ابوعبدالرحمن والاعضاء وش الحل في تهريب القير والتفتفه

[مزاجي فوق]

تحيه طيبه لكم ياخوان

عندي لاندكروزر 2007 فيه تهريب في القير رحت كشفتله قالو يبيلك تغير الصوفه
ولزخوني لزخ بالسعر

والتفتفه جننتني غيرت البواجي وفلتر هوا ونفس المشكله مازالت موجوده علماً اني شكيت في خرطوش الهوا اللي يوصل للمكينه وغيرته

ومازلت اعاني هل تتوقعون البخاخات فيها شى ...؟

لكم تحياتي واشواقي

[Messerschmitt]

مرحبا بك يالذيب

بالنسبه لتهريب الزيت فكلامهم صحيح

لازم تغير الصوفة لكن انتبه

بعض الفنيين يسحب الصوفة ويكسر ترس امبير السرعة الموجود بالقير

وهذي شائعه جداً باللاندكروزر عشان كذا لازم توقف على راسه وهو يشتغل وتحذره.

أما مشكلة التفتفة فلها عدة اسباب لكن بقول لك اهمها :

1)- صفاية البنزين.

2)- حسّاس الهوا محتاج تنظيف

وطريقة تنظيفة بسيطة لكن يجب اولاً فصل اصبع

البطارية السالب وتنظيف الحساس بمنظف خاص ( اي سي ديلكو ) عن طريق البخّ على الحساس من مسافة

15 سم حتى تنزل جميع الاوساخ اللي فيه وبعدها خله ينشف من نفسه ( لا تنشّفه ولا تلمسه ).

[ramy asiry]

مرحبا بك يالذيب

بالنسبه لتهريب الزيت فكلامهم صحيح

لازم تغير الصوفة لكن انتبه

بعض الفنيين يسحب الصوفة ويكسر ترس امبير السرعة الموجود بالقير

وهذي شائعه جداً باللاندكروزر عشان كذا لازم توقف على راسه وهو يشتغل وتحذره.

أما مشكلة التفتفة فلها عدة اسباب لكن بقول لك اهمها :

1)- صفاية البنزين.

2)- حسّاس الهوا محتاج تنظيف

وطريقة تنظيفة بسيطة لكن يجب اولاً فصل اصبع

البطارية السالب وتنظيف الحساس بمنظف خاص ( اي سي ديلكو ) عن طريق البخّ على الحساس من مسافة

15 سم حتى تنزل جميع الاوساخ اللي فيه وبعدها خله ينشف من نفسه ( لا تنشّفه ولا تلمسه ).

وين ألاقي حساس الهوا
بالنسبة لي التهريب أيضا ممكن يكون من ساعة السويتش (ساعة الريوس) switch reverse وتقريبا تكلفك في الوكالة مع التصليح مع القطع 110 ريال

[Messerschmitt]

تحصلة بالوصلة حقت قربة الفلتر ( قبل اللهات )

[يالبى الهلا]

حل المشكله من تجربه
عندك الفلتر الداخلي في التانكي تالفةويحتاج الى استبدال او احدي الكويلات تعبان او الربل التابع له مشقوق ويخرب كهرباء

[مزاجي فوق]

مشكور جميع يا اخوان على مروركم

لكن باقي نبي نشوف احد مرت عليه

تكفون لو شى بسيط لا هنتو

[مزاجي فوق]

تحصلة بالوصلة حقت قربة الفلتر ( قبل اللهات )


اول مره اسمعبها تكفى يا ليت توضح اكثر ما عرفت مكانها والله بالضبط

[Messerschmitt]

http://image.ecplaza.com/offer/c/cnkeruidi/5505063_m.jpg

هذي بداية الثلاجة او اللهات

الحساس يا طويل العمر هو الاسود السفلي

[مزاجي فوق]

بيض الله وجهك على الشرح

لكن والله باقي ماعرفت مكانه بالضبط

يعني ابيك تطمني هو هين
لان والله التكتيم بالموتر جنني لاني ماعرفت موقع بالضبط

وسلمت على اهتمامك لبى قلبك

[يالبى الهلا]

