مشكلة ما قدرت احلها .. تكفون ياجماعه الفزعه :(

[alsheer]

السلام عليكم ورحمة الله وبركاته



اخباركم ان شاء الله بخير


السالفه وما فيها انه معي اكسبلورر 2009 اخذته مستعمل ماشي تقريبا يوم اخذه 75 الف والله لايوفقه اللي باعني اياه عزالله انه غشني :mad:

مشكلته اذا كنت داخل المدينه يعني مامسكت خط ما فيه مشكله الموتر كويس ولا عليه كلام ..

اما اذا مسكت خط طويل ارتفعت معي الحراره لين الـ H واخلي الموتر لين يبرد وافتح الرديتر ما القا فيه قطرة مويه ؟؟؟؟؟؟؟؟ ..

يعني تقريبا اذا مشيت 200 او 300 كيلو ترتفع الحراره ؟؟


واللي رفع ضغطي زيادة وديته الوكاله قالوا ما يطلع الا بعد العيد قلت وش يصبرني الى بعد العيد وانا

ادخله عند ميركوري على انهم تبع فورد

المهم انهم قالوا عندك الاديتر يهرب ماء قلت لهم غيروه ..

وكلف علي 1500 ريال مع اني شاك انهم ما غيروه اصلان ؟؟؟؟ :confused:

المهم انهم غيروه وبرضوا نفس المشكله ؟؟



ورجعت لهم قالوا حنا مالنا شغل الا بالاديتر اللي غيرناه لك قالوا نفحصه ونشوف وفحصوه قالوا انه كويس ولا يهرب

المهم قالوا تبي تدخله على الضمان رح لوكالة فورد اللي هي توكيلات الجزيره


ورحت لفورد ودخلته عندهم قالوا الضمان راح عليك علشان انك غيرت الرديتر برا الوكالة :mad:

قلت مو مشكله وانا ادخله على حسابي الوكاله وفحصوه ..


قالوا عندك القربه تهرب ؟؟ والبلف اللي تحت والبلف اللي فوق ؟؟ والمروحه مدري وش فيها بعد :eek:

المهم قالوا يكلف تقريبا 3000 :eek:

وانا اجيبها بالواسطه وهيك ويخلون الضمان يشمله النص بالنص

وانا ادفع لهم 1500 ريال بعد :(

.................................................. ........................................


المهم والمشكله الاكبر


رحت عليه قبل كم يوم للرياض ونفس المشكله ما كاني سويت شيء حسبي الله عليهم


اللي يقهر الوكاله ياكلون من فلوسي ولا هم مضبطين شيء :mad: :mad:



تكفون ياجماعه اللي يعرف المشكله يعلمني ؟؟ :(


والا يقول لي وش اسوي به والله يا اني عفت الموتر مره وحده :(


.................................................. ...................................

[ابوراكان تبوك]

دام الاديتر مافيه شيء تأكد من الثلاجه
واتوقع ان المشكله بسيطه ان شاء الله
ننتظر آراء الإخوان

[alsheer]

في ناس قالوا لي يمكن من الكنداسه منسده ؟؟

ما ادري عندهم سالفه او لا ؟؟

ما ودي اصلح لي شيء يكلف علي ذيك القيمه ..

واخر شيء ما يطلع هو ..

[هواوي الشمال]

اذا مسكت خط طويل مع المكيف تخلص المويه ويسخن عليك..اما داخل البلد ماتنقص معك المويه حتى بعد فتره طويله؟؟

[alsheer]

ايـــــــــــــــــــــــهـــ ؟؟

[ابو عاذر]

تأكد اخوي من ليات الدفاية لمكيف الحار لا يصير فيها تنسيم واذا كنت غير محتاج لمكيف الحار فسكر وصلته متكلف شيء يذكر جرب ذلك وان شاء الله تنحل المشكلة

مع تحيات اخوك ابو عاذر

[عفشك مكمل]

2009 حرام تشتغل فيه الا بالوكاله

ارجع لهم وكلمهم بالمنطق

انت دخلت الموتر لاصلاح علة والعلة لازالت قائمة

راح يلغون عليك قطع الغيار ويحسبون شغل يدهم فقط بالمرة الي طافت

[هواوي الشمال]

اكيد فيه تبخير اجل...الغ المكيف الحار ع كلام اخونا ابو عاذر وان شاء الله خير

[مستور الحال]

مشكلتك ان شاء الله بسيطة وهي متمركزة فقط في التبخير او تهريب موية التبريد تحت ضغط طرمبة ماء التبريد

اقتراحي الاول انك تحاول تشيل بلف الحرارة وتمسك خط وتشوف وش يصير معك .

اقتراحي الثاني انك تمسك خط وتقدر نصف المسافة اللي يفضى عندها ماء التبريد وتوقف و تفتح الكبوت مع تطفية السيارة وتراقب جميع الليات وغطى الاديتر وقربة التبريد وتحت السيارة من وجود اي تنسيم او تبخير ماء .

الاقتراح الثالث انك ما تستعجل على حل المشكلة وتخسر لك مبالغ و الله اعلم ان سيارتك ما فيها الا تنسيم موية بس يبغى لك متابعة وصبر وبتطيح في المشكلة عاجلآ غير آجل .


والله يسمح امورنا وا مورك

[رقم 1]

اكيد فيه تبخير اجل...الغ المكيف الحار ع كلام اخونا ابو عاذر وان شاء الله خير

انا مع راي اخوي هواوي

[فارس الدوسي]

ما اقول الا الله يكون بعونكــ
والله ياخوفي لا تكون عين حاسد الله يكفيك شرهااا
وانا اخوك ..

لكن مثل ما تفضلو الاخوان ... ارجع للوكالة وربنا يسهل امورك

[فارس و عمور]

طيب سوى فحص كمبيوتر

يمكن الوكاله نصابين ما فحصوه بس غيرو قطع المفروض مايغيرونها

ان شاء الله المشكله بسيطه وييسر امرك

[survivl]

انا مع راي اخوي هواوي
انا كذلك اوافق الاخوان واذا تبي تاكد رحل لمكينيكي وقلة افحصلي اليايات حق الثلاجة الحار وغيرة شيك عليها كلها وانا متكد ان المشكلة من اليات لان زد مرت علي المشكلة في مرسيدس 560 وطلع الي الطالع من الثلاجة مقطوع ينسم ماء اذا احترت السيارة لذلك انت فك كل اليات وشيك عليها واحد واحد

[alsheer]

الله يجزاكم الجنه ويعافيكم ..

ويوفقكم يارب ..

مشكورين ..

[مركز حراره]

اخوي انا اقول رح للوكاله انت صلحته عندهم هم يضمنون شغلهم
اذا كنت بلقصيم مرنا اذا صلحناه حاسب ماضبظ ولاريال لا تحاسب

[الخفاره]

مستحيل ليات الدفايه تكون خربانه لان الموتر 2009 ومايمديها تنشف
تبي الاكيد وانا اخوك عندك الوجيه حقت المكينه الموتر حاشته حراره عند راعيه الاول وخرب الوجه وتلقى الشكمان رطب يخرج منه الماء والله يعينك ويوفقك

[بيق مان]

خبرنا يالحبيب وش صار معك الله يعوض عليك .. عسى امورك انحلت ولقيت المشكلة.
انا تقريبا عندي نفس المشكلة بس النقص داخل وخارج البلد .. الموتر 2006 اكسبلورر توكيلا الجزيرة وكنت ناوي اوديه الوكالة .. لكن دام هذا علمهم ابتريث شوي لأن عندي سيارة ثانية ممكن استعملها .. والنقص كان خفيف وزاد حاليا .. وما لقيت العلة الى يومك.
فيه شي ابيك تشيك عليه وقد يكون السبب عندك وهو كوع البلف .. ترى كان يجي بلاستك ويسبب مشاكل وغير مناسب لدول الخليج والان الوكالة يغيرونه مجانا بكوع حديد للسيارات المشتراة منهم.

[ابو تركي المطيري]

الموديلات الجديده الثلاجه تجي بلاستك واغلب التهريب يجي منها افحص الثلاجه وان شاء الله بتنحل المشكله