المساعد الشخصي الرقمي

مشاهدة النسخة كاملة : بنزين الباترول ربع


ibrahim.k.s
19/09/2011, 12:46 AM
اسلام عليكم

الله حي اعضاء منتدى مكشات

انا طالبكم

ابي منكم فزعه

انا معي ربع باترول موديل 90

والبنزين يصرف بسرعه

انا ابي منكم حل تكفوووون

ملاحظه : تراي مركب هدرز

وانا ادري ان الهدرز يصرف بنزين

لكن ابي جل لهالسالفه

تكفون الشتاء والجو الزين جاي والكشتات بدت

عشان كذا ابي الحل باسرع وقت

اسف على الاطاله

وبيض الله وجيهكم يالذيابه

وبارك الله فيكم


اخوكم ومحبكم

ابوخالد

Ibrahim.k.s
سلطان2007
19/09/2011, 02:22 AM
انا عندي نفس المشكله في ٩١ اربع ابواب وبدون هدرز ومكينه ماعليها اغراض واعبي بانزين ٩٥ لكن يصرف .. افيدونا ياهل الخبره
الا سير
20/09/2011, 03:44 AM
مافيه حل ياخوي كل الباترول القديم كذا
اذا تبغاه يخف اوزن الديلكو
وفيه بعض المكانيكيين يغيرون الابر الي في الكربريتر
بابر اصغر اتوقع تجي على كربريتر الالتيما القديمه
ولدحمد
20/09/2011, 03:54 AM
السلام عليكم ورحمة الله وبركاته ..
بالنسبه للمشكله الي يعاني منها الجميع حلها سهل والحمدلله ..
اولا : اوزن الديلكو وانتبه تفتح له واجد يعني شخص يعرف يوزنه مهب عند اي واحد يوزنه يقولك خلاص كويس :D ..
ثانيا : غير صافيه البنزين اذا كانت قديمه ..
ثالثا : الكلبريتر /
يجب عليك تنظيفه من الخارج والداخل واعرف شخص يقوم بذلك ويخلي موترك من ابدع مايكون :good2: .. بالنسبه للابر مااااااااااا انصحك تركب ابر وخله على شد بلاده وهذي نصيحه اخو ومجرب :good2: ..
فيه ليات السود الي تركب بالكلبريتر سواء الي تدخل او الي تطلع هذي لابد من تركيبه :good2:
واعيد واكرر على تنظيفه ووزنه وصدقن موترك يبي يزين عزمه والهدرز ماله دخل لانه يريح المكينه وبالعكس مايصرف بنزين الي تتخيله طبعا بحكم تجربه :good2: ..
وشكل رجلك حاااره :D
رابعا : غير البواجي والاسلاك اذا هي قديمه وركب شد بلد ونفس موديله ..

اتمنى اني افدتك بما اعرف وانت ..
حياك الله في رابطه ملاك الباترول 88 - 97 ..
أخوكـ ولد حمد ..
عروق المتنه
20/09/2011, 01:12 PM
أخوي الهدرز على كلام اخوي ولد حمد هو صادق مايصرف بنزين
بس الباترول طول الله عمرك قد ماتعطيه يعطيك
يعني لو تبي تركب إبر مكسيما أو ألتيما أو صني
ماراح يصصرف بنزين صح .. بس لكن يقل عزمه
وإما إذا انت لاوالله تبي عزم وراعي مطاليع قشرا
لاتركب الإبر .. والباترول معروف بـ صرفية البنزين

بالتوفيق
ولدحمد
23/09/2011, 01:29 AM
السلام عليكم ورحمة الله وبركاته ..

طبعا تنبهت اني نسيت اذكر شي مهم الا وهو وزن البلوف مهم جدا واحد اسباب صرفية البنزين ..
واعطيه الاهميه الاول بعد ماذكرت سابقا ..
ibrahim.k.s
24/09/2011, 11:34 AM
بيض الله وجهكم كلكم ما قصرتو

الله يعطيكم العافية

كلااام بيتطبق ان شاء الله