اللـي يـبــي يـلـقـــط فـقــــع يــدخـــل ........ [الأرشيف]

مشاهدة النسخة كاملة : اللـي يـبــي يـلـقـــط فـقــــع يــدخـــل ........

سهيل واحد

31/01/2006, 03:57 PM

السلام عليكم ..،

مساكم الله بكل خير و عافية ..،

خلال عطلة نهاية الاسبوع اللي فات قمت انا و واحد من اخواني بزيارة منطقة الحدود السعودية العراقية.

تحركنا من الرياض يوم الاربعاء ليلة الخميس 25 ذوالحجة 1426 متجهين الى مدينة حفر الباطن مروراً بالمجمعة ..
وصلنا الحفر حوالي الساعة 11 مساءً و اخذنا مقاضي الكشتة من اسواق العزيزية في حفر الباطن...

بعد ما تقضينا اتجهنا الى طريق الرقعي (طريق الكويت) وبعد ما قطعنا 55 كم (بعد محطة خسارة) نزلنا من الطريق يسار (الخطوط كثيرة المتجهة شمال) باتجاة الشمال وهي من اراضي الدبدبة (أراضي الدبدبة معروفة بسهولة مسالكها .. يعني لو معك كابرس ما عندك مشكلة) وبعد 30 كم وقفنا و نمنا والساعة 7 الصبح حركنا و كملنا طريقنا لنفس الاتجاة (شمال) وبعد حوالي 10 كيلو جانا العقم الاول (بداية حدود السعودية و دولة العراق .. بينه و بين العقم الثاني حوالي 10 كم .. "الأراضي اللي بعد العقم الثاني هي اراضي عراقية") ..

حين وصلنا للمنطقة كان هناك ناس يلقطون حول العقم و بعض الناس يقفزون العقم ويدخلون يلقطون ..
وقفنا السيارة قبل العقم بحوالي 200 متر ولا صدقنا خبر نحرنا العقم و دخلنا المنطقة اللي وراء العقم .. فيه ناس يدخلون الى مسافة 5 كم لانك كل ما تعمقت داخل كل ما لقطت فقع اكبر و اكثر .. سلاح الحدود موجودين خارج و داخل العقم لكنهم متساهلين مع الكشاتة و اهم شي عندهم ان الشخص يطلع من المنطقة اللي داخل العقم بعد صلاة العصر و يخرج من المنطقة اللي خارج العقم قبل حلول اذان المغرب ..

صراحة فيه فقع لكن يحتاج الواحد انه يتعمق داخل العقم لان اللي حول العقم اكثره ملقوط و لاعبه فيه خطوط السيارات و رجلين الاوادم .

الأحداثيات :

حفر الباطن:-

شمال 28.25.957
شرق 045.57.843

الموقع (بجانب العقم):-

شمال 28.59.553
شرق 045.53.476

ملاحظة مهمة جداً:

اللي يبي يمرح هناك لا يصير حول العقم لانه غير مسموح و لكن يجب ان يتجه باتجاة الجنوب و بعد 5 او 6 كم يمرح هناك (حنا امرحنا ليلتين هناك وكانت من احلى اليالي الشتوية و خاصة ليلة الجمعة لانها امطرت).. والصبح مع شقة النور يروح للعقم و يزين قهوتة و يفطر وبعد ذلك يتوكل على الله و يدخل العقم و يتعمق علشان يلقط شي يسوى العنوة ..

تمنياتي للجميع بلقط الزبيدي الدسم.

والسلام ختام .

أيتوها سؤال يا شباب انا رسم الخدمة.

سهيل واحد

31/01/2006, 04:01 PM

معليش يا شباب نسيت اقولكم انه ما كان معي كمرة و الصراحة ما كنت فاضي للكمرة لاني كنت منشغل بلقط الفقع و الوقت اللي ما كنت القط كنت ارتاح.. وخيرها بغيرها... آة لو أوس أو أيمن معنا (من غير قصور بفنانين المنتدى )

ابن بدران

31/01/2006, 04:16 PM

هويدي

31/01/2006, 04:21 PM

لكن بالنسبة للامراح لازم الواحد يبعد عن العقم مسافة كبيرة
لأن كثير من مشاكل القتل والسرق صارت من اللي يتسللون من العراق على رجلينهم ..!!
الحذر واجب ......

