رايكم يهمني بخصوص تانكي الموية

[فيصل التميمي]

السلام عليكم ورحمة الله وركاتة
كما هو واضح بالعنوان احترت بين خزنات الوطني وبين تانكي الالمنيوم للهايلكس
خزانات الوطني بــ 250 ريال وضمان سنتين
تانكي الالمنيوم بــ 800 ريال ووش الافضل الالمنيوم واو خزنات الوطني ووش رايكم وش اركب
ولكم جزيل الشكر

[ابولولو]

اخوى فيصل
خذ المنيوم لك وللزمن
وبرق الحيا والبريه عندهم وظمان
والاسعار اقل من 800ريال وخاصه الى خلف المرتبه

[فيصل التميمي]

بيض الله وجهك اخوي ابو لولو وياليت من لدية رقم البرية او برق الحياء يكتبة لي

[ابو شورى]

نصيحة لك اخوي لاتقرب الفيبر يطعم بالماء وتتغير رائحنة بسرعة ولايدوم معك سوا شهر
عليك بالاستيل او الالمنيوم لك وللزمن ويتحمل الدقات
اذا كنت بالرياض فعليك بالمميز واذا كنت بالقصيم السنيدي او عروق الشمال

[ابولولو]

هذا رقم البريه
ابوصالح
0505153967
ابوصالح
ووجهك ابيض

[جيبي جايزلي]

خزان الوطني ممتاز ولا شفت منه الا العافيه لا طعم ولا ريحه العالم تقول ما يصلح وبعد التجربه تبين الاتي
سعره مناسب جدا
وزنه خفيف جدا
ويوجد عده مقاسات وهذا المطلوب

واذا علي كلام الناس ان الفيبر ما يصلح اكثر بيوت الناس خزانتهم فيبر وهذا خير دليل وانت بالخيار وبالتوفيق

[عاشق السيل]

الاستيل والألومنيوم مضمونة ولك وللزمن ،، أما الفيبر تراها حظوظ ممكن تتوفق معها وممكن تبهذلك بالطعم والريحة ،،، والخيار لك عسى الله يوفقك للي فيه الخير والصلاح ....

[فيصل التميمي]

هذا رقم البريه
ابوصالح
0505153967
ابوصالح
ووجهك ابيض


ابو لولو الرقم غلط

[الساهر2003]

اخوي برق الحيا وغيره من المحلات الفيبر عندهم غالي جداً
والالمنيوم غالي كذلك
ممكن تمر فرع خزانات الوطني في لبن قبل نادي الرياض على اليسار ووجهك غرب وبتحصل احجام ومقاسات متنوعة وباسعار لا تخطر على بالك واتوقع فيه ضمان ويتم تصنيعها في مصنعهم في بريده
وعندهم خزان ممتاز صغير لسيارات الصغيرة مثل الكامري والهوندا

[فيصل التميمي]

الساهر مشكور على المرور

[Messerschmitt]

اخوي

خلني اعطيك اياها بصريح العباره

انا عندي تانكي ستيل , جلس معي سنين ما مثله

لكن الان رميته واشتريت بداله خزان الوطني فيبر

وما فيه اروع منه .

اذا تبي نصيحتي خذ خزان الوطني

لانه رخيص وحلو وفيه حواجز داخليه عشان تمنع

ظهور صوت المياه مع اللفات والمطبات.

[نفداوي]

خزان الوطني سعره زين بس مع اول مره كان ممتاز لاطعم ولا ريحه وكذلك ثاني مره
وبعد ماتركته فتره فاضي رجعة استعملته كان له طعم وريح الفيبر وتم تغيير الماء 3 مرات بس مانفع
وكل يوم بروح للفرع الي في لبن لان ضمانه ضد الطعم والرائحه

[عاشق هدد 6]

انا معي خزان الوطني 80 لتر ومن ابدع مايكون له معي حوالي 8 شهور ولا شفت فيه اي شي وسعره مناسب وبالشكل الي تبي والحجم الي ترا

[GMC79]

شف وانا خوك نصيحه خذ المنيوم لقيته عند السنيدي 780 ريال 150 لتر للهايلكس وترا الفرق مايسوى 400 ريال تحطها في شي قيمته فيه لوجيت تبيع ومجرب ولايضره لاشمس ولاشي

الفيبر رخيص بس حظوظ والشمس تاثر فيه

خذ المنيوم وخل المطرسه نصيحه

[القنصل,,,]

مثل ماقالو الشباب عليك بالالمنيوم

[فيصل التميمي]

اشكركم على المرور
والله اني احترت بين الفيبر وبين الالمنيوم

[ابولولو]

