المساعد الشخصي الرقمي

مشاهدة النسخة كاملة : تفصيل تانكي فيبر


المقناص ولعه.
20/09/2011, 10:47 AM
السلام عليكم ورحمة الله وبركاته

اخواني حبيت اسال عن الي يفصلون تانكي فيبر وين موجودين في الرياض وين موقعهم بضبط او الي في بريده

افيدوني يا اهل الخبره

اخوكم : مقناص ولعه.
ابوميس الحلوه
20/09/2011, 10:54 AM
السلام عليكم
اخوي المقناص اسئل عن مصنع المختار بالخرج
علي الشهري
20/09/2011, 10:57 AM
الله يحييك أخي الكريم
أنا أول مرة أسمع إن فيه تفصيل فايبر!!!
لأن اللي بالسوق إنتاج مصانع وكميات

هل أنت متأكد من المعلومة؟
the manager
20/09/2011, 11:34 AM
الله يحييك
توانكي الفيبر بأنواعها وجميع المقاسات للسيارات موجوده في المصنع الوطني او الوطنيه في بريده وعنوانه في بريده اذا خليت كارفور يمينك وانت بالاشاره خذ يمين وعلي طول لين يجييك اشاره وجدامك كوبري معترض ارجع يوتيرن من الاشاره وادخل الاستراحه اللي علي يمينك واسال عن المصنع الوطني لانه جنبهم واهو مقابل الدائري لبريده
توني ماخذ منهم لحوض الجمس 200 لتر ب 350 ريال بدون تركيب او تمديده
ورحت للسباك وصلحه ب 75 ريال
وتراه ممتاز لانه يتثبت علي الحوض ببراغي ومتي ما تبي تشيله سهل فك براغيه وشيله
بالتوفيق
دغيم1
20/09/2011, 01:16 PM
السلام عليكم ورحمة الله وبركاته
حياك الله أخوي
تفصيل تانكي ماء فيبر مكلف جدا ذلك أنك تحتاج إلى فريم خاص ولن تستخدمه سوى مرة واحده
والفيبر لابد أن يكون عدة طبقات ومقاوم للروائح والطحالب
غير مايتم صناعته من الخزانات الصغيرة ذات الطبقة الواحدة فهذه غير صحية ولاينصح من الشرب فيها
لأن أغلب المصنع لأستخدامات كثيرة
ماعليك سوى البحث عن جاهز لقلة التكلفة
وسوف تجد مطلوبك خاصة انه في الوقت الحاضر تم تصنيع الكثير من التوانكي خصيصا لأغلب السيارات المخصصة للبر
تحياتي
web
20/09/2011, 02:43 PM
الفيبر يطلع طعم ورائحه في الميه ...

وصنع تانكى بمواصفات خاصه يحتاج صنع قالب خاص والقالب مكلف جداً يعني رايح تدفع حق القالب وحق التانكي ..

التوانك الموجوده الان لسيارات هي من مادة البولي اثيلين .
المقناص ولعه.
21/09/2011, 11:45 AM
حياكم الله على مروركم والله يعطيكم العافيه على المعلومات الاكثر من جيده
بس انا ابي تانكي احطه في صندوق الشاص يجي بين طرقة الكفرتين الي في الصندوق
* ابو باسل *
21/09/2011, 12:45 PM
الله يحييك
توانكي الفيبر بأنواعها وجميع المقاسات للسيارات موجوده في المصنع الوطني او الوطنيه في بريده وعنوانه في بريده اذا خليت كارفور يمينك وانت بالاشاره خذ يمين وعلي طول لين يجييك اشاره وجدامك كوبري معترض ارجع يوتيرن من الاشاره وادخل الاستراحه اللي علي يمينك واسال عن المصنع الوطني لانه جنبهم واهو مقابل الدائري لبريده
توني ماخذ منهم لحوض الجمس 200 لتر ب 350 ريال بدون تركيب او تمديده
ورحت للسباك وصلحه ب 75 ريال
وتراه ممتاز لانه يتثبت علي الحوض ببراغي ومتي ما تبي تشيله سهل فك براغيه وشيله
بالتوفيق



شريته ورجعته عليهم واخذت فلوسي به عيوب كثيره اولها ان السعه غير صحيحه ليس 200 لتر وانما 150 لتر وثانيها انه يبقى فيه بداخله ماء بنسبه كبيره ولا يخرج غير بقلب الخزان يعني في وقت حاجته لازم تقلب الخزان على شان يطلع الي باقي في داخله من الماء والسبب ان فتحات الليات مرتفعه شوي عن القاع وايضا حاطينها في اخر الاطراف للخزان يعني اذا جيت تركب عليها بزبوز لازم تسوي لها تحويله للداخل على شان الرفارف من داخل الحوض تغطي عليها صرحا فشلوا جدا في خزانات الجموس .
ابو البر
17/05/2012, 05:50 AM
ابو باسل
صبحك الله بالخير
ممكن تعطيني رقمهم او وصف مكانهم لن عندي طلب خاص بالتفصيل .
وانا بحاول اخليهم يتلافون الأخطاء اللي انت ذكرتها .
الله يحفظك.
ابوتركي5555
17/05/2012, 03:07 PM
طيب فيه عنده تفصيل fjلاهنت
الصميغي
17/05/2012, 03:41 PM
انا معك اخوي في سالفة السعة

اشتريت خزان فيبر سعة 88 لتر ...ويوم عبيته طلع 77 لتر

وهذا ما قاله لي نفس عامل التعبئة لماء التحلية
تحياتي
أبوعبدالرحمَن
25/12/2012, 09:31 PM
نحتاج معلومات أكثر عن من يركب مثل هذه الخزانات
ونحتاج للمجربين
واسمحوا لي على رفع الموضوع