جناته
وحفظك الله لأبناءك وحفظهم لك
الهواويه
17/09/2011, 12:30 PM
ياهلا والله براعي العجراء وسواليفه
وش هالحظ لا شماغ ولا ضحيه
الله يوسع صدرك واصل ابداعك ونحن بانتظارك
اختك..الهواويه
أبوعابد 22
17/09/2011, 01:02 PM
ياهلا والله وغلا بأخونا راعي العجراء

مشاء الله وش ها السواليف الزينه

ننتظر جديدك من المواضيع الي تسر الخاطر
سليمان الربيعان
17/09/2011, 01:56 PM
ههههههههههههههههه بالعافيه على الخراوف
اجل لوانك داري ان الغنم بيرتفع سعره كان شريت ما قد فلوسك
وتصير تاجر اغنام وتشوف نفسك علينا هههههه امزح معك :D
واصل ابداعك الجميل وتميزك الرائع ...
تقبل تحياتي...
Al3rands
17/09/2011, 02:11 PM
ههههههههههههه الله يخلف وش هالقراده لاشماغ ولا خروف
أبو سعد البري
17/09/2011, 02:17 PM
ههههههههههههه
اضحك الله سنك
وردة النفل
17/09/2011, 02:47 PM
ههههههههه
والله قرادة حظ وياشين العيد اذا تكدر خاطرك
سالفه طيبه يعافيك ربي راعي العجراء
وتستاهل 100 نجمه
عيسى عبد الله
17/09/2011, 04:46 PM
خخخخخخخخخخخخخخخخ

يامال العافيه ...

ساله طيبه من وجه أطيب ....

لاخلا ولاعدم يالغالي ....
محمد الظاهري
17/09/2011, 05:02 PM
هلا وغلا براعي الشماغ
ماشالله عليك يا راعي العجراء
معجبينك ومحبي قصصك بكثره
وانت جذبتهم بسرد وقصصك الرائعه
وكل شخص يتعلق بك
هاذا ما اتضح لي في قرائة الردود وعدد الصفحات
اهنيك على هاذا
وانت مكسب لنا في هاذي الخيمه
اشكرك جزيل الشكر
وننتظر القادم من روائعك
تحياتي وودي
ناصر العلي
17/09/2011, 05:10 PM
وعليكم السلام ورحمة الله وبركاته
سلمت يالغالي على هالقصة الممتعة
أما عليك حظ:good2:
أحمد ربك ماأكل خروفك الكورجة كلة:D
دمت بود يالغالي
قوافي ( أم نهار )
18/09/2011, 10:06 AM
حياك الله اخوي
رحم الله كل غاليينك من الاهل والاحباب
حسيت بزعلك على الشماغ والخروف وخراب العيد عليك
الزعل وصار بذاك الوقت وانتها لكن اجمل ما بالموضوع ذكراه الان
ذكرا المواقف مع الاحباب ووش سوو عشان يراضون ويطيبون الخاطر
هي الذكرا الحقيقيه للي صار بالعيد ولا كان نسيته وصار عيد مثله مثل غيره
اخي الكريم راعي العجراء
تشدني سوالفك الجميله لبساطتها وقربها لكل من يقرئها
فهي عنوان لجمال وموازنه الحروف بإبداع الروح الفكاهيه
حفظك الله
تحياتي.اختك
..قوافي..
تلميذ
18/09/2011, 02:31 PM
رزقك الله حتى الرضى
يبدو أن هذأ الاسبوع أسبوع الخرفان في الخيمه

ورحم الله والدتك وجمعك بها ومع من تحب
في جنات عدن
ابو ماجد 2
18/09/2011, 02:39 PM
هههههههههههههههه
هلا بك ياراع العجراء
والله ان سواليفك تقعد الراس
وانا اقول راع العجراء وراه مايداني الخرفان اثره عقده نفسيه ترسبت منذ نعومة اظافرك
ولو الظاهر ان النعومه مامرت فيك
ههههههههههههههههههه
هلا ومليون هلا
عليك تواصيف يالغالي تزيد الحلا حلا
نجم000الشمال
18/09/2011, 11:31 PM
ماشاء الله عليك ياراعي العجراء
حظك اقشر ... نكبتين في وقت واحد راح الخروف بشماغ راعي العجراء ، لكن انشاء الله ان نيتك بلغت عن جدك الله يرحمه .

الله يسعد ايامك ولياليك اخوي.
ابو صفوق
19/09/2011, 07:02 AM
هههههه الله يجزاك خير
رحمتك اجل لاذبيحه ولاشماغ يسلم راسك يابعدي
الله يرحم امواتك واموات المسلمين
حمد69
19/09/2011, 08:06 AM
الله عليك يا راعي العجراء وسواليفك الزينة الله يغفر لوالديك.. الله يفرح قلبك ويسعدك في الدنيا والآخرة كما اسعدتنا ..تصدج هذا المقطع خلاني ادق سلف حتى ادمعت عيني ...