جزاك الله خير وبيض الله وجهك دنيا وآخره

الشاص

31/01/2006, 05:47 PM

يعطيك العافيه

بس هل موجود الزبيدي بكثره الحين في هالمنطقه؟

الهــــــدد

31/01/2006, 07:18 PM

الحمد لله على السلامه ياسهيل واحد..

ولو كان راعي الربع معكم اكيد انبسطتوا اكثر..بس الله يسامح الانفلونزا..

راعي الكيف

01/02/2006, 03:33 AM

rayiig

01/02/2006, 09:00 AM

لارسي

01/02/2006, 09:29 AM

يعطيك العافيه وما تقصر كفيت ووفيت الله يجزاك خير . . .

جلاد الصحراء

01/02/2006, 09:54 AM

يعطيك العافيه وما تقصر .

ربيق

01/02/2006, 09:56 AM

الله يعطيك العافية وما قصرت
.
وفعلا تمنينا لو كان فيه صور

سهيل واحد

01/02/2006, 11:31 AM

وعليكم السلام ورحمة الله وبركاته

الله يبيض وجهك ياخوك ويرفع قدرك
كفيت ووفيت عسى عمرك طويل على الطاعة

لكن بالنسبة للامراح لازم الواحد يبعد عن العقم مسافة كبيرة
لأن كثير من مشاكل القتل والسرق صارت من اللي يتسللون من العراق على رجلينهم ..!!
الحذر واجب ......

هلا بك يأبن بدران ..

صراحة حنا نمنا بمسافة 5 كم عن العقم جنوب و لا واجهنا مشاكل .. صحيح ان الناس اللي مخيمين قليل لكن فيه راعين حلال واجد .. وبالنسبة لنا ما كان عندنا مشكلة و ان جانا احد يدور الخير فياهلا به عين فراش و عين غطا .. وان جانا احد يدور الشر فماله الا اننا نخليه يدور صواميل رجليه .. وماهو كفو لا هو ولا اشكاله يخلينا نترك الربيع و فلة الحجاج ..

شرفني مرورك يا ابن بدران

سهيل واحد

01/02/2006, 11:45 AM

يعطيك العافيه

بس هل موجود الزبيدي بكثره الحين في هالمنطقه؟

الله يعافيك ..

مرحبن بك يالشاص..

صراحة الزبيدي و الخلاسي موجودات لكن تعتمد على حظك و تعمقك داخل العقم يعني اللي يدخل 1كم ما هو مثل اللي يدخل 5 كم ..

شكرا لمرورك.

سهيل واحد

01/02/2006, 12:27 PM

الحمد لله على السلامه ياسهيل واحد..

ولو كان راعي الربع معكم اكيد انبسطتوا اكثر..بس الله يسامح الانفلونزا..

الله يـسـلمـك ..

والله انـنـا قـلنـا لـراعـي الــربــع ... ودنـا تـخـاويـنــا ... لـكـنــه تـعــذر بـالانـفـلـونـزا .. وانـا ادري بالسـبـب وهـو انـه مـا لـه خلـق يــروح ..
لانـه كـان خـايــف ان الـرجـال راعـي الـفـكـسـر الأبيـض .. يـمـتـحـنــه بـقــولـة " لـحـدك واقــف "

و مـا أقــول الا الله يـبـارك بـالسـاعـة اللـي خـلتـنـي اكـتــب هـالـمـوضـوع ... لانـه خـلاك تـسـطـر اول مـشـاركـاتـك بـمـنـتــديـات مـكـشـــــات .. وبـمـا انـي اعـرف انـك شـاعــر فـانـت مـلـــزوم بـقـصـيــدة هـديــه للـمـنـتــدى و اعـضـائـة الـكـــرام .. وانـت كـريــم و اعـضـاء الـمـنـتـــدى يـسـتــاهـلــون كل خــــــــــير.. فـــلا تـتــاخــر عـلـيـنـا بـالـقـصـــيدة .. والا لا يـا شـبـــاب.

