استفسار يا اهل الخبرة

[ابوغلاب]

يوجد gx 2006 سعودي اللون لؤلؤي ماشي تقريبا 260000 والقير اتوماتيك اسبير علاق شنطة , حالة الموتر طيبة مافيه صدوم دفلك وونش ومكيفين و لايوجد به فتحه الموتر كم يسوى يالربع لاهنتوا

انا انتظر شوركم علي ولكم جزيل الشكر

[ابوغلاب]

للرفع رفع الله قدركم

[صاحب الذود]

هلا اخوى ابوغلاب
اول شي الموتر سعودى ثاني شي الممشاء ماشي واجد ثالث شي القير اوتوماتيك والمرغوب في الهدد عادى
يعنى اعطيه 90الف الى 100الف

وجهة نظري

[ابوغلاب]

هلا اخوى ابوغلاب
اول شي الموتر سعودى ثاني شي الممشاء ماشي واجد ثالث شي القير اوتوماتيك والمرغوب في الهدد عادى
يعنى اعطيه 90الف الى 100الف

وجهة نظري


بيض الله وجهك على ما قلت ، لكن استفسار هل الموديلات اللى من 1998 وفوق تنقص زيت يعني في مشي 3000 كيلو تاكل ربع علبه تقريبا ؟ هل هو خلل في سيارة معينة او موديل معين ام هو من المصنع ؟

[صاحب الذود]

والله وانا اخوك في هاذي ما اقدر افتيك
بس اعرف واحد معه 2007 ينقص على 3000 نصف علبه ويزود
وكان معي واحد موديله 93 ماينقص
اما بخصوص النقص والله انى اعرف رجال موتره جديد مطلعه من المعرض ددسن 2011 ينقص حوالى علبه ونصف ويبيله وزن بلوف معد فيه مواتر صاحيه
بس عندى سؤال على غطاء المكينه في زيت ولا لا؟

[ابوغلاب]

تقصد يرشح مثلا من عند الغطاء ؟

ما ادرى والله لانى ما شفت شي يوم انى شفت الموتر وبيني وبينك تركته يوم انه اتوماتيك والقيمة غالية طالب فوق 100,000 فلوس زيادة
قلت يجيب الله لى اطيب وارخص ان شاء الله

لاهنت يا صاحب الذود وعسى الله يبارك فيك ويكتب لك الاجر

[صاحب الذود]

الله يجزاك خيرر ويرحم والديك

الله يرزقك بالموتر الطيب

[ابوغلاب]

للرفع رفع الله قدركم

[شمساوي]

نصيحه لوجه ابعد عن الموتر هذا لانه ماشي واجد وهذا وقت الخراب الموتر اذا قرب يوصل 300 ينقص يحتاج توظيب القطع الاستهلاكيه تحتاج تغير

زود واشر موتر نضيف

والموتر يسوى 90 الف لانه ماشي واجد ويحتاج صيانه الى 5000 ريال


بس انا نصحتك انك تبعد عنه

[ابوغلاب]

جزاك الله خير ، عذرا بعد التأكد الممشي الحقيقي 185000 كيلو متر