الطير مايعلف يالربع

[صقار 502]

السلام عليكم ورحمة الله وبركاته

وش حال كل(ن) باسمه ,.؟

هاذا طير اخوي يالربع وياليت تفيدونا وش المشكله

يالربع نبي منكم الفزعه جعل والديكم فالجنه

عندي طير مطلعه من المربط قبل يومين

وحاليا اعطيه كورس قلاع الي اسمها سبارتكس حبتين قبل العلف بساعه

وبعد الحبوب عطيته سمانه وعيا يعلف منها

وبرقعته وخليته لين الفجر وعطيته سمانه وعلف منها نص

واليوم نبي نعطيه الكورس قضبنا الطير ولاحضنا عليه ملاحضه

ان الطير تحس بانه مخنوق مدري وش في صوته مايصيح بقوه

وعطيته حمامه وقطيتها تحت وكره وذبحها ولا علف منها

والطير مقاسه 16 16 ووزنه 850 وكل من شافه قال الطير ضعيف .؟؟؟؟؟؟؟؟

والي بيقول افحصه بالمستشفى انا والله بوديه للعويدي وبشوف وش يقول وبخلي المستشفى اخر شي

يالربع انا احترنا فالطير من يجيب العلم الصحيح

[صقار 502]

للرفع .......

[اقدم صقار]

السلام عليكم
اخوي رح للمستشفى والحق على طيرك الله يعافيه
طيرك فيه قلاع او فيه ديدان ونصيحة اخو الطير ماهوب للتجربه او انك بتروح للعويدي ان فاد تروح للمستشفى ياخي اقصرها من طوالها ورح للمستشفى وافحص دم ومرش وبيعطيك العلم الوكاد
هذي نصيحتي وانت اعرف بروحك
تقبل مروري

[راشد حسين]

اخوي والله مدري ولاكن اذا كان صايم

من الاكر راح يكمل اكله فالحمامه

وانا انصحك ان كانت قريب من الرياض ولا

اي منطقه فيها مستشفى طيور مر عليه

علشان تطمن ولا يروح عليك الطير

[مغاتير]

الله يشفيه
عطه كورس جساس ودود
او وده اقرب مستشفي

[بواحمد2008]

اذا كان حولك مستشفى وده له ولكن انت ليش عطيته كورس قلاع هل انت شاك ان الطير مريض وفيه قلاع من قبل لا تعطيه الحبوب ,على العموم القلاع يخلي الطير ماياكل ولاكن تأكد من المستشفى افضل والله اعلم ,اذا كان دود او جساس ياكل ولكن ينزل وزنه واسئل الله ان يشافيه اللهم امين.
اخوك ابو احمد

[صقار 502]

السلام عليكم

اخوي رح للمستشفى والحق على طيرك الله يعافيه
طيرك فيه قلاع او فيه ديدان ونصيحة اخو الطير ماهوب للتجربه او انك بتروح للعويدي ان فاد تروح للمستشفى ياخي اقصرها من طوالها ورح للمستشفى وافحص دم ومرش وبيعطيك العلم الوكاد
هذي نصيحتي وانت اعرف بروحك

تقبل مروري


جعلك والله ساالم

والله ياخوك مهب على الترجبه

مستشفى الطيور بعض الاحيان يحط في طيرك بلا وهو سليم

وان شاءلله بروح للمستشفى

[صقار 502]

اخوي والله مدري ولاكن اذا كان صايم

من الاكر راح يكمل اكله فالحمامه

وانا انصحك ان كانت قريب من الرياض ولا

اي منطقه فيها مستشفى طيور مر عليه

علشان تطمن ولا يروح عليك الطير


ان شاءلله بروح بكرا للمستشفى

جعلك سالم على الافاده

[صقار 502]

اذا كان حولك مستشفى وده له ولكن انت ليش عطيته كورس قلاع هل انت شاك ان الطير مريض وفيه قلاع من قبل لا تعطيه الحبوب ,على العموم القلاع يخلي الطير ماياكل ولاكن تأكد من المستشفى افضل والله اعلم ,اذا كان دود او جساس ياكل ولكن ينزل وزنه واسئل الله ان يشافيه اللهم امين.
اخوك ابو احمد

والله ياخوك الحبوب معطيناها راعي المربط يقول عطهاا الطير

وان شاءلله بروح للمستشفى بكرا

[مغاتير]

اذا كان حولك مستشفى وده له ولكن انت ليش عطيته كورس قلاع هل انت شاك ان الطير مريض وفيه قلاع من قبل لا تعطيه الحبوب ,على العموم القلاع يخلي الطير ماياكل ولاكن تأكد من المستشفى افضل والله اعلم ,اذا كان دود او جساس ياكل ولكن ينزل وزنه واسئل الله ان يشافيه اللهم امين.
اخوك ابو احمد

صحيح كلامك ان كان فيه دود او جساس ياكل لاكن الرجال يقول ياكل نص سمانه
او وزنه ضعيف لتوضيح فقط

