سالفة: شارع الدركتر.قوافي

[قوافي ( أم نهار )]

بسم الله الرحمن الرحيم



هلابكم اخواني واخواتي



المشرفين والاعضاء والزوار



حيا الله كل من مر وقرء



شارع الدركتر يمر بوسط حي من احياء الرياض القديمه ولا اعرف سبب تسميته الحقيقيه



كانو يقولون لنا ان فيه دركتر كبير مر من هنا من زمان وان الشارع هذا كان يكفي كفر واحد بس والثاني مدري من وين يمر والين الحين افكر هو كان يدعس على البيوت مثلا ؟؟؟؟



الشارع على يمينه وشماله بيوت اكثرها بذاك الوقت من طين والقليل من البلك بمقام فيلا الان



ولا ننسى الخبازابو خبز عادي والفوال والبقاله واذكر ان بطرف الشارع دائما تقف مجموعه من الدركترات ليه مدري يمكن هم رمز الشارع



بطلع شوي عن السالفه بمسميات قديمه



كنا نقولها ولا تصححت إلا بعد قرن مثل.....



<< تركتر دركتر. تكتور دكتور. تفتر دفتر. تكان دكان او بقاله >>



نرجع للسالفه



الحي يسكنه سعوديين وناس كثير من جنسيات عربيه مختلفه وغير عربيه ولكن كانو ولله الحمد مسلمين



كان لنا قريب يسكن هناك وبجوار منزلهم تسكن عائله باكستانيه وعنده 7 من الابناء والبنات وعندهم بنت صغيره سبحان المالك المتصور ايه بالجمال



كانت عندي هوايه اخذ بنات الجيران الصغار



وكد شعورهم والعبهم بالعابي واشتري لهم حلاوه وهذا كله بأستئذان اهلهم ولكن هذي البنت البكستانيه ما عرفت وشلون اقولهم باخذ بنتكم وارجعها المغرب ولا البيت بيتي عشان استضيفها والعابي ببيتنا البعيد



المهم اتفقت انا وبنت قريبنا اننا ناخذها من الشارع



واخذناها ولعبناها لين نامت وكنا قرب المغرب



ولا فيه احد يدري انها عندنا ونمنا حنا بعدوبعد صلاة العشاء



جا ابوي واقعدون من النوم ولا شافو البنيه ورحنا كذالك بنت اقربائي نامت ولم تستيقض إلا والشرطه تدخل وتفتش عن البنت اللي اخرشي شافها ابوها وهي تلعب معنا ولقوها نايمه بكامل زينتها اللي حطيناها لها من بكلات وشرايط



واستلمو البكستانيين بنتهم واخذوالشرطه رجل البيت وبنته معهم للتحقيق بأمر الاختطاف؟؟؟؟



ومن الفجر وبابنا يطق ...طق طق طق



مين قالت انا ام فلان جيت بعلمكم بنتكم وش سوت لاعادة عليكم ولا على جيتكم ابونا وبنتي من امس وهم بالشرطه ما جو لين الحين !!!بنتكم سرقت بنت البكستانيين ويحسبونه بنتي ماصدقو انه قوافي اللي ماخذته تكدكد راسه وما خلت بكله او شريطه ماحطته به؟؟؟؟



قمت على الاصوات وابوي يهديه ويقول خير خير انا الحين بروح للشرطه.. وباخذه معي تعلمهم اللي صار عقب ما سمع مني وش السالفه وابوي عارف اني اخذ بنات الجيران واهلهم يدرون بس ها المره لا استئذنت احد ولارجعتها بحكم اننا نمنا وضاعت الطاسه مع النوم كالعاده.



راح الوالد وانا معه وبالفعل لقينا الباكستاني مصر على اتهامهم بالسرقه وتفاهم الوالد معه وعطاه مبلغ مالي حتى يتنازل وفعلا انتهت المشكله والهوايه بعد.



والغريب صار بيننا وعائلة الباكستاني صداقه واخوه لايستهان بها لين سافرو لباكستان



واحسن شي اني اكملت هواية تمشيط راس البنيه كل ما جو لمنا ولها معزه كبيره لين الحين واتمنا شوفتها اخت وعزيزه....



تحياتي



اختكم



.. قوافي ..