سهيل واحد

01/02/2006, 12:45 PM

بس على ما اعتقد ان هالمنطقة مليانة بمادة اليورانيوم من ايام الغزو ... لانها كانت مكان للالغام !!!

وهالامطار جت ولخبطت الدعوا .... واقرب حالة خطيرة كانت سنة الخير سنة 1418هـ كان فيه فقع يجي باحجام خيالية !!!

بس كانت حالات تضرر من اليورانيوم منها ... واذا قربك اليورانيوم قل على نفيستك السلالالام !!

افضل مكان في رأيي للقط الفقع ... هو جال الخط الشمالي بين حفر الباطن والسعيرة ... وكذلك على خط القاعدة الجوية المسمى بخط السفانية !!

وهالاماكن تسمى الدبية .. بتشديد الياء ...

هالاماكان شوفوها .... وتبون تدعون لي ان شاء الله ... بس ابعدو عن الخط ... والعلاقة عكسية كل ما ابعدته عنه كل ماكثر الفقع

وسلامتكم

هلا باخوي راعي الكيف

وكلامك على متمه .. ما شفنا الا كل خير ..

العام رحنا للحمطيات و لقطنا الفقع من الحد (حدود السعودية مع الكويت) و قبلها بسنة او سنتين لقطنا الفقع من خباري وضحا "للي يعرف المنطقة حول منطقة الجيب الخربان" (موقعها شمال شمال شرق الخط اللي تقول .. خط السفانية - القاعدة ..) و لا اله الا الله ما جانا اي خلاف او النفسية جاها شي .. و اعتقد ان قصة اليورانيوم و الفقع إشاعة طلعوها تجار الفقع علشان يخلون الناس تبعد عن المناطق الموجود فيها ..

تحياتي لك وشكراً

عاشق الزهر

01/02/2006, 12:56 PM

الله يعطيك العافية على هذا الوصف الدقيق ، وان شاء لنا زيارة لهذا الموقع .

تحياتي
عــ الزهرــاشق .

سهيل واحد

01/02/2006, 01:14 PM

حياك الله ياسهيل واحد
وعودا حميدا

وعلومك غانمة ماشالله

ولكن نبي منك معلومات اكثر

اول شي الله لايهينك هل الفقع يستاهل العنوة

يعني اللي يروح ويلقط يحصل عشاء لاهله

سلاح الحدود متى يطلعونكم برا العقم

فيه زحمة ناس والا لا

شلون الربيع

وتسلم يالغالي

الله يحييك و يبقيك يالرايق ..

و ابشر بالخير ..

الان صار لنا أسبوع من روحتنا و الارض فيها خير .. ومثلك عارف ان الارض اللي فيها فقع و جاها مطر و بعدها ضربتها الشمس .. تفقع كل يوم ..

يوم الخميس اللي كنت فيه هناك حكرت دلة قهوة عند العقم (خارج العقم ) وانا اتقهوى مر على رجال سلاح الحدود و دعيتهم للقهوة ومن ضمن سواليفنا قالوا و أكدو ان الارض فيها خير من نفس المنطقة لين تقول سلام يا رفحا .. و يوم سئلتهم وين بالضبط قالوا حول العقم بعضه شمال العقم وبعضه جنوب و غرب العقم ولا حددوا منطقه معينه .. لكن انا متأكد أن اللي له جلد و عنده اجازة يبي يلقى عشاء و غداء اهله و يذوق الجيران بعد.

سلاح الحدود اللي في المنطقة هذيك سمحين و ما يقولون للناس شي .. هو مطلوب منه انه يمرك و انت بالمنطقة اللي داخل العقم .. و يقولك اطلع عن المنطقة لكن ما يتنح و يصر انك تطلع لكن هالكلام لازم انه يكون الصبح او الظهر .. لانهم ما يتركونك اذا الوقت متأخر يعني حول الساعة 3 او 4 العصر ..

نعم الناس اللي كانوا هناك الخميس كانوا واجد .. لكن يوم الجمعة خفوا الناس شوي .. و اعتقد انهم يبون يكثرون بالاجازة .. لكن و انا اخوك لا تنسى انه ما لك الا رزقك اللي قاسموه لك الرحمن ..

