المساعد الشخصي الرقمي

مشاهدة النسخة كاملة : الي عنده خبره بتوضيب السفاري يدخل


ناصرالقحطاني9
17/09/2011, 09:51 PM
مساكم الله بالخيرؤ

اخواني انا عندي جيب سفاري 96

المكينه يبي لها توضيب

وانا ما افهم شي بالتوضيب

فابيكم تدلوني
الله لا يهينكم

اولا وش الافضل اوضب ولا ادور في التشليح


وهل يوجد في التشليح حاجات نضيفه او جايه من برا المملكه

وكم يكلف التوضيب

وفيه قطع ياباني اقل من الوكاله شوي هل تمشي اوكيه ولا لا

هل ترجع المكينه جديده ولا تبقى خرابات


واللي يعرف ورشه كويسه بالصناعه القديمه او 18 يقول لي

وشكرا لكم
ناصرالقحطاني9
17/09/2011, 10:54 PM
بانتظار الرد
الا سير
17/09/2011, 11:46 PM
ياخوي بالنسبه لي من وجهه نظري انك توضب
اول شي مكينتك الاولى فكها ودها للمخرطه يكشفون لك على السرندل وعمود الكرنك
والراس
واهم شي الراس اذاكان في الموتر حراره لاتعب نفسك
انا وضبت جيبي على يدي وكلفني 3000 من قطع ومخرطه
طبعا القطع يباني غير طرنبه الزيت اصلي
لان اليباني ماتطول على كلام راعي محل القطع
بالنسبه للتكلفه كامله
4200 قطع يباني مع شغل اليد
7000 قطع اصلي على كلام المكانيكي

على العموم الله يكتب لك الي فيه الخير
أحمد محمد1429
18/09/2011, 10:54 AM
ماوضحت ليش تبي توضب المكينه هل هو نقص زيت فقط ولا صوت طقه في عمود الكرنك ولا المكينه مكسوره
sgl2002
18/09/2011, 11:41 AM
اذا بتوظب حط كل شي أصلي لانك ماتبي تفتح المكينة مره ثانية
~EmPeRor~
18/09/2011, 12:05 PM
بيكلفك واجد

اذا الراس سليم بيكلفك الجزاءالسفلي للمكينة مع البلوف والكلتش 6000 ريال

طبعا تغير شنابر وبساتم وسبايك وطرمبة زيت ووجية وصوف واحتمال خرط وصنفرة < وركب كلتش ودزك مرة وحده جديد افضل ولابد تمرن السيارة زين
عبدالرحمن السالم
18/09/2011, 12:08 PM
زي ماتفضلو الشباب ، وان لقيت مكينه نظيفه وحلوه ركبها او انك توظب نفس مكينك
طبعاً اذا طلعتها لاتسرع عليها لمده اسبوع او اسبوعين وبعدين تغير الزيت وان شاء الله تضبط معك
ابد كأنها سياره جديده ، طبعاً على حسب إلى بيشتغل بالسياره اذا هو مكانيكي شاطر او مش حالك
اذا ناوي على التوظيب شف الورشه المضبوطه عشان تحط سيارتك وانت مرتاح
موفق خير
صالح ابو وليد
18/09/2011, 01:11 PM
انا موضب موتري باترول 97
4500 قطع من بن شبيب بالصناعيه القديمه
ان كانك تبي قطع رح لم بن شبيب قطعه وقطع الوكاله واحد موضب موتري والقطع منه وما شاء الله مفيه شي
واخوي معه اكستيرا وكل قطعه منه ولله الحمد :good2: