لقينا البديل عن زاجل الغير مريح (المقيطيب للنقليات)

[ابولولو]

السلام عليكم ورحمه الله وبركاته
العنون واضح
اليوم رحت لزاجل ابى ارسل طلبيه للزلفى قالو الغينا الزلفى ليه كذا بس :eek:
الشاهد
رحت لم المقيطيب تحت كبرى غبيره وانت بااتجاه الغرب بعد الاشاره على طول وشرق العثيم ويفتح شمال
والله يااخوان المعامله ممتازه وترتيب رائع جدآ عن طريق الكبيوتر والقيمه ارخص من زاجل بكثير عند التسليم 2ريال للكرتون يابلاش وقال حنا نكلم على الشخص
والمقيطيب اعرف مركزه الرئسى باالغرابى من 30سنه ويعتبر من اول الناس
الموقع الرياض حى المنصوره (خنشليله)
ت4484411
ت4463399
تراي اول مره اجربه والى له تجربه يقوله ويطرحه
وله له فروع كثيره
الوادى +الخميس+ نجران
الاحساء +الدمام+الجبيل+الخبر+راس تنوره+الحفر
بريده+الزلفى
سكاكا+الجوف+دومه الجندل+رفحاء+عرعر
مكه+جده+الطائف+ينبع من جده+المدينه +حائل+تبوك
منطقه الباحه عن طريق جده +الخفجى عن طريق الدمام
اتمنا من الله ان تعم الفائده للجميع
ولاتنسونا من دعائكم الطيب :good2:
ولكم باالمثل واكثر

[الزعازع]

الله يجزاك الجنة ..... صدق زاجل خذ سمعه فاشله بسبب شعارة المخيس
زاجل ينتقي اخس المواقع و ارداها لرخص ايجارها ولا همه العميل ولا استقباله همه الدرهم فقط

تحياتي لك

[نسيم الشوق]

الله بجزاك خير يا اخي الكريم لكن والله اول مره اسمع عنه ولا ليش نتعامل مع الشركات الاجنبيه وحنا عندنا البديل الارخص والافضل بس مشكلته ما هو معروف ايش الاسباب ما تدري هل هي عقدة الاجنبي ولا اهمال منه هووعدم تعامله مع الاسواق الاكترونيه

[المهاجر انا]

الله يجزاك خير يابوالولو

[حر الجوف]

السلام عليكم ورحمه الله وبركاته

العنون واضح
اليوم رحت لزاجل ابى ارسل طلبيه للزلفى قالو الغينا الزلفى ليه كذا بس :eek:
الشاهد
رحت لم المقيطيب تحت كبرى غبيره وانت بااتجاه الغرب بعد الاشاره على طول وشرق العثيم ويفتح شمال
والله يااخوان المعامله ممتازه وترتيب رائع جدآ عن طريق الكبيوتر والقيمه ارخص من زاجل بكثير عند التسليم 2ريال للكرتون يابلاش وقال حنا نكلم على الشخص
والمقيطيب اعرف مركزه الرئسى باالغرابى من 30سنه ويعتبر من اول الناس
الموقع الرياض حى المنصوره (خنشليله)
ت4484411
ت4463399
تراي اول مره اجربه والى له تجربه يقوله ويطرحه
وله له فروع كثيره
الوادى +الخميس+ نجران
الاحساء +الدمام+الجبيل+الخبر+راس تنوره+الحفر
بريده+الزلفى
سكاكا+الجوف+دومه الجندل+رفحاء+عرعر
مكه+جده+الطائف+ينبع من جده+المدينه +حائل+تبوك
منطقه الباحه عن طريق جده +الخفجى عن طريق الدمام
اتمنا من الله ان تعم الفائده للجميع
ولاتنسونا من دعائكم الطيب :good2:

ولكم باالمثل واكثر

مــا اتـذكر انـي سمعت بمحـل نقـل بدومـة الجنـدل ..؟
يمكن غلطـان صاحـب المحــل ..!
على العمــوم شكــراً على الموضـوع وان شـاء الله يفتـح عنـدنـا ..

[شاص]

مشكوووووووور .. نحن بحاجة إلى البدائل في شتى المجالات

[Raselny]

الله يجزاك خير

فعلا الواحد صار يكره زاجل بسبب مواقعهم السيئة بأغلب المدن إن ماكان كلها.

[اصيل نجد]

هلا بابو لولو انا لي تجربه مع نقليات المقيطيب والله ياخوك ( سويرا وعويراء) وماخس من المربوط غير المفتلت والله ياخوي فوضه بفوضه كلهم اخس من بعض انا جيت المقيطيب اللى بغبيراء نفس زاجل بس اخف زحمه واستلمت كرتون صغير جاني من احد الاعضاء من الشرقيه عباره عن موقد كولمان يعني كله كبر قبضه اليد قال 15 ريال قلت ليش ياعمي كرتون صغير قال والله هاذي اسعارنا .... اقول ربي يعوضنا عن هاذولا بناقل زين وشغل مرتب صحيح فيه شركات ناقله ممتازه لكن كل شي باجره يوزنون الطرد بميزان الاكتروني يعني بالقرام والحسابه تحسب .... مع احترامي لوجه نظرك لكن اتكلم عن تجربتي لك وللاخوان الف تحيه

[ابولولو]

مــا اتـذكر انـي سمعت بمحـل نقـل بدومـة الجنـدل ..؟
يمكن غلطـان صاحـب المحــل ..!
على العمــوم شكــراً على الموضـوع وان شـاء الله يفتـح عنـدنـا ..
هلا اخوى حر الجوف
هذا تلفونهم بدومه الجندل
6244356

[لاتكب البيالة]

السلام عليكم
انا مجرب المقيطيب واللي جنبه الصيعري
يميزه اقل زحمة من زاجل لكن فيه شي مهم اللي هو متى يوصل الغرض زاجل يوم او يومين بالكثير اما غيره يبطي شوي
لكن اللي يبي نقل ممتاز فيه رواحل من الدائري الجنوبي امسك طريق الخرج شمال يجي يمينك هذا مرتب وجيد وسعره مناسب لكن ما يرسل لمناطق واجد

[ابو سيـف]

اهلين اخي ابو لولو
مكتب المقيطيب وجميع المكاتب الذي تتعامل معه
من وجهة نظري انها جيده وانا تعاملت معهم فتره ليست بقصيره
والحمد لله لم اصادف شي يضايقني بل بالعكس سريعين في توصيل
الطرووود
تقبل تحياتي

[أبو هشام راشد]

فيه شركات ناقله ممتازه لكن كل شي باجره يوزنون الطرد بميزان الاكتروني يعني بالقرام والحسابه تحسب


ليت الإرسالية تكون بالميزان

المقيطيب فيه اكثر من واحد ( المقيطيب - إبراهيم المقيطيب )

بالنسبة لما ذكره أبولولو ما جربت التعامل معه وسعره منافس 2 ريال !!



انا جيت المقيطيب اللى بغبيراء نفس زاجل بس اخف زحمه واستلمت كرتون صغير جاني من احد الاعضاء من الشرقيه عباره عن موقد كولمان يعني كله كبر قبضه اليد قال 15 ريال قلت ليش ياعمي كرتون صغير قال والله هاذي اسعارنا ....
في ورقة الإرسال يذكر عند الشركات الأخرى مبلغ التوصيل

[قناص2000]

الله يعطيكم العافية للجميع بس لو واحد من الاعضاء يسوي جدول للاسعار لكافة شركات ومؤسسات النقل لتحديد الاسعار كان احسن ولكم تحياتي
وبالله التوفيق للجميع

[ابن هويشل]

غير فدكس ورواحل لادور فدكس للبضاعة الي تخاف عليها ورواحل للبضاعة العاديه عن تجربه

[الصمان 2]

معلومات جديدة



بارك الله فيك .








.

[حلم البحر]