الربيع زين ..

واخيراً أشكرك على مرورك و أرجوا اني أفدتك .. و صدقني انك تبت تروق اكثر يالرايق.

سهيل واحد

01/02/2006, 01:21 PM

الله يعطيك العافية على هذا الوصف الدقيق ، وان شاء لنا زيارة لهذا الموقع .

تحياتي
عــ الزهرــاشق .

يسلمك ربي يا عاشق الزهر ..

ذكرتني لعجز بيت شعر يقول:
".. الزهر ماله رماحً تصيب او تخيب .. " معليش ناسي التكملة

والساعة المباركة .. ما سويت شي .. و اتمنى لك كشته غانمة بالزبيدي ان شاء الله ..

سهيل واحد

01/02/2006, 01:26 PM

يعطيك العافيه وما تقصر كفيت ووفيت الله يجزاك خير . . .

الله يعافيك و يخليك لعين ترجيك ...

بالخدمة طال عمرك.. شكراً لمشاركتك

سهيل واحد

01/02/2006, 01:29 PM

يعطيك العافيه وما تقصر .

هلا بجلاد الشعبان ..

بهالربيع ان شاء الله تبي تنبسط و تقلب اسمك الى جلاد الفياض و الخباري

شرفتني بمرورك

سهيل واحد

01/02/2006, 01:31 PM

الله يعطيك العافية وما قصرت
.
وفعلا تمنينا لو كان فيه صور

هلا اخوي .. ربيق

تسلم و انا و الله تمنيت الكمرة لكن خيرها في غيرها ان شاء الله.

شكراً

ريف النشاما

01/02/2006, 01:45 PM

الله يبارك فيك أخي الغالي

على هذا التقرير والشرح والتفاصيل

==فكره == أخذتها من الأزرق == اغللي يروح ياخذ دباب ولا سيكل :D علشان يتعمق أكثر

==================

الله يـسـلمـك ..

و مـا أقــول الا الله يـبـارك بـالسـاعـة اللـي خـلتـنـي اكـتــب هـالـمـوضـوع ... لانـه خـلاك تـسـطـر اول مـشـاركـاتـك بـمـنـتــديـات مـكـشـــــات .. وبـمـا انـي اعـرف انـك شـاعــر فـانـت مـلـــزوم بـقـصـيــدة هـديــه للـمـنـتــدى و اعـضـائـة الـكـــرام .. وانـت كـريــم و اعـضـاء الـمـنـتـــدى يـسـتــاهـلــون كل خــــــــــير.. فـــلا تـتــاخــر عـلـيـنـا بـالـقـصـــيدة .. والا لا يـا شـبـــاب.

======= لقد أوقعت الرجل بالفخ .......ولزم عليه التنفيذ :)

ابن بدران

01/02/2006, 06:46 PM

هلا بك يأبن بدران ..

صراحة حنا نمنا بمسافة 5 كم عن العقم جنوب و لا واجهنا مشاكل .. صحيح ان الناس اللي مخيمين قليل لكن فيه راعين حلال واجد .. وبالنسبة لنا ما كان عندنا مشكلة و ان جانا احد يدور الخير فياهلا به عين فراش و عين غطا .. وان جانا احد يدور الشر فماله الا اننا نخليه يدور صواميل رجليه .. وماهو كفو لا هو ولا اشكاله يخلينا نترك الربيع و فلة الحجاج ..

شرفني مرورك يا ابن بدران

هلا بك أكثر والله يزيدك شرف
أنا ياخوك كلامي من تجربة والمحلات اللي ذكرتها مريتها كثير ..
والدعوى وأنا اخوك ما هيب حك زنود ومقابل وجه بوجه ..
لو ههي كذا الدعوى عوافي وسهود ومهود
الدعوى وأنا اخوك اللي يجي من قفى ويهجد النايمين ..

قبل كم سنة فيه ناس امرحوا بذيك المحلات يوم اصبحوا والى سلاح
الحدود موقف فوق روسهم وتحقيق وين رايحين وين جايين وتفتيش
السيارات ......الخ وهم مالهم ولا عليه قناصة يدورون الحباري والقطا
المهم يوم هدى الوضع وسألوا السلاح وش العلم ؟؟
قالوا كنا نشك انكم مهربين عراقات معك ،!!!
قالوا وشلون ؟؟ قالوا شوفوا اثار الرجلين حولكم وتعرفون ؟؟؟
واثرهم مطروقين بالليل وهم نايمين لكن سلمهم الله ...

