استشاره لاهل مكشات اهل الشور السديد

[abo_saleh]

عندي لاندكروزر قير عايدي وصرت الاحظ فيه انه مايعشث بالاول ولا بالريوس الا بصعوبه بعد ما ادبل كلتش وخصوصا اذا كان بارد اما بقيه النمر ممتازه
وش الدبره يا لاخوان اخاف تكون من نحاسيات القير واذا كانت هي كم تكلف

[ابوراكان تبوك]

في البدايه شيك على طقم اصلاح الكلتش وزيت القير يمكن ثقيل زياده عن اللازم بعدها فكر في النحاسات ونصيحه لاتستعجل في فك القير لأنه ماعاد يضبط زي اول بعد الفك ( وجهه نظري الخاصه )

التكلفه اذا كان 6 سرندل من 2500 الى 3000 قطع اصليه وشغل يد ( اذا كان توضيب كامل )

ننتظر آراء الأخوان

[آ’بوخالد]

طيب اذا إحترت السياره يعشق معك تمام ولا نفس مثل ماهو بارد ..شيك على اصلاح الكلتش العلب الي تحت والي فوق يمكن يبيله وزن وذا مافاد لازم تفك القير بس نصيحه اذا بتغير نحاسات خذلك طقم وركبه
تقبل طلتي

[عبدالاله 123]

قبل ماتمشي خل الموتر يحتمي اذا اوكي غير الزيت للقير

[abo_saleh]

انتظر رد الخبراء

[العمده 0ون0]

1-لازم يكون زيت البريك اصلي او ابو (علبة حديد امريكي احمر وازرق اسمه وقنر مكتوب عليها رقم 21 )
2- تأكد من اصلاح علبة الكلتش فوق وتحت مافي تنسيم 0
3- سوي عملية تنسيم لعلبة الكلتش اللي تحت عند القير 0
:s

[sgl2002]

لاتسوي شي

هذي باللاند عندنا من ١٨ سنة ولا ضرته

ثقل بتعشيق الاول والريوس خصوصا اذا كان بارد

وبعض الاحيان من الاول الى الثاني يقر بالثاني

انت اذا جيت تعشق الاول عطه الثاني ثم الاول
والريوس نفس الشي الثاني ثم الريوس

مع ملاحظة يجب الانتباه لها وهو عدم تعشيق الموتر بين النمر الا اذا ضغطت الكلتش للآخير ثم عشق

لان بعضنا يغير النمره وهو باقي ماكمل دعستة الكلتش×

[abo_saleh]

جزاكم الله خير يا اخوان

رحت لاكثر من ورشه يقولون علبه الكلتش ماتنوزن
وفيه ورشه يقولي غير طقم كلتش

وواحد يقول وضب جربوكس
وواحد يقول غير عليه الكلتش فوق
والله ماعاد اعرف

الحين المشكله صارت في اغلب النمر ولازم ادعس الى الاخير مره لدرجه اني احس بدخل رجلي في الكبوت

اللي يخبر ورشه ممتازه في جده او الطايف ولا تفرق معي الدراهم بس ما ابغى افك الجربكس نهائيا