دعوه لحضور عرس راعي العجراء [الأرشيف]

مشاهدة النسخة كاملة : دعوه لحضور عرس راعي العجراء

راعي العجراء

26/09/2011, 12:50 PM

السلام علاكم ورحمة الله وبركاته

اليكم سالفة

راعي العجراء ليلة العرس

هذا العرس مبطي والسنين تركض واعتقد انه قبل 40 سنه قبل الميلاد من بطاه

حينما قرر راعي العجراء الزاوج وفي ليلة عرسه هائم في خياله الواسع شعور لايوصوف كاني ملكت الكون تلك الليله

من زينها ودي اعرس كل ليله الناس تنظر اليك كانك اسطورة هذا القرن سلام وقبل وتبريكات وتهاني حتى ياجماعه حسيت ان رقبتي صارت طويله تشوف المقفي والمقبل

مايدرون ان العقال سلف والبشت سلف واعتقد انه بشت وبر وحنا بالصيف

وش يعرفني للبشوت والجزمه اعزكم الله من البطحاء 35 ريال وفنيله اوميك

كذلك الهاف ستوبر اوميك بس انا اخبر ان الهاف ستوبر دفاع مدري ضهير بالكوره وش جابه عندي مدري

المهم المهر 5000 الاف ريال وقايلهم تقضوا بهن واشتروا اللازم وان بقى شي رجعوه تراه بذمتكم

وصاحبكم راعي العجراء واثق الخطوة يمشي ملكا ليله عرسه

وعندما بدا الحفل وقص شريط الافتتاح اتفقوا ابناء اختي على تحطيم جدار هذا الكبر والغرور وشوفة النفس اذا بغيت التفت التفت بكل جسمي حتى لايطيح العقال

وعندما مسك يدي والد العروسه لكي يدخلني على العروسه كانه مختارني بين هذه المجموعه

صوتلي واحد من عيال اختي قال خال خال وانا اوقف ابشوف وش يبي قبل الدخول على زوجتي توقفت ووقف والد العروسه بين هذا الجمع الغفير

وفال ياخال ترى العيال اكلوا بسطتك افطن له ياخال

يوم صار وجهي احمر تقول لحمه في باب قصاب واحمرت عيوني واشتد غضبي عليه ولو امسكه لذبحه ذبحة التيس بالقصه السابقه

شوي الا والثاني يصوت ياخال ترى العيال اكلوا البليله وكبوا باقيها وقلت لهم ابعلم خالي ووالد العروسه يستمع الى ذلك نزل راسه بين المصدق والمكذب

شوي يوم جاء واحد من اقربائي

وقال اصبر شوي ابعلمك قلت وش تبي بعد ماعاد عندي الحين لابسطه ولا بليله

قال ترى دجاجتك السودا بيضت اخذه البيضه اغبيه لك والا اكله يوم دليت ماشوف الدرب

يوم مشيت الا وذاك المليوح من زملائي يقول ان امك موصيتني لك تقول خل العروس تشوف عينك الحمراء ترى الرمح من اول ركزه لاتلعب علاك

والبلا ابوها يسمع ومنزل راسه وانا بحلقي شي مدقر بعثمور لا وراء ولا قدام بهالحلق

اشوي يوم جان اللي مابه ملح راعي البشت قال تراي ابمشي معك قبل ماتدخل اباخذ بشتي اخاف يجيه شي

قلت له الله يجزاك خير انا داخل فيه ورشة غيار زيوت خله على الاقل الى باكر الصبح

عاد من زين هالبشت لو انا رايح للمقصب وماخذ منهم جلد ثور ولابسه ازين من بشته المروح

وكني ادري ان والد العروسه يقول وش جاب هالمعرس لنا انا لله وانا اليه راجعون

صار عرسي مثل العزاء

دخلت على العروسه وابا اسلم علاها بدل ماقول السلام علاكم قلت ماعندك بسطه اطلع افطن له لاتوكل

