المساعد الشخصي الرقمي

مشاهدة النسخة كاملة : تلبيسة للبنادق


فيافي شقراء
29/09/2011, 11:49 AM
تلبسة للبنادق وجرابات وأشياء روعة شفتها في محل في سوق الزل ورخيصة أرخص من محلات الرحلات وغيرها
الموقع : سوق الزل أدخل بعد الراجحي شف المحل يجيك على اليمين والمحلات اللي حوله تبيع مساند ومراكي واللي فيه باكستاني طيب حتى عنده سكاكين حلوة .دعواتكم توني شاري منه للخرازة والشوزن
قناص*07
29/09/2011, 11:58 AM
الله يرزقك ويبارك لك ويجزاك بالخير
مرسال1
29/09/2011, 12:28 PM
نبي وصف لسوق الزل وانا جاي من القصيم
فيافي شقراء
29/09/2011, 12:38 PM
اقرب وصف له بأنه أقرب سوق لأمارة الرياض يعني يقع شرق الأمارة
طالب المعرفه
29/09/2011, 12:41 PM
وللمعلوميه ترا فيه حوالي عشر محلات مثله وكلهن حول سوق الزل
فيافي شقراء
29/09/2011, 12:44 PM
بس هذا متخصص ماعنده مثلا تصليح نعال الله يكرمكم أو بيعهن فقط تلبيسات وجرابات
مرسال1
29/09/2011, 02:53 PM
ابي وصف المحلات اللاي تبيع الشوازن والهوائيات بسوق الزل

وينهن بالضبط ؟؟

انا جي من القصيم
سعودأبوفهد
29/09/2011, 09:26 PM
اخوي تفصل تلبيسات ومن عندي الموديل تقدر ؟
سلطان المقناص
30/09/2011, 11:56 AM
الله يعطيك العافيه على المعلومات
مرسال1
01/10/2011, 01:24 PM
لا واحد رد :(
الشرطى
01/10/2011, 10:40 PM
لا واحد رد :(

حتى انا ابى وصف واضح يالربع
مخاوي السراب
03/10/2011, 11:15 AM
بسيطه وقف سيارتك وخذ ليموزين يوصلك بسرعه وبدون لفلفه وضياع
حسن الشمالي
03/10/2011, 11:23 AM
اللي يبي سوق الزل ...
ينصا المحكمة الكبرى ويشوف جامع ابن براهيم مقطاع الشارع عن المحكمة
سوق الزل خلفة...
لكن ترا مابه شوازن...
الششو
03/10/2011, 02:58 PM
ماقصرت
فيافي شقراء
وياليت لو تعطينا اوصاف التلبيسات
لاني دورت كثير على شي جيد وما لقيت
الا اشياء عاديه واقل من عاديه
واذا فيه صور لاتبخل علينا
مع فائق الشكر والتقدير
لهتمامك
الشرطى
03/10/2011, 08:59 PM
اليوم تونى جايهم لقيت تلبيسات جاهزه اى كلام مثل اللى بالسنيدى والرميح والهدف

بس اخذت لفه ومريت محل طلبت يفصل لى تلبيسه على نفش الشوزن, ابيها لين تخلص واعلمكم في شغله علما انه غالى بالحيل ب150 ريال والمصيبه انه طلب منى اخلى الشوزن عنده بحكم انه مايقدر ياخذ مقاساتها الا بعد مايسكر المحل الله يستر لا يجحدنى ههههههههههههههههههههههههههههههههه

طبعا خليت القماش مموه البريه لكى يكون صعب رويته من الصيد وخصوصا طبع البيئه اللى عندنا صحراويه
هههههههههههههههههههههههههه ذكى الولد

اذا طلعتها بكره بعطيكم خبر كيف شغله
الششو
05/10/2011, 12:22 AM
شي طيب ان فيه تفصيل اليت لوتفيدنا هل فيه تفصيل للخرازات
نـجم الـشمال
05/10/2011, 01:11 AM
جزاك الله خير بس تركت البندق عنده
ماطرت والله
فيافي شقراء
05/10/2011, 03:59 PM
صعب ياشباب تخلي سلاحك عنده لو شريت تلبسةواحدة وقلت له يفصل لك مثلها
الشرطى
09/10/2011, 10:53 PM
السلام عليكم ورحمه الله وبركاااااااااااااااااااته

أخوانى وعدتكم انى أذا خلص شغل التلبيسه أعطيكم خبر وربى شغل ولا شغل الوكاله أنا شفت بمحلات الهذف تلبيسات بيكال بــ 100 ريال جاهزه وغير متقنه وبغيت أشتريها لكن الحمدلله انى ماشريتها وتوجهت لسوق الزل ولفيت المحلات كلها لين لقيت ملك التفصيل وهو باكستانى لكن محترف من جد , فصلت تلبيسه كامله لان اللى عندى أم حبه وبأمكان اللى يبى يفصلها من ثلاث قطع يسويها له خصوصا للى معهم أم خمس , وتتخير من اشكال القماش والجلد اللى تبى مايجبرك على لون معين وكل هذا بــ 50 ريال فقط ابوووووووك يالرخص .

صدقوووووووووونى مانى مسوى له دعايه وأظلم نفسى . لكن من جد شغله جنان وودى اصور الشوزن بالتلبيسه وأنزلها بس وربى ماعرف .
حبيت انوه للي يبى يروح سوق الزل ترى محل الباكستانى فى الجهه الجنوبيه الغربيه من سوق الزل واللى يبى توضيح أكثر مثل اسم راعى المحل ورقمه يرسل لى خاص

تقبلوووووووووا احترامى ,,,
الشرطى
09/10/2011, 10:57 PM
على فكره ترى ماعاد ياخذ الشوزن عنده لا ياخذ مقاسها بالرسم على كرتون أو أنك توريه الباروده ويشوفها يمكن واحد فصل قبلك ويلقى المقاس عنده جاهز .
مