ورشة التركي في الرياض يشيل مسامير الثلاجه للباترول على طول

[بني عدنان]

مريت ورشة التركي في صناعية الرياض ابلحم مسامير الثلاجه للباترول 2003 فتك قالي ابوتركي راعي الورشه شل المسامير مره وحده وارتح وشلنها

غيرنا البواجي وشلنا المسامير 200 ريال

يا الربع هل تتوقعون ما عليها ضرر شيلة المسامير

[ابو سلطان س]

انا مثلك كنت قلق علشان المسامير وغيرتها بمسامير طويله . وآخر شي قمت عند البيت وفكيت المسامير مره وحده وغيرت البواجي صدق انه تغير عزمه معاي بعد شيلها.

[بني عدنان]

ابوسلطان وش قصدك تغير العزم هل ضعف او صار اقوى

[سايق الريم]

^^^^^^^^^^
لا اكيد يضعف

والكل لاحظ هشيء من ربعي

انا اشوف ربعي يحطون مسامير اطوول ويعكفونها ثمن يلحمونهاا

[باترول 4500]

انا اشوف ربعي يحطون مسامير اطوول ويعكفونها ثمن يلحمونهاا
هذي أفضل طريقة

[شاص نيسان 93]

يارجال تبي العافيه اترك ابو صالح التركي

[ابوالولد]

تبي نصيحتي لاتدخل ورشة التركي
اجل بالله عليك 200 ريال تغيير بواجي + تقطييم مسامير الثلاجة يعني ابوصالح افهم من الي صنعها !!

[محسن اليامي]

أنا شلتهم وبعد سنه رجعتهم بدون سبب

[بدراني جلاجل]

والله انا شاغله بالي مدري افكها ولا اخليها

[ALBDRANE]

الله يجزاك خير على الموضوع المهم والسؤال هل فك المسامير يعني أن تشيل اللهات كامله أنتظر ردك

ومن ناحية أنك تشيلها فأن ضد هذه الفكرة لانها لم توضع الا للفائدة وهي موجوده في كل السيارات

[واثق الخطوه-]

طيب انا عندي فتك وشرايكم اشيل مرتبة الراكب هههههههههههههههههه

[بني عدنان]

يا الربع وراكم ماخذين الموضوع مسخره وضحك

نعم شال اللهات كامله

[أبوريتال]

طيب انا عندي فتك وشرايكم اشيل مرتبة الراكب هههههههههههههههههه

لا شل مرتبة السايق ههههههههع

[أبوريتال]

اخواني انا معي فتك لاكنة قير عادي هل يصادف هذة المشكلة ولا بس القير التماتك ارجو الافادة

[quab]

هل هي موجوده في الشاص تويوتا 2010اولاافيدونا جزيتم خير

[أصيل حجآ زي]

هل هي موجوده في الشاص تويوتا 2010اولاافيدونا جزيتم خير



أخي :
لا أعتقد أنها

موجودة بالشآص نفس المُشكلة .

أقراء هذا الموضوع / الدرس
للمُهندس القدير / سوبر فتك جزآه اللهُ خيرآ :

مسامير ثلاجة الباترول الفتك...الأسباب الأعطال الحلول => تم إضافة المزيد من الصور (http://www.mekshat.com/vb/showthread.php?t=150676)

:good2:


تـحـيــــــــــــــــآتي

<<< أبـو عـبـد الـرحـمـن >>>
""" الأصـيـل الـحـجـآزي """

[العابر2222]

هل هي موجوده في الشاص تويوتا 2010اولاافيدونا جزيتم خير

موجوده اخوووي للاسف

في الشاص من 2010 وفوق
وفي الربع من 2010 وفوق
وفي ال fj

[sgl2002]

موجودة في مكاين الشاص والربع والاف جي واللاندكروزر من ٢٠١٠ وفوق

[العابر2222]

وهذا موضوع لطريقة ازالتهم لتويوتا

http://www.mekshat.com/vb/showthread.php?t=512552

[ls1.5700]

يالي تسأل عن الشاص نعم موجوده فيه هو والفودتشنر والبرادو ول اف جي والجي اكس ار والجيب الربع
من موديل 2010 وفوق
والباترول فتك موجوده من 2002 وفوق000
بس يقولون من موديل 2006 وفوق حلو المشكله للفتك والله واعلم
انا معي فتك ولا رايح اشيل المسامير ولا اسوي فيهم اي شي
لسبب ماحطوهم الوكاله عبث اوتجارب او عيب مصنعي مثل مايقول البعض
اول شي شيل المسامير يسبب نقص بالعزم
لان وظيفة اللهاه الداخليه هي حشر الهوى ليسبب انضغاط للهوى داخل الثلاجه ومن ثم الى حجرة الاحتراق مما يؤدي
الى تحضير عزم سريع وعدم برود للعزم عند الطلوع من مسافات قصيره بيكون الموتر جايب القاطع وفاتح الكام لاخر شي
انصح بعدم فكها مره وحده ولا انصح بالتلحيم لان التلحيم قد ينكسر ويطيح داخل السلندر ويكون اكثر ضرر من المسمار نفسه
انا مقتنع بطريقة تطويل المسمار اطول من مسمار الوكاله وعكفه فقط بدون تلحيم او شي اخر مثل الغراء والمعاجين الاصقه
فقط مسمار يكون اصلي طويل وتدبيل صاموله ويعكف المسمار على اساس لو ارتخت الصاموله
تمسك في مكان العكفه ماتطيح بأمر الله

[فياض الربيع]

انا معي باثفاندر وماسويت فيه شي موديل ٢٠٠٥ قير عادي والله يستر