المساعد الشخصي الرقمي

مشاهدة النسخة كاملة : استفسار عن مروحه الطراد (البروانه)


كبير النواخذه
31/01/2006, 12:36 PM
استفسار عن مروحه ماكينه الطراد (البروانه)
اي افضل نوع ..المصنوعه من حديد او الومنيوم اوو او اوا و؟؟؟
وليش؟؟؟؟؟؟؟؟؟؟؟؟؟


وش تقولون يانواخذه !!!؟
معذب الشعري
31/01/2006, 01:14 PM
السلام عليكم ورحمة الله وبركاته


طال عمرك ياكبير النواخذه البروانه الحديد افضل بكثير من الامنيوم .......وهذا شي معروف عند النواخذه ........
لان الالمنيوم يمكن تنعوي مع الوقت او اذا صدمت (دعمت) فشت ولا شي على طول تنكسر اما الحديد يمكن تقزر شوي حق الرجعه للمدينه..............................
وان شاء الله بحاول اجيب لك موقع مكتوب فيه كل شي عن مكاين البحر..........................
وجزاك الله خير............................................... .................................................. .........
بوفايز
31/01/2006, 01:26 PM
السلام عليكم .......

أنا مع اخوي معذب الشعر سمعت ان ا لبيروانة الألومنيوم مو شي و اكثر اللي يبيعون مكاينهم المستخدمة تشوفهم حاطينها على اساس انها بيروانة جديدة ( انا ما اتهم احد بالغش بس هذي ملاحظة وربما اكون انا على خطأ)

ايضا على حسب ما فهمت واستنتجت من بعض الكلام اللي سمعته الالومنيوم تنعوج اما الحديد تتثلم يعني لا طقيت في صخور او شي الحديد بتكون احسن لانها اذا انثلم منها جزء الباقي بيقوم بالدور اما الالومنيوم اذا انعوجت بتصير متعبة اكثر في الاستخدام والرجوع للشاطئ

ملاحظة صغيرة بعد مع اني طولت عليكم بس البيروانات احجام وكل حجم يعطيك سرعة للطراد. على حسب كلام الميكانيكي اللي وديت طرادي عنده للصيانة ان حجم المراوح عندي 19 ولو اركب 15 او 16 الطراد بيكون اسرع مع ان هالحجمين مو متوفرين بالسوق يعني يبي لهم تدور انا قلت في بالي مدام الطراد يمشي وحلو خلينا عليه وبعدين نطور شوي وشوي

هذا والله اعلم وشكلي طولت عليكم

بو فايز
كبير النواخذه
01/02/2006, 07:32 AM
كلامكم على عيني وعلى راسي يامعذب الشعري وبوفايز

لكن انا والله صار معاي موقف كرهني في البروانه الحديد ...قولوا لي شنهو.....
شنهو..

هاه ..سالتوني...شنهو الموقف...
الموقف طول الله اعماركم
الموقف
الموقف



ايه الموقف




الموقف طول الله اعماركم.........

اي موقف....


ايه ايه تذكرت...
الموقف سلمكم الله


اني كنت رايح البحر في الطراد والبروانه طبعا حديد

اسلوني شلي صار..

شلي صار...؟؟


هاه سالتوني شلي صار

الي صار سلمكم الله

انه البروانه دعمت فشت..معاي



هاه وسلمكم الله بعدين البروانه حديد ..



تدرون اش صار...اسالوني وش صار

وش صار؟؟


هاه سالتوني وش صار...



الي صار سلمكم الله وطول اعماركم


ان البروانه مانكسرت....وليتها انكسرت




لان القير انكسر




البروانه كانت حديد ولذلك لم تنكسر ....والي راح فيها القير..انكسر..
وصار مشي الطراد بطئ جدا

بس الله سلم الدوريه اقلصونا ووصلونا الفرضه .. الظاهر حوبه واحد من الربع يبي ايروح وماوديناه
حاقد على لخمه
01/02/2006, 12:07 PM
والله يا اخوى كيبر النواخذه انا مع اخوى معذب الشعرى بان البروانه الحديد احسن من الالمنيوم وهذا شى معروف لان الامنيوم ماده غير صلبه اما الحديد اذا لاقدر الله دعمت فشت من صلابتها تنقز عليك المكينه وما تنكسر بسهوله وفى بروانه اقوى من الحديد الى هى تكون مخلوط مع نحاس وفلاذ بس انا ما شوف النا س تستخدمها واجد مادرى ليش
بوفايز
01/02/2006, 07:16 PM
السلام عليكم يا شباب ....

بالنسبة لتجربتك يا كبير النواخذة فهي فعلاً معلومة نستفيد منها ولكن السؤال هل لو كانت المروحة اللي عندك ألومنيوم بتنكسر وبتحافظ على القير؟ ولا بيصير نفس الشي وبينكسر القير؟ انا ما اعرف الاجابة على هالسؤال لكنه خطر في بالي ياليت الشباب اللي عندهم خبرة اكثر يعطونا رايهم وتجاربهم

في واحد من سلاح الحدود من الدمام قال لي ان المكاين اللي ترفعها وتنزلها يدوي احسن لانك لو ضربت فشت المكينة بتنقز فوق اما مكان الهيدروليك لا ما تنقز وتكسر المروحة والقير والله اعلم

بو فايز
كبير النواخذه
02/02/2006, 07:20 AM
اخوي حاقد على لخمه ..اقولك انكسر القير اتقولي احسن...هذا معنى كلامك طال عمرك


يعني اقولك البروانه الحديد هي سبب كسر القير ...لو كانت المنيوم..كان امتصت الصدمه وانكسرت هي وتم القير صاحي....وهذا ما اعتقده ياخوي بو راشد والله اعلم



ربي ايسلمكم كلكم
gulfhunter
05/02/2006, 07:11 AM
السلام عليكم ورحمة الله وبركاته


حياك الله أخوي كبير النواخذه

انا اشوف المشكله اللي صارت لك اخوي مومن البروانه سوءً حديد او المنيوم

المشكله طال عمرك من كلش البروانة
السؤال هل المكينة كانت عندك من اول او شاريها مستعملة !!!!!!!!!
لأن دور الكلش طال عمرك هو حماية القير إذا البروانه ضربت في في اي شي
أما إذا خرب على طول يضرب القير

تحياتي لك وللجميع
كبير النواخذه
05/02/2006, 07:23 AM
طال عمرك يا gulf hunter المكينه 55 شاريها مستعمله بس حالتها ممتازه

افدنا طال عمرك
gulfhunter
05/02/2006, 07:40 AM
السلام عليكم ورحمة الله وبركاته

هلابك اخوي ......... زي ماقلت لك الظاهر ان اللي شريت منه المكينه حصلت له مشكله مع الكلش .... وبعدين حاول يركب البروانه وزبطها مع الشفت ومش حاله.....

في الغالب الطريقه هذي تستعمل إذا كنت متوهق في داخل البحر وماحولك احد..... تكون مضطر

تحياتي لك وللجميع
كبير النواخذه
05/02/2006, 07:43 AM
جزاك الله خير مشرفنا الغالي gulf hunter على ها المعلومه الجديده
اشكرك واشكر كل من مر او شارك معانا


ربي ايخليكم
بوفايز
05/02/2006, 08:12 AM
السلام عليكم
مشرفنا العزيز شكرا على المعلومة لكن ممكن تشرح لنا كيف الواحد يقدر يركب البيروانة بدون الكلتش؟ لانك قلت انها عادة تصير داخل البحر اذا كان الواحد متوهق. وهذي معلومة جيدة على شان اذا توهقنا ويعطيك العافية مقدما

بوفايز