الحذر واجب ياغالي والله لا يحدنا واياك على ساعة القصى

مسافر1

01/02/2006, 08:44 PM

جزيت خيراً ......

جمران

02/02/2006, 10:32 AM

تشكر أخي سهيل على الوصف وإن حصل نمًر إن شاء الله

أخر الأسبوع لكن الحذر واجب مثل ماتفضل أخي إبن بدران

بارك الله فيك وجزاك الله خير

ابوذيب

03/02/2006, 02:23 AM

مشكور ياسهيل الله يسهل لك المهام الصعبه كفيت وفيت
بس الاخ راعي الكيف معلوماته غير صحيحه انا قبل يومين بالدبيه وجيت ناس من ربعنا مخيمين ويقولون مالقينا الا الهوبر

والا المنطقه منطقة فقع بس يمك بعد 20 يوم يبين الفقع

ابواليزيد

03/02/2006, 02:59 AM

السلام عليكم
مرحبابك اخوي سهبل واحد والحمدالله على السلامه
انا اشهد انك تجيب العلم يعطيك العافيه
اجل كم ؟ كيلو لقطت:confused:

سهيل واحد

03/02/2006, 10:10 PM

السلام عليكم ..،

الاخ ............... ريف النشاما

هلا و غلا .. يسلمك ربي ..

فكرة دباب ولا سيكل فكرة ممتازة لكن ما تقدر تطبق هالفكرة داخل العقم .. على طول يجي ببالهم (سلاح الحدود) انك مهرب او بك بلا

والرجال (الهدد) ملزوم ينفذ المطلوب منة و الا يا ويله من السوبر مشرف ...

الاخ ... ابن بدران

هلا بابن بدران كلامك عين العقل .. "الحذر واجب والله لا يحدنا واياك على ساعة القصى"

اله يفكنا و ياك و القارئين من عيال الحرام..

مشكور على تعقيبك.

الاخ ............... مسافر1

الله يجزيك الجنة و والديك ..

مشكور.

الاخ ................. جمران

ان مريت عطنا علومك يالغالي

الله يوفقكم ... هلابك.

هلا بابو ابوذيب..
صحيح ان الفقع باقي له شوي بالخباري لكن حتى لو طلع ما هوب مثل اللي شمال عنة ... و ترى فيه منطقة هناك يسمونة المالحة "قلمة خالد" شرق عن الصداوي ب50 كم لقينا فقع فيها العام و يذكرونه هالسنة لكن اللي جاب الخبر واحد بسوق الفقع بالحفر و تخبر مثل هالخبر ما اقدر اوكده الا اذا دهجت الموقع .

مشكور على المرور.

مرحبتين كبار.. بابواليزيد..

والعلم عندك .. و دياركم هي اللي به الخير ..

مامن كيالو .. تخبر الظهر محزوم .. اللي لقط مزبوط هو راعي الباترول سابقاً .. "الجدي" ..

نبي أخبار هاك الديار عطنا علمها و الاحداثيات او الوصف .. وين لقطو الفقع فيه .."عجل علينا"

و يا هلابك .

ابواليزيد

03/02/2006, 10:25 PM

هلا بك ياسهيل واحد
ديارنا تو جايها الخير وان شالله الديار كلها يجيها
ابشرك بعنا الهمر وشرينا باترول وناوين يم هاك الديار ولم نفسك انت وراعي الباترول سابقا

Oo زاجــل oO

04/02/2006, 02:30 AM

مشكور على الموضوع

نقا هشال

04/02/2006, 03:14 AM

يعطيك الف عافيه

ماقصرت كفيت ووفيت

تقبل فائق تحيتي

اسدمنصور

04/02/2006, 10:22 AM

الدبيّه ..

http://www.mekshat.com/vb/showthread.php?t=44669

الوافي88

04/02/2006, 03:13 PM

الله يعافيك