مجنون نحم
25/09/2011, 01:44 AM
اخواني اعضاء مكشات الموضوع هذا قريتة في منتدى *حراج* لاحد الاعضاء جزاه الله خير
ومن مبدأ " حب لاخيك ما تحب لنفسك" حبيت انقله لكم ,
بدون ما اكثر كلام اترككم مع كلام الرجل جزاه الله الف خير
__________________________________________
http://www.yosax.com/car_pictures/2009/04/2009-mercedes-s63-amg-1.jpg
السلام عليكم ورحمة الله وبركاته
اخواني الكرام انا اليوم بقولكم سالفة صارت معي هدفي من طرحها لكم للاحتياط واخذ الحذر والله لاني اتمنى لكم الخير مثل ماتمناه لي وحنا مسلمين وديننا الحنيف يحث علينا ننصح بعض
انا لي فترة ادور بنوراما وتعبت من الدوران في النسيم بالمعارض احترت وكنت حريص جدا ادور النظيف اليوم العشاء لقيت بنوراما لؤلؤي 2006 داخلي بيج فل كامل 350 شفط نفقيشن تبريد مراتب كميرا سقف بنوراما كل شي فيها المهم كم السعر ومن هالكلام لقيت السعر مناسب لي وباستطاعتي اني اشتريها المهم كم ماشيه ماشية 101,000 الف كم وخالية من الرش والسمكرة على كلام المعرض وشرط لي انها خاليه من الرش والسمكرة ونظيييفة
المهم قلت بفحص الان قالوا اوكي طلعنا لمحلات الفحص الي بالنسيم بشارع عبدالرحمن بن عوف وانا اسوق السيارة حسيت بشي مو طبيعي بتغيرات القير قلت في خاطري هذا المرسيدس يقولون هادي قلت في نفسي والله يازين 460 اللكزس الي معي الاوله
المهم وصلنا قالي حق الفحص فيه فحص عادي 500 ريال يشمل الرش والسمكرة وفحص السيارة من الاسفل والمحركات والقير والمكينة وقالي الفحص الثاني فحص شامل نفس الي ذكرتها تو واضافه عليها فحص الايرباقات وفحص الالكترونيات الي بالسيارة كاملة وفحص العداد ركزو معي على فحص العداد
قلت يابن الحلال عطني فحص عادي 500 قال اخوي انت السيارة الي معك بانوراما فيه اشياء ماتبين بالفحص العادي خذ لك فحص شامل افضل نصيحتي لك حسيت انه يبي يسوق لي ويبيني اخذ الفحص الشامل قلت في خاطري كلامه مقنع المرسيدس كمبيوترات وحساس وانا راح احط مبلغ كبير مايخالف اخذ الشامل 900 ريال واريح راسي قلت اتكلنا على الله
المهم تقهوينا وسولفنا مع مندوب المعرض قعدنا تقريبا ساعه وخلصنا جابو التقرير وهنا المصيبه
التقرير يقول :
1 - الجنب الايسر مرشوش كامل
2 - الرفرف الخلفي الايمن مرشوش
3 - فيه اشياء في الكبوت مفكوكه نسيت اسمها
4 - تبريد المراتب الخلفي خربان
5 - الزجاجين الامامين خربانه
6 - الستائر الخلفيه خربانه
7 - مشكلة بالشنطه الخلفيه احيانا تتسكر واحيانا لا تضطر تسكرها بالقفل الداخلي
8 - الجلنط جربان
9 - كمبيوتر الزنون خربان
10 - القير يعلق على النمرة 3 ونتع بالنمرة 4
11 - اهم نقطه ((( السيارة ماشية 101,000 بالطبلون والحقيقة ماشية 205,500 الف كيلو )))
يعني ابو الشباب مرجع العداد 105 الاف كيلو وراء
الحمد لله حمدت ربي وشكرته ان فيه مراكز فحص تعلمك السيارة وش فيها ووش مافيها وربي لوتشوفون السيارة تقولون مستحيل كل ذا فيها وقفتها نظيفة بس بالفحص بلاوي
والله ياخواني اني حبيت انقل لكم الي صار معي ابيكم تنتبهون من المعارض وتركزون على الفحص لاتشتري شي ماتدري عنه كثير يشترون بدون فحص لايخوي انتبه انت بتحط مبلغ فوق 150 الف حرام والله كلها 900 ريال تعلمك وش في بطن الموتر
الله يوفقنا وياكم يارب ويبعد عنا وعنكم عيال السوء
وصلى الله على نبينا محمد وعلى اله وصحبه وسلم
___________________________________________
رأيكم في الموضوع
واتمنى اي شخص يذكر تجاربة سواء سلبيه , ايجابيه
واخيرا يا اخوان اتمنى من استفاد من "نقلي للموضوع" يدعيلي بالتوفيق :)
تحياتي / مجنون نحم
ومن مبدأ " حب لاخيك ما تحب لنفسك" حبيت انقله لكم ,
بدون ما اكثر كلام اترككم مع كلام الرجل جزاه الله الف خير
__________________________________________
http://www.yosax.com/car_pictures/2009/04/2009-mercedes-s63-amg-1.jpg
السلام عليكم ورحمة الله وبركاته
اخواني الكرام انا اليوم بقولكم سالفة صارت معي هدفي من طرحها لكم للاحتياط واخذ الحذر والله لاني اتمنى لكم الخير مثل ماتمناه لي وحنا مسلمين وديننا الحنيف يحث علينا ننصح بعض
انا لي فترة ادور بنوراما وتعبت من الدوران في النسيم بالمعارض احترت وكنت حريص جدا ادور النظيف اليوم العشاء لقيت بنوراما لؤلؤي 2006 داخلي بيج فل كامل 350 شفط نفقيشن تبريد مراتب كميرا سقف بنوراما كل شي فيها المهم كم السعر ومن هالكلام لقيت السعر مناسب لي وباستطاعتي اني اشتريها المهم كم ماشيه ماشية 101,000 الف كم وخالية من الرش والسمكرة على كلام المعرض وشرط لي انها خاليه من الرش والسمكرة ونظيييفة
المهم قلت بفحص الان قالوا اوكي طلعنا لمحلات الفحص الي بالنسيم بشارع عبدالرحمن بن عوف وانا اسوق السيارة حسيت بشي مو طبيعي بتغيرات القير قلت في خاطري هذا المرسيدس يقولون هادي قلت في نفسي والله يازين 460 اللكزس الي معي الاوله
المهم وصلنا قالي حق الفحص فيه فحص عادي 500 ريال يشمل الرش والسمكرة وفحص السيارة من الاسفل والمحركات والقير والمكينة وقالي الفحص الثاني فحص شامل نفس الي ذكرتها تو واضافه عليها فحص الايرباقات وفحص الالكترونيات الي بالسيارة كاملة وفحص العداد ركزو معي على فحص العداد
قلت يابن الحلال عطني فحص عادي 500 قال اخوي انت السيارة الي معك بانوراما فيه اشياء ماتبين بالفحص العادي خذ لك فحص شامل افضل نصيحتي لك حسيت انه يبي يسوق لي ويبيني اخذ الفحص الشامل قلت في خاطري كلامه مقنع المرسيدس كمبيوترات وحساس وانا راح احط مبلغ كبير مايخالف اخذ الشامل 900 ريال واريح راسي قلت اتكلنا على الله
المهم تقهوينا وسولفنا مع مندوب المعرض قعدنا تقريبا ساعه وخلصنا جابو التقرير وهنا المصيبه
التقرير يقول :
1 - الجنب الايسر مرشوش كامل
2 - الرفرف الخلفي الايمن مرشوش
3 - فيه اشياء في الكبوت مفكوكه نسيت اسمها
4 - تبريد المراتب الخلفي خربان
5 - الزجاجين الامامين خربانه
6 - الستائر الخلفيه خربانه
7 - مشكلة بالشنطه الخلفيه احيانا تتسكر واحيانا لا تضطر تسكرها بالقفل الداخلي
8 - الجلنط جربان
9 - كمبيوتر الزنون خربان
10 - القير يعلق على النمرة 3 ونتع بالنمرة 4
11 - اهم نقطه ((( السيارة ماشية 101,000 بالطبلون والحقيقة ماشية 205,500 الف كيلو )))
يعني ابو الشباب مرجع العداد 105 الاف كيلو وراء
الحمد لله حمدت ربي وشكرته ان فيه مراكز فحص تعلمك السيارة وش فيها ووش مافيها وربي لوتشوفون السيارة تقولون مستحيل كل ذا فيها وقفتها نظيفة بس بالفحص بلاوي
والله ياخواني اني حبيت انقل لكم الي صار معي ابيكم تنتبهون من المعارض وتركزون على الفحص لاتشتري شي ماتدري عنه كثير يشترون بدون فحص لايخوي انتبه انت بتحط مبلغ فوق 150 الف حرام والله كلها 900 ريال تعلمك وش في بطن الموتر
الله يوفقنا وياكم يارب ويبعد عنا وعنكم عيال السوء
وصلى الله على نبينا محمد وعلى اله وصحبه وسلم
___________________________________________
رأيكم في الموضوع
واتمنى اي شخص يذكر تجاربة سواء سلبيه , ايجابيه
واخيرا يا اخوان اتمنى من استفاد من "نقلي للموضوع" يدعيلي بالتوفيق :)
تحياتي / مجنون نحم