[حمد69]

..... مين قالت انا ام فلان جيت بعلمكم بنتكم وش سوت لاعادة عليكم ولا على جيتكم ابونا وبنتي من امس وهم بالشرطه ما جو لين الحين !!!بنتكم سرقت بنت البكستانيين ويحسبونه بنتي ... ماصدقو انه قوافي اللي ماخذته تكدكد راسه وما خلت بكله او شريطه ماحطته به؟؟؟؟ هههههه هههههه الله يقطع بليسك يا قوافي مرتن تحرقون حمار القايلة ومرتن تلطشون بنيت الباكي والوالد الله يحفظه ويطول بعمره ما غير يدفع رضوة ... الله يشقاوة الطفولة
جزاك الله خير امتعتينا بهذه السالفة
الله يحيك
أخوك حمد

[خوي مخباته]

هـــــــــلا الاخت " قـــــــــوافــى "
الله لا يصبحتس الا بالخير ســـــــــــــالفه جــــــــــــامعه على مــــاقا لو امهاتـــنا تامـــــــــه لامــــــــــــه
جميع الاحــــــاسيســــــــــــ فيهــــا ـــ الخوف ــــ المحبه ــــ الاتهـــام ــــ الزعل ـــــ
واهم شىء الذكريــــــات الحلوة وعلى حســـب كلامتس اتمنى انى اشوفها آلآن
وهذا يدل على انك امرأة عاقله و أم وقلبك حنون
......................... تحيـــــــــاتــــــي ........................ لك

[قوافي ( أم نهار )]

..... مين قالت انا ام فلان جيت بعلمكم بنتكم وش سوت لاعادة عليكم ولا على جيتكم ابونا وبنتي من امس وهم بالشرطه ما جو لين الحين !!!بنتكم سرقت بنت البكستانيين ويحسبونه بنتي ... ماصدقو انه قوافي اللي ماخذته تكدكد راسه وما خلت بكله او شريطه ماحطته به؟؟؟؟ هههههه هههههه الله يقطع بليسك يا قوافي مرتن تحرقون حمار القايلة ومرتن تلطشون بنيت الباكي والوالد الله يحفظه ويطول بعمره ما غير يدفع رضوة ... الله يشقاوة الطفولة
جزاك الله خير امتعتينا بهذه السالفة
الله يحيك
أخوك حمد



حياك الله اخوي
جزا الوالدين على الله الوالد ادام الشي يقدر عليه ما يحب يشوف احد متكدر ولا يرضيه حتى لو ما كان السبب مننا
والدفع جبران للخاطر ورضاوه ولايستهين بأي انسان مين من كان
مشكور اخوي لمرورك الكريم ويا هلابك
تحياتي.اختك
..قوافي..

[محمد الظاهري]

اهلا ومرحباً
في صاحبة الابداع الرائع
والطرح الجميل
والقصص المثيره
بارك الله فيك
جمعتي لنا في صفحاتك الجميله
بين الحزن والفرح وروائع الذكريات الخالده
الله على الاطلع الخيالي
الله على الاطلع الماضي
مهما شكرنا ومهما فعلنا سنكون مقصرين
اشكرك جزيل الشكر
تحياتي وودي
اخوك

[شاعر وحساس]

قوافي

صبحك الله بالخير والمسرات

الا انتي كم عمرك ياوخيه

على ذكر العمر

عندنا واحد من الشيبان اذا جاب سالفه قال هذي يقولها لي شايب من الجماعه ثم يستدرك ويقول لا ماهو شايب الظاهر انه من اسناني اي من عمري

اما هوايتك حلوه ياقوافي

وجعل عمرك طويل على طاعة الله ورضاه

[قوافي ( أم نهار )]

هـــــــــلا الاخت " قـــــــــوافــى "

الله لا يصبحتس الا بالخير ســـــــــــــالفه جــــــــــــامعه على مــــاقا لو امهاتـــنا تامـــــــــه لامــــــــــــه
جميع الاحــــــاسيســــــــــــ فيهــــا ـــ الخوف ــــ المحبه ــــ الاتهـــام ــــ الزعل ـــــ
واهم شىء الذكريــــــات الحلوة وعلى حســـب كلامتس اتمنى انى اشوفها آلآن
وهذا يدل على انك امرأة عاقله و أم وقلبك حنون

......................... تحيـــــــــاتــــــي ........................ لك




حياك الله اخوي
صبحك الله بالنور والسرور
الذكريات الحلوه هي الماضي اللي نعتز به ونحن امتداده
الحنان والرحمه فضل من الله يؤتيه من يشاء والحمد لله على كرمه
مشكور لمرورك الكريم وردك اللذي اسعدني..
تحياتي.اختك
..قوافي..