العداد شغال طبيعي 100%100
والاكانت الجيوب كلها العدادات خربانه عندي العداد في التشغيل يكون على النصف وعند زيادة الدعسه يرتفع ضغط الزيت

[يالبى الهلا]

وبالنسبه للتفتفه اذا كان عزم الموتر ضعيف في القومه هذا يدل على خراب او وسخ بالفلتر الداخلي للتانكي ويتغير ب35 من واقع تجربه والان 100%100
اما اذا كان فيه تفتفه والموتر يكتم وفيه حراره بالماكينه مع تسخين القزوز و صرفية البنزين واضحه فهذا من احدى الكويلات خربان ويحتاج الى تبديل ب200
كم تدفع الاصلاح المشكله ههههههههههه؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[مزاجي فوق]

الان شريت صفايه
وجاري تنظيف الحساس

والتحديث مستمر

[DOOM_MAGRO7]

السلام عليكم : هذا ياطويل العمر الوضع من بعضه
عندي في الموتر gxr قير عادي ماتقدر تقومه بالثاني ومع اللفات احس كأن القير بينكسر أو ان المكينه تقطع والعزم دمار
مريت به ورشة العضيب مخرج 5 بالرياض جربوا الموتر قالو عندك تهريب في الكهرباء من أسلاك البواجي
شريت الطقم 6 حبات ب480 وخذت لي طقم بواجي ب 40 وكلها اصليه
وشغل اليد ب 70 ريال بس لاكن بورشة بأم الحمام والحمد لله الامور الان طبيعيه ولله ااحمد
شيك عليها انت .... وانا اقترح عليك مره وحده انك تنظف الكربريتر ببخاخ اي سي ديلكو هذا يفك الكتمه
لانه عادة يكون منه قبل ماتغير البواجي وأسلاكها افضل لك بعدبن ركب الجديده

[مزاجي فوق]

السلام عليكم : هذا ياطويل العمر الوضع من بعضه
عندي في الموتر gxr قير عادي ماتقدر تقومه بالثاني ومع اللفات احس كأن القير بينكسر أو ان المكينه تقطع والعزم دمار
مريت به ورشة العضيب مخرج 5 بالرياض جربوا الموتر قالو عندك تهريب في الكهرباء من أسلاك البواجي
شريت الطقم 6 حبات ب480 وخذت لي طقم بواجي ب 40 وكلها اصليه
وشغل اليد ب 70 ريال بس لاكن بورشة بأم الحمام والحمد لله الامور الان طبيعيه ولله ااحمد
شيك عليها انت .... وانا اقترح عليك مره وحده انك تنظف الكربريتر ببخاخ اي سي ديلكو هذا يفك الكتمه
لانه عادة يكون منه قبل ماتغير البواجي وأسلاكها افضل لك بعدبن ركب الجديده

تحية طيبه لك اخوي
الله الله اقع في نفس المشكله الثاني ما اقدر اقوم فيه احس الموتر بيطفي بس الان غيرت الصفايه وكن الامور زينه بس باقي في شى خفيف لكن بجرب ونشوف


ومازال التحديث مستمر

[Messerschmitt]

بيض الله وجهك على الشرح

لكن والله باقي ماعرفت مكانه بالضبط

يعني ابيك تطمني هو هين
لان والله التكتيم بالموتر جنني لاني ماعرفت موقع بالضبط

وسلمت على اهتمامك لبى قلبك

الاخوان لبعضهم يا بعدي

الموقع يالغالي في بداية الثلاجة ( مدخل خرطوم فلتر الهوا )

[مزاجي فوق]

الاخوان لبعضهم يا بعدي

الموقع يالغالي في بداية الثلاجة ( مدخل خرطوم فلتر الهوا )

سلمت يا مطنوخ عرفته ابشرك

[مزاجي فوق]