والا بليله لايكبوها

انتهت السالفه وارجوا ان اكون وسعت صدوركم ولو بالقليل

واعتبروها اخر سالفه لراعي العجراء بهذا المنتدى

وسوف اعلن اعتزالي عن قريب مع فريق برشلونه

والله يحفظ الجميع

وفي النهايه سبحانك اللهم وبحمدك لااله الانت استغفرك واتوب اليك

أبوعابد 22

26/09/2011, 01:17 PM

افا وانا اخوك انشاء الله انك منت طالع من المنتدى اذكر الله
ترك زينة ها القسم والله ان كلامي صدق والله يهنون باقي الاعضاء
الله يهديك بس انشاء الله انك بتكمل معنا وترنا ربع واخونا
وننتظر جديدك والله يهديك بس ضيقت صدري

شقاوي الديرة

26/09/2011, 01:38 PM

واعتبروها اخر سالفه لراعي العجراء بهذا المنتدى

وسوف اعلن اعتزالي عن قريب مع فريق برشلونه

والله يحفظ الجميع

وفي النهايه سبحانك اللهم وبحمدك لااله الانت استغفرك واتوب اليك

وعليكم السلام ورحمة الله وبركاته
تدري يا راع العجرا توي اللي طبيت بسواليفك أحسبها ما غير اللي بخيمة الألغاز
وعلومك والله كلها زينة نستانس فيها
وانت تقول أعلن إعتزالي
أبد ما نسمح لك:no2:
أنا كل ما أدخل على مشاركاتك يشغلني الطير اللي بالتوقيع وأنسى الرد
وعلى فكرة ترى واحد من الأعضاء منزله بموضوع ويقول راع العجرا لا يدري:j
وانا ما اقدر اصبر ابا اعلمك تراه على الرابطhttp://www.mekshat.com/vb/showthread.php?t=443666

اعرف انك بلشه
تراني حالف عن عمتك منيفة وجميع عماتك
مالي هوى يابو خديد كما الماس* مالي هوى لو سمت روحك عليه

بحفظ الله ونشوفك بقصة أحلى

قوافي ( أم نهار )

26/09/2011, 01:40 PM

سليمان الربيعان

26/09/2011, 02:04 PM

هههههههههههههه الله يوسع صدرك مثل ما وسعت اصدورنا
تراك غالي علينا بالحيل لا تخلينا ...احدن مضايقك قلنا ترانا معك برخاء والشده
تقل تحياتي....

Al3rands

26/09/2011, 02:11 PM

هههههههههههههه اما اعتزال كثر منها لانهم ماياكلون البليله وماقهرني الا راعي الدجاجه السوداء وراعي البشت

مغامر بحر

26/09/2011, 02:17 PM

سراي اليل

26/09/2011, 02:18 PM

ههههههههه ياخساره البليله لالالالا اقصد الفرحه راحتبه ملح قدام ابو العروس لاتخلينا تكف نخيتك لتخلينا

تلميذ

26/09/2011, 02:27 PM

يبدو انك تذكرت جمال تلك الليله ...
فاردت خوض تجربه جديده
ولكن احذر فالنساء خطرعلى من بلغ سن الخريف

ولن نسمح لك بالاعتزال وان اصررت وصممت فخذ اجازه
فلم نشبع منك بعد ...ومحبوك هنا كثر
فلاتخذل رجائهم واملهم

قطعت الاجازه المرضيه لاكتب لك هذه الكلمتين
فشكرأ كثيرأ
على ما قدمت لنا من سعادة عبر سواليفك الجميله
وتحياتي لشخصكم الكريم ...