[قوافي ( أم نهار )]

اهلا ومرحباً

في صاحبة الابداع الرائع
والطرح الجميل
والقصص المثيره
بارك الله فيك
جمعتي لنا في صفحاتك الجميله
بين الحزن والفرح وروائع الذكريات الخالده
الله على الاطلع الخيالي
الله على الاطلع الماضي
مهما شكرنا ومهما فعلنا سنكون مقصرين
اشكرك جزيل الشكر
تحياتي وودي

اخوك




حياك الله اخي الكريم
ياهلاومرحبا بمشرفنا
قوافي لم يكن لها وجود إلا بوقوفكم الكريم بجواري
واشكر الجميع من مشرفين و اخوه واخوات وكل من اتاح لي فرصه وسعة صدر لكتاباتي المتواضعه.
التنوع موجود بداخل كلا منا سواء فرح اوحزن او مواقف منها المحرج ومنها المضحك واحمد ربي انني استطعت اخراج القليل منها وعلى حسب المقدره
اشكر حضورك وردك اسعدني كثيرا
وكلي امتنان لتقديرك للسالفه بالنجوم
تحياتي.اختك
..قوافي..

[قوافي ( أم نهار )]

قوافي

صبحك الله بالخير والمسرات

الا انتي كم عمرك ياوخيه

على ذكر العمر

عندنا واحد من الشيبان اذا جاب سالفه قال هذي يقولها لي شايب من الجماعه ثم يستدرك ويقول لا ماهو شايب الظاهر انه من اسناني اي من عمري

اما هوايتك حلوه ياقوافي

وجعل عمرك طويل على طاعة الله ورضاه


حياك الله اخوي
الله يصبحك بالنور
يوم سألت الوالده الله يعطيها طولة العمر عن عمري ياطويل العمرقالت:
انولدتي بعد سنة الجراد وقبل سنة العجاج..
الله يطول بعمر شايبكم هو فيه احد يقول كم عمره سبحان الله السنين تمشي قدام والعمر يتراجع
الهوايه كانت تاخذكل مصروفي لاني اشري حلاو رشوه لتمشيط الشعور.
اللهم امين تقبل الله منك دعائك
اسعدني حضورك الكريم
تحياتي.اختك
..قوافي..

[Al3rands]

هههههههههههههههه اضحك الله سنك بس هواية تكديد الشعور جديده علي

[قوافي ( أم نهار )]

هههههههههههههههه اضحك الله سنك بس هواية تكديد الشعور جديده علي


حياك الله اخوي
اولا اسمحلي ابارك لك على الألماسيه وان شاء الله زود ودوم
الهوايه هي غريبه بس تسليني
مشكور اخوي لمرورك وحضورك
تحياتي.اختك
..قوافي..

[أزيب الوسم]

أفا أثر قربت تصيرين صاحبة سوابق
.
ذكرتيني مرة حصلت واحد ضايع يسال عن حارة بعيدة عنا وأنا بالابتدائي وطبعا طلعت معه في السيارة أدله للمحل وحنا راجعين واأقابل أخوي الكبير طاير بالسيارة

تدرون ليه ؟؟؟

طلع خبر إن واحد غريب طلعني معه في السيارة وقالوا ولدنا انخطف :hot:







كانو يقولون لنا ان فيه دركتر كبير مر من هنا من زمان وان الشارع هذا كان يكفي كفر واحد بس والثاني مدري من وين يمر والين الحين افكر هو كان يدعس على البيوت مثلا ؟؟؟





التركتر الدركتر اللي هو ماله كفرات له جنزير

[نجم000الشمال]

يا هلا والله بقوافي ....ويا مال العوافي
انا كنت من سكان الاحياء الداخلية حول سوق المواعين وشارع الدركتر اسمه السبالة بس كان عمري صغير حول 7-8سنوات
في بيت طين وفيه الطرمة في الدورالعلوي الي سالتكم عنها سابقا ! ذاك الوقت كنت اشجع الهلال علشان ريفالينو !
قبل كم سنة جيت للبيت طبعا مهدود لكن استغربت من صغر المساحة الي ماتجي قد مجلس من مجالسنا الان ويوم كنا صغار نشوفه قصر!!!
الله يذكرك بالخير يا قوافي ذكرتيني سنين ولا احلى منها ايام الطيبة والجيرة الحلوة احيانا كنا ننام عند جارنا ابو فهد واعياله ينامون عندنا ،
البيت واحد و وقت الغداء كل بيت يطلع صحن لجيرانه القريبين يسمونها طعمة .
لكن الحمد لله كان شعري قصير وما تمسك عليه بكلاتك يا قوافي :D .

الله يسعد ايامك اختي.

[قوافي ( أم نهار )]

أفا أثر قربت تصيرين صاحبة سوابق




.
ذكرتيني مرة حصلت واحد ضايع يسال عن حارة بعيدة عنا وأنا بالابتدائي وطبعا طلعت معه في السيارة أدله للمحل وحنا راجعين واأقابل أخوي الكبير طاير بالسيارة


تدرون ليه ؟؟؟


طلع خبر إن واحد غريب طلعني معه في السيارة وقالوا ولدنا انخطف :hot:











التركتر الدركتر اللي هو ماله كفرات له جنزير





حياك الله اخوي
شفت بغينا نروح شوربه بسبة مشطة راس بس الصداقه اللي صارت بعد السالفه هي احلا ما بالموضوع
هذي اول سابقه و الثانيه قد ذبحت كلب بشوزل ام حبه كان موذي وجابولي الشرطه وكتبتها بسالفه لي بخيمة مكشات للسوالف
حمانا الله واياكم وابناء وبنات المسلمين
معه حق لو جا طاير الخطف والسرقه بابسط الامور وبسرعة البرق الله لا يقول
الدركتر ابو جنزير او كفر عندي كلهم دركتر
حيا الله حضورك ووجودك وردك الكريم
تحياتي.اختك
..قوافي..

[قوافي ( أم نهار )]

يا هلا والله بقوافي ....ويا مال العوافي










انا كنت من سكان الاحياء الداخلية حول سوق المواعين وشارع الدركتر اسمه السبالة بس كان عمري صغير حول 7-8سنوات
في بيت طين وفيه الطرمة في الدورالعلوي الي سالتكم عنها سابقا ! ذاك الوقت كنت اشجع الهلال علشان ريفالينو !
قبل كم سنة جيت للبيت طبعا مهدود لكن استغربت من صغر المساحة الي ماتجي قد مجلس من مجالسنا الان ويوم كنا صغار نشوفه قصر!!!
الله يذكرك بالخير يا قوافي ذكرتيني سنين ولا احلى منها ايام الطيبة والجيرة الحلوة احيانا كنا ننام عند جارنا ابو فهد واعياله ينامون عندنا ،
البيت واحد و وقت الغداء كل بيت يطلع صحن لجيرانه القريبين يسمونها طعمة .
لكن الحمد لله كان شعري قصير وما تمسك عليه بكلاتك يا قوافي :D .



الله يسعد ايامك اختي.



