امس كفشت احد الشريطية الحرامية بمعارض بريده

[رسّام]

السلام عليكم ..

حقيقة حصل موقف امس معي والله العظيم مو مصدق اللي قاعد يصير
غش وتدليس من اجل 3 او 4 الاف ويحصل من رجل مسلم لاحول ولاقوة الا بالله


الحاصل اني بعت موتري فورتشنر برمضان وكانت عداد المسافات 59 الف وكسور

واليوم قاعد اتمشى بالمعارض واشوف الجيب بالسراء مع السيارات

رحت سألته كم يسام قال 96 الف
قلت كم ماشي قال 20 الف ؟؟ دخلت راسي مع القزاز وناظرت العداد والا 20 الف صحيح
قلتله وشلون 20 الف وانا يوم ابيعه ماشي 60 الف
قال مهب شرط انه حقك
طيب الموتر لوحتة ماتغيرت ولصقت ساهر ماتغيرت وعلامه الابل (التفاحه) بمكانه
وقاعد الدي في دي بمكانه
حتى مخوش النسافات عقب كشتة جبال محجه واضحات
قال ابد مهب صحيح
مشيت وخليته وانا اقول كيف يسمح له ضميره يسوي كذا

عموما الحذر ياخوان من هالنصاب وتراه مابيع الموتر اليوم واكيد الجمعه بيكون موجود

الجيب Vx1 تماتيك 2010
لوحته ا ن ب 6000
اللون ابيض

حسبي الله عليه وعلى امثاله

[مالك أمل]

حسبي الله ونعم الوكيل

[obic]

حسبي الله عليهم ولا حول ولاقوه إلابالله

للاسف هذه الظاهره منتشره من الشريطيه وغيرهم من اجل الف ولا الفين

لاكن ما اقول إلا حسبي الله عليهم

[بن فليج]

الله يجزاك خير ويكتب أجرك

[صاحب الكشتات]

بيض الله وجهك وجزاك الله خير

[لهذام]

بيض الله وجهك على النصيحه
ولابارك الله في الغشاش

[بومحيمل الخالدي]

عليكم السلام ورحمة الله وربكاتة , ,

لاحول ولا قوة ألا بالله

ياخوي بعضهم ماعنـدهم ذمـة

و الله لو تجيب لك تريلة أنها تاخذ له لفة دوار في ذمته :)

يعني يطيح العداد ويغش العالم وعلى قلت لجل يكسب كم ألف

وأن كان المكسب كثير لكن خلطت فلوسك اللحين وهل تدري أنها حلال أو حرام

الشريطية تدنس أخلاق الشخص ,, ,

و الله مهما كان الشريطي من خوي لك لابد تنتبه له

أسأل الله الهداية لهم

[ذيب الجلاميد]

السلام عليكم ورحمة الله وبركاته

اخوي رسام الغريب ليس بالغش فقط

الاغرب من ذالك كيف استباح مال اخوه المسلم ...... والعجيب كيف استطاع ضميره ان يدنس ويبخس في البيع
والعجب العجاب ... اتمنى ان اعرف مايدور في راس كل غشاش هل يعتبرها رجوله والا استذهان والا استغفال والا شجاعه ام غليبه ... والله ثم والله منيتي اسال كل غشاش هذا السؤال ..؟

[زاجل2000]

قال النبي (صلى الله عليه وسلم):طوبى لمن شغله خوف الله عز وجل عن خوف الناس، ومن غش أخاه المسلم نزع الله بركة رزقه وأفسد عليه معيشته ووكله إلى نفسه). ...

[خالدالشمال]

حسبي الله عليهم ولا حول ولاقوه إلابالله

للاسف هذه الظاهره منتشره من الشريطيه وغيرهم من اجل الف ولا الفين

لاكن ما اقول إلا حسبي الله عليهم

[ابو شدون]

بارك الله فيك اخي الغالي
وسوف يأتي يوم يتحسف على فعلته

[أفلاطون العرب]

ههههههههههههه


ياحبيلك يارسام ...

