لاهل خبرة النيسان الباترول :

[سعيد القحطاني]

السلام عليكم ورحمة الله وبركاته
اخواني عندي سفاري 94فيه صوت المراوح قويه اذا زاد الممشى تسمع للموتر تقول مديل الستين فقالي واحد من اهل النيسيان بدل المراوح الى سبارو او مكسيما
السوال هو وش رايكم للي مجرب ؟
والسوال اللي بعده واي نوع افضل والمديل ارجوالاجابه

[رحّال 9]

والله وناخوك كثر الكلام عن المراوح السوبارو .

ناس تمدح وناس تذم .

لكن فيه اثنين من الربع مركبينها ويمدحونها من ناحيه العزم والحراره .

لكن كا استعمال مالهم الا 5 شهور مركبينها يعني ماتبين الحين .

وان كنت صامل ركبها عند الدغيري .

صحيح انه غالي لكن شغل نظيف .

وبالتوفيق .

رحّال 9

[sgl2002]

شيك على تماتيك االمروحة شكله خربان

ولاترهم وخل كل شي وكالة

[راعي الطلعات]

وعليكم السلام والرحمة

انا مركب مراوح سبارو من سنه وزود وماشاءالله تبارك الله ماشفة منها خلاف

بس اهم شي قبل انك تنوي تركب المراوح عالج حرارة الموتر لان المراوح تخفي عنك حرارة الموتر لكن المشكله تزود بدون ما تدري ومن الممكن ان المراوح الكهرب تشتغل معك بشكل مستمر وتسحب من البطارية الكهرب ويأثر على اشياء اخرى

[صالح ابو وليد]

ركب مراوح سوبارو اسال مجرب كذا:good2:
صوت الحنه يروح
بس مشكلته وحده تاخذ كهرب

[You Like Me]

وعليكم السلام ورحمه الله


مراوح السوبارو على الباترول مافيها واحد اثنين
ركبها وانا اخوك ولا تشاور بترتاح انت وبترتاح سيارتك
بيفرق معك في الخط وفي النفود وفي كل شي ولو تلحقها هدرز بعد يا سلام سلم :D
انا والله كنت من المعارضين للهدرز والفلتر من كثر ما سمعت انها
تنقص عمر المحرك ومن هالكلام
لكن مكينة الباترول مكينة خياطة ما ينفع معها الا المراوح والهدرز والفلتر

[شاص نيسان 93]

ركب ولا تشاور

[المختبي]

وانا كذلك كانت حنت الباترول قويه وغيرت تماتيك المراوح والحمد لله الحراره على الخط الاول ولو شغلت المكيف الحراره ما تتعدا الخط الاول بس الاصلي نصيحة اخ خل الترهيم والمراوح للسوبارو كله كلام فاضي

[ابوفهد911]

وانا كذلك كانت حنت الباترول قويه وغيرت تماتيك المراوح والحمد لله الحراره على الخط الاول ولو شغلت المكيف الحراره ما تتعدا الخط الاول بس الاصلي نصيحة اخ خل الترهيم والمراوح للسوبارو كله كلام فاضي
انا مع اخوي ركب اتوماتيك المروحة اصلي وارتح لان الكهرب دايم تخرب الا اذا كانك تفهم في الكهرباء وكتاوتها واذا فصلت تعرف تتصرف لاكن الصوت انت متاكد انه من المراوح لايكون من رمانات العكوس اتوقعها لانه اذا هو صوت اثناء المشي فقط من الرمانات واذا يطلع كذلك وانت واقف ودعست البنزين وطلع الصوت مزعج اكيد مثبتة بلحام اوخربانة

[مركب الجمس]

مراوح سوبارو و انصحك با ابو اسامه الدغيري

شغل ذمه و شغل نظيف لاكن سعره غاااالي

و هذا رقم جواله ان بغيته
0552222006

[شاص نيسان 93]

يارجال اليابان لو يدرون عن ترهيمنا على المراوح كان الغو مروحة الوكاله