نقص في ماء الاديتر - اكسبلورر

[بيق مان]

يا جماعة الخير لاحظت نقص كبير في موية الاديتر .. اليوم معبي تقريبا لتر في الاديتر ولتر في القربة وشيكت كل شي ما لقيت السبب، مع العلم اني مغير كوع البلف الى حديد عن طريق الوكالة والاديتر ايضا قبلها خارج الوكالة .. يعني الاديتر والكوع والبلف جديد .. الخراطيش والقربة شيكتها ما فيها علة الا اني اشك ان الخرطوش العلوي قاسي شوي .. حيرتني المشكلة هذي وكرهتني في السيارة.. اقصد مشاكل التبريد والكوع البلاستك الاول وتكرارها، الكوع كان عيب مصنعي ولا يناسب دول الخليج وغيروه الى حديد.
اكسبلورر الموديل 2006 سعودي الممشى حوالى 156000كم
اللي مر عليه شيء من هذا القبيل ينورنا.
ولا اخليها تكبر وتبان على ما قالوا.

[ابو تركي المطيري]

افحص الثلاجه الثلاجه تجي بلاستك واغلب المشاكل تجي منها ومايبين لان فوقها الغطا وتهريبها ينزل على المكينه ويتبخر

[مركز حراره]

افتح غطاء الزيت هل فيه نقاط ماء؟

[بيق مان]

ابوتركي .. مشكور على الرد، وراح اشيك على الثلاجة وهذي من الاشياء اللي ما خطرت على بالي الله يذكرك الشهادة.
اخوي مركز عساك على القوة والله يجزاك خير .. وماذا تعني نقط الماء؟ .. هل ذلك يعني وجيه المكينة أم الرأس مشعور وخلط الماء مع الزيت؟ وهذا اللي مخوفني .. وراح اشيك على غطاء الزيت في النهار والله يستر.

[بيق مان]

افتح غطاء الزيت هل فيه نقاط ماء؟

فتحت الغطاء اليوم وحصلت نقط بيضاء .. ماذا يعني ذلك؟ وهل اصلاحه مكلف؟

[900]

فتحت الغطاء اليوم وحصلت نقط بيضاء .. ماذا يعني ذلك؟ وهل اصلاحه مكلف؟

اولا الله يعينك ويعوض عليك

مادام فيه نقط بيضاء

هذا الله يسلمك المكينه تخلط زيت وماء

والسبب غالبا /

اما وجيه وجلد والشغله سهله

او يكون السبب رأس المكينه ((بسبب ارتفاع الحراره))

اذا لم ترتفع الحراره بشده من قبل فاعتقد ان الشغله وجيه مكينه فقط

والله يعوضك خير ان شاء الله:good2:

[مركز حراره]

فتحت الغطاء اليوم وحصلت نقط بيضاء .. ماذا يعني ذلك؟ وهل اصلاحه مكلف؟
هذايعني وجود شعر براس او السلندر
اصلاحه سهل وغير مكلف

[بيق مان]

اولا الله يعينك ويعوض عليك

مادام فيه نقط بيضاء

هذا الله يسلمك المكينه تخلط زيت وماء

والسبب غالبا /

اما وجيه وجلد والشغله سهله

او يكون السبب رأس المكينه ((بسبب ارتفاع الحراره))

اذا لم ترتفع الحراره بشده من قبل فاعتقد ان الشغله وجيه مكينه فقط

والله يعوضك خير ان شاء الله:good2:
الله يجزاك خير ومشكور على الرد .. لم ترتفع الحرارة بشدة .. سبق ارتفعت فوق النص وحاليا الحرارة طبيعية دائما تحت المنتصف.

[بيق مان]

هذايعني وجود شعر براس او السلندر
اصلاحه سهل وغير مكلف
الله يعافيك اخوي مركز ويطمن بالك.. ويكتب اللى فيه الخير.

[يالبى الهلا]

اذا اكان عندك شعر بالراس فاذكر فيه ماده توضع بالراديتر عند تشغيل الماكينه وتقوم بقفل جميع الشعر براس الماكينه اسمها علاج الراس تلقاها عند ساكو

[مركز حراره]

احذر تحها في الرديتر لانها تسكر الرديتر لابد تحط في جهاز تدوير الماء ولاتمر على الرديتر علشان ماتسكره

[بيق مان]

يالبى الهلا ومركز حرارة
بيض الله وجيهكم .. راح اجرب المادة المذكورة وسأضعها في جهاز تدوير الماء، وان لقحت ولا ماضرها الجمل .. ولو تتكرمون بذكر اسمها ان امكن.
مع خالص شكري.

[يالبى الهلا]

احذر تحها في الرديتر لانها تسكر الرديتر لابد تحط في جهاز تدوير الماء ولاتمر على الرديتر علشان ماتسكره
نـــــــــــــــــعم كلامك صحيح لابد من فتح الخرطوش الاعلى وتفريغ البودره داخل الخرطوش ولاتفهموني غلــــــــــــــــــــــــــــط
هذه تصلح للأديتر الالمنيوم فقط

لا تصلح للنحاس او الحديد

وشكرا....

[محمد ابويزيد]

السلام عليكم
عندي نفس المشكلة بالسيارة
ياليت تفيدنا وش سويت