أخوي ابولولو
الله يعطيك العافية على المعلومة الي تفيد الجميع لكن بالنسبة لي أول مرة اتعامل بالشحن اشوف كثيرارسلها عن طريق زاجل خاصة بموقعناالمميزحصل اني رحت اليوم الصبح معي كرتون واحدطبعافيه اغراض طبعاالي اعرفه ان الشركة تشوف الي وسط الكرتون بعدين تقوم باغلاقة بالتيب المقوى ووضع استكريحمل اسم المرسل ورقم وجواله واسم المستلم ورقم جواله والمدينة المرسل لها اول مادخلت قابلني يماني معه خيزرانة عندالباب وعليع كشه سألته ابي اشحن للمدينة اشربالعصاءيقاله يوصف المكتب المسؤل عن المدينة المنورة دخلت المكتب لقيت مصري قلت ابي أشحن للمدينة ناظرني بعين حادة قالي متقفل كرتونك بعدين تعالا يسرالله قالي بنقالي انا يسكركرتون مية مية 2ريال صديق صانع صاروخ هههههه قلت يالله سكر صديق
رجعت للمصري معه قلم ابونص كتب اسمي ورقم جوالي على الكرتون واسم المستلم وين الأستكرمافيه حاسب كل الشغل يدوي ماأطول عليكم قالي عاوزه للمدينة المنورة قلت نعم للمدينة قالي تعالا معاي هومعه كرتونين وانا معي كرتوني الله وكيلك واناأشوف بالحوش الي على الدائري الجنوبي ويمري الكرتون على مسافة خمة أمتارتقريبايوم طارة الغبرة قلت أشوى كرتوني معي وانزل كرتوني شوي شوي لاتنظيم كنك جاي تشحدهم عصبية من ناحية التعامل بصراحة انصدمت من الي شفتة تسأل متى توصل يقول مش عارف قالي عامل النظافة الي سكرالكرتون بكرة صديق تركت المصري قالي العامل مرة ثانية انامعلوم بكرة صديق وين المسؤل يشوف الي صايروالله فوضة أسمحولي على الألفاض أوالتعبيرتحياتي لك
أخوك ابوفيصل

[أبوعابد 22]

يعطيك العافيه على البديل احسن من الشركه الفاشله

[عفشك مكمل]

جربت الشركتين عدة مرات وكلها اردى من بعض

ولذلك اتجهت للاشتراك بفيدكس ومن بغى الدح ماقال اح

صحيح اغلى بكثير لكن لاضاع عفشك عرفت قيمة فرق الريال

[نفود الثويرات]

تدري ليش أغلقوا زاجل في الزلفي؟
لأنه فاتح بدون ترخيص.
وبعدين ودك تعرفهم زين
رح لم موقعهم في الرياض وتعرف وشلون مهملين أغراض الناس من عدة أشهر تحت لهيب الشمس والمطر، وهي لم تصل لأصحابها.

[غريب أطباع]

أنا جربت المقيطيب شريت غرفة نوم من الرياض ومدحهم لي صاحب المحل والشحنمن الرياض الى الجوف والله إنهم رائعيين وسعرهم أكثر من رائع والغرفه وصلتني سليمه حتى كرتونها عليها والله إنهم أفضل الناقلين بالنسبه لي بعد فيدكس لان فيدكس ما يعيبه إلا غلاه

[تناهيت]

رواحل أفضل تنظيم على حد علمي

وما يمنع نجرب المقيطيب يابو لولو بارك الله فيك

فعلا زاجل خذ سمعه أكبر من حجمه وعمله فوضى في فوضى
البضايع منطوله في الشمس بشكل عشوائي والتعامل لك عليه

وايضا موقعه صعب الوصول له يبيلك دورة على خنشليله عشان تآآآآآآآآآصله

شاكر لك ابو لولو

[ا ببوعبدالعزيز]

اخواني اعضاء ومشرفين منتديات مكشات
بشرى سارة للاخوان الذين يريدون توصيل البضائع داخل المملكة ودول الخليج ودول العالم بأسعار مناسبة حيث ان لي صديق له فرع ارامكس فرع الريان طريق احمد بن حمبل وعرضت عليه فكرة معاناة الاعضاء من شركات النقل الداخلي والحقيقة انه رحب بالفكرة وبالاعضاء والذي يريد اي خدمة هذا0508885479 جوال الاخ يوسف ويقول له من منتديات مكشات عن طريق الاخ ابوعبدالعزيز ويبشر بالتغليف والترتيب والايصال الى موقع الطرف الاخر وهذا قليل في حق هذا المنتدى الشامخ بأعضائه

[MohsinSK]

فيدكس.. ارامكس.. دي اتش ال.. شغل نظيف و مرتب..

انا اعتقد ان زاجل ممكن الواحد يلجأ له في حالة الشحن للأغراض الثقيلة او الكبيرة..

[ابولولو]

حى الله الجميع كلن بى اسمه
والشكر موصول للاخ اببوعبدالعزيز
اتمنا ان الموضوع تعم فيه الفائده
موفقين خير