ومابعد شفت شي ..

وش رايك ان في واحد من الشريطيه يحلف ان واحد من عيال عمه فاك الموتر الي هو عارضه للبيع

وانا كنت شاريه قبله سنه ومستعمل بعد ...

تحياتي لك ..


والله يجزاك خير

[hmody00]

طيب بمثل هالحاله لازم نتكاتف ضدهم..وكل واحد عنده علم وطريقة كشف هالاساليب وتصفير العداد وبعض حيلهم...اللي عنده خبرهـ يعلمنا...

[جيب شراع]

الله لايوفقهم

[شعيب مشار]

غش هذا

والفلوس اللي تجي من الغش اعتقد إنه حرام او مايدري هـو ؟؟

اعوذ بالله

شلون يطاوعه قلبـه يوكـل اهل بيته من مال جايه من الغش؟ !

[مقطع العروق]

اولا
لاخوي صاحب الموضوع اشكرك لنصحك وتحذيرك اخوانك
ثانيا
وبعدين معاههم ... الوالدة دايما تقولي اللي ما يخاف الله خف منه ..
مافيه اي حماية لمستهلك السيارة ابد .. ياخي مثال اللي يوقفون العدادات ولا يغير العدادات او يعمل اي تغير المفرض يحاسب عليه ويعاقب ويحقق معه
لان ما اضنها تزيد عزم السيارة ولا تفيد بشيء عدى السيارات القديمة او التراثية

ولكن لا حياة لمن تنادي

[زمان وطاف]

ههههههههههههه


ياحبيلك يارسام ...

ومابعد شفت شي ..

وش رايك ان في واحد من الشريطيه يحلف ان واحد من عيال عمه فاك الموتر الي هو عارضه للبيع

وانا كنت شاريه قبله سنه ومستعمل بعد ...

تحياتي لك ..


والله يجزاك خير



والله الذي لا اله الا هو


انوهـ نفس موقفي


بعت لي ددسن 2008 دبل

العام الماضي


صاقع به وجهيه:D


وماهي أي وجهيه بعد


بعته بخمسين ألف


ومن بكرا لقيته بمعرض يقول مسيومه


بـ56 الف


قلت مايخالف اللهم ارزقني وارزق مني


قلت انت فاكه وكاله


قال خويي هو الي فاكه


والموتر نظييييييف لا تدور وخوي الي فاكه راعي محافظه على المواتر


قلت ماشاء الله


يعني مابه سمكرهـ قال أبد:mad:


قلت ياخي هذا موتري أنا الي فاكه


وجايته وجهيه وشلون تقول هالكلام:D


والله العظيم انوهـ طاح وجهوهـ

ودوهـ


الارض منشقه وبالعته ولا حصله هالموقف


قهرن هالنصااااب



انتهى الفلم.:p



طيب هالي يفصلون الطبلون أو يرجعون ممشاهـ
مالهم حل


يقولون ان فحص الكمبيوتر يطلع لكـ الممشى حقيقي أو لا


هالكلام صحيح ولا لكـ عليه



والسلام خير ختام

[نديم السهر]

اكبر نسبة غش بمعارض السيارات


واللوم مو بس على شريطيه ناس كثير لاباع سيارته مايعلم بخرابها الا من رحم الله

[ايقاع المطر]

نفس الموقف صار لابن عمي باع جيب شيروكي موديل تقريبا 2003
باعه فالرياض ب29 وممشاهـ 159 طبعا هالكلام قبل 3 سنوات او اكثر المهم بعد 8شهور من البيعه
راح يبي سيارة جديدة من المعارض في جدة ويلف من معرض لمعرض ويلاقي ذاك الجيب الي موغريب عليه
ونفس اللوحه والخدوش الي كانت موجوده سال الي فالمعرض كم الجيب الشيروكي قله اربعين ياهو نهايته كم
قال ماينقص ريال وشاف الممشى ولقيه 59 قله متاكد من السيارة ممشاة 59 قال العامل السيارة على الشرط مامشت قاله خوينا هذي سيارتي وبعتها كانت ماشيه اكثر من كذا تغشون الناس
الا العامل قال مدري صاحب المعرض هو الي جاب السيارة وقام يبربر طولت عليكم بس هذا
الكلام من زمان ماشين عليه وسلامتك