الخروف طلع من الحوش واكل شماغي اللي على الحبل وغص فيه ولاقدر يطلعه وربعه الدبش ماواحد منهم فزع ماغار مباع مباع المهم الخروف مات والشماغ ماكول مابقى الاطرفه تقول فتيلة اسراج بحلق الخروف ويوم صحيت الصبح وولا الخروف رافع كراعينه وشماغي راح الله يخلف مابقى الا الطاقيه زين امي ماغسلتها

وتلاشت احلام راعي العجراء ورجعت كما كنت صغيرا
كلك وفاء وكرم غير متصنع من صغرك والدليل عزمك التضحية لجدك رحمه الله
إلا ذكرتني بزمان الحوي قبل ما نتطور ونسميه حوش
والطاقية القطنية ام ورد لما يجيبونها لنا الحجاج
حفظك الله اُخيّ .. تقبل مني سلامي وتحاياي
-ظل الجزيرة-
19/09/2011, 08:43 PM
خخخخخخخخخخخخخخخخخخخخخخخخخخخخخخخخخخخخخخخخخخخخخخخخخخ خخخخخخخخخخخخخخخخخخخخخخخخ

اضحك الله عجراك
أخت البنات
20/09/2011, 01:35 AM
http://t2.gstatic.com/images?q=tbn:ANd9GcQJz15ckc1miG3UOXvPK9OY2PG5RqTUr S4AV6xmmNG-AOf7i9j1CQ
ياراعي العجراء :)
والله لما قريت هالوصف
الخروف طلع من الحوش واكل شماغي اللي على الحبل وغص فيه ولاقدر يطلعه وربعه الدبش ماواحد منهم فزع ماغار مباع مباع المهم الخروف مات والشماغ ماكول مابقى الاطرفه تقول فتيلة اسراج بحلق الخروف ويوم صحيت الصبح وولا الخروف رافع كراعينه وشماغي راح الله يخلف مابقى الا الطاقيه زين امي ماغسلتها
ضحكت ودعيت لك من قلب :) يعوضك بكل خير يارب
راعي العجراء
20/09/2011, 11:56 AM
وعليكم السلام ورحمة الله وبركاته

ياهلا بك ياراعي العجراء والله نقولها من القلب
القلب اللي تعود على انجع ادوات نظافه ( من وارد راعي العجراء )
قلب الصدرالذي يتسخ يومياً من غرابيل الدنيا ومشاكلها وهمومها كما تتسخ الاجسام من الغبار المشبع بالرطوبه
فلا يجد الا سوالف راعي العجراء التي هي كفيله بإزالة هذه الهموم
فهل تعلم ياراعي العجراء بان طرحك هو متنفس لي
كيف لا وشماغك فتيلة السراج يضيء لي في دروب الهموم المظلمه
لن أطيل وأقول لك
رحم الله والديك وأسكنهم فسيح جناته

وحفظك الله لأبناءك وحفظهم لك


اخي النبهاني
الله يسعد ايامك بالمسرات
لاتعرف مدى فرحتي حينما اشاهد معرفك في متصفحي
فكيف اذا كتبت هذه العبارات القيمه التي تنبع من شخص عزيز على قلبي
واتمنى ان اكون وفقت في طرحي مواضيعي على اكمل وجه
وان ارسم الابتسامه بين محبي راعي العجراء وعمته منيفه
وفقك الله ودمت بود
قوافي ( أم نهار )
15/08/2013, 12:10 AM
السلام عليكم ورحمة الله وبركاته
من السوالف الجميله واللتي تستحق أن تُرفع لتُقرأ وبما أن هُناك الكثير من الاخوه الأعضاء الجدد واللذين لم يقرئوها فأستئذن اخي الفاضل راعي العجراء برفعها ..
تحياتي وتقديري واحترامي
..قوافي..
بياض المسك
25/08/2013, 01:45 AM
ههههههههههههههههههههههههههههههههههه
ماشاء الله عليك أخي الكريم
الله يسعدك مثل ماتسعدنا بسواليفك وترسم البسمه على وجيهنا
الله يرحم موتكم وموتانا وموتى المسلمين أجميع ويجمعنا بهم بجناته الفردوس
الحمد لله أنك من الاحفاد البارين للاجداد والوالدين
وانك فكرته تضحي لجدك وان شاء الله نيتك بلغت
أن شاء الله حظك صار يزين مع الايام
ابوعدي
26/08/2013, 10:55 AM
اسعد الله ايامك ياراعي العجراء قصة رائعه
طيب كان قلبت الخروف سراج وولعت بالفتيله ههه
شكرا لك
ابونبيل
16/09/2013, 09:32 PM
طلع لك كتاب صدقني اشتريه على طول