حمد69

26/09/2011, 03:23 PM

وقال ياخال ترى العيال اكلوا بسطتك افطن له ياخال
يوم صار وجهي احمر تقول لحمه في باب قصاب واحمرت عيوني واشتد غضبي عليه ولو امسكه لذبحه ذبحة التيس بالقصه السابقه هههههههههه

شوي يوم جاء واحد من اقربائي

وقال اصبر شوي ابعلمك قلت وش تبي بعد ماعاد عندي الحين لابسطه ولا بليله

قال ترى دجاجتك السودا بيضت اخذه البيضه اغبيه لك والا اكله يوم دليت ماشوف الدرب ههههههههههههه

الله الله يا راعي العجراء كل سوالفك وناسة وتوسعة السدر .. الله يعطيك العافية ويطول فعمرك ..
إلا وش قلت تبي تعتزل.. يشيخ مالك حق اعقل وتروى ترا كل الي بها الخيمة راح يعتزلون..
وأقول لك تكفا ترى تكفا تهز الرجاجيل*** لولا صروف الوقت ما قلت تكفا...
هاه وش قلت ؟ عساك غيرت رايك.
تقبل تحاياي لك أخوك حمد

النبهاني

26/09/2011, 05:26 PM

الله الله يا سلااااااااااااااااااااااااااااااام سلّم
عليك يا راعي العجراء
ما شاء الله تبارك الرحمن على هالأفق الفسيح والخيال والواسع
أجل مهر خمسة الاف والباقي رجعوه وعيال اخت يقولون له عن الدجاجه السودا اللي باضت والبسطه والبليله
لاوآخرتها ماعندك بسطه اطلع افطن له لاتوكل والا بليله لايكبوها
الله يقطع ابليسك وش خليت
روح ياشيخ الله يوسع صدرك وين ماكنت

النبهاني

26/09/2011, 05:37 PM

واعتبروها اخر سالفه لراعي العجراء بهذا المنتدى

وسوف اعلن اعتزالي عن قريب مع فريق برشلونه

والله يحفظ الجميع

وفي النهايه سبحانك اللهم وبحمدك لااله الانت استغفرك واتوب اليك

يا راعي العجراء مابه تكفى
انت وش تقول وش هذا الحكي
لو يصير هاللي تقول لا سمح الله ترى العجراء تبي تصير بالفين
الدعوه ماهي لعب تولعنا بهالسوالف وتخلين ادمن عليها وتروح وتخلينا
ما يصير ياحبيبي تراي شرن منزل انتبه

ابو نايف 111

26/09/2011, 09:10 PM

وعليكم السلام
ياخي مايصير الكلام
خربةعلى الضحكه
و تجميع الرد عن البليله و البصطه
بي اعتزالك :mad:
انا عن نفسي ما اسمحلك

راعي الغنمات

26/09/2011, 09:37 PM

قصة قصيرة فكاهية مختصرة كاملة ، الله يلبسك العافية

ريف نجد

26/09/2011, 09:52 PM

الله يوسع صدرك على علومك الطيبه
عاد انتم مصدقين انه بيعتزل ؟؟
برشلونه فريق كبير وشلون يعتزل؟
هههههه
يعني تطمنوا ماهو معتزل
تقبلوا تحياتي

ناصر العلي

27/09/2011, 04:58 PM

وعليكم السلام ورحمة الله وبركاته
سلمت أخي الغالي على هالقصة الممتعة
أما بدايته....قمة الرومانسية
وشكل عيال أختك أستغلوا زواجك ودرعوا بالبسطة
عاد كني اتخيل هالبسطة
حلاو...طابوق...وعلوك ملون ...وحلاو بقر:D
والدجاجة أحمد ربك صارت بالبيضة ماهي بالدجاجة
وشف عاد علمن ياصلك ويتعداك
قولة أبي أعتزل شله من راسك ماهو بكيفك
تراي أمزح يالغالي من الميانة مثل ماوعدتنا
سو اللي يجوزلك يابعدي
مع إنه يعز علينا
ومع السلامة

alrsash911

27/09/2011, 08:03 PM

مشاءالله عليك راعي العجراء بس ما قلت لنا من وين المهر الظاهر سوق البليلا شاد حيله معك .... أعتزال كثر منها .. لا تنسى جميع أعضاء مكشات بوارديه يعني أحذر

أزيب الوسم

27/09/2011, 10:35 PM

أبسطتنا الله يبسطك . ذكرتني بموقف لأحد الشباب يقول الحمدلله تم احتفال الزواج بكل يسر وبدون مشاكل يقول أول ما دخلنا الغرفة ويصيبنا بلاء أنا والحرمة ما فيه كلاام والوجه رمان مقشر وحتى جمسي صار كله يمطر عرق يقول والله صرت أنتظر متى يأذن الفجر وأنا وياها في حالة صمت وخوف وخجل عجيب المهم أذن وأنا أنقز للمسجد ومن المسجد وأجي بدون كلام وأنام

مطر الفجر

27/09/2011, 11:30 PM

الله يعطيك العافيه على هالسوالف

محمد الظاهري

28/09/2011, 12:45 AM

وعليكم السلام ورحمه الله
اخي راعي العجرا
ابتسمت لموضوعك
وضحكت من قلبي
واسعدني مغامراتك
لكن ....
احزني وضايق صدري
في احرفك الاخيره
اتيت لرسم البسمه على الخوان
واحزنت الاخوان في حروفك الاخيره
ارجوك انت مكسب لنا وقصدناك بأنك لا تقطع عنا
محبيك كثيرون
وهاذا ما تبين لك من خلال ردودك
ارجوك ارجوك
وان شالله ان تغير فكرك وتكون راجع لنا
مــــــــح ــــــــــــبك

وردة النفل

28/09/2011, 12:55 AM

الله يعافيك راعي العجراء ع السالفه
وطلبتك لا تتركنا
بعد ماتعودنا على سواليفك الطيبه تتركنا !!

غرور انثى007

28/09/2011, 06:03 AM

يا حليلك بس والله ما لومك..يوم وجهك يقمط...هههههههههههههاااي
أكيد تمزح ماراح تعتزل معليش انت ملح المنتدى والله وماخش الا عشان أقرى لك بعض سوالفك الحلللوه..
ولا اعتزلت تراني باعتزل... ×

بندرالعتيبي

28/09/2011, 08:32 AM

سالفه حلوه ومداني المزح اثناء العرس بس سالفة الاعتزال احس انها مقلب:);):p:good2:

سليمان911

28/09/2011, 07:34 PM

هاه وش قلت ياراعي العجرا بتجلس

راعي العجراء

30/09/2011, 03:55 AM

راعي العجراء

30/09/2011, 03:59 AM

وعليكم السلام ورحمة الله وبركاته
تدري يا راع العجرا توي اللي طبيت بسواليفك أحسبها ما غير اللي بخيمة الألغاز
وعلومك والله كلها زينة نستانس فيها
وانت تقول أعلن إعتزالي
أبد ما نسمح لك:no2:
أنا كل ما أدخل على مشاركاتك يشغلني الطير اللي بالتوقيع وأنسى الرد
وعلى فكرة ترى واحد من الأعضاء منزله بموضوع ويقول راع العجرا لا يدري:j
وانا ما اقدر اصبر ابا اعلمك تراه على الرابطhttp://www.mekshat.com/vb/showthread.php?t=443666

اعرف انك بلشه
تراني حالف عن عمتك منيفة وجميع عماتك
مالي هوى يابو خديد كما الماس* مالي هوى لو سمت روحك عليه

بحفظ الله ونشوفك بقصة أحلى

هلابك ياشقاوي الديره
والله يسعد اوقاتك بالمسرات
اشكرك على شعورك الطيب
وسوف اكون معكم عن قريب والقادم احلا
نقبل مودتي

راعي العجراء

30/09/2011, 04:14 AM

حياالله اخوي راعي العجراء

حيالله مبدع الحروف وباني البسمه وامير الروائع القصصيه
ظاع الاعجاب بالسالفه مع اعلان الاعتزال
وهذا مرفوض وبشده واضن ان برشلونه فريق دائم يعني لا اعتزال من قريب ولا من بعيد
اتمنا ان تعيد النظر بهذا الاعتزال ونطمع بتغيير رئيك..
تحياتي .اختك

..قوافي..

