فزعتكم يا ربعي .....اشتريت براوننج بلجيكية لكن!!

[واثق الخطوة]

السلام عليكم
الله لا يهين هالوجيه الطيبة قدر الله علي واشتريت
بلجيكية براوننج قديمة أم جسر.
وانا ادري بالبلجيك وطيبها لكن ماهيب من الأولات الملط ام مواصير طويلة
لا هذي ماصورته قصيرة جداً وتحتاج توصيلة كالتالي:
http://www.mekshat.com/pix/upload03/images134/mk60951_1.jpg

وهذي من قريب


http://www.mekshat.com/pix/upload03/images134/mk60951_2.jpg

تكفون يا عصابة راسي أحد يخبرلي التوصيلة :confused:
وتراي مامن خبرة- راح عمري مع ام حبة انكسر كتفي وضاعت الطيور- :D
يعني هل هي تجي انواع ومقاسات واطوال؟ هل ممكن ارمي بدون التوصيلة مع العلم السنة خارجية كما في الصورة لا تخلونا يالربع وانا مكاني بالرياض
الله لا يهينكم

[بواردي الدبدبه]

تلقاه في الكويت ما صن ان تلقاها في السعوديهـ

[عاشق الفتك 20]

با الكويت بتلقا طلبك
ولا با بريده

[عقيد الخيل]

وانا اخوك رح لمحل ابومحمد الرميان بالجرده ببريده
وماراح تطلع منه الا مبسوط وراضي ان شاء الله ,,, بيدبرك ولو من تحت الارض.
عموما رقم جواله مكتوب على المحل من برا وانا مخزنه اذا تبيه راسلني على الخاص وابشر بسعدك
ممكن تستفسر منه بدل ما تعنى الماسفه,,لا تنسى اسأله يصب لك تشوك خاص على بارودك .

[قناص*07]

تراها ممتازه القصيره وتقدر تخزنها بأي محل وسوقها ممتاز ماهناك فرق بينها وبين الـ32 انش.كانت عندي الثنتين وكنت افضل الرمي بالقصيره.

[اهل الردات]

رح يم البريده بسوق الجرده سوق خاص للاسلحه

[قانوص قديم]

السلام عليكم اول شي طال عمرك البندق هذي اسمها براوننق B80 وفي تشوك راكب عليها ولا المسننات ظاهره لازم نعرف موديلها عشان انفيدك طال عمرك

[قانوص قديم]

اذا البندق براوننج B80 تركب عليها سبطانت البريتا ال 390 بالضبط ولاترهيم ولاشي بس تاكدلي من موديلها طال عمرك اذا B80 امرها هين والمشكله انه ال B80 والبراوننج B5000 يتشابهون

[واثق الخطوة]

أشكر كل من رد علي بموضوعي
وبالنسبة لموديلها وأنا أخوك ما عليها أي شي يدل على الموديل
فقط مكتوب على الماصورة
Nationale Belgique Brownings
Cal 12 - 76 Magnum
مع العلم إني قست الماصورة طولها 22 إنش إلى السنة في نهاية السلم !!!
والمشكلة ما يحصل أروح للقصيم أدور لها تشوك أو وصلة
والله بلشت بها وتراي أدور لها زبون ولا هيب غالية

على العموم ما قصرتوا

[قناص خليص]

عطوك المكشاتية العلم وسلامتك

[براوينغ]

اخوي تبي نصيحتي ؟؟ وصدقني ما راح تندم !!
لاتبيعها اول شئ ,, انت تبي من البلجيك القديم ام ماصوره طويله .. البلجيك القديم يرمي من 24 إلى 42 ,, هذي اللي عندك ماغنوم ترمي من 24 إلى 56 قرام ,, وبعدين القصر عادي ياخوي ما راح ياثر على السوق ,, وخاصه في البندق اللي بالتشوكات ,, وانت شوزنك فيها شوكات وبلجيكية ,, وترى القديمات قليل تلقى البلجيكيه واذا لقيتها وين تلقى النظيفه اغلبها يابانيه وكنديه , وانت عندك شوزن طيبه وبالنسبه لطول السبطانه القصيره افضل لعدة اسباب ,, اولاً تقدر تحطها بالسياره ورى وقدام ما تضايقك وتقدر تركبها على كتفك على الصيده اسرع من الطويله ,, وتبي تدري أن القصيره اطيب من الطويله ! شوف الرماة العالميين والاجانب يفضلون السبطانات القصيره على الطويله ,, والطويله والقصيره ما تفرق الا بالشوازن القديمه اللي ما فيها شوكات وانت شوزنك بلجيك بس من النوع يجي فيها شوكات يعني ما راح تفرق مع الطويله لان التشوكات هي اللي توزع الرصاص ,, ونصيحتي لك لا تبيعها وانت وعلى راحتك اخوي وترا شوزنك طيبه وارم فيها وراح تستانس برميها ,, واسمحلي على القصور