حياالله اخوي نجم000 الشمال
الله يعافيك ويحفظك من كل شر
انا احسب السباله غير والدركتر غير
السباله له شعبيه كبيره عشان المواعين والين الحين الوالده الله يحفظها ماتعترف الابمواعين شارع السباله
رفالينو اللاعب ابو قدم ذهبيه اذكر اخواني وهم يطامرون مع الأهداف الذهبيه
نعم اذكر يوم تسأل عن الطرمه ونعرفها من جديدهي:
<<عباره عن شي اشبه بصندوق خشب مستطيل وخشبه لوئح طوليه بها فتحات لكي يستطيعون الروئيا منها دون ان يراهم من بالشارع ومكانه فوق باب الشارع ومن الداخل يكون على الدرج وعندما يطرق اويدق الباب احد ينظرون اويطالعون النساء من هذه الطرمه دون كلام لروئية من اللي بالباب>
المساحات استغربتها كثيرا كنا على قولتك نشوفها بحر ويوم كبرنا استغربنا وشلون كانت صغيره وهذا ما يدل إلا على شي واحد وهو صدق المقوله اللي تقول <<ان الضيق بالأنفس مهوب المكان >>ولا كان ماقدرنا نعيش هناك..
الطعمه كنت اتضارب انا واخواني من يوديها للجيران ابي انا اللي اروح عشان اخذ قريض او حلاو تمر اوحلاو عسل او حلاو ابوحلاوه طحينيه ..مع ان البيت مليان بس اللي عند الجيران احلااو على ماقالو ينفق..
انا لاقلبت الماضي الجميل اتعب واقعد كم يوم وانا متضايقه وهو دائم الوجود بذكرياته.. وما زلت لازم اروح اتمشا بالاحياء القديمه ولا لي غنا عنهم ابد..
يستاهل الحمد ان شعرك قصير ولاكان قدراح راسك بكلات مثلك مثل غيرك..:D
مشكور مشكور اخوي على ردك الجميل ومرورك الاجمل
حفظك الله.اعتذر عن الاطاله
تحياتي .اختك
..قوافي..
استسمح اخي سلطان العضيدان باستخدام الصورتان بموضوعي وهي توضيح لموقع الطرما اعلى باب الشارع من الخارج بالبيوت القديمه وله الشكر..


http://im15.gulfup.com/2011-09-30/1317407478931.jpg


http://im15.gulfup.com/2011-09-30/1317407478632.jpg

[الدافور 1430]

هههههههههههههههه

الله يسعدك مثل عوايدك مبدعة

ماشاء الله عليك

[قوافي ( أم نهار )]

هههههههههههههههه

الله يسعدك مثل عوايدك مبدعة

ماشاء الله عليك


حياك الله اخوي
مرورك شرفني واسعدني
الابداع بحضورك الكريم وياهلابك
تحياتي.اختك
..قوافي..

[بنت الأحساء]

هلا وغلا بالغاليه قوآفي كيف حالك ؟

هههههههه اجل اخذتي البنت من اهلها من دون علمهم ومارجعتيها :D

تسلمين ع السالفه الرووعه وتعريفنا بشيء من الماضي

يعطيكِ العافيه وواصلي الابداع دآآآئماً

[ابورايف]

ماشاء الله تبارك الله
قصه واقعية أروع من رائعة
تسلم يمينك على الطرح
ومن الجميل أن يذكر الشخص قصص الطفولة
والرجوع لها بين فترة وأخرى
الله يعطيك العافية
وننتظر جديدك
وتقبل مروري وردي

[سليمان الربيعان]

بارك الله فيك والله يطول بعمرك على العمل الصالح اللهم امين
تقبلي تحياتي...

[قوافي ( أم نهار )]

هلا وغلا بالغاليه قوآفي كيف حالك ؟

هههههههه اجل اخذتي البنت من اهلها من دون علمهم ومارجعتيها :D

تسلمين ع السالفه الرووعه وتعريفنا بشيء من الماضي

يعطيكِ العافيه وواصلي الابداع دآآآئماً



هلابك يالغاليه
انا بخير يارب لك الحمد والشكر
مارجعتها ونسيت بنتهم اصلابعد النوم ضاعت الطاسه
الله يسلمك ويحفظك ياغاليه
مشكوره لمرورك الغالي
تحياتي.اختك
..قوافي..

[محمد الدوسري ٢٠٥]

اهلا ومرحباً
في صاحبة الابداع الرائع
والطرح الجميل
والقصص المثيره
بارك الله فيك
جمعتي لنا في صفحاتك الجميله
بين الحزن والفرح وروائع الذكريات الخالده
الله على الاطلع الخيالي
الله على الاطلع الماضي
مهما شكرنا ومهما فعلنا سنكون مقصرين
اشكرك جزيل الشكر
تحياتي وودي

[قوافي ( أم نهار )]

ماشاء الله تبارك الله

قصه واقعية أروع من رائعة
تسلم يمينك على الطرح
ومن الجميل أن يذكر الشخص قصص الطفولة
والرجوع لها بين فترة وأخرى
الله يعطيك العافية
وننتظر جديدك

وتقبل مروري وردي




حياك الله اخوي
مشكور لتقديرك الكريم للسالفه
سلمت من كل شر والله يحفظك اخوي
قصص الطفوله اجمل ما بالذاكره من مخزون تقريبا هي شاحن للحياة الان للاستمرار بالصراع اليومي من اجل البقاء.
الله يعافيك واشكر مرورك الكريم وحضورك
تحياتي.اختك
..قوافي..