هلالا بك ياقوافي
والله يعطيك الصحه والعافيه
اشكرك على شعورك النبيل
وان شاءلله لنا عوده عن قريب
وبالصراحه احاول احصل على فترة نقاهه عن هذا الجهاز
والادم افضل
تحيتي

حمد69

30/09/2011, 05:19 AM

الحمدالله على عودتك يا أخ العرب
والله أن لك لوحشة وأنا كل ما أدخل في هذه الخيمة أبحث عن راعي العجراء وأسأل الله أن يرده إلينا رداً جميلا .. ... إن لقصصك الشيقة لنكهة خاصة
ننتظر وصولك بشوق
طولة الغيبة ومن طولة الغيبات جاب الغنائم

راعي العجراء

30/09/2011, 08:42 AM

هههههههههههههه الله يوسع صدرك مثل ما وسعت اصدورنا

تراك غالي علينا بالحيل لا تخلينا ...احدن مضايقك قلنا ترانا معك برخاء والشده

تقل تحياتي....

هلا وغلا في اخي الغالي ابوسليمان
وعسى صدرك دايم وسيع
والرجعه عن قريب والقادم احلا
تحياتي

راعي العجراء

30/09/2011, 06:14 PM

هههههههههههههه اما اعتزال كثر منها لانهم ماياكلون البليله وماقهرني الا راعي الدجاجه السوداء وراعي البشت
خلاص اشتقت اليكم بعد مرور اربعه ايام
اشكرك على حضورك الطيب
تحيتي

راعي العجراء

30/09/2011, 06:18 PM

المهم المهر 500 الاف ريال وقايلهم تقضوا بهن واشتروا اللازم وان بقى شي رجعوه تراه بذمتكم

اوووما السالفه خرافيه
الله يوسع صدرك ياطويل العمر
بس وش سالفة الاعتزال ؟؟
مافيه روحه ولا جيه عااد ترانا اخويا وربع
تحياتي لك ..
مغامر بحر

هلا وغلا يامغامر بحر
وانت الله يوسع صدرك بالايمان
وابشر نبا ناجل الاعتزال الى وقت لاحق
وانتم ربعي الله لايخليني منكم

راعي العجراء

30/09/2011, 07:12 PM

ههههههههه ياخساره البليله لالالالا اقصد الفرحه راحتبه ملح قدام ابو العروس لاتخلينا تكف نخيتك لتخلينا

صحيح ان الفرحه راحت ملح القصب الاصلي
وتبقى الذكريات اسطرها لكم
وانا كلي سرور باعجابكم اكثر من ليلة عرسي
وابشر انا معكم قلبا وغالبا
تحيتي

قوافي ( أم نهار )

30/09/2011, 07:24 PM

هلالا بك ياقوافي

والله يعطيك الصحه والعافيه
اشكرك على شعورك النبيل
وان شاءلله لنا عوده عن قريب
وبالصراحه احاول احصل على فترة نقاهه عن هذا الجهاز
والادم افضل

تحيتي

حياك الله اخوي
الله يعافيك وانا من يشكرك بإعادة النظر بالأعتزال
نحن بأنتظارك بعد انتهاء فترة النقاهه
وننتظر القادم
تحياتي.اختك
..قوافي..

الدافور 1430

30/09/2011, 07:49 PM

هههههههههههههه
الله يوسع صدرك مثل ما وسعت اصدورنا
تراك غالي علينا بالحيل لا تخلينا وإذا فيه أحد مضايقك قلنا ترانا معك بالرخاء والشدة

محمد الدوسري ٢٠٥

01/10/2011, 08:09 PM

&راع العجراء&
@اضحك الله سنك@

راعي العجراء

02/10/2011, 12:04 PM

حياك الله اخوي

الله يعافيك وانا من يشكرك بإعادة النظر بالأعتزال
نحن بأنتظارك بعد انتهاء فترة النقاهه
وننتظر القادم
تحياتي.اختك

..قوافي..

ابشري ياقوافي
وفترة النقاهه سوف تنتهي بعد ماتطلع عمتي منيفه من مستشقى شهار
وابشرك فكو السلاسل من يديها مابقى الا اللي برجولها
الله يعطيك العافيه

راعي العجراء

24/05/2012, 09:34 AM

هههههههههههههه

الله يوسع صدرك مثل ما وسعت اصدورنا
تراك غالي علينا بالحيل لا تخلينا وإذا فيه أحد مضايقك قلنا ترانا معك بالرخاء والشدة

هلابك يالدافور والله يوسع صدرك بالعافيه
ابشر طال عمرك مواصل معكم بأذن الله
تامر امر
تحاتي وتقديري

اوكلاهوما

24/05/2012, 03:34 PM

يوم صار وجهي احمر تقول لحمه في باب قصاب

مافيك حيله تشبيه قوي
مدري وين تجيبه
هههههههههه
الله يوسع صدرك بالايمان

عابر سبيل 1

24/05/2012, 09:23 PM

هلا بخوي راعي العجراء ...
مبدع كعادتك وغالي على أحبابك ...
هل تقوى تفارق أحبابك ؟
خذ لك أجازه ونحن بأنتظار عودتك سالماً...
تحياتي ...

ابو حمدان502

25/05/2012, 01:30 AM

اظاهر انك خرفت يابو جلمبو
تبي تعتزل

بنت الأحساء

25/05/2012, 02:21 AM

السلام عليكم
اهلا اخي راعي العجراء
ههههههه اجل خربوا فرحتك واكلوا عليك البسطه والبليله
سالفه رائعه والسرد والوصف رائع جدا مبدع دائما ماشاء الله عليك
دمت بحفظ الله وتقبل مروري المتواضع

رساوي جارح

28/05/2012, 06:20 PM

الله يوسع صدرك مثل ماوسعت صدورناا
ههههههههههههه

شكرااا اخوي العجراااء

لاكن تكفى لا تعتزل نبي نفقدك

كلمة صادقة

ذيب الفقارة

28/05/2012, 11:11 PM

ألف ألف مبروك

ودامت الأفراح

وما يفل الحديد ألا الحديد

يا خوفي إنك قبلها مسوي الهوايل

تحياتي اخي الغالي

راعي العجراء

05/04/2013, 10:10 PM

الله يوسع صدرك مثل ماوسعت صدورناا
ههههههههههههه

شكرااا اخوي العجراااء

لاكن تكفى لا تعتزل نبي نفقدك

كلمة صادقة

الله يعافيك يالغالي
وابشر طال عمرك

سامرنجد

08/04/2013, 03:02 AM

بعطيك الغافيه ياراعي العجرا ماقصرت سوالفك لها طعم خاص

وحيد قلاسكو

08/04/2013, 09:13 AM

ههههههههههههههههه الله يوسع صدرك

ابو صفوق

23/04/2013, 04:47 PM

مرحبا بابو المراحب

وقال اصبر شوي ابعلمك قلت وش تبي بعد ماعاد عندي الحين لابسطه ولا بليله

ههههههههههههههههههههه ياخلفهم انت ههههههههههههههه عندك شي مهم
وراعي البشت ماتجمل شوي مايسد صدمة البسطه
الله يوسع صدرك دنيا واخره
ابو صفوق