[majedasm]

انا ما يبط تسبدي الا اذا قال والله ان الموتر استخدام شايب او استخدام مهندس هندي بقطر

[رسّام]

حسبي الله عليهم

هذا يوكل عياله حرام

الله يبعدنا عن الحرام

شكرا لمروركم اخواني

[ابوهشام 21]

اللهم اهد ضال المسلمين..

[الصقر الحربي]

حسبي الله عليهم


قبل فتره واحد من اخوياي باع جمس فالحراج كان محتاج فلوس باعه 15 ألف


المهم بعد كم يوم وحنا نحصله موقف بمعرض ونحصل ذاك الشايب ونسأله عن الجمس كم سعره ويقول سعره 25الف
ونسأله كيف السيارة ويقول أبد السيارة مخزنه لها عندي 4 سنوات والمكينة والجربوكس على الشرط
والمشكله يحلف ويقسم على كذب وحنا بايعينه قبل يومين.


واحيفاه على الشيب اللي في وجهك عللشان كم قرش تحلف كذب

[الاداري]

حسبي الله ونعم الوكيل

هناك رقم للمرور برسالة او عن طريق الحاسب الالى بالمرور

تعرف كم شخص استخدم االسيارة وفى اي تاريخ ادخلت الجمارك

[هوى الشرق]

اللهم ارزقنا من حلالك عن حرامك
ايه تكفون حطو ارقام لوح السيارات اللي كذا علشان نأخذ حذرنا

[ابورايف]

حسبي الله عليهم
والله انهم يشكلون خطر كبير
الله لا يوفقهم
الله يعطيك العافية
على تنبيهك
وتقبل مروري وردي

[قناص خلاوي]

هالوقت لا تستغرب شي
الناس همها تملى جيوبها
ولا يهمها من حلال أو حرام
الله يهدي الجميع ويرزقنا الحلال أجمعين




قال النبي (صلى الله عليه وسلم):طوبى لمن شغله خوف الله عز وجل عن خوف الناس، ومن غش أخاه المسلم نزع الله بركة رزقه وأفسد عليه معيشته ووكله إلى نفسه). ...



أخوي زاجل بحثت كثير عن هالحديث
ماحصلته الا في مواقع الرافضة
ولا يخفاك مدى اهتماهم بالأحاديث وصحتها
ياليت اذا تعرف تخريجه تفيدنا فيه لاهنت

[عفشك مكمل]

الرسول صلى الله عليه وسلم استعاذ من فتنة المال والنساء

وحنا بزمن ضاعت فيه الامانة الا ماندر

العلاج انك تبذل السبب وتحتاط حتى من اقرب الناس لك خاصة بهالأمرين

[قناص علية]

أخوي لا شفته ثانية بلغ عليه شيخ المعارض

سمعت إنه يغرمه أو حاجة مثل كذا . طبعا سمعت

[شطااااب]

السلام عليكم ورحمه الله وبركاته
اولا ياخوان موضوع حساس وصراحه حاصل كثير مثل هالموضيع ولكن ماء شدني في الموضوع حرص اخوانا وخوفه على الناس ان تقع في السياره بغير على ياليت الكل يقتدي به واذا باع سياره وحصله يكتب لوحتها
الله يجزاك خير ياخوى وفقك في الدنيا والاخره

[شطااااب]

