موسم الخثاق(الحبار)

[كبير النواخذه]

بسم الله الرحمن الرحيم
الساده اعضاء منتدى مكشات ...........المحترمين
السلام عليكم ورحمه الله وبركاته
تحيه طيبه وبعد

اعلن واقر بصفتي كبير النواخذه عن بدء موسم صيد الخثاق(الحبار) والذي يستمر قرابه الشهر الى الشهرين . (1/2-1/4)
حيث انه ياتي الى الخليج هذه الايام وبكثره ويكون حجمه كبير خاصه الذكور
واريد ان اذكر اخواني هنا ان لا يصيدوا بغرض الترفيه لان هذا فيه ضرر ولكن بقدر حاجتك واما انك اتخزن للصيف فلا باس


تحرر في 1/2/2006
كبير النواخذه

[كبير النواخذه]

اش دعوه يالربع محد ايعرف الخثاق
طرق صيده..ظرق طبخه ...استخداماته
تر احسن كبسه ...كبسه الخثاق ..احسن من كبسه الذباح(الخرفان)
http://images.google.com/images?q=tbn:0xVbcqakDVEgkM:www.mer-littoral.org/14/photos-600x400/b14-23-600x400.jpg (http://images.google.com/imgres?imgurl=http://www.mer-littoral.org/14/photos-600x400/b14-23-600x400.jpg&imgrefurl=http://www.mer-littoral.org/14/sepia-officinalis.php&h=400&w=600&sz=45&tbnid=0xVbcqakDVEgkM:&tbnh=88&tbnw=133&hl=en&start=6&prev=/images%3Fq%3D%25D8%25A7%25D9%2584%25D8%25AD%25D8%2 5A8%25D8%25A7%25D8%25B1%26svnum%3D10%26hl%3Den%26l r%3D)
http://images.google.com/images?q=tbn:2dDWh8IY2E8WAM:www.uae.gov.ae/uaeagricent/FISHERIES/pic/habar.jpg (http://images.google.com/imgres?imgurl=http://www.uae.gov.ae/uaeagricent/FISHERIES/pic/habar.jpg&imgrefurl=http://www.uae.gov.ae/uaeagricent/FISHERIES/fishasfood_e.stm&h=199&w=221&sz=34&tbnid=2dDWh8IY2E8WAM:&tbnh=91&tbnw=102&hl=en&start=1&prev=/images%3Fq%3D%25D8%25A7%25D9%2584%25D8%25AD%25D8%2 5A8%25D8%25A7%25D8%25B1%26svnum%3D10%26hl%3Den%26l r%3D)
http://www.uae.gov.ae/uaeagricent/FISHERIES/fishimages/3_s.jpg (http://www.uae.gov.ae/uaeagricent/FISHERIES/fishimages/3.jpg)

[بوفايز]

برد على موضوعك مؤزارة لك وتحميساً للشباب انهم يردون

قبل شهر تقريبا اخوي طلع بالطراد وصادوا 3 خثاقات (ما ادري الجمع صح ولا غلط بس اهم شي المعنى وصل) وصاده بالمنتب كان ما جنب الطراد وهو كل شوي سحب له وحدة. انا جربت اكلت خثاق لكن برة السعودية كان مقلي مثل حلقات البصل وكان لذييييييييييييذ وغير كذا ما اكلته والسلام ختام

بوفايز

[gulfhunter]

السلام عليكم ورحمة الله وبركاته


حياك الله أخوي كبير النواخذه
اكيد اكثر الشباب يعرفون الخثاق
لكن انت أعلنت عن بداية صيدة ولم تطلب اي شئ عنه

بالنسبه إلى طرق صيدة فكثيرة وراح اذكر الأبرز .... عن طريق القراقير وتكون باعين..... وابشر بالخير ....لكن لازم يكون عندك ونش بالطراد ;) ......

بالنسبه إلى طرق طبخه فهي كثيرة.......
اولاً الكبسه ..... والله مافي احسن منها :eek:

ثانياً المقلي وهي زي حلقات البصل تكون :confused:

ثالثاً المشوي وهذي الطريق بعد حلوة وعلى كيفكم :cool:

واكيد في طرق غيرهم كثير :j

تحياتي لكم وللجميع

[معذب الشعري]

السلام عليكم ورحمة الله وبركاته



جزاك الله خير ياكبير النواخذه على التذكير .................

وان شاء الله بتشوفون صور الصيد (صيد الخثاق) طبعا صيدنا احنا ..............
وجزاكم الله خير.................................

[خادم الإسلام]

وهل في البحر الأحمر ايضا هذا وقته

[النقرش]

أخوي نظف الحبر وأخرج أحشاءه وقطع واسلقه بمي مغلية يطلع رووووووووووووووووووووووووعة وشكراااا.

[ABU 7AMDAAN]

السلام عليكم

اخوي كبير النواخذه ...
عندنا موسم (النغر) .. او الحبار يكون في شهر 11 و 12 ميلادي ..
طبعا هذا في مدخل الخليج .. مضيق هرمز
وبعدين احسن طريقه لاكل الحبار ينطبخ مرق او بالهندي صالونه .. وبعدين المقلي ....
مشكورين على المعلومات..
تحياتي

ابو حمدان

[وعر]

السلام عليكم

حبيت اشكرك اخوي على مشاركاتك الممتازه

والصراحه سويت لنا جو في المنتدى واتمنى الكل يكون بنفس نشاطك

بالنسبه لموسم صيد الخثاق

الخثاثيق بدت تهل علينا في الدوحه من نص شهر 12 بس نفس ماقلت اكثر وقت تواجد لهم هو نفس التاريخ اللي ذكرته

وفي قطر ممكن تصيد الخثاق في اكثر من مكان مثل (مساكر ام الحول ومساكر ام حصاه في الشمال ومساكر سميسمه وفي منطقه العديد تتواجد بكثره عند طعس الدهيمي (موقع البيئه القديم)
وفي هذي المناطق ماينفعك غير شيئين ( النيزه و اللقده(الطعم الصناعي) وانا عن نفسي ما مر علي خثاق يقدر يقاوم جاذبيه اللقده (يلفي عليها كنه مجنون)

واسمحولي على الاطاله


واتمنى اني قدمت شي مفيد

وتقبلو تحياتي