والله نفس المشكله يالربع
ادعس بنزين الموتر ينتفض هم يسير طبيعي
كل ما اروح لميكانيكي يعطيني شغله ماعاد اصدقهم

[مزاجي فوق]

يالله بالعلم الصالح ياجماعه

[DOOM_MAGRO7]

والله نفس المشكله يالربع
ادعس بنزين الموتر ينتفض هم يسير طبيعي
كل ما اروح لميكانيكي يعطيني شغله ماعاد اصدقهم


ههههه الظاهر بالقوة بقنعك خخخخخ

الله الله كأنك توصف موتري زياده على اللي قلتلك قبل فيه نفضه في الدعسه


لا وإذا بغيت تدوس فجأه مثلا ..... تحس الموتر يتأخر ثم ينفظ وبعده يرتاح

وكذلك في اللفات تحسه القير يفلت ويطقطق هذا بالثاني



وجرب والسيارة واقفه واكتم الموتر تلاحظه في بداية الدعسه يتفتف ثم تختفي

وهذا كله ولله الحمد والشكر ماشاء الله تبارك الله اختفى بعد تغيير اسلاك البواجي (الكويلات)



في أمان الله

[ساري 111]

والتفتفه جننتني غيرت البواجي وفلتر هوا ونفس المشكله مازالت موجوده علماً اني شكيت في خرطوش الهوا اللي يوصل للمكينه وغيرته

اعتقد المشكله وشبه متأكد انه من احد اسلاك البواجي ويمكن تضطر تغير البواجي ثانيه لان سلك البوجي اذا صار خربان يخرب البوجي لو هو جديد

[متعب السليمي]

100%100
اسلاك البواجي

[يالبى الهلا]

وبالنسبه للتفتفه اذا كان عزم الموتر ضعيف في القومه هذا يدل على خراب او وسخ بالفلتر الداخلي للتانكي ويتغير ب35 من واقع تجربه والان 100%100
اما اذا كان فيه تفتفه والموتر يكتم وفيه حراره بالماكينه مع تسخين القزوز و صرفية البنزين واضحه فهذا من احدى الكويلات خربان ويحتاج الى تبديل ب200
كم تدفع الاصلاح المشكله ههههههههههه؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

عسى ان شاء الله انحلت مشكلتك نفس مشكلة سيارتي وحليتها بالطريقه اللي فوق×

[مزاجي فوق]

لا والله ياخوك باقي نفس المشكله غيرت فلتر الهوا وغيرت البواجي وغيرت صفاية البنزين
ومازلت المشكله مستمره

علماً اني غيرت البواجي وراحت المشكله اول اسبوع هم بعدين رجعت

استفسار وين مكانه فلتر التانكي بالضبط لاهنت

[ملجلج 305]

بتهريب وذي قالولك الاخوان لكن التفتفه خذ نصيحه مسكه خط وتروح اسال مجرب

[يالبى الهلا]

الفلتر يجي داخل التانكي

[ساري 111]

لا والله ياخوك باقي نفس المشكله غيرت فلتر الهوا وغيرت البواجي وغيرت صفاية البنزين
ومازلت المشكله مستمره

علماً اني غيرت البواجي وراحت المشكله اول اسبوع هم بعدين رجعت

استفسار وين مكانه فلتر التانكي بالضبط لاهنت


غير اسلاك بواجي مع بواجي جديده نوع NGK تلقاه عند وكيل مازدا وميركوري الحاج علي رضا

انا ماادري موترك 8 او 6 سلندر ولاكان عطيتك رقمه الان

وشف هالموضوع يفيدك ان شاءالله

http://www.mekshat.com/vb/showthread.php?t=376235


وانا شبه متأكد ان المشكله من اسلاك البواجي لاتتعب عمرك

[مزاجي فوق]

كفيتو ووفيتو يالنشاما ومشكور على مروركم جميعاً

سيتم بأذن الله غداً تغير الاسلاك والبواجي



ومازال التحديث مستمر