[قوافي ( أم نهار )]

بارك الله فيك والله يطول بعمرك على العمل الصالح اللهم امين


تقبلي تحياتي...



حياك الله اخوي
جزاك الله خير واللهم امين
مشكور لمرورك الكريم
تحياتي.اختك
..قوافي..

[بنت شافي]

هههههههههههههههههاااااي
يووووه ياقوافي
ماسويتي فينا خير انتي وذالمواهب
هي جت على كوفير وتكدد شوش ولا سجن ابو غريب ولا مدرسه المشاغبين
ولا خطافة بنات الناس أمنا الغوله لووووووووووول
اغرتك الباكستانيه بجدايلها هههههههه لا وناعمه بعد مريحه في الكد والتسريح
أقول أستري ماضيك يابنت والا ترى بفضحك واعلم وش كنتي تسوين (وجه يدححححك)
ياحوبيلك ياقوافي
سي يووو خيتووو

[قوافي ( أم نهار )]

هههههههههههههههههاااااي
يووووه ياقوافي
ماسويتي فينا خير انتي وذالمواهب
هي جت على كوفير وتكدد شوش ولا سجن ابو غريب ولا مدرسه المشاغبين
ولا خطافة بنات الناس أمنا الغوله لووووووووووول
اغرتك الباكستانيه بجدايلها هههههههه لا وناعمه بعد مريحه في الكد والتسريح
أقول أستري ماضيك يابنت والا ترى بفضحك واعلم وش كنتي تسوين (وجه يدححححك)
ياحوبيلك ياقوافي
سي يووو خيتووو


المواهب خيرها وشرها لي مهيب لاحد
هذي هواياتي واعتز بها وتعجبني
ماضيي انا اكتبه هنا ولا اشوف ان فيه اية حرج بالنسبه لي وهو بالنهايه ماضي قوافي وحدها

[قوافي ( أم نهار )]

اهلا ومرحباً
في صاحبة الابداع الرائع
والطرح الجميل
والقصص المثيره
بارك الله فيك
جمعتي لنا في صفحاتك الجميله
بين الحزن والفرح وروائع الذكريات الخالده
الله على الاطلع الخيالي
الله على الاطلع الماضي
مهما شكرنا ومهما فعلنا سنكون مقصرين
اشكرك جزيل الشكر
تحياتي وودي


حياك الله اخوي ومرحبابك
اسعدني مرورك وحضورك الكريم
الشكر لله وحده اخوي وشرفتني بحضورك
تحياتي.اختك
..قوافي..

[النبهاني]

اهلا وسهلا بخيتي قوافي
صاحبت القلم الرائع المبدع اللي لو يملا تفاترمانمله
حلوه هواية اخذ بنات الجيران الصغار الله من الشقاوه
بس النتيجه جميله ورائعه صداقة هالاسره الباكستانيه
وافيه ياختي وأصيله بحفظك لصداقتهم
الله يحفظك ويرعاك

[قوافي ( أم نهار )]

اهلا وسهلا بخيتي قوافي

صاحبت القلم الرائع المبدع اللي لو يملا تفاترمانمله
حلوه هواية اخذ بنات الجيران الصغار الله من الشقاوه
بس النتيجه جميله ورائعه صداقة هالاسره الباكستانيه
وافيه ياختي وأصيله بحفظك لصداقتهم
الله يحفظك ويرعاك





حياك الله اخوي النبهاني
الله يسلمك ويسلم تفاترك
الظاهر عندي كريزما شعر كل ما شفت شعر وش ما كان يكون حتى لو خشن مثل الشجره ما قدرت امسك نفسي عن تمشيطه لكن ادفع ثمن هذا مصروفي يروح حلاوه عشان اخذ راحتي بالتمزير وتركيب البكلات والشرايط هم على اجر اللي تحملون.
اسعدني مرورك وردك الجميل
تحياتي.اختك
..قوافي..