خلاف حول تقسيم راتب راعي الابل..مطلوب الافادة!!

[ابن القافية]

السلام عليكم

اختلف ثلاثة من الاحبة متشاركين في مراح ابل، وكل واحد منهم يملك ابل عددها مختلف عن البقيه ولديهم راعي يرعالهم ابلهم جميعا..نرجو الافادة كيف يتم تقسيم راتب الراعي؟
هل يتم تقسيمه بالتساوي على الثلاثة الشركاء أم يتم تقسيمه على عدد الابل؟

اللهم اصلح احولنا واجمع قلوبنا.. ولا تجعل في قلوبنا غلاً للذين امنوا..

ودمت بخير وعافية

[قزيزالنعام]

احسن شي اخوي كل ياخذ حلاله من اولاله متبلشين في اراعي ومعاشه الله يهديهم

[ناصر القريني]

يقسمون راتبه على عدد الحلال
وكل واحد يدفع اللي عليه بموجب عدد حلاله وبهاذي الطريقة إذا زاد أو نقص عدد الحلال
ما يتغير راتب الراعي بس المنتفع هو اللي يزود

[سلطان 2010]

اقسموا راتب الراعي على ثلاثة ليش تبتلشون بعدد الابل .

[ابن القافية]

احسن شي اخوي كل ياخذ حلاله من اولاله متبلشين في اراعي ومعاشه الله يهديهم

المحبة اللي بينهم اكبر...لكن صار نقاش ودي والحقيقة مجموع الابل 20 ناقة ولا توزم انهم يتفرقون
واحبوا ان يصير لهم مراح يجتمعون فيه..

شكراً اخي الفاضل على تعقيبك...

[ابن القافية]

يقسمون راتبه على عدد الحلال
وكل واحد يدفع اللي عليه بموجب عدد حلاله وبهاذي الطريقة إذا زاد أو نقص عدد الحلال
ما يتغير راتب الراعي بس المنتفع هو اللي يزود

شكراً لك اخي ناصر على إفادتك

الحقيقة عدد الابل 20 ناقة
الاول يملك 4 نياق
الثاني يملك 9 نياق
الثالث يملك 8 نياق
راتب الراعي 1200... صاحب الخلاف الاول لقلة نياقه بالنسبة للبقية
دمت بخير

علماً بأن الضرمه تقسم على عدد الابل

[ابن القافية]

اقسموا راتب الراعي على ثلاثة ليش تبتلشون بعدد الابل .
شكرا لك ياغالي
لعلك تراجع ردي في الاعلى وتظهر لك حقيقة الخلاف الودي

مع العلم بأن العلف ( الضرمه) يتم تقسيمها على عدد الابل.....

[أَبوابراهيم]

كل ناقة 60 ريال

وهي اعدل شيء اذا فيه اختلاف ..

اما اذا كانو احبه وكلن على قلبه ماء للثاني فانصحهم بالتساوي لانه يزيد المحبه بيناتهم

طريقة الحسبة
1200 تقسيم 20 يساوي 60

[ابن القافية]

كل ناقة 60 ريال

وهي اعدل شيء اذا فيه اختلاف ..

اما اذا كانو احبه وكلن على قلبه ماء للثاني فانصحهم بالتساوي لانه يزيد المحبه بيناتهم

طريقة الحسبة
1200 تقسيم 20 يساوي 60

اشكرك اخي ابو ابراهيم على إفادتك...
المحبة مطلوبه بين الجميع...لكن هناك من ينظرا الى ابعد من ذلك وهي في حالة التوالد والتكاثر بعد سنوات بالتاكيد سيكون الفارق اكبر مما يتطلب العدالة في توزيع المصاريف
وتدوم المحبة..والشيطان ذكي.....

[ورد طائفي]

شكراً لك اخي ناصر على إفادتك

الحقيقة عدد الابل 20 ناقة
الاول يملك 4 نياق
الثاني يملك 9 نياق
الثالث يملك 8 نياق
راتب الراعي 1200... صاحب الخلاف الاول لقلة نياقه بالنسبة للبقية
دمت بخير

علماً بأن الضرمه تقسم على عدد الابل

الاول : 240
الثاني : 540
الثالث : 480


مع تحفظي على خويكم الاول ورايه !!!!!

[alturki1386]

أري يسقسم الراتب بحسب عدد الأبل .. لأن الراعي يبتلش بالعدد وليس برعيها ..
فأسلم شي يقسم الراتب على العدد مهما زادت (انتجت) فكلما زاد راس يعاد تقسيم المبلغ فهذه السنة عددها 20 واللي بعدها ممكن تصير 24 أو 25 أو أحد يشتري راس جديد. وهذا اسلم من أنهم يختلفون.
والشيطان حريص انهم يدخل بينهم .. ولا ننس القصة المشهورة في القرآن الكريم الذي له تسع وتسعون نعجة ولصاحبه نعجة واحدة مع أنهم شركاء .

[ابن القافية]

الاول : 240
الثاني : 540
الثالث : 480


مع تحفظي على خويكم الاول ورايه !!!!!

بارك الله فيك اخي ورد طائفي......
هل لديكم مانع أن تورد لنا سبب تحفظك...لعلك تثري الموضوع اكثر

[ابن القافية]

أري يسقسم الراتب بحسب عدد الأبل .. لأن الراعي يبتلش بالعدد وليس برعيها ..
فأسلم شي يقسم الراتب على العدد مهما زادت (انتجت) فكلما زاد راس يعاد تقسيم المبلغ فهذه السنة عددها 20 واللي بعدها ممكن تصير 24 أو 25 أو أحد يشتري راس جديد. وهذا اسلم من أنهم يختلفون.
والشيطان حريص انهم يدخل بينهم .. ولا ننس القصة المشهورة في القرآن الكريم الذي له تسع وتسعون نعجة ولصاحبه نعجة واحدة مع أنهم شركاء .

اشكرك أخي الفاضل على تعقيبك

الحكمة ضالة المؤمن......

[ورد طائفي]

بارك الله فيك اخي ورد طائفي......
هل لديكم مانع أن تورد لنا سبب تحفظك...لعلك تثري الموضوع اكثر


أحترم صاحبكم .. ولا أقدح فيه !

لكـن .. أنا برأيي الشخصي .. أنه كان من المفترض عليه أن يقول بأن الراتب يوزع بالتساوي ، كل شخص 400 ..

يعني .. يصير " أطيب " مع اخوياه ..

وأخوياه اذا شافوا وضعه كذا وانه يقترح انها بالتساوي ، تبي تزيد المحبه والألفه .. وصدقني يمكن يقدرون موقفه الطيب ويحلفون عليه إنه ما يدفع إلا اللي ييساوي عدد حلاله ، اللي هو 240 ..


اما بالحاله هذي انه يطلب انها توزع حسب عدد الحلال وهو من حقه وهو العدل ! صدقني يمكن يصير بالقلوب شي ، وابليس ملعون ، والله ما يخلي الواحد !

مع انه ما طلب إلا حقه !

لكن ..

زي ما قلت لك ، لو جاهم بالطيب يبي يعاملونه بالأطيب ويحلفون عليه ما يدفع إلا قيمة حلاله !


ارجو ان يكون كلامي واضح ، وصدقني ما كنت اقصد القدح في خويكم ..

[المزروعي]

أحترم صاحبكم .. ولا أقدح فيه !



لكـن .. أنا برأيي الشخصي .. أنه كان من المفترض عليه أن يقول بأن الراتب يوزع بالتساوي ، كل شخص 400 ..


يعني .. يصير " أطيب " مع اخوياه ..


وأخوياه اذا شافوا وضعه كذا وانه يقترح انها بالتساوي ، تبي تزيد المحبه والألفه .. وصدقني يمكن يقدرون موقفه الطيب ويحلفون عليه إنه ما يدفع إلا اللي ييساوي عدد حلاله ، اللي هو 240 ..



اما بالحاله هذي انه يطلب انها توزع حسب عدد الحلال وهو من حقه وهو العدل ! صدقني يمكن يصير بالقلوب شي ، وابليس ملعون ، والله ما يخلي الواحد !


مع انه ما طلب إلا حقه !


لكن ..


زي ما قلت لك ، لو جاهم بالطيب يبي يعاملونه بالأطيب ويحلفون عليه ما يدفع إلا قيمة حلاله !




ارجو ان يكون كلامي واضح ، وصدقني ما كنت اقصد القدح في خويكم ..



شورك طيب و شور عاقل وحكيم و الطيب في الاجواد ما يضيع .

[SS1]

اسمح لي اقولك ان خوياك هذولا مااااااااااااش حضارم
وقلوبهم ماهي على بعض زي ما ذكرت من يوم اختلفوا على ابلك اكثر من ابلي وانا ابلي قليلة ابي ادفع اقل

يا عمي 400 ريال على كل واحد هذا بالنسبة للعامل
والعلف كل واحد يجيب علف على قد ابلة هذا المنطق


وانصحهم انهم يخذونها من قاصرها وكل واحد يعزل ابلة من يوم هذي بدايتها

[ابن القافية]

أحترم صاحبكم .. ولا أقدح فيه !



لكـن .. أنا برأيي الشخصي .. أنه كان من المفترض عليه أن يقول بأن الراتب يوزع بالتساوي ، كل شخص 400 ..


يعني .. يصير " أطيب " مع اخوياه ..


وأخوياه اذا شافوا وضعه كذا وانه يقترح انها بالتساوي ، تبي تزيد المحبه والألفه .. وصدقني يمكن يقدرون موقفه الطيب ويحلفون عليه إنه ما يدفع إلا اللي ييساوي عدد حلاله ، اللي هو 240 ..



اما بالحاله هذي انه يطلب انها توزع حسب عدد الحلال وهو من حقه وهو العدل ! صدقني يمكن يصير بالقلوب شي ، وابليس ملعون ، والله ما يخلي الواحد !


مع انه ما طلب إلا حقه !


لكن ..


زي ما قلت لك ، لو جاهم بالطيب يبي يعاملونه بالأطيب ويحلفون عليه ما يدفع إلا قيمة حلاله !




ارجو ان يكون كلامي واضح ، وصدقني ما كنت اقصد القدح في خويكم ..


بارك الله فيك يا ورد طائفي...
كلام نبع من إنسان قلبه طيب ونفسه كريمه...
خوينا الله يهديه ما حقه الا تعقله مع الابل في المراح ويجي الثنين ويفرشونه .....
دمت بخير

[ابن القافية]

اسمح لي اقولك ان خوياك هذولا مااااااااااااش حضارم
وقلوبهم ماهي على بعض زي ما ذكرت من يوم اختلفوا على ابلك اكثر من ابلي وانا ابلي قليلة ابي ادفع اقل

يا عمي 400 ريال على كل واحد هذا بالنسبة للعامل
والعلف كل واحد يجيب علف على قد ابلة هذا المنطق


وانصحهم انهم يخذونها من قاصرها وكل واحد يعزل ابلة من يوم هذي بدايتها

اشكرك اخي على تعقيبك....
والحقيقة رايت كيف الشيطان لما يدخل بين الاحبة وش يسوي فيهم يجيهم من الباب اللي يحبونه

[سوالف]

اخوي


عشان ما يدخل بينكم الشيطان .........وتدوم المحبه والاخوه
الافضل لكم الراتب على عدد الابل
وهذا عدل ...... ومع العدل تصفى القلوب طول العمر

والله يديم بينكم الاخوه وعلوم الرجاجيل

[سعدون البشري]

كلام الاخوان كله صحيح لكن انا من رايي ان جميع المصاريف من راتب الصبي واكله وعلف الحلال وماه وجميع مايصرف يحسب اخر الشهر ويقسم على عدد الحلال وكل يدفع نصيبه بعدد ابله

[رحال 6]

شكراً لك اخي ناصر على إفادتك

الحقيقة عدد الابل 20 ناقة
الاول يملك 4 نياق
الثاني يملك 9 نياق
الثالث يملك 8 نياق
راتب الراعي 1200... صاحب الخلاف الاول لقلة نياقه بالنسبة للبقية
دمت بخير

علماً بأن الضرمه تقسم على عدد الابل



4+8+9= 21 ناقه وليس 20
1200÷21=57.14
الأول 4 نياق ×57= 228 ريال
الثاني 9نياق× 57= 516 ريال علشان فيها جزء من الريال تم إضافة (3) ريال
الثالث 8 نياق × 57= 456 ريال

وقد يزيد المبلغ أو ينقص إذا كان هناك خلفات أو مقهور

تقبل تحياتي

[النـادر]

الراعي ماهو سراااح فقط

الراعي يقابل الحلال ويعدل العزبه ويقابل ولاد البل ويحلب وينتبه للحوار الضعيف والناقه اللي ديدها كبير والا خلوفها كبيره على ولدها وماتقاس المسأله بالعدد لان يمكن يجيك ناقتين تشغله اكثر من خمس هذا غير عن عوبال الضراب والتنضيف عن النياق والادويه وخلافه

لذا ارى انه من العدل ان يقسم الراتب بالتساوي اما العلف فعلى عدد البل لان شغل العزبه ماله علاقه بالعدد اصلااااا

والله يوفقهم ويؤلف قلوبهم على المحبه

[عفشك مكمل]

وكل ما انتجت الابل بيجيبون الحساسبة واحسب من جديد :)

القاعدة عن الاجاويد تقول:

عامل اخوياك بالطيب وبادرهم وخلك راعي الاولة دائما لان المعاملة دين وغالباً ما يجي مرودة اكبر من الي تقدمه. وان ماحصلت شي تلاقيه عند رب العالمين.

المال يزول ويبقى الذكر الطيب بين الاوادم

اسدح لخويك نصيحتي وبيلين راسه هههههه

[أبوعبدالله 1]

لي رأي آخر الراتب يكون بالتساوي ... ليه؟؟
لأن عدد الروس ما يفرق اذا بغيت تجيب راعي بتدفع له 1200 سواء عندك راسين والا عشر روس..

وكذا يكون تساوي بينهم ...

[من البدائع]

ارى ان يأخذ كل واحد حلاله ويجيب له راعي خاص

اذا بدايتها خلاف على راتب الراعي راح يختلفون على امور اخرى

واذا مصرين على راعي واحد يقسم الراتب بالتساوي كل واحد يدفع 400 ريال اسهل للحساب
لان التعب واحد راس ولا عشرين راس
لي تحفظ على من يقول يقسم الراتب على حسب عدد الابل اعتقد انها قسمه غير عادله

في هذه القسمه يلزمك تزيد راتب الراعي لو زاد حلالك لو اشتريت راس زياده تزيد راتب العامل حق رعايتها

ارجع مره ثانيه واقول كل واحد ياخذ حلاله ويبعد عن خويه 100 كيلو اذا هذي بدايتها خلاف ينعاف تاليها

[جبل غرابة]

من وجهة نظري
يقسم على 3 بغض النظر عن عدد الابل
باعتبار انهم متشاركين في الراعي فقط ..

[تيم1]

الخلاف والنزاع سبب للفرقة وانتزاع للبركة والفشل

..

رأيي أن اللي له أكثر يدفع أكثر
ويكون قبيل الراعي واحد منكم فقط..
..

اكتبو ورقة بينكم أفضل
لأن الناس تنسى وتتغير عليك خاصة بعد انك تلمس المادة والفلوس




..

[ذيب البر]

الصحيح يوزع الراتب بالتساوي وليس له دخل بعدد الابل لانهم يوم نوو الشراكه ما يدرون كل واحد كم يبي يشري من ناقه وبعدين ابو اربع هذا ما منعناك تزودهن لعشر انا حسب ظروف السوق الا لقيت الناقه الطيبه ابشري وممكن تزيد اباعري والعكس اذا جاني مكسب في ناقه اببيع وتنقص فاعتقد والله اعلم من الخطأ تقسيمها على عدد الابل

[السبيعي 503]

اول شي الله يجمع بينهم على خير والله لا يفرقهم لا ريال ولاكلام يا أخوي أنا من رايي

يعني الصراحة الي يملك 4 نياق هذا مظلوم من ناحية قلة عدد حلاله يعني اتوقع لو الرجال قادر

كان شراء اكثر عدد من النياق والمفروض يصير التقسيم على الاكثر حلال ثم الي يليه

لكن الي وانا اخوك بيختلفون في تقسيم راتب الصبي , , اكيد بيختلفون في علاف الحلال

وعلى ماقالو , ,قدر الشراكة مايفوح , ,

والشرااكة يقولون من أول انها أول باب خير وباب رزق والمفروض أن يعني أكثر واحد من هالثلاثة

أكثر مادة وراتبة زين يتنازل عن ربعة الاكانو يستاهلون وإن شاء الله أنهم كفو

والله الموفق ...

[ابن القافية]

اشكركم جميعاً إخواني.....
اعتذر عن الرد لظروف سفري الى الرياض......يظل يإخواني الحكمة و الاستشارة مع الصبر مفتاح لحل اشكالات في حياتنا

اللهم اجمع قلوبنا ووحد صفوفنا..ولا تفرق شملنا...ولا تشمت بنا عدواً ولا قريب

[وليد بركات]

ياشباب الوضع فيع خلل...؟؟؟!!!!
الأول عنده:4 والثاني :9 والثالث :8 = 21 ناقه من وين جات الواحد وعشرين...؟؟؟
تقبلوا مروري

[بيت طين]

اقرأ سورة ص وتعرف حال الشركاء ويقولون الاولين قدر الشراكه مايفوح

[راعي المرباع]

الله يكون بعونكم لكن انا مع اخوي ناصر القريني ، واذا زادت البل يحسبون من جديد لان المبلغ
قليل جداً مايحتاج النقاش فيه .
وفق الله الجميع

[مؤرخ]

انا شوري ان العدد ماله داعي بلعكس يمكن القليله تروح بعيد ويردها الراعي اكثر من الكثيرات وعلى العموم مسراحها واحد ورجعتها وحده وتعبها واحد
المفروض ان القسمه بينهم بالتساوي والا كل ياخذ ابله

[بلحارث]

الراي ان يقسم الراتب بالتساوي لان الراعي للوحدة هو راعي لعشر وتلافي للخلاف المستقبلي حول الزيارة والنقص اما العلف فيمكن تقسيمه وسلامتك

[عواد الشمري2]

اقسموا راتب الراعي على ثلاثة ليش تبتلشون بعدد الابل .
:good2::good2::good2: ماازيد على كلام الاخ

[خوي مخباته]

اخوي الحبييب : " اميــــــر القافيـــــــــــــه "
وبدون مقدمــــــــــــات الحل بســـــــــــيط
يعــد الحلال واذا كــــــان على كلامـــــــــك 20 + 8 + 4 =32
الناتج 32
الراتب 1200
تقســــم 1200 - 32 =الناتج وكل واحد يدفع على حســـــــــب العــــدد
وهذا حل مرضى للجمــــــــــــع ............ وســــــــــــــلامــــــــــــــــــــك