[واثق الخطوة]

اخوي تبي نصيحتي ؟؟ وصدقني ما راح تندم !!
لاتبيعها اول شئ ,, انت تبي من البلجيك القديم ام ماصوره طويله .. البلجيك القديم يرمي من 24 إلى 42 ,, هذي اللي عندك ماغنوم ترمي من 24 إلى 56 قرام ,, وبعدين القصر عادي ياخوي ما راح ياثر على السوق ,, وخاصه في البندق اللي بالتشوكات ,, وانت شوزنك فيها شوكات وبلجيكية ,, وترى القديمات قليل تلقى البلجيكيه واذا لقيتها وين تلقى النظيفه اغلبها يابانيه وكنديه , وانت عندك شوزن طيبه وبالنسبه لطول السبطانه القصيره افضل لعدة اسباب ,, اولاً تقدر تحطها بالسياره ورى وقدام ما تضايقك وتقدر تركبها على كتفك على الصيده اسرع من الطويله ,, وتبي تدري أن القصيره اطيب من الطويله ! شوف الرماة العالميين والاجانب يفضلون السبطانات القصيره على الطويله ,, والطويله والقصيره ما تفرق الا بالشوازن القديمه اللي ما فيها شوكات وانت شوزنك بلجيك بس من النوع يجي فيها شوكات يعني ما راح تفرق مع الطويله لان التشوكات هي اللي توزع الرصاص ,, ونصيحتي لك لا تبيعها وانت وعلى راحتك اخوي وترا شوزنك طيبه وارم فيها وراح تستانس برميها ,, واسمحلي على القصور

والديك بالجنة هذا بلى ابوك
وين الشوكات اللي خابر هالشوكات يشريهن ويجي يشري مني البندق :D
طابت النفس وانا اخوك

الله لا يهينك

[مطارد القمري]

يفيدونك الاخوااان

[صياد القويعيه]

ماقصرو الشباب افادوك عليك بالجرده هم اهل الترهيم .,.,

[واثق الخطوة]

لا هان كل من رد ومل من شاهد
وأشوف ماحد له شف :)

[al_saif]

السلام عليكم
اذا هي نظيفة أشتريها بـ 2000 ريال

تليفوني : 0505464230

[التل الصامت]

والله ما عندي علم بمحل لها لكن وهي قصيرة ازين لك وتراء سوقها ماشي


ويفيدونك الاخون ان شاء الله

[al_saif]

السلام عليكم
اذا هي نظيفة أشتريها بـ 2000 ريال

تليفوني : 0505464230

انتظرك اخي الكريم

[النوفي 3535]

اخوي إذا البندق بلجيكي
عطني حدك وإن شاء الله انا شراي
انتظر ردك
تحياتي

[أخو شمروخ]

أنا أعطيك 2200 وشقلت

[واثق الخطوة]

يا شباب الله لا يهينكم
قوانين المنتدى تمنع العرض والطلب مباشرة
النتيجة إقفال الموضوع
اللي يبيني يرسل رسالة على الخاص وأرد عليه مباشرة

[النوفي 3535]

اخوي
هذا ايميل nm1766@gmil.com
ماقدر ارسل خاص
تحياتي

[نومااااس]

سلام عليك اخوي واثق الخطوه اذاااا كان عندك نيت بيع الرجااااء ترك رقمك في رساله خاصه اخوك نومااااااس

[واثق الخطوة]

اشكر كل من مر على الموضوع
البندق خلاص انباعت الله يرزق اللي شراها
أتمنى لو أعرف أقفل الموضوع
أو المشرفين يقفلونه

شكراً

[Mekshaati@]

يا اخوان أتوقع البندق تركية تقليد البلجيك

اذا ماني واهم من الكتابة اللي عليها مثل قال اخونا صاحب البندق لأن واحد من الربع عندها اختها تقليد البلجيك وصناعتها تركية وتراها خطرة إحتمال تنفجر وخراباتها كثير

أبسأل هل مكتوب عليها نمبر 1 ؟؟؟؟؟؟؟؟

[النوفي 3535]

اخوي البندق بليجكي
متاكد

[ابوفهيدان]

لا هان كل من رد ومل من شاهد
وأشوف ماحد له شف :)

انشاء الله لنا شف فيها
راسلني وعطني اقصي علومك
وابشر