مشكلة دينمو الفكتوريا ؟؟؟

[مكشاتي جهينه]

السلام عليكم
يا اخواني اعضاء مكشات المبدعين

عندي مشكلة بدينمو فورد فكتوريا 2006 فجأه خرب بدون اي مقدمات طبعاً الوكلاء (الجزيره والحاج ) الدينمو غير متوفر عندهم حتى الموزعين

ولي اكثر من يومين لفيت الصناعية محل محل ورشه ورشه تشليح تشليح ولا حصلت الا مجدد بالتشليح ولا تسال عن الاستغلال بالاسعار من 450-500 ويقولك ركبه ولك يوم او يومين !!!

رجعت للورشه وقلتله يتوسطلي :D:D ويدورلي شي يمشي الحال لين الله يفرجها طبعا الوكاله يقولون يمكن يتوفر عندنا بعد 20 يوم الى شهر :mad::mad::mad:

جابلي الرجال واحد بـــ 300 وركبناه والحمد لله ماشي الحال

ادري اني فقعت روسكم بطول السالفه :D:D:D

ابي حال للدينمو حق موتري

هل فيه ورشه او محل يمكن يصلح الدينمو عشان اخليه سبير لين يتوفر في الوكاله

تحياتي لكم ومشكور مقدماً

واسف على الاطاله

[وادي النخلة]

الدينمو يتصلح لكن القطع تجاري ما تحصل أصلي.
أنصحك أنك تروح للبيان اللي بالصناعة القديمة إذا أنت من الرياض تحصل عندهم مستخدم أصلي.
أو تنتظر الوكالة.
وإذا حصلت بالتشليح راكب على سيارة يكون أفضل.
أنا تعطل عندي الدينمو وشتريت مجدد وما مشى معي شهر تقريباً
وصلحت الأصلى وخلال عشرة أيام تعطل.
تحياتي

[s3eed]

اخوي كانت عندي نفس المشكله
وكل مااروح عند كهربائي يقولي دينمو الفورد مايتصلح > على طول غيرر
واحد من بين كل الورش اللي قالي ممكن ؟ اذا الكتاوت > يتغير الكتاوت لكنه قالي بعد فتره يرجع يضرب
ان شاء اكون افدتك
موفق

[مكشاتي جهينه]

الاخوان

وادي النخله و s3eed

اشكر لكم تجاوبكم ونصايحكم

الله يفرجها ويتوفر لدى الوكاله ويريحوننا


جزاكم الله خيرا

[الحربي B]

فيه دينمو مجدد سعرو تقريبا 400 ريال
وكرتون ابيض على ازرق
هذا ان انصحك فيه لاني مركبه عندي في الفورد ولها الان تقريبا سنه وزي الفل

[~EmPeRor~]

انت ركبت واحد ب 300 .!

صدقني بيعيش معاك اكثر من سنة

وش له تبي تصلح الي معك وتخلية اسبير < اوكي

بس تخلية اسبير الين يتوفر بالوكالة وتشري .!!!!! احس انها بذخ

صلح الي معك وحطة بشطة السيارة وانس من الدينمو وبيعيش معاك سنين باذن الله

[nader121]

السلام عليكم ي اخوان


ابغى افيدكم ببعض مشاكل الفورد اللي هي الكهرباء الواصله بين المكيف وفيوزة والاشارات
لحد يضضححك عليك ويقول كهرباء ولا دينمو ولا كمبرسر


شيك ع اهم حاجات اللي هي 《《

1-بكرة الكمبرسر والمغناطيس الكهرباء اللي بالكمبرسر والكلتش

2-الاسلاك اللي من خلف المكينه وواصله الى تحت الجربكس من جهة الرفرف الامامي حق السائق لان يحصل التماس بسلك فوق الجربكس ع طول وتشوفة من تحت خبيث هالمكان بالفورد

3-واذا صلب معك عصا القير بنفس الحادثة او فجأه شيك ع لمبة الفرامل اذا شغاله معناه لازم تفك عصا القير وتشوف التيله الداخليه واذا لمبة الفرامل طافيه لاتفك عصا القير ابد لان الخراب الكهرباء مو واصله للحساس حق الفرامل وم يعشق الا لمى تفتح السوتش الاول شيك ع الاسلاك اللي عند الارجل تبع حساس الفرامل وبآذن الله تنحل مشكلتك


اخوكم :نادر المطيري

[رفيع المقام]

وعليكم السلام

بتحصل في الوكاله أو التشليح دينمو بوليسي ٢٠٠امبير.

واذا كانت المشكله من الكتاوت فامره سهل ركب كتاوت نوع فالكون امريكي وانت وحضك ..
وللمعلوميه الكتاوت نادراً مايخرب ، اللي ينتهي عمره الفحمات وهي مربوطه بالكتاوت قطعه وحده ، بإمكان الفني (الجيد)ترهيم فحمات من فحمات الدريل او اي فحمات أخرى .
واذا كان عندك خبره بسيطه تقدر تركب الكتاوت بنفسك .
أما اذا كان مشكلة الدينمو من الرمانات بإمكانك تغييرها برمان تايوتا او اي محل رمانات يعطيك بيرنق (رمان)
يطابق الرمان القديم .

[اابواحمد]

فر علي مواقع قطع الغيار تحصل انواع واحجام وكل شي وسعره ارخص من الوكالة
امازون ايباي ااي موقع قطع غيار امريكي