هلا اخوى
الرقم مظبوط وتوى داق علي الرقم
0505153967
وهذارقم برق الحيا
4455666

[فيصل التميمي]

هلا اخوى
الرقم مظبوط وتوى داق علي الرقم
0505153967
وهذارقم برق الحيا
4455666


ابو لولو بيض الله وجهك
دقيت علية وقالت ابو صالح قال غلطان وصكيت التلفون

[الساهر2003]

معلومة من مالك احد مصانع خزانات الفيبر لاني استخدمت الفيبر من عام 97 يقول اذا تانكي الماء تم استخدامه لفترة ثم تم تفريغه لفتره ولو بسيطة مثل اسبوع او كذا يوم راح يتغير فيه اشياء كثيرة منها الطعم والريحة وتتقشر الطبقة الداخلية
واخذت بنصيحته من عام 97 والتانكي تمام ولله الحمد

[فيصل التميمي]

بيض الله وجههك يالساهر وماقصرت

[ابولولو]

صحيح اخوى الرقم كنسله ابوصالح توى ادرى
هذا رقم ابويزيد توى تاق عليه ورد
0506200301
والمحل 4924840

[ع العمرو]

الالمنيوم على كيف كيفك مركبه على سيارتي اللي بالتوقيع حقي 220 لتر من عروق الشمال ب 900 ريال.

[فيصل التميمي]

بيض الله وجيهكم جميعا

[ابو صالح455]

شباب الله يسعدكم الي عنده رقم مصنع الوطني لتوانك الفيبر لا يبخل عليناا

[عالي الكيف]

جربت الفيبر (الزامل ) سابقآ الوادي

معي من سنتين من شريته مانزل من السياره والماء يقعد بالشهرين ولا يتغير الطعم

اللي يقولون يتغير الطعم اقول لهم جربوا الليات الاصليه وراح تنسون الخزانات المعدنيه .

[ابوفهد 1]

أخي أنا معي هايلكس مثلك ومركب خزان الوطني وما شي معي من أحسن ما يكون لا طعم ولا رائحة وسعر معقول
اللي حصل عندهم طعم أو رائحة بالخزان يمكن يكون الطعم من نفس اللي الذي تم التعبئة منه أو اللي المشبوك بالتانكي
وعشان ترتاح إذا أنت في الرياض تعال خذ التانكي اللي عندي وجربه أسبوعين وشف أن كانه جاز لك خذ لك واحد وإلا فصّل ستيل أو المنيوم

[* ابو باسل *]

خزان الجمس من الوطني شريته ورجعته عليهم واخذت فلوسي به عيوب كثيره اولها ان السعه غير صحيحه ليس 200 لتر وانما 150 لتر وثانيها انه يبقى فيه بداخله ماء بنسبه كبيره ولا يخرج غير بقلب الخزان يعني في وقت حاجته لازم تقلب الخزان على شان يطلع الي باقي في داخله من الماء والسبب ان فتحات الليات مرتفعه شوي عن القاع وايضا حاطينها في اخر الاطراف للخزان يعني اذا جيت تركب عليها بزبوز لازم تسوي لها تحويله للداخل على شان الرفارف من داخل الحوض تغطي عليها صرحا فشلوا جدا في خزانات الجموس وسعرها ايضا مرتفع 350 ريال .

[باغي الخير]

ارى ان الالمنيوم افضل

[فيصل التميمي]

شباب الله يسعدكم الي عنده رقم مصنع الوطني لتوانك الفيبر لا يبخل عليناا


رقم مصنع الوطني في حي لبن 0532693060

[saudifly]

شباب فقط للمعلوميه

مصانع الوطني والزامل يستخدمون البولي ايثيلين وبأربع طبقات عازل وهي تختلف عن الفيبر اختلاف كلي
واللي يبي معلومات اكثر يمر احد فروعهم ويشوف بعينه

موفقين ان شاء الله

[ورد طائفي]

انا عندي خزان الوطني 90 لتر ، ومن احن ما يكون ، اذا ابطا الماء بالحيل فوق الشهرين يبدأ ينكه بالماء :)

ولا هو ! عال العال .. أشكاله حلوه وتجي تمام التمام بالسيارة ورخيص بعد !

[عدى معدي]

الفيبر ومن أهم مميزاته:
1- خفيف الوزن.
2- رخيص الثمن (( عامل مهم جداً))
3- إنيــق
4- إرتفاع مكان خروج الماء عن قاعدته بشي بسيط ( حتى ما تنزل الرواسب )


ومن أهم العوامل للمحافظة عليه:
1- لاتتركه تحت الشمس فترات طويلة بعد الأستخدام وهو (( فاضي ))
2- لاتعبيه من لي متغير طعمه