موضوعي انا بخصوص العدادات وترجيعها انا اعرف شريطي وقالي عندي كم سياره ابغاك تجيبها معي قلت تم ابشر وهي من انواع هايلكس 2005 ماشيه 370 وكامري 2001 ماشيه 600 الف وكامري 2001 ماشيه 310 والله والله ياخوان شوفي بعيوني الهايلكس خلها 70 الف ولمعه ويحلف عليها والكامر خلها ماشيه 200 والثانيه 180 والله ياخوان يصفر ويبيع وقهر اول محد داري عنه لكن صرحه بديت اعلم الناس انه يصفر عدادت والقهر انه الى الان يصفر والله ياخوان ان واحد اخذ كامري من عنده 2002 ماشيه 200 بعد التصفير طبعا والخ راح وزبطها وجنوط واستكارات والشاشه وكفرات زثالث يوم تخبط والله يخوان انه خيطت وجيته بالورشه والقهر يصفر شي اهبال

[جي اكس ار2000]

ليتك تبلغ مكافحة الغش التجاري ولك اجر من الله

[قدامي البرواز]

لا تخاف ما يغش الا نفسه

[FAHAD2009]

السـلام عليكم ورحمه الله وبركاته


آن شاء الله الكل بخير وصحه وسلامه
بالنسبة للشريطية ومايسوونه شي معلوم والحين طآيحين بحركة جديدة يرسل آحد عيآله أو صاحبة يبيع موترٍه وله سعي او شي رمزي
في معارض بريده كنت واقف عند هآيلكس 2010 غمارة وكان راكبه شاب عمره بالطعش المهم سئلته الموتر به شي قآل راش في طرف الرفرف الايسر من قدام والباقي ماجاه شي ناظرت انا ولا ادعي الخبرة و المعرفة بالامور ذي بس من كثرٍ دوارني بالمعارض فهمنا الشغله ، المهم الصدام واضح مرشوش كاااااااااااااااااااااامل والرفرف بعد كامل مرشوش وكان فيه اجزاء من البوية طايره على الربلة الفاصلة مابين الباب والقزازه الامامية بالتنده المهم قلت له الصدام مرشوش والالا حتى رشته على قولتهم ابو كلبببب ، و بحكم انه مراهق زمرٍ علي تشكك في ذمتي من شكله داري انه مثل ابوه ذمته بمخبآته اهم شي يكسب الف زود مشيت وخليته.
والثأني شايب صاحب معرض الشاطري < لاحد يقول لاتفضح الي مثل ذولا ودك تشهر بهم ليكونوا عضه لغيرهم.
المهم : كان عنده جيب حوض مديلة 2005 خليجي فل كامل اعرف صاحبه زين زين زين ، المهم سئلته قال مسيوم 89 ألف طبعاً شاريه بليل ونقل ملكيته الصباح واناجيته الصبح كيف امداه يسآم المهم هوٍ بغباره الموتر والتجليد الي عليه مركبه الشاب اللطيف راعيه سابقاً
المهم قلت طيب هو استخدام شايب والا شباب ، قال لو هوٍ استخدام شباب مالقيته هالشكل .< كلامه مانسيت للحين
المهم قلت زين الشايب يغبر ويركب تجاليد وطلعت من عنده،
يعني ناس ماتخاف الله ياكل حرام يوكل عياله حرام سحت اعوذ بالله

[السبيعي000]

الله يزاك خير

[عبدالرحمن السالم]

لاحول ولاقوه الا بالله
ياكثر إلى زي كذا ، صار لعب وغش الله يكفينا الشر

[الصقر الحربي]

يقول عليه الصلاة والسلام ((كُلُّ جَسَدٍ نَبـَتَ مِنْ سُحْتٍ فالنّار أولى به))

[ابوصنهل]

يقولون ان فحص الكمبيوتر يطلع لكـ الممشى حقيقي أو لا


هالكلام صحيح ولا لكـ عليه


غير صحيح مع الأسف الشديد ..
انا بنفسي سئلت البريدي اللي في النسيم وقالي مانقدر نطلع إلا عمر المحرك فقط .. يعنهي مثلاً باقي في عمر محرك الفورتنشر 95% .. إلخ ..

[زمان وطاف]

غير صحيح مع الأسف الشديد ..
انا بنفسي سئلت البريدي اللي في النسيم وقالي مانقدر نطلع إلا عمر المحرك فقط .. يعنهي مثلاً باقي في عمر محرك الفورتنشر 95% .. إلخ ..


اهااااا

الله يعطيكـ العافيه اخوي


طيب اذا شريت موتر والعداد مفصول

مثلاً موديل الموتر 2010

وقالي عمر المحركـ 95% ..

يعني نظيييييف اخذ الموتر ولا لا

وانا والله مالي خبره بفحص الكمبيوتر ولا عمري شريت سيارهـ وفحصته

كمبيوتر

بس الحين هالشريطيه يخوفون والحذر وااااجب


والله يعطيكم العافيه


زمــــــان و طــــــاف

[النبع الصافي]

أعوذ بالله من السحت ومن رداوة النفس
.
.
. البريدي رجال كذ ا:good:
كرش له واحد قدامي فحصوا سيارته ومخفي فيها عيوب ما يعرفها إلا الشريطي
فقال له بالحرف الواحد: هذا غش والرسول صلى الله عليه وسلم يقول من غشنا فليس منا وسيارتك لا ممتاز ولا جيد جدا ولا جيد ولا ضعيف !!!
أقل من الضعيف بدرجتين هههه
المشكلة البايع والمشتري كلهم كبار فوق الخمسين
الله يصلح الحال

[طحنون]

سبحان الله وجهه الشريطي يبين في الحقدوالكذب وتلاقيه عيونه مبققه
وكل الصفات الدنيئه متواجده فيه
الله لا يوفقهم يارب ياما سرقو وغشو الناس
اول مانزل الفورد موديل 95 شريته جديد ويوم من الايام دخلت حاره وكانت دينا واقفه وصداماتها حديد بارزه ماانتبهت وانشق الرفرف من باب الراكب الخلفي الى الصدام وبعدها وديت السياره لورشه الناجم ورجعت السياره وكاله واتحدى اي شريطي يكتشفها
المهم بعدها كرهت السياره وعرضتها في الساحه بالدمام وسبحان الله جاء شريطي اعرفه مايشتري الا السيارات النظيفه جدا وهو فاهم بالسيارات المهم سام الموتر 58 وافقت قلتله بعدتك وقف كنه ماسك بريك بكل قوه وتردد قال في نفسه وش فيه ذا وافق على طول المهم رحت للمعرض وسالني الموتر فيه شي قلتله في رفرف الايسر قال مااصدقك قلتله بكيفك هاذا موتري ونا اعرفه ماخذه جديد المهم شرا الموتر اليوم الثاني بايعه على سوري 65 الف ويحلف للسوري انه مادقه شاكوش وكنت واقف ومتلثم ايام شتاء يوم انه باع وافك اللثمه قلتله مبورك الــ 65 اللي في ذمتك ركب مع السوري ومشا المعرض

[العارض 511]

تو عرفتو معارض بريده شريطيه حلوين لسان قليلين احسان

[أميرالعشاق]

وعليكم السلام ورحمة الله وبركاته
موضوع مهم جداً..ويجب علينا الوقوف ضد هؤلاء الغشاشين..
الله لا يوفق ولا يربح كل غشاش..
وأستغرب ِمِن مَن يتعامل مع شخص يكتشف أنه غشاش..ويسكت!!
المفروض يفضحه ويحذر المسلمين من التعامل معه..
لأن النبي صلى الله عليه وسلم تبرأ من الغشاشين وأخرجهم من ملة الإسلام!!
فقد قال صلى الله عليه وسلم:
(من غشنا فليس منا)

[المحبوب (ابو مشعل)]

