المساعد الشخصي الرقمي

مشاهدة النسخة كاملة : ضياع الطيور في بدايتة الموسم !!! موضوع للفائده


مغاتير
26/09/2011, 12:29 AM
السلام عليكم ورحمة الله وبركاته
اخواني اعضاء هذا المنتدا الطيب امسي علي الجميع بالخير
الموضوع عن فقدان الطيور في هذا الوقت
والكل يشارك في اسباب والاخطاء الي لازم الكل يتجنبها
وان شاء الله تعم الفائده علي الجميع
اول شي انتبه ياراعي الطير اول ايام الدعو
خل معك او خيط خام يكون ضعيف حيل بعض الاخوان يحسبون انه عيب او انه شغله اجيب الاحراج انه يربط طيره بسبب
اول ايام الدعو الطير ماهو محتاج علف ويكون مستاحش يعني اي غلطه دق حوم والله يعقله
ف عليك تتاكد قبل الدعو من انه يكون عندك حبل خام خفيف
وتربط البدايه ف السبوق وتحدد المسافه وتربط الباقي في الوكر
لاتهد طيرك وتغتر انه راكد وتقول ماراح يستنكر تاكد انه الطير محتاج العلف
براكده عليه اول الايام كثر من تنقيل الطير علي يدك حاول تساعد الطير علي علفه
ونسال الله التوفيق للجيمع
والي عنده اي اضافات الموضوع موضوعه
راعي الاحمر
26/09/2011, 01:55 AM
مشكور اخوي ما قصرت جزاك الله الف خير
اقدم صقار
26/09/2011, 08:55 AM
السلام عليكم
ماعلي من كلام الناس ومحد بحاس في اللي بحس فيه يوم يغدي طيري
جزاك الله خير وكلامك سليم وبيض الله وجهك
تقبل مروري
راعي البرقا
26/09/2011, 10:17 AM
علمك وافي وكلامك سليم هذا و مازيد على كلامك بالكثير وعندي سبب ثاني يكون في نفس سبوق الطير او المرسل لازم يلاحظ و يغير خصوصا اذا كان الوكر حول شمس و بعض الناس يربط طيره او يشتري وحش ثم ينقله بوكر كان عنده اكل عليه الدهر وشرب و لايبدل الوكر او حباله وهو مهملها من الاول واشوف انا انها سبب بعد الله لكفخه الطير والله يوفقك على نصيحتك
عاشق التوام
26/09/2011, 10:23 AM
وعليكم السلام ورحمة الله وبركاته

أخوي مغاتير الأسباب واجد وما ذكرته مهم واللي يحضرني منها


- تهد الطير على وحاشيه أعني إنه مادهل زين والصحيح نقله بشكل دايم وتدهيله وتنقيزه ودعوه وتعليفه على الدس
- تهد الطير على صنعته وإنه يكون عديد والصحيح إنقاص وزن الطير وليس إضعافه

- القرب من الطير في حال صيده بشكل مفاجئ للطير وإفزاعه والصحيح القرب منه بشكل تدريجي حتى الإنحناء حتى تعادل مستوى إرتفاع الطير تقريباً

- عدم ربط السبوق في حال الوصول للطير وهو صايد لأن بعض الطيور يكفيها التنسير وبعدها تكفخ بالذات الوحش والصحيح ربط السبق حين الوصول للطير

- نزع وعزل الصيده من الطير بالقوة وقدام نظره والصحيح إخفاء الصيد ومد العلف بالدس من فوق صيدته

- أنك تبلج (تكشف) عن الطير في وقت عدم نقله على الدس أقصد وهو على وكره لأوقات طويله بالذات في النهار مثل وقت المضحى والصحيح ماتبلج عن الطير إلا وهو على الدس منقول

- عدم التأكد من جميع الربطات الخاصة بالمربط والوكر والسبق والمجوّل والصحيح التأكد منها بعد كل مهدّ

- تطليق الطير في مناطق سكنية أو مخططات يصعب عليك متابعة الطير في حال هداده أو حتى الدعو والصحيح التطليق أو الدعو في مناطق مفتوحه كالبر

- وأخيراً أختم بريشة المتابعة لمن لديه المقدرة على شرائها وهي أهم شئ


هذا اللي أذكره وإن نسيت أو قصرت الزود فيك أنت والإخوان تفيدونا بيض الله وجيهكم

أخوي مغاتير بيض الله وجهك على هالطرح الجميل
تقبل مروري،،،


إضافة بسيطة نسيتها وتذكرتها ألحين
البعض من الإخوة يطلق الطير في أوقات المقيال أعني مابين الساعة 10 صباحا والساعة 3 مساء وهذي الأوقات هي أوقات حوم الطيور بالذات في المناطق الحارة يعني من تفك الطير بعضها تحط الخضيرا بين عيونها وتغدي
مدهل الطير
26/09/2011, 10:36 AM
كلام سليم...لاكن عندي ملحوظه بسيطه وهي شناذرالطير اللي بشنذر ينتبه مازال الجو حار؟؟لاتشنذر الاوغرفته بارده والماء عنده والعلف حط عليه لبن وبدال ماتريحه يومين ريحه اربع خمس ايام. هذا من واقع تجربه حصلت للاخوان العام وهذي السنه قبل اسبوع .وشكر..........تقبل مروري
مغاتير
26/09/2011, 12:40 PM
جزاكم الله خير جميعا سوف يتم الرد علي كل عضو لاني شابك حاليا
من الجوال
هاوي بر و صيد
26/09/2011, 12:56 PM
جزاك الله خير
سبع الصحراء
26/09/2011, 02:51 PM
مهما ركد الطير على يدك في المجالس ومهما نقز وعلف على يدك أيضاً

نفسيته تتغير في الخلا ,,,,, ويطري عليه مليون طاري وطاري
عن نفسي
دعيت طيري بسبب طويل وما فكيت السبب إلا امس بعد ما تطمنت أنه بيجي على الدعوا

ودامك تفرع عنه وتلقاه يتلفت ولاهو يم اللي يصيح ويلوح ,,, خذ الحذر
عابر الموج
26/09/2011, 03:17 PM
شاهد الموضوع تقبل تحياتي
http://www.mekshat.com/vb/showthread.php?t=387739
مغاتير
26/09/2011, 04:13 PM
جزاكم الله خير جميعا
ماتقصر ياخوي عابر الموج
والعذر والسموحه مانتبه انه في موضوع نفس الي كتبته