[صقار 502]

صحيح كلامك ان كان فيه دود او جساس ياكل لاكن الرجال يقول ياكل نص سمانه
او وزنه ضعيف لتوضيح فقط
حياك الله

ولاكن الطير وزنه 850 وفتحنا بوزه ولا لقينا اثار قلاع

[abu saud]

ممكن يكون فيه قلاع داخلي
وده للمستشفى اذا انت في الرياض لأن كل ساعه تتأخرها تأثر

[عابر الموج]

طيرك فية التهاب بالكبد والله اعلم وده للمستشفى ولاتتاخر علية تقبل تحياتي

[ربع خالي]

وعليك السلام ورحمة الله وبركاته

عسى الله يشفي طيرك
والطير على مااعتقد مصاب بالتهاب الفرسه ، وعلاجه جيوب من الصيدليه البشريه ، واسم العلاج افلاجين
ولا استخدم غيره في علاج التهاب الفرسه .
رالاتهاب ماريته بان الطير يقطع اللحم ويرميه ولايبلع اللا الا ماندر .
تحياتي

[اقدم صقار]

السلام عليكم
طيرك والعلم عند الله اتضح من كلامك في الردود ان فيه ضعف في وضائف الكبد ونقص فيتامين والحق على طيرك اقرب مستشفى عسى الله يعافيه

[الساري502]

السلام عليكم
اخوي رح للمستشفى والحق على طيرك الله يعافيه
طيرك فيه قلاع او فيه ديدان ونصيحة اخو الطير ماهوب للتجربه او انك بتروح للعويدي ان فاد تروح للمستشفى ياخي اقصرها من طوالها ورح للمستشفى وافحص دم ومرش وبيعطيك العلم الوكاد
هذي نصيحتي وانت اعرف بروحك
تقبل مروري

هذا الكلام :good2::good2::good2::good2::good2::good2::good2:: good2::good2:

[هاوي بر و صيد]

عسى الله يشفي طيرك

[الصقار الجديد]

الطير فيه ديدان اللحق للمستشفى اركب السياره اللحين ورح امش200الفصل ههههه امزح

[صقار 502]

جعل والديكم فالجنه والطير فحصنا عليه وخذينا علاجه

واخص بالشكر اخوي اقدم صقار جعله يسلم ومن يقرا

[راعي البرقا]

الله يشفيه مما فيه وان شاء الله يتعافى ونشوف مواضيع لصيده وماقصروا الاخوان بالنصح والله يوفق الجميع

[سبع الصحراء]

الله يشفيه بس يا ريت علمتنا وش فيه عشان الواحد يستفيد من وصفك للحالة كتشخيص قد يكون مبدأي

[اقدم صقار]

جعل والديكم فالجنه والطير فحصنا عليه وخذينا علاجه

واخص بالشكر اخوي اقدم صقار جعله يسلم ومن يقرا



هلا بك يا الغالي
بشر عسى الامور زينه وهينه
الله يبشرك بالجنه

[اقدم صقار]

اتوقع ان كلامي صحيح
ضعف في وضائف الكبد ؟
الله يشفيه وانا اخوك
وعطه عسل في الماء لان العسل زين للكبد
تقبل مروري

[الشله]

السلام عليكم
ياخوي ود الطير للمستشفى والاخوان ماقصرو افادوك وزين كشف كامل لطير افضلك ماهي خسارة 300 ريال .

[الراسي 2]

انا بقلك شي الطير يبيله شنذره شنذره يمكن بعد الشنذره راح يتحسن

[ديوان العرب]

انا بقلك شي الطير يبيله شنذره شنذره يمكن بعد الشنذره راح يتحسن
لاعزالله انعطيته شناذره فطس طيرك طيرك اقرب ماله التهاب في المعلف او التهاب في الكبدانت تقول في قلاع والضاهر انها زادة عليه وهي الي تسكر فمه حاول تفتح فم الطير واسحب لسانه بتشوف فيه جروح بيض داخل فمه وده المستشفى يفحصونه ويعطونه كورس

[شلهووب]

اخوي سو للطير فحص داخلي يمكن يكون قلااع ونا اخووك

[شلهووب]

اخوي ازيدك بشعر بيت امسك لسان الطير ارفعه شوف في قلاع بلسان

[نبهان الشمري]

حياك الله يالغالي

عجل فيه ووده للمستشفى احسن لك


انا طيري نفس مشكلتك .. ما يعلف ... وكانه مخنوق ... تاخرت ما وديه للمستشفى ... يوم وديته قالوا يمكن ما يتحمل البنج علشان نعالجه ... ضربوه ابره البنج .... وفحصوه واعطوني علاجات ... استخدمت العلاجات يوم واحد بس ومن بكرا لقيته ميت ..

عجل ووده للمستشفى احسن لك وخاصة انك تقول انه ضعيف