موضوع ممتاز جدا الله يعطيك العافية بالنسبه للي يسأل عن قراية العداد الصحيحه بالنسبه لتويوتا ينكشف على طول لانه صار لخوي خربت سيارته اوريون 2008 راح الجربكس وخلصت المية الف وديتها تويوتا وقالي تكلف 59 الف بدون شغل يد وكلمت المهندس وقلتله هذا راتبه يسددبه قسط السياره ولايمديه يسويها ولا بعد سنتين بتوقف قدام البيت وبيشرعها وعلى الله والله مازليت عليكم بكلمه المهم قالي بساعدك فك الالعداد في اي محل ووديه مخطط الجوهره وهناك يسوونه خليه 82 الف لاتنقص عن كذا وسويتها ودخلها على حساب الشركه بس فحصها الفلبيني وقال ماشية اكثر من كذا قاله مشيها ومالك شغل وهذا والله الي صار

[ابن هويشل]

والله ما ألوم من يشتري جديد
حتى الجديد فيه غش لكن نادر جدا
والله الذي لا إله غيره أشترا الوالد جمس ملكي أظن ذاك الوقت بـ124 الف ريال من وكالت العيسى يوم كانت في طريق المدينة عند مسجد ابن باز
والوالد عنده خبره في البويات فتح الوالد باب الراكب وجد في حافة الباب نقطه دقق وجد انها معجون فحص الموتر كله وجد الباب الايمن ولي وراه مع الكبوت مرشوشه
نادا المحاسب وقاله الباب فيه معجون قال ابدا الموتر وكاله الوالد من الزعل مسك المفتاح ويمخش الباب من اوله إلى اخره قال للمحاسب هذا معجون قال نعم
والغريب إنهم مغبرين الجمس غبار واجد لاتكاد تميز الون من كثرة الغبار
المحاسب المسؤل كاد ان يغما عليه والله لاأنسا ذلك الموقف بعض العمال مسكو المحاسب ودوه لم المكتب وجابوله عصير ليمون يهدي أعصابه لما دري ان الوالد كشفهم
وكان عندهم باصالة العرض نفس الون لكنه دفرنس واحد قامو فكو ابوابه والكبوت وركبوها للجمس المغشوش
والوالد رضي بهذا
ومثل ماقالو ينسا الصافع ولا ينسا المصفوع
وفق الله الجميع

[ابوو عبدالله]

الله يكفي المسلمين شره
هذا وينه ووين التوفيق
وهو يغش الناس وهو يدري
هذا عداد ومنقصه
انا اذكر شريطيه الله لا يوفقهم لا دنيا ولا اخره
اذا بغا يودي سياره للمعارض وهي فيها حراره
يقص سلك الحراره حق الامبير

ياحلو الصدق واهله بس

والله اني جالي وقت ادور جيب ومن كثر ما افتريت بمعارض بريده
صرت اعرفهم عرف
وعلى فكره تراهم يقولون السياره انسامت كذا وهو يكذب السومه من عنده

الله لا يوفقهم كانهم بلوى على المسلمين

[fadhil]

تتوقعون ياأخوان الحركات هذى يسوونها الكفار في تعاملاتهم ما أظن والله

ديننا يأمرنا بالصدق والأمانه والكسب الحلال لان فيه البركه لك ولذريتك

ونحن للأسف نبيع ديننا بدريهمات قليلة لاتغنى ولاتسمن من جوع

والمشكلة تجدهم أصحاب لحى يتاجرون بلاحهم

انا من أكثر الناس تعرضت للنصب وذلك كان عندي ثقة
مفرطة والشئ انهم كل يطلعون بحركة ماتكتشفها الابعد
ماتتوهق

شريت سيارة للولد وأخوانه لمواصلات المدارس يحلف الشريطي
والله العظيم هذى السيارة تخدمك حتى يتخرج من الجامعه

ومن يوم شريتها وانا كل يوم بورشه الى قربت ادفع مثل قيمتها
فى الاصلاح...وبعتها بربع القيمة

والله المستعان

نصيحه يا أخوان اللى مايعرف فى السيارات المستعملة لايشترى الابوجود
واحد ثقه حتى لو تعطيه مقابل

او تشترى جديد اذا استطعت افضل

[الربذي]

سبحان الله وجهه الشريطي يبين في الحقدوالكذب وتلاقيه عيونه مبققه
وكل الصفات الدنيئه متواجده فيه
الله لا يوفقهم يارب ياما سرقو وغشو الناس


امين امين تصدق فعلا وجيههم مغبره عيونهم مبققه حلوين لسان معدومين احسان

[سويرعلي]

حسبنا الله ونعم الوكيل...
بايع الذمه والفرق يمكن الف ريال ولا مايوصل...

[ص ح ل2009]

حسبي الله ونعم الوكيل

[نجم سهيل 2]

بيض الله وجهك وجزاك الله خير

[ذيبان210]

اللهم اغننا بحلالك عن حرامك وارزقنا من واسع فضلك

[رسيس نجد]

المعافا يحمد الله 00000
حسنا الله عليهم ونعم الوكيل 0
ويل للمطففين 00000

[راعي الغاليه]

الله لايوفقه جعله يخبط ان شاءالله
ويخسره×

[Al Rasee]

اللهم عليك بهم من خسارة الى خساير

[Makaveli]

والله أنا دايماً أقول

ياشباب يوم القيامة يووووم طويييييييل

ونحمد الله على العافية

تبغى تعرف إنك إنسان سليم

لما يطيح شي من جيب واحد تنبهه وترده له حتى لو مليون ريال

أما لو أخذتها بصمت فأعلم أنك خربان

الدين جاء يتمم مكارم الأخلاق والأخلاق ماكانت من الدين بدليل أهل الجاهلية كان فيهم من أخلاقهم عالية
وأتمها وأقرر بها الدين

[قوقل ارث]

بيض الله وجهك وجزاك الله خير

[شخصية مستهدفة]

ياجماعة الخير الشريطيه نصابين وهالشي معروووووف ولاتصدقه لو يحلف من هنا لبكره اذا اشتريت افحص افحص افحص ولاتستحي منهم هذا حقك
نصيحه
يَا أ يها الذين آ منوا اتقوا الله و قولوا قَو لاً سَديداً يُصلح لَكُم أَ عما لكم وَ يَغفر لَكُم ذُ نُو بَكُم وَ مَن يُطع الله وَ رَسُولَهُ فَقَد فَازَ فَوزاً عَظيماً

[ابوريان القحطاني]

راحت ابيع الجيب وكل واحد يسالني ممشى حقيقي شككوني في نفسي يجتمعون الشريطيه ويقول ممشى حقيقي اقولي حقيقي يقول الموتر ماشي 100واكثر والموتر ماشي 51 والله يناس احقر ناس تعملت معهم الشريطيه
اسال الله ان يهديهم لما فيه الخير والصلاح لي زميل اعرفه من سنين شريطي والله يناس حالته متتغير بالعكس
كل مالي اشوفه انقص من اول مع انه موظف وراتبه اكثر من 13 الف لكن سبحان الله مانقول الا خير

[khhh]

حسبنا الله ونعم الوكيل

[khhh]

مهو كل الشريطية في ناس تعرف حقوق البيع والشراء بالاسلام وانا اعرف واحد مطلع بيت من السيارات وعندة الان معرض

[مهنوص]

اخوي بايع جيب vxr2006كان ماشي 500000 الف حصلة ولد عمي بالمعارض مرجع عداده ال 14000 كلم

[شطااااب]

لاحول ولا قوة الا بالله
ياكثرهم هالاشكال والمشكله مايروح فيها الا المستخدم

[رسّام]

شكر لحضوركم وقصصكم اسئل الله ان تكون عبرة للجميع واخذ الحيطة والحذر من النصابين

[رعود القبلة]

سبحان الله صارت على أخوي في معارض بريدة ، باع كامري 2002نظيفة جدا البدي ماشاء الله لكن ممشاها متعدي 400 بعدها بيومين راح يدور سيارة بالمعارض وسبحان الله طاح بالكامري ماشية 200 وعليها ،،،

أينه عن قول الرسول صلى الله عليه وسلم في معنى الحديث (أن مامن جسد نبت من سحت النار أولا به) ؟
_ فيه شريطية والله فيهم خير وأهل ذمة ، لكن مانقول إلا حسبي الله على من يغش المسلمين.

[البرفسوررر]

والله يخوان ان السياره الي ماشيه معروفه من المكينه

والله نا محصل جيب جكسار 2005ماشي 80الف والله يا اخوان ان المكينه كلها ازيوت والله لحلف انها ماشيه 800الف
ولاكن النطيف والي مامشا واضح من المكينه

[wafi4sa]

حسبي الله ونعم الوكيل

[ملجلج 305]

ههههههههههههههههههههههههههههه يا شباب الموتر شريته لي فتره بس ولله نضيف ولحين مبيوع بايعه بنجران على واحد يامي لله يستر لا يحطها براسي اليامي وتورط فيه عاد مامعهم تفاهم
اتوقع ان الي بعته نفس الوحه منيب متاكد ترا

[ربيع مكشات]

قال صلى الله عليه وسلم ( من غشناء فليس منى) اسال الله ان يبعد اهل الغش عن اسواق المسلمين في جميع المجالات

[فيصل الذيب]

هذا كنت ادور موتر لقيت اف جي ما شي تقريبا 40 او 41 ما ني ذاكر المهم قلت كم قال ب 85 قلت طيب علوم البدي قال ما فيه الا ارفرف اليمين ورح لكبر ورشه في العالم المهم طالعت ورا لقيت استكر معرض مقابل هذا المعرض اعرفه وعرف صاحبه قلت خلين اروح اتقهوا وساله عنه لني ما اعرف في ارشات والسمكره واجد ما اشتري الا ومعي من الشباب الخبرا المهم رحت يم خويي وحصلت وتقهويت بعدين سالت عنه قال ايه الي عنده قلت ايه قال هذا عرض علي بي 65 وبغيت اشريه وبعدين هونت وعرضنا كم ويم وجا صاحب المعرض المقابل وشراه بي 67 قلت طيب الرجالي يبي فيه 85 وشارط عليه قال اصلن الموتر مقلوب مع راعيه ويوم بعته وهو ما شي 165 كيف يقولك 40 شفتو كيف النصب قلت ماشي ولقا ثاني بعد يومين ما شي 65 وخذ رقم الوحه وروح الوكاله قال الموضف اخر تشيك كان قبل 4 اشهور وكان ماشي 146 ما ادري وش سالفت هشريطيه هذا من غير الحلف الكذا والنصب الي يقولك ولله اني شاريه ب 100 وهو ما خذا في الحراج ونا واقف بي 85 طيب محد حلفك ليه تكسب ذنب

[سيف الظفير]

يا اخي انت غلطااااااااااااان



رح لشيح معارض بريدة وعلمة باللي حاااااااااااصل والاحسن يكون عندك ورقة المبايعة لاول مرة اللي بعت فيها موترك


والله ما اخليه لو اني مكانك

[جرشان]

اذا هاذا عندكم في بريدة تعال معارض النسيم وشوف الغش والحلف الكاذب على وصوله

[FAHAD2009]

السـلأام عليكم ورحمة الله وبركاته

مسـأء / صبآح . الخير جميعآ..
صار لي موقف في معارض النسيم بالرياض يوم الخميس الي فآت بتآريخ 3/11/1432هـ
معروض آف جي مديل 2008 ابيض فل خليجي . جيت لصآحبه مثل ماقال صاحبنا في احد الردود يقولك الشريطي وجهه اشهب آلهب عيونة مبققة ههههههههه المهم الموتر واضح ملمع من شفته من بعيد حسيت انه ملمع حتى المكينة ملمعه الكبوت عموماً قلت الموتر ملمع قال لا قلت اغديك مهون بس ملمعه قال والله ماجيته وش فيك انت قلت عشان زود خمس ميه ريال تحلف.؟ قلت كم مسيوم قآل بـ 95 آلف ههههههه وصل قيمه الجديد واطلع فوق التندة فيه نقوط حلا . والله يستر منهم بس