هام جدا لاهل الشمال عرعر وحزم الجلاميد وطريف

[دعاس]

بسم الله الرحمن الرحيم
اخص اخواننا الشباكه بالحدود الشماليه
عرعر وضواحيها ومحافظة طريف
يوجد استراحة الاخ/منيف العنزي الواقعه بمركز حزم الجلاميد ولا يخفى على الجميع ان حزم الجلاميد تتوسط المقناص وكذلك تبعد عن عرعر90كم غربا
وتبعد عن ابعد عزبه مايقارب 80كم
وتم عمل مزاد على طيرين حرار وتم بيعها داخل الحراج بنسبة 5٪ على الطير المبيوع
ومن يرغب عمل حراج على اي طير مشبوك التواصل مع صاحب الاستراحه
الاخ/ابوثامر0503380234
والله يكتب الخير للجميع

[برق شمالي]

يابو نواف الله لايحوجنا للاستراحه

اذا الله قسم ونطرح الطير ابو ثامر وغيره يبون يجون لبيت طارح الطير وانت اخبر

والا 5% ليش ؟؟؟ لو بيع طير 100 الف وفيه شركاء 10 اشخاص يعني ابو ثامر بتجيه 5 الاف وهو ماسوا الا انه حرج الطير عنده
والناس الثانيه تتقاسمم ال95 الف ؟؟

بالعكس نبيعه عند استراحه بعرعر والا حدا المخيمات وكلها خاروف والامور طيبه


--
خارج الموضوع صور الطيور الي مطروحه بالشمال عندك واجد وارك يابو نواف ماتنزلها
خصوصا ان حدا الطيور انت فاك مهاده على يديك

[عبدالعزيزيحيى]

يابو نواف الله لايحوجنا للاستراحه

اذا الله قسم ونطرح الطير ابو ثامر وغيره يبون يجون لبيت طارح الطير وانت اخبر

والا 5% ليش ؟؟؟ لو بيع طير 100 الف وفيه شركاء 10 اشخاص يعني ابو ثامر بتجيه 5 الاف وهو ماسوا الا انه حرج الطير عنده
والناس الثانيه تتقاسمم ال95 الف ؟؟

بالعكس نبيعه عند استراحه بعرعر والا حدا المخيمات وكلها خاروف والامور طيبه


--
خارج الموضوع صور الطيور الي مطروحه بالشمال عندك واجد وارك يابو نواف ماتنزلها
خصوصا ان حدا الطيور انت فاك مهاده على يديك

كلام سليم :good::good::good::good: 100%

[مغاتير]

الله يرزقه من واسع فضله ان شاء الله
لكل مجتهد نصيب ياخوان ادعوله بنوفيق
ماهو واقف رزقه عل طير ولا 5 بالميه من الطيور الي تبي تباع
الله يوفقه ان شاء الله

[دعاس]

[QUOTE=برق شمالي;7332975]يابو نواف الله لايحوجنا للاستراحه

اذا الله قسم ونطرح الطير ابو ثامر وغيره يبون يجون لبيت طارح الطير وانت اخبر

والا 5% ليش ؟؟؟ لو بيع طير 100 الف وفيه شركاء 10 اشخاص يعني ابو ثامر بتجيه 5 الاف وهو ماسوا الا انه حرج الطير عنده
والناس الثانيه تتقاسمم ال95 الف ؟؟

بالعكس نبيعه عند استراحه بعرعر والا حدا المخيمات وكلها خاروف والامور طيبه

خارج الموضوع صور الطيور الي مطروحه بالشمال عندك واجد وارك يابو نواف ماتنزلها
خصوصا ان حدا الطيور انت فاك مهاده على يديك[/QUOTE
هلا ومسهلا برق شمالي وكلا له وجهة نظر والنسبه هذي متعارف عليها عند اهل الخليج
ولاتنسى ان الاستراحه والدلال مسؤلين عن الطير وقيمته
ولو يباع طير ب5000 وراح يكون نصيب صاحب الاستراحه والدلال 500ريال ماتسوى كل هالسالفه
وبعدين لا انا ولانت مجبور يجي للاستراحه وكل واحد له وجهة نظر
ولكم تحياتي

[مدهل الطير]

سراحه ان النسبه هذي عاليه النسبه شرعا 2,5 والله ولي التوفيق

[ثامر نايف]

الله يبارك بالاستراحة والقائمين عليها وعسى الله يرزق الجميع
والخمسة بالميه ماهي مفقره احد ولاهي مغنية اصحاب الاستراحة
اسعوا بالمقناص وعسى الله يرزقكم
واذا الاستراحة لها رزق تبي تاخذه من موزع الارزاق عز وجل

[هاوي المراقيب]

يابو نواف الله لايحوجنا للاستراحه

اذا الله قسم ونطرح الطير ابو ثامر وغيره يبون يجون لبيت طارح الطير وانت اخبر

والا 5% ليش ؟؟؟ لو بيع طير 100 الف وفيه شركاء 10 اشخاص يعني ابو ثامر بتجيه 5 الاف وهو ماسوا الا انه حرج الطير عنده
والناس الثانيه تتقاسمم ال95 الف ؟؟

بالعكس نبيعه عند استراحه بعرعر والا حدا المخيمات وكلها خاروف والامور طيبه


--
خارج الموضوع صور الطيور الي مطروحه بالشمال عندك واجد وارك يابو نواف ماتنزلها
خصوصا ان حدا الطيور انت فاك مهاده على يديك


عز الله كلامك عين العقل وانا معك بكل كلمة قلتها والناس لاسمعت انك طارح طير جميع الشريطيه هم اللي يجونك هذا موسمهم وكلن يمدح السوق اللي ربح فيه وماقصرت كلامك عين العقل . تقبل مروري ودمت بود اخي برق الشمالي .

[يفوق الوصف]

السلام عليكم
كلنا على علم ان بعض الطواريح في المملكه يتكبدون معانات السفر لدول خليجيه شقيقه لبيع طيورهم ويدفعون 5% و10% ....... !!!!

اعجبني جدا عدم تنزيل الصور من ابو نواف وهذي اعتقد رغبة راعي الطير وهذي ميزه مهمه للاستراحه .............. !!!!

الله يباركلهم ويوفقهم
لكم جل احترامي وتقديري

[صقر الشاهين]

بسم الله الحمن الرحيم
بخصوص هذه الاستراحة عامرة بدون نسبة الطيور وابوثامر رجل معنى ومفتوحه للجميع
ولكن
بالعكس يريد ان يكون مكان خاص لجميع طواريح الصقور تكون في نفس المنطقة حتى الواحد ميتعنا الي الحفر اواي منطقة بعيدة هي خدمة للجميع لماذا ماذكرت عندما تدخل
الاستراحة تجدها مزدحمة بالرجال ومفتوحة اربع وعشرون ساعة انا اشجعة وهذه
خطوة جيدة جدا ولافيها اي شي

[عواد الشمري2]

الله يعطيك العافيه يابو نايف
وماعليك خلن بس اطرح طير وحرج عليه عند المحطه الي بمدخل الحزم ولا احرج عليه على القار خخخخخ الله يعطيك العافيه ومقصرت

[أبن شعيوط]

كل الاحترام والتقدير لجميع الأراء المؤيدة والمعارضة

[دعاس]

الله يعطي الجميع الصحه والعافيه على الردود الطييه
وكلا له وجهة نظر واحترمها
ومن واقع تجربتي داخل المزاد فانا شفت المستفيد الاول والاخير راعي الوحش
لان كل الطيور اللي بيعت بالحراج راحت بقيمتها او ازود
وماتضرر الا التاجر
في بكر شراها رسول ب٤٠ الف واجارها ١٠٠٠
وباعها ب٣٩ اليوم
وفي قرناسه ثنو بيعت ب٣١ والثانيه ب١٩ واللي شراهن ب٥٠ باعهن اليوم بالحفر ب٣٥
وقبلهن شريت شيهانه ب٢٥٥٠٠
وكان على صدرها علف ومنغثه وماتت وهذي ميزة الحراج اللي تاقف عليه السومه ملزوم بها بعد التنصيب من قبل
البايع
والا صاحب الاستراحه انا اعرفه شخصيا ونعم الشارب بابو ثامر والله يكثر خيره ويرزقه ولا شك ان اهل الشمال كلهم يعرفونه وقليل من قلط على صحنه
استراحته مجهزه وفاتح بابه ماقفله ويشهد علي الله
والقاصي والداني يشيد بكلامي
ولاهي غريبه على الرجال ابوثامر مجلسه بعرعر وبالحزم
مايخلا من الرجاجيل الطيبه شرواكم
لكم ودي واحترامي

[طيرالحمــــاد]

عز الله ونعمين بابو ثامر مايلحقه الحكي من قبل المقناص الاستراحه مفتوح بابه

[مروظ الخيل]

الله يوفقهم...

[قرناس صلا]

علومك غانمه يا دعاس


واخبارك اول باول ومؤكده ومتابعين جديدك
وتشرفت بمقابلت ابو ثامر فى الحماد ونشدته عنك والنعم فيكم جميع


والاستراحة والقائمين على المزاد قدموا خدمة جديدة ومميزة لطواريح الحماد , وقصروا عنوتهم عن السفر وتكاليفه


بارك الله فى ابو ثامر وجهودة والله يرزق الطواريح النوادر


تقبل اعجابي ومودتي

[دعاس]

قرناس صلا
لاهنت يالامير
وبيض الله وجهك وحياك الله بيتك ومحلك
ويزيدنا الشرف بشوفتك
واي خدمه جوالي موجود عندك
ولك ودي واحترامي

[ممدوح الرويلي]

والله والنعم بابوثامر والأخوان اللي بالاستراحة عزالله ونعم الرجال وعسى الله يرزقهم ويرزق الجميع

[الجندليه]

والله و نعم بابو ثامر رجال معروف عنه الوجه الفليح ورجالن علمه غانم

[صقر الشبهه]

بسم الله الرحمن الرحيم

السلام عليكم ورحمه الله وبركاته

اخي ابو نواف الله يعطيك العافيه انت وجميع من شارك من الاخوه سوا معارضين او مؤيدين ويعلم الله ان هدفي

ليس الماده وانما الهدف لمصلحه الجميع واما بخصوص الاستراحه يكفيني تشريف كل من زارنا فهو المكسب

الحقيقي من الرجال الي شرفونا بحضورهم

تقبل مروري ولك كل التقدير والاحترام

اخوك ابو ثامر

[ابوخالد95]

الــسلام عليــكم ورحمة الله وبركاته

والله والنعم بابوثامر والأخوان اللي بالاستراحة عزالله ونعم الرجال وعسى الله يرزقهم ويرزق الجميع...

[الجفران]

الله يجزاك خير اخوي دعاس
عز الله انها من صالح الشباك وبعيد عن التخدج وحلال المسلم بالزود
والله يقويهم ان شاء الله والخمسه بالميه والله قليله
والمزاد مشروع تحتاجه المنطقه من زمان
وتنقصر العنوه وانا حضرة بعض المزادات اشهد بالله
ان الطيور الي بيعة به اخذت حقها وزود

[دعاس]

الله يعطي الجميع العافيه على الردود الطيبه
والله من وراء القصد
والهدف يااخوان وبغض النضر عن الماده كلها انه يكون لنا
مكان متعارف عليه ومكان سهل واي سياره كبيره او صغيره تاصله
ماهو تروح وتقطع مسافه وممكن تضيع اهل الطير او تعطل بالبر
الان الاستراحه داخل الديره ومعروفه والنسبه اللي تطلع للدلال وصاحب الاستراحه
بماهي شي وهذي مشروعه ومتفق عليها ومتعارف عليها انا اليوم حضرت مزاد على شواهين
بالدمام وما شفت الا ان الجميع حضر من كل مكان وشاف وحاف السلعه
احسن من روحتك للعزبه وبعدها تسوم ولا يبعونك اهلها بحجة ان فيه تاجر جاي بالطريق
وبعدها تضل تنتضر لين يجي الثاني والثالث ويروح وقتك ووقتهم
ويمكن تسوم وتقول ابرجع ولا رحت تصير الرجعه ممكن صعبه
اويطرح طير ثاني وتلتهي فيه وتروح عليك السلعه الاولى والثانيه
بالعكس الحراج لو يطرح الطير الصبح او العصر في وقت للي يبي يجي للمزاد
وقبل فتره تم عمل حراج على خمس وحوش بيوم واحد وربك سهل الامور
والا ابو ثامر الله يطول بعمره وعمر القاريء استراحته فاتحه ٢٤ ساعه مايقفلها نهائي
واشوى ان حزم الجلاميد مافيه هيئه والا يقفلونه ههههههههه
ولا هي واقفه على الحراج بس المقصد ليس الماده بل فكره وهواية لا اكثر ولا اقل
واسأل الله التوفيق لنا ولكم وتقبلوا تحياتي×

[وسم 99]

أنتهى موسم المقناص والنقاش على مكان بيع الطير شي غريب ؟؟؟؟؟؟؟؟؟؟؟؟؟؟؟؟؟؟؟؟؟؟؟؟
دعاس (أبونواف ) يوجه للمصلحة العامة وهناك معارض ومؤيد!!!!!!!!!!!!!!!!!!
ولاكن أبوثامر الكل يشيد بقدرته على إستقبال جميع الأراء من الطرفين ومن المعروف أن مايصرف على حراج الطيور في أستراحته أكثر من النسبه وذاك للمعلوميه

[دعاس]

أنتهى موسم المقناص والنقاش على مكان بيع الطير شي غريب ؟؟؟؟؟؟؟؟؟؟؟؟؟؟؟؟؟؟؟؟؟؟؟؟
دعاس (أبونواف ) يوجه للمصلحة العامة وهناك معارض ومؤيد!!!!!!!!!!!!!!!!!!
ولاكن أبوثامر الكل يشيد بقدرته على إستقبال جميع الأراء من الطرفين ومن المعروف أن مايصرف على حراج الطيور في أستراحته أكثر من النسبه وذاك للمعلوميه
هذا الكلام والزبده
ان في ناس معارضين على فكرة الحراج ما ادري هل هو حسد والعياذ بالله
او عدم تقبل الفكره
وترى السالفه ما وقفت على انه في احتكار
اللي يبي يسوي حراج يسوي والارزاق موزعه من عند الكريم
لكم تحياتي

[الجفران]

دردر يابو نواف وعلموكم طيبه
اخوك ابوغيث

[احب الحيا]

السلام عليكم


يابو نواف الله لايحوجنا للاستراحه

اذا الله قسم ونطرح الطير ابو ثامر وغيره يبون يجون لبيت طارح الطير وانت اخبر

والا 5% ليش ؟؟؟ لو بيع طير 100 الف وفيه شركاء 10 اشخاص يعني ابو ثامر بتجيه 5 الاف وهو ماسوا الا انه حرج الطير عنده
والناس الثانيه تتقاسمم ال95 الف ؟؟

بالعكس نبيعه عند استراحه بعرعر والا حدا المخيمات وكلها خاروف والامور طيبه


--
خارج الموضوع صور الطيور الي مطروحه بالشمال عندك واجد وارك يابو نواف ماتنزلها
خصوصا ان حدا الطيور انت فاك مهاده على يديك
حتى انتم يا اهل الطيور وصلكم الحسد

[قرناس شماالي]

موفقين خير

[صدر الحماد]

ونعم بك وفي ابوثامر وهذا خاص اتوقع بااهل الشمال وكلنا بكيفه اللي يبي يوديه الى الاستراحة او في بيته بس الافضل في بيته والطير الوافي ياخذا حقه