المساعد الشخصي الرقمي

مشاهدة النسخة كاملة : سر ياقلم واكتب سلام وتحيه


فهد الهلالي
29/09/2011, 11:42 AM
السلام عليكم ورحمة الله وبركاته
اليكم هذا اللغز
وارجوا المعذره من زمان ماكتبت لغز
واخشى من عدم وروده
واللغز اموجه لراع الحزم والرمع للجميع


سر ياقلم واكتب سلام وتحيه = للفاضل المحبوب راع الحزومي


اكتب وسلم كل صبح وعشيه = لراعي الجمايل مكتفي باللزومي
واكتب اللغيز سقته يمه هديه = تلقى جوابه قبل مسرا النجومي
ياويش رجلا والمسمى ابنيه = بنت عليها كل طير يحومي
جابت طيور الجو عقب ٍ وحديه =عقب الحياة افعالهن والسلومي


تقبلوا تحياتي
محمد الظاهري
29/09/2011, 11:55 AM
حياك الله يا ابو محمد
صح لسانك
تسجيع اعجاب ومعجب
وجاري التفكير
بعد الصلاة ان شالله
تحياتي وودي
جرير
29/09/2011, 12:17 PM
لك التحية ولخويك تحيه=والكل منكم بستحق النجومي
ويابو محمد طلتك هي هديه=حيالله المطنوخ زين العلومي
رمعة وانا اقول ماهي بهيه=جثه ا و وليشه والهنا مايدومي
فهد الهلالي
29/09/2011, 12:34 PM
حياك الله يا ابو محمد

صح لسانك
تسجيع اعجاب ومعجب
وجاري التفكير
بعد الصلاة ان شالله

تحياتي وودي


هلابك ياستاذ محمد الظاهري
اعجابك وسام على صدري
وننتظر منك رمعاتك القاتله
تحياتي
ناصر العلي
29/09/2011, 12:47 PM
وعليكم السلام ورحمة الله وبركاته
سلمت يالغالي
وصح لسانك
ومسند على غالي
إن ماصادت رمعة أبوأحمد
نقول قبل التفكير
جيفة
فهد الهلالي
29/09/2011, 12:52 PM
لك التحية ولخويك تحيه=والكل منكم بستحق النجومي


ويابو محمد طلتك هي هديه=حيالله المطنوخ زين العلومي
رمعة وانا اقول ماهي بهيه=جثه ا و وليشه والهنا مايدومي

يامرحبا واهلين بجزل العطيه = اللي بناء بالقلب بني الرجومي
ارويت طيبك في عروق نديه = تروي يباس بين عرق وثلومي
اللغز مات وموتته في رميه = رمية اسلاح في حشى ديك رومي
أبوعبدالرحمن99
29/09/2011, 02:09 PM
من بعد فات الفوت جيت و عليه = من وافر الاعذار زين القسومي
مفروض ردي و الحروف الندية= تاتيك باول صفحته بالوسومي
لكن تأخر ردنا بعد جية = من بعد غيبة يا عسا ما تدومي
ودي بهذا القسم حاضر و ليه = في كل لغزن رمعة ولو تحومي
لو شفتها منتهية البندقية = لكن مرادي نشترك يالقرومي
من بعد ابو أحمد عطاه المنية =خلاه تالي رميته ما يقومي
تسلم على الذبحة و طيب الذكية = و يسلم لسان الشيخ هو و العزومي
قصايده بالجزل دايم بهية = و الغازه الجزلات مثل الغيومي
اللي بهن وبل الحيا مهملية = تسقي جديب الفكر بعد السمومي
ماني بشاعر لي قوافي قوية = و لاني من اللغاز يا اهل السهومي
لكني اطرب للطروق الشدية =
اللي لها ثوب الرقاقيص يومي
حبيت اشارك و اسمحو بالخطية=و لا ترانا ما هنالك اعلومي ‏