احتاج منكم نصيحه لحل مشكلة البطاله عندي

[عاشق الاوتار]

السلام عليكم ورحمة الله وبركاتة

اخووااااني يعلم الله اني ماطرحت الموضوع في هذا المنتدى (مكشات )
الا لأني شفت روح الفزعه والأخوه الواااضحه بينكم

ياشباب انا للأسف رجال عااطل عن العمل ومالقيت وظيفه من تخرجت لي حوالي سنتين

خطرت في بااالي فكرة أني اتاااجر بالأغناام بشكل خفيف
طبعاً الي فكرت فيه أني اتكفل بتوصيل الخروف مذبوح ومقطع لين باب بيت المشتري

فا قلت قبل أدخل في هذا المجال أستشيركم وأخذ من خبرتكم لو شيء بسيط يفيدني
هذا أفضل لي من البطاااااله لأن الجلسة في البيت شينه وربي وتذبح الرجال :(


ابي نصائح منكم لو تكرمتوا

أشتري كميه وأصرفها يعني مثلاً أشتري من 10 الى 20 راس وأبيعه ؟
أو اشتري من السوق على حسب الكميه المطلوبه مني فقط ؟

وهل فيه اماكان قدر استأجر منها حوش للغنم أذا شريت كميه فوق 15 راس ؟؟
مثل أستأجار اسطبل للخيول او أستأجار راعي للأبل شيء مثل كذا

وألي عنده كميه في الأحساء ويبي يبيعني يكلمني على الخاص

طبعاً الي المرغوب عند الكل هو النعيمي وهذا الي أفكر أشتريه وبيكون البيع والشراء في الأحساء فقط

تكفوووووووووووون عطوني لو نصيحه واحده فقط من كل زائر للموضوع
مع العلم اني ماعندي خبره في هذا المجال للأسف

شاكر لكم وفي أنتظااااركم

[alharbi 2011]

وعليكم السلام ورحمة الله وبركاته

لو كنت مكانك لشترية وبعت بالاغنام لحد ماحصل مبلغ اسسس فيه تجاره بعيده عن سوق الاغنام,

واي شي تدخله وانا اخوك بدون تخطيط اعرف انك راح تخسر 100% , الا اذا انت محظوظ.


ودمت في حفظ الرحمن

[صقر البحيرات]

أسأل الله أن يفتحها بوجهك ..

قال النبي صلى الله عليه وسلم : «لَأَنْ يَأْخُذَ أَحَدُكُمْ حَبْلَهُ فَيَأْتِيَ بِحُزْمَةِ الْحَطَبِ عَلَى ظَهْرِهِ فَيَبِيعَهَا فَيَكُفَّ اللَّهُ بِهَا وَجْهَهُ خَيْرٌ لَهُ مِنْ أَنْ يَسْأَلَ النَّاسَ أَعْطَوْهُ أَوْ مَنَعُوهُ))


.. أذكر لك بعض القصص التي مرت على كثير من الشباب اللي هم الان من كبار التجار بشكل مختصر

أولا : واحد اعرفه كان يبسط في سوق الغنم يبيع ( فواكه وخضروات) وكانت حالته يرثى لها لدرجه أن كثير من الناس يشتري لينفعه فقط .. وكان يبيع بسعر معقول جدا والأن هو من أكبر تجار الفواكه والخضروات

كان يشيل الخضروات على ظهره وبسط فيها مع إخوانه ثم تدرج إلى أن حصل على سيارة مديل قديم فقط يحمل عليها البضاعه .. وتدرج حتى فتح محلات واشترى سيارات من تويوتا وديانا .. وفوق كذا جميع الإخوة تزوجو
وكل واحد منهم لديه سيارة وبيت وإلى الان هم شغالين في بيع الخضروات والفواكه ..


ثانيا : اعرف واحد كان يحمل فقط .. يشيل كم راس ويحطهن بالسياره . وياخذ على الراس كم ريال . والان هو تاجر اغنام ومعروف جيدا


والامثله كثيرة وأنا أخوك ..

لكن الشغله تبي صبر .. وقدرة على تحمل الناس ..

لكي ينجح مشروعك .. عليك بـ هذه الامور

1ـ استعين بالله وتوكل عليه وأطلب من الله بأن يسر أمرك

2ـ تحديد المهنه ( العمل الذي ستقوم به )

3ـ تحديد راس المال

4ـ الربح ردجات .. والعمل يبدأ من الصفر وليس العكس

5ـ إبدأ في الأمور البسيطه الهينه .. وابتعد عن الأمور المعقده

6ـ التحلي بالصبر وبالأخلاق الحميده .. لأنهما أساس النجاح في الحياة

7ـ مراقبة الله وعدم غش المسلمين في مسائل البيع والشراء

8ـ التعامل الحسن .. والإخلاص في العمل ..

9ـ تحتاج لرأس مال بسيط .. وكما قلت إبدأ بالقليل وارض فيه .. لأنك لا تعلم أين تكون البركه

10 ـ أسأل الله أن يعينك ويفرج كربتك .. ونشوفك بإذن الله من كبار تجار الوطن الغالي

ـــــــــــــــــــــــــــــــــ إيجابة عل أسألتك ـــــــــــــــــــــــــــــــــ

لا أعلم طبيعة الناس هناك ورغبتهم في نوعية الحلال وهل يوجد أناس يفضلون الجلوس ويكلفون اخرين للبحث عن ذبيحه وهو من يقوم بإختيارها وذبحها وتوصيلها ومن ثم يقومون بمحاسبته ..
.. لكن إبدأ بالتعامل مع القريبين ( الأرحام ـ الجيران ـ الأصدقاء ) حتى تتقن العمل وتعرف مساره

.. لابد أن يوجد إستأجار أحواش .. مر على كم حوش وسألهم عن طريقة الإجار والدفع غالبا يؤجر الحوش العادي 100 ريال شهريا

... أتمنى من الإخوة المكشاتية الذين يسكنون حولك أن يتعاملون معك .. وتستفيد منهم ويستفيدون منك

.. دعواتي لك بالتوفيق ..

[محمدالزبيدي]

أخي ما أكتبه هنا مجرد رأي يحتمل الصح والخطأ

وهو إضافة لآراء من كان قبلي أدلى برأي نقصد من ذلك إعانتك وبذل النصيحة لك بقدر ما نستطيع

أخي

انظر لشغلة أبيك أو جدك وزاولها لأنك تكون في محيط مليء بالارشادات الصحيحة من تجارب حقيقية

تساعدك في تجاوز الصعوبات اللتي ستعترض طريقك

ويرشدك من حولك لأقصر الطرق للنجاح بعد توفيق الله

هذا والله يكتب لك طريق النجاح في ما تختار

[عاشق الاوتار]

وعليكم السلام ورحمة الله وبركاته

لو كنت مكانك لشترية وبعت بالاغنام لحد ماحصل مبلغ اسسس فيه تجاره بعيده عن سوق الاغنام,

واي شي تدخله وانا اخوك بدون تخطيط اعرف انك راح تخسر 100% , الا اذا انت محظوظ.

ودمت في حفظ الرحمن




انا اليومين هذي جالس اسوي دراسة بسيطة لهذا المشروع البسيط
وهذا الي خلاني أشااارك في هذا المنتدى لني أبي أخذ خبره أكثر في هذا المجال
الي اعرفه مستحيل الواحد يتعلم الشغله من أول مره لازم يجرب ولازم يغلط ع شان يتعلم
شاكر لك اخوي الحربي على مرورك الكريم




أسأل الله أن يفتحها بوجهك ..

قال النبي صلى الله عليه وسلم : «لَأَنْ يَأْخُذَ أَحَدُكُمْ حَبْلَهُ فَيَأْتِيَ بِحُزْمَةِ الْحَطَبِ عَلَى ظَهْرِهِ فَيَبِيعَهَا فَيَكُفَّ اللَّهُ بِهَا وَجْهَهُ خَيْرٌ لَهُ مِنْ أَنْ يَسْأَلَ النَّاسَ أَعْطَوْهُ أَوْ مَنَعُوهُ))


.. أذكر لك بعض القصص التي مرت على كثير من الشباب اللي هم الان من كبار التجار بشكل مختصر

أولا : واحد اعرفه كان يبسط في سوق الغنم يبيع ( فواكه وخضروات) وكانت حالته يرثى لها لدرجه أن كثير من الناس يشتري لينفعه فقط .. وكان يبيع بسعر معقول جدا والأن هو من أكبر تجار الفواكه والخضروات

كان يشيل الخضروات على ظهره وبسط فيها مع إخوانه ثم تدرج إلى أن حصل على سيارة مديل قديم فقط يحمل عليها البضاعه .. وتدرج حتى فتح محلات واشترى سيارات من تويوتا وديانا .. وفوق كذا جميع الإخوة تزوجو
وكل واحد منهم لديه سيارة وبيت وإلى الان هم شغالين في بيع الخضروات والفواكه ..


ثانيا : اعرف واحد كان يحمل فقط .. يشيل كم راس ويحطهن بالسياره . وياخذ على الراس كم ريال . والان هو تاجر اغنام ومعروف جيدا


والامثله كثيرة وأنا أخوك ..

لكن الشغله تبي صبر .. وقدرة على تحمل الناس ..

لكي ينجح مشروعك .. عليك بـ هذه الامور

1ـ استعين بالله وتوكل عليه وأطلب من الله بأن يسر أمرك

2ـ تحديد المهنه ( العمل الذي ستقوم به )

3ـ تحديد راس المال

4ـ الربح ردجات .. والعمل يبدأ من الصفر وليس العكس

5ـ إبدأ في الأمور البسيطه الهينه .. وابتعد عن الأمور المعقده

6ـ التحلي بالصبر وبالأخلاق الحميده .. لأنهما أساس النجاح في الحياة

7ـ مراقبة الله وعدم غش المسلمين في مسائل البيع والشراء

8ـ التعامل الحسن .. والإخلاص في العمل ..

9ـ تحتاج لرأس مال بسيط .. وكما قلت إبدأ بالقليل وارض فيه .. لأنك لا تعلم أين تكون البركه

10 ـ أسأل الله أن يعينك ويفرج كربتك .. ونشوفك بإذن الله من كبار تجار الوطن الغالي

ـــــــــــــــــــــــــــــــــ إيجابة عل أسألتك ـــــــــــــــــــــــــــــــــ

لا أعلم طبيعة الناس هناك ورغبتهم في نوعية الحلال وهل يوجد أناس يفضلون الجلوس ويكلفون اخرين للبحث عن ذبيحه وهو من يقوم بإختيارها وذبحها وتوصيلها ومن ثم يقومون بمحاسبته ..
.. لكن إبدأ بالتعامل مع القريبين ( الأرحام ـ الجيران ـ الأصدقاء ) حتى تتقن العمل وتعرف مساره

.. لابد أن يوجد إستأجار أحواش .. مر على كم حوش وسألهم عن طريقة الإجار والدفع غالبا يؤجر الحوش العادي 100 ريال شهريا

... أتمنى من الإخوة المكشاتية الذين يسكنون حولك أن يتعاملون معك .. وتستفيد منهم ويستفيدون منك

.. دعواتي لك بالتوفيق ..



مشاء الله تبارك الله
أنا أشهد انك كفيت وا وفيت في ردك أخوي
الله يجزيك الجنه يارب للأمانه عجبتني الناحية الدينيه في مشاركاتك بارك الله فيك

الصراحة لابد في البداية أبتدي في التعامل مع الجيران والأقارب
بعدها أتوسع بأذن الله راح أبتدي في 20 راس فقط في المره الأولى
وأذا لقيت المور زينه وربحها حلو بزيد العدد بأذن الله انا مؤمن في الربح البسيط

انا الي حمسني أكثر شيء ان عيد الأضحى بعد أسابيع بسيطه
يعني أقدر أصرف العشرين راس بسهوله بأذن الله
اما عن الناس هنا في الأحساء الي لاحظته انهم يحبون يشترون عن طريق التلفون أذا كان البائع أمين وأغنامه ممتازة هذا أريح لهم بكثير

شاكر لك مشاركتك أخوي والله اني قريتها وأنا سعدين بدعائك لي وسعيد بوجودك الكريم في هذا الموضوع




أخي ما أكتبه هنا مجرد رأي يحتمل الصح والخطأ
وهو إضافة لآراء من كان قبلي أدلى برأي نقصد من ذلك إعانتك وبذل النصيحة لك بقدر ما نستطيع
أخي
انظر لشغلة أبيك أو جدك وزاولها لأنك تكون في محيط مليء بالارشادات الصحيحة من تجارب حقيقية
تساعدك في تجاوز الصعوبات اللتي ستعترض طريقك
ويرشدك من حولك لأقصر الطرق للنجاح بعد توفيق الله
هذا والله يكتب لك طريق النجاح في ما تختار


يا هلا ومرحبا فيك أخوي محمد
للأسف ابوي متوفي من 5 سنوات وكان يشتغل معلم لغة عربيه
يعني ما راح أستفيد من وظيفة أبوي شيء
وكذالك جدي متوفي من 18 سنه وجدي من أمي متوفي من حوالي 30 سنه
يعني ماعندي لا جد ولا جده
والحمدلله على كل حال
للأمانه انا مؤمن في مقولة ليس الرجل من قال كان أبي ولكنه من قال ها أنا ذا

شاكر مرورك أخوي محمد الزبيدي

[حسين2006]

الله يرزقك ويفتح لك ابواب الرزق من حيث لاتحتسب
.
من وجهة نظري انك تدور اولاً على حوش وتستأجره يكون موفر به الماء والمظلات وكذلك عامل يكون راتبه متقاسم بينك وبين اصحاب الاحواش
.
ومن ثم توكل على الله واشتر مثلاً 10 طليان جمله لان سعرها يكون معقول
ومن ثم فوراً اختر اسمنها واجبرها وقوم ببيعه فوراً حراج والباقيه يتم تصريفها عن طريق الذبح لعملائك
لماذا اقوم ببيع اسمنها واجبرها فوراً؟
لان اغلب الناس اللي يريدون ذبائح لثلاجة لايحبذ الطلي الذي شحمه اكثر من لحمه وفي نفس الوقت السوق (الحراج) يبحث عن الشحم وفي هذه الحالة تكسب ربح طيب
.
هذي وجهة نظري

[أزيب الوسم]

نصيحتي لك
أولا أن تكسب 30 ريال على الراس في نفس يوم الشراء خير من بيعه بمربح 50 بعد اسبوع فانت في البداية تحتاج أن يدور المال بسرعة ولا تخسر كثير في الانتظار

ثانيا أحد أسباب النجاح الــــمــعــــرفـــــــــة تعرف ناس تشتري منهم وتكون زبون دايم لهم لأنك في المستقبل تقدر تشتري منهم بالأجل وتبيع حاضر مثلا انت معك 15000 تشتري لك جملة من معرفة بألف ريال لعدد مئة راس تعطيه ال15000 وتطلب منه مهلة لأخر الشهر ثم تحاول تصرف البضاعة بأسرع وقت ليه؟ لأنك ستمتلك أكثر من مئة ألف ريال لمدة شهر تقدر تبيع بها وتشتري وتدر عليك أرباح غير متوقعة فهمتني أخوي

ثالثا لازم لازم تعرف الأسعار عشان ما تنغش وتعرف تفرق بين الجذع والثني والرباع وهكذا وتعرف عل الذبيحة شحمانة أو لا من الظهر وتعرف إذا كانت غنم تسرح (ترعى) أم معلفة من خلال طولا الأظالف ولون الصوف ولازم تعرف كيف تفتش الذبيحة لتتأكد أنها خالية من الخراج

رابعا خلك أول واحد يخش الحراج وآخر واحد يخرج لين تتأكد أنك تستطيع ان تقدر بكم ممكن أن تباع هذه الخرفان أوتلك

خامسا ارضى بالربح اليسير

سادسا روح لفلف على أهل الحلال واشتر منهم ولا تعتمد على الحراج فقط

سابعا والأهم الأمانة لأنك بعد فترة ممكن تجيك الطلبات ع الجوال وهنا للأسف يقع الغش فيقوم البائع بذبح رخل بدل طلي أو جفرة بدل تيس

ثامنا اشتر شئ نظيف لأن أول شئ تبيعه للناس سمعتك

تاسعا الكثير من الناس يحصلون المال الكثير لكن ما فيه بركة يطير من يديه وهو ما يحس لذلك أطلب أسباب البركة

أرجو أني أفدتك

[عاشق الاوتار]

الله يرزقك ويفتح لك ابواب الرزق من حيث لاتحتسب
.
من وجهة نظري انك تدور اولاً على حوش وتستأجره يكون موفر به الماء والمظلات وكذلك عامل يكون راتبه متقاسم بينك وبين اصحاب الاحواش
.
ومن ثم توكل على الله واشتر مثلاً 10 طليان جمله لان سعرها يكون معقول
ومن ثم فوراً اختر اسمنها واجبرها وقوم ببيعه فوراً حراج والباقيه يتم تصريفها عن طريق الذبح لعملائك
لماذا اقوم ببيع اسمنها واجبرها فوراً؟
لان اغلب الناس اللي يريدون ذبائح لثلاجة لايحبذ الطلي الذي شحمه اكثر من لحمه وفي نفس الوقت السوق (الحراج) يبحث عن الشحم وفي هذه الحالة تكسب ربح طيب
.
هذي وجهة نظري



وانا أخوك انا افكر أبيع عن طريق التلفون بشكل دائم
وما افكر لا في حراج ولا مزااد
وعندي مشكلة المكان رحت بحثت في الحظائر اليوم ولقيت الأجار 4000 سنوياً لكن مجرد حظيرة فقط بدون عامل ولا شيء
وهذا شيء متعب ومكلف لي لان ماعندي عامل
اتمنى احصل حظيرة تكون كاملة مع العامل أريح لي
وللأمانه مافهمت المقصد من كلامك فوق يا ليت تشرح أكثر

لماذا اقوم ببيع اسمنها واجبرها فوراً؟




نصيحتي لك
أولا أن تكسب 30 ريال على الراس في نفس يوم الشراء خير من بيعه بمربح 50 بعد اسبوع فانت في البداية تحتاج أن يدور المال بسرعة ولا تخسر كثير في الانتظار


كلامك صح


ثانيا أحد أسباب النجاح الــــمــعــــرفـــــــــة تعرف ناس تشتري منهم وتكون زبون دايم لهم لأنك في المستقبل تقدر تشتري منهم بالأجل وتبيع حاضر مثلا انت معك 15000 تشتري لك جملة من معرفة بألف ريال لعدد مئة راس تعطيه ال15000 وتطلب منه مهلة لأخر الشهر ثم تحاول تصرف البضاعة بأسرع وقت ليه؟ لأنك ستمتلك أكثر من مئة ألف ريال لمدة شهر تقدر تبيع بها وتشتري وتدر عليك أرباح غير متوقعة فهمتني أخوي


بأذن الله أذا عرفت السوق اكثر شريت هذي الكميه او تعاملت بالأجل
الحين ودي اجرب ويكفيني 20 راس بأذن الله


ثالثا لازم لازم تعرف الأسعار عشان ما تنغش وتعرف تفرق بين الجذع والثني والرباع وهكذا وتعرف عل الذبيحة شحمانة أو لا من الظهر وتعرف إذا كانت غنم تسرح (ترعى) أم معلفة من خلال طولا الأظالف ولون الصوف ولازم تعرف كيف تفتش الذبيحة لتتأكد أنها خالية من الخراج


عرفت أن الجذع عمره من 7 الى 9 شهور والثني من سنه الى سنتين والرباع من سنتين الى ثلاثه و السديس من 3 الى 4 سنوات
واحتاج معرفه أكثر عن طريق التطبيق والتجربه أنشاء الله


رابعا خلك أول واحد يخش الحراج وآخر واحد يخرج لين تتأكد أنك تستطيع ان تقدر بكم ممكن أن تباع هذه الخرفان أوتلك

خامسا ارضى بالربح اليسير


بأذن الله


سادسا روح لفلف على أهل الحلال واشتر منهم ولا تعتمد على الحراج فقط

سابعا والأهم الأمانة لأنك بعد فترة ممكن تجيك الطلبات ع الجوال وهنا للأسف يقع الغش فيقوم البائع بذبح رخل بدل طلي أو جفرة بدل تيس


بأذن الله أني بعتمد على الجوال أكثر من السوق


ثامنا اشتر شئ نظيف لأن أول شئ تبيعه للناس سمعتك


هذا الي أنا أبحث عنه الحين لكن السوق يخوف للأمانه


تاسعا الكثير من الناس يحصلون المال الكثير لكن ما فيه بركة يطير من يديه وهو ما يحس لذلك أطلب أسباب البركة


الله يجزيك الجنه أخوي الكريم


أرجو أني أفدتك


كلامك كبير وعلى عيني ورااااسي اخوي وألف شكر لك على هذي النصائح الي اكيد بتفيدين باذن الله

للامانه هذا الي انا أبحث عنه حالياً النعيمي الطيب و سعر الشراء المناسب
لكن حتى الأن كل الأسعار مرتفعه شوي

طيب ياليت تعطيني فكرة عن الأفضل في الاكل الرخله او النعيمي الذكر ؟ اعتقد أسمه خروف طلي ؟

انا بأذن الله بأخذ كل العشرين راس أجذاع بأذن الله أنت شرايك ؟؟

ياليت لو عندك خبر عن سعر الراس جمله في السوق تعطيني خبر الله لا يهينك

[عاشق الاوتار]

شباب وش الأفضل في الطعم والأكل والمرغوب أكثرعند الناس

الجذعان و لا الثني ؟؟؟

الطلي أو الرخله ؟؟؟

[أبو علوى]

الجذعان أطيب و الطليان قصب و الرخل تحاشاها إلى كنت تاجر


و احمد ربك على كل حال هذا أنت عاطل سنتين بس وش تقول عن اللي عاطل ست سنوات و مع ذلك يحمد ربه
و يشكره لكن تعرف الهم ما خلا أحد إلا و داهمه


و أهم شي لا تذل نفسك عند خلق الله و تفاول بالخير و إسع والله ما يخيب رجاك

[تيم1]

يبدو لي أنك من الموسرين نوعاً ما ماشاء الله
ولست من المعدمين
وكذلك مجتمعك أيضاً واللي حولك وضعهم المالي جيد

واعتمادك على الله ثم عليهم في التصريف
ويبدو انك تدور الراحة من الآن تبي تشتغل على الجوال

انت تبي النصيحة وانا ما ابي اغشك ابصير صريح معك..!

استراتيجيات البيع مهمة جداً:

اخلص النية لله وتعاهدها وانو بعملك اعالة نفسك ومن تعول

الزم الدعاء بالرزق والبركة

لا تحسد مسلم ولاتغشه

الربح القليل السريع افضل (يعني عشرة ريال فالراس مكسب) ادع الله بالبركة

تعلم من الخسارة

ابن العلاقات الطيبة وسايس الشريطية

البضاعة الخسرانة لاتخسرها زيادة بجلوسها عندك

عليك بالجزل تراه مايخسر

والجبر النهيض لا صرت تبي تسمن

عليك باول النهار ففيه البركة

وركعتين باخر الليل تطلب ربك فيها العفو والعافية وتخشرني بدعاك


...

قصة........
...

أعرف واحد طلع مديون ثمانمية الف من مشروع اعلاف....

راح يبيع ويشري

عرف في السوق انه مايشري اللي الوجعان والضعيف
شوي شوي

الحين عنده حلال بقيمة اربعة ملايين وعقار وسيارات ماشاء الله


يكلمني باللهجة (( ما خليت ركعتين آخر الليل لي اربع سنين وانا رزقي اشوفه قدام عيني الفجر يسبح وان احمد الله واشكره))




....والله يوفقنا واياك

[سعدون البشري]

الاخوان ماقصروا وبالتوفيق

[عاشق الاوتار]

الجذعان أطيب و الطليان قصب و الرخل تحاشاها إلى كنت تاجر

و احمد ربك على كل حال هذا أنت عاطل سنتين بس وش تقول عن اللي عاطل ست سنوات و مع ذلك يحمد ربه
و يشكره لكن تعرف الهم ما خلا أحد إلا و داهمه

و أهم شي لا تذل نفسك عند خلق الله و تفاول بالخير و إسع والله ما يخيب رجاك



الحمدلله رب العالمين على كل حال
للأسف كل سنه عدد العاطلين في السعوديه في زياده
ألف شكر لك اخوي على نصيحتك والله يجيزك الجنه



يبدو لي أنك من الموسرين نوعاً ما ماشاء الله
ولست من المعدمين
وكذلك مجتمعك أيضاً واللي حولك وضعهم المالي جيد
واعتمادك على الله ثم عليهم في التصريف ويبدو انك تدور الراحة من الآن تبي تشتغل على الجوال

انت تبي النصيحة وانا ما ابي اغشك ابصير صريح معك..!
استراتيجيات البيع مهمة جداً:
اخلص النية لله وتعاهدها وانو بعملك اعالة نفسك ومن تعول
الزم الدعاء بالرزق والبركة
لا تحسد مسلم ولاتغشه
الربح القليل السريع افضل (يعني عشرة ريال فالراس مكسب) ادع الله بالبركة
تعلم من الخسارة
ابن العلاقات الطيبة وسايس الشريطية
البضاعة الخسرانة لاتخسرها زيادة بجلوسها عندك
عليك بالجزل تراه مايخسر
والجبر النهيض لا صرت تبي تسمن
عليك باول النهار ففيه البركة
وركعتين باخر الليل تطلب ربك فيها العفو والعافية وتخشرني بدعاك

....والله يوفقنا واياك


يا هلا ومرحبا فيك اخوي تيم
أول حاجه ما فهمت كلمه الموسرين اذا كنت تقصد ميسور الحال
فا الحمدلله على كل حال وصراحه أنا مضطر أبيع سيارتي ع شان أتاجر في الغنم وماعندي سيوله غير هذي الطريقه
ثاني حاجه المقصد مو أني أبي أرتاح لما أبيع الجوال لا والله
بالعكس التعب لي أكثر لأني بشيل الخروف اوديه المسلخ وبعدين أوديه لين باب بيت الزبون
يعني التعب اكثر من اني جالس مكاني وانتظر الزبون يجي
اما عن المجتمع فا أشغاله كثيره وماهو مثل قبل عنده الوقت يبحث عن الشيء الزين في سوق الغنم المجتمع عندنا يبي كل شيء يجيه لمكاانه وماعنده مشكله يدفع اذا كان الخروف زين واصل للبيت

أتمنى أني وضحت لك اكثر
وألف شكر لك على نصائحك وعلى صراحتك وعلى مرورك الكريم
والله يزقنا وياك الجنه يارب




الاخوان ماقصروا وبالتوفيق


اي والله صح الاخوان ماقصروا أبداً
الله يعطيهم العافيه ويرزقهم كل الخير في الدنيا والجنه في الأخره ان شاء الله

[ابو الشبرميات]

الاخ الكريم
عاشق الاوتار الله يوفقنا واياك وكل مسلم
الاخوان عطوك خبراتهم وماقصروا
بقي مسألة وحدة وهي التسويق ونشر رقمك بين الناس
تعليق اوراق على ابواب المحلات التجارية او المدارس
استخدام الجوالات التي ترسل الى مجموعات
كما بامكانك دخول المواقع الالكترونية
وطرح فكرتك بانك على اتم الاستعداد لتأمين الذبائح وتوصيلها للبيت او لمناسباتهم الخاصة او العامة
وعيد الاضحى قادم بامكانك ان تكون علاقات قوية فيه
الاتفاق بينك وبين تجار الاغنام بالتسويق لهم واخذ 10 او 20 ريال على الراس كبداية
اسال الله الكريم ان يبارك فيك وان يرزقنا واياك كل مسلم
,,,

[ابوعبودوحمودى]

ابحث فى البرسيم والتبن وحط لك موقع على طريق اصحاب الحلال
اامغط رجلك فى الاسواق
انا فى الرياض اعطيك الاسعار
0503443715

[الصابر1]

ارجوا ان ترسلي معلوماتك عن طريق الخاص اذا كنت ترغب بوظيفه

والله يكتب اللي فيه الخير

[khhh]

الصابر تكفى انا عاطل بعد وضفني الله لا يحرمك الاجر بس ردلي هنا اذا كنت موافق عشان ارسلك بيناتي

[الصابر1]

الصابر تكفى انا عاطل بعد وضفني الله لا يحرمك الاجر بس ردلي هنا اذا كنت موافق عشان ارسلك بيناتي


راجع الخاص

والله يكتب اللي فيه خير

[الصمصامه]

خذ العلم من اللي مطلع على اسواق المواشي والاعلاف اشتر لك دنه ايسوزو عليها حنايا بمستوى الغماره وحط رقم تلفونك على جوانبها وانشره في مواقع مثل هذا واغنام وحدد الوجهات اللي ترغب خدمتها (مثلا المنطقة الشرقية) وابشر بالخير والله ان السودانية والافغان لاعبيين على الناس لعب بالاسعار وهم يعبون توانكهم ديزل مدعوم اخو البلاش ومنها تتعرف على الاسواق وفي هالعيد بيجيك خير بس انشر معلوماتك في موقع اغنام ومكشات وكل مكان ورح تعرف على السوق والشريطيه وقل لهم اذا بعتوا وبغى احد نقل عطوه رقمي... واذا مليت الدنه من نوع اسوزو مثل الشاص تمسك سعرها..ولا تنسى ورد الصباح واخر النهار

[نوفارا]

اهم شي اترك عنك الاوتار لاتعشقها دور لك شي يرضي ربك واعشقك يالبناخي