نجم الشمال بكل قيفانه اتحاف ................. حله ( الحناوي ) .. الحل ( سبته ومليله ) [الأرشيف]

مشاهدة النسخة كاملة : نجم الشمال بكل قيفانه اتحاف ................. حله ( الحناوي ) .. الحل ( سبته ومليله )

كاف نواف

20/09/2011, 04:58 PM

وداعة الرحمن ياراكب الهاف=ووداعتك قافي للأحباب ودّه
خلان كم من دونهم برق وشعاف=بقطعة نواحي والشواحي مصده
شمال نجران وجنوب إثره وكاف=وبغربي الدمام وبشرق جده
مهما نحاهم عد الأميال بآلاف=يدنيهم احساس الرّفَق والموده
الكل منهم نايف ٍفوق من ناف=والكل منبع طيب يمه مرده
اخوان قرم ٍوافي بقاف وأوصاف=ومن عادته غير الجزل مايعده
نجم الشمال بكل قيفانه اتحاف=صح الله لسانه وفكره ويده
وللكل رد الود مع ردة القاف=ولنجم بعد الله عذر لا يرده
لاجيتهم قل جيت من كاف نواف=بأعذى سلام لكل موجود بده
وقل حي بالدنيا ولاعنده خلاف=والحي ماله عن ظروف ٍتحده
والود وده حولكم دوم حواف=وماهي على كيفه لو الود وده
وأشواقه لكل الحراوي والأطراف=بأدناة طاري كل ابوها تشده
وبه وجد كل وماله يلامس شغاف=قلبه عليكم كل ما غاب مده
وقلبه ينز لذكركم دونه رهاف=ولياحدنه بيح اللي بسده
ماغاب ندّه شايف ٍشين ينعاف=ولا صيده انه شايف ٍما يلده
وغير الوفا من منبع الجود ماشاف=إلا العذاوه من قلوب ٍمْوِده
مع بذلكم للطيب من قو واتراف=والطيب ماينحاه ولاّ يصده
ولا بكم عذروب ياكود الاسراف=في بذل ود ٍكل منكم يمده
وقل دونكم هالليّن وهيّن كتاف=والحيل مامن حيل كف ويهده
جبته بحوض الهاف وبعدين باسعاف=ويازين تعليم المخمّس بخده
قل وش ثْنيوِتّين مزيان بالزاف=بيدين من لَعْبَوا بنا لعب شدّه
قلّ ان تذكر كل وحده لنا حاف=ياسمّيَت اسم اختها جا بحده
الأوله تحت الخصر فوق الأرداف=ولاّ حجازي علّم بشي هده
والثانيه تدهم بها سقمه تحاف=قرنت بشكوى الكبد بأبيات عده

الأديب

20/09/2011, 09:04 PM

صح لسانك
ابيات رائعه ماشاء الله
عندي رميعة ترقل والله مادري هي يم وجهه والالا
(التمره والجمره)

ناصر العلي

20/09/2011, 10:20 PM

سلمت يالغالي
وصح لسانك
ومسند على غالي
وأي فزعة ترانا حاضرين يالغالي
لايردك إلا لسانك
ويش قولك بـ
الأول.......التفكير جار
الثانية...لوعة.....الكبد

كاف نواف

20/09/2011, 11:26 PM

صح لسانك

ابيات رائعه ماشاء الله
عندي رميعة ترقل والله مادري هي يم وجهه والالا

(التمره والجمره)

صح بدنك ياغالي انت الأروع

هن أكبر من اللي ذكرت

وبانتظار رمعه بغير وجهه

كاف نواف

20/09/2011, 11:37 PM

سلمت يالغالي

وصح لسانك
ومسند على غالي
وأي فزعة ترانا حاضرين يالغالي
لايردك إلا لسانك
ويش قولك بـ
الأول.......التفكير جار

الثانية...لوعة.....الكبد

تسلم يا أبو علي وصح بدنك

ونعم بك وبالجميع ماتقصرون ولانستغني

ولله الحمد ما فيه الا كل خير ..

اذا الأولى رمعه ,مالك لوا

اما الثانية حول الدعوى الا انها ملموسه

بانتظار غيرها

نجم000الشمال

21/09/2011, 12:11 AM

يا مرحبا من حين ما حرك الهاف=سبعين مع تسعه موديله وشده.

سرى به الي للتفاتيش ما خاف=حافظ مساريبه على وقت جده

مرسولكم جانا وعجل بالانكاف=ضاري على المسرى وشغل المكده

ودامك بخير وفي مساعيك طواف=فالحمد لله حين يسر وشده

عين لكم فرش وعين ترى لحاف=وفي منتدانا طلتك لاترده

ونقول مر وصبر بالغز ياكاف=والهم لا طول على الضلع هده

او يمكن الكلية والمرارة ؟

حياك الله اخوي كاف نواف بين اخوانك وما تشوف بأس وعزيز وغالي .
الله يسعدك ويمتعك بالصحة والعافية

إلقناصه

21/09/2011, 01:27 AM

صحت الالسن ونبض القلوب
والله يردك لاحبابك
اذا ماحلوه اخواني
ماتكون الخاصره هجره
والم الخاصره

ابو اسامه 2

21/09/2011, 09:16 PM

صح لسانك يا الغالي

ابيات تطرب

تدل على شاعر كبير

ومسند لغالي

وانت غالي

وكلكم غالين

لله درك يا الغالي

وابدااااااع ما شاء الله عليك

لي عوده بعد تمعن

تحياتي لشخصك الكريم

دبوس ظلماخواف

23/09/2011, 12:28 AM

صح لسانكم

والرمعه الله واعلم انها القدس وقبة الصخره

واذا خطا نورنا ..
وهل الوجهه ....... على قدى ولا ......؟

واسلم يالغالي

خشير الذيب

24/09/2011, 03:08 AM

صح الله السنتكم جميع القاف ورده كلها جزله
ووالله اني انبسطت من قرائتي لهذه الابيات

وانا اقول انك جبتها يانجم الكليه
والمراره تقرن بالشكوى مع الكبد (مر على كبدي)

كاف نواف

24/09/2011, 07:50 PM

يا مرحبا من حين ما حرك الهاف=سبعين مع تسعه موديله وشده.

سرى به الي للتفاتيش ما خاف=حافظ مساريبه على وقت جده

مرسولكم جانا وعجل بالانكاف=ضاري على المسرى وشغل المكده

ودامك بخير وفي مساعيك طواف=فالحمد لله حين يسر وشده

عين لكم فرش وعين ترى لحاف=وفي منتدانا طلتك لاترده

ونقول مر وصبر بالغز ياكاف=والهم لا طول على الضلع هده

او يمكن الكلية والمرارة ؟

حياك الله اخوي كاف نواف بين اخوانك وما تشوف بأس وعزيز وغالي .

الله يسعدك ويمتعك بالصحة والعافية

أبقاك الله يا أبو أسامه .. ياهلا وغلا

شاكر لك ماأتحفتنا به هنا وفي سؤالك عني

المطلوبات ثنتين مننا وبيدين غيرنا

والأوله والثانيه سميتين لهن

كاف نواف

24/09/2011, 07:55 PM

صحت الالسن ونبض القلوب
والله يردك لاحبابك
اذا ماحلوه اخواني
ماتكون الخاصره هجره
والم الخاصره

صح بدنك وسلمك الله يالقناصه

مثل ماقلت لابو اسامه ..

المطلوب ثنتين والوصف للسميتين

كاف نواف

24/09/2011, 07:59 PM

صح لسانك يا الغالي

ابيات تطرب

تدل على شاعر كبير

ومسند لغالي

وانت غالي

وكلكم غالين

لله درك يا الغالي

وابدااااااع ما شاء الله عليك

لي عوده بعد تمعن

تحياتي لشخصك الكريم

صح بدنك ياأبو أسامه

عزيز وغالي

شكر لك إطراؤك

وحياك الله .. بانتظار رمعتك

كاف نواف

24/09/2011, 08:04 PM

صح لسانكم

والرمعه الله واعلم انها القدس وقبة الصخره

واذا خطا نورنا ..
وهل الوجهه ....... على قدى ولا ......؟

واسلم يالغالي

صح بدنك يالغالي وتسلم

الرمعه طيبه ومن طيب والوجهه 100%

بانتظار اللي غيرها منك

كاف نواف

24/09/2011, 08:10 PM

صح الله السنتكم جميع القاف ورده كلها جزله
ووالله اني انبسطت من قرائتي لهذه الابيات

وانا اقول انك جبتها يانجم الكليه
والمراره تقرن بالشكوى مع الكبد (مر على كبدي)

صح بدنك وان شاء الله دوم مبسوط

بس ليه ماأحد دقق على ( مزيان بالزاف )

ترى الدعوى حولها .. وبانتظار رمعتك

الحناوي

25/09/2011, 12:05 AM

صح لسانك ملايين يامبدع ،،،

تسجيل حضور واعجاب،،

ولايمنع من الرمع،، وش رايك بـالمدينتين المغربيتين اللتان سلبوها الاسبان"سبته" واللتي تدل على مابين الخصر والارداف، و "مليلة" ويصفونها الشعار بعلة الكبد ويقرنوها بها ؟

ودمت بكل ابداع،،،

نجم000الشمال

25/09/2011, 01:34 PM

الحناوي

26/09/2011, 02:05 PM

جزاك الله خير يالغالي/ نجم الشمال،،،

وتأييدك لي محل فخر واعتزاز وشرف،،

وبانتظار اخونا الغالي،،

كاف نواف

26/09/2011, 08:37 PM

أحسنت يالحناوي أحسنت .. كفو والله لايضرك ولا يضر مسلم

وأحسنت يانجم الشمال تأييدك بمحله (ومبادرتك) محل تقدير

وشكراً لكل الإخوة وأعتذرعن تأخر الردود الخارج عن إرادتي

ياما تقدوا من قدانا زمن طاف=ردوا علينا نكس ردّه وردَّه
أولهن بهدتهم بسيف الأحلاف=وتاليهن تشرذم طغم مستبدَّه
عادت لهم ضفتهم وضموا ضفاف=والمنتصر يرسم على الكيف حدِّه
ماعوزهم من غصبهن قل مصياف=ولا في حشاهن طاقة ٍمستمَدّه
لكن شريف ارقب حديهن بمشراف=حر ٍطرق شوفه وقفّاه هَدَّه
هدّه بسيف الله على يدين الأسلاف=وسادوا بشرع الله وتطبيق حدّه
وطويَن ثمان قرون وبراس الغلاف=(عزّيل باني مجد بيديه هدّه)

نجم000الشمال

26/09/2011, 09:43 PM

ما شاء الله كفو...كفو اخوي الحناوي.
ومشكور اخوي كاف نواف على الغز الطيب ولا تحرمنا من طلتك.
وحنا بالخدمة ، انت اشر وابشر بعزك .

مع محبتي وتقديري للجميع.

الحناوي

26/09/2011, 10:45 PM

كفوكم الطيب الغاليين "كاف نواف، ونجم الشمال" فديتكم،،،

والله اكبر ،صح لسانك ملايين يااستاذي / كاف نواف،،

ماشاء الله عليك قصيدة روعة في روعة الله لايروعك على غالي ،،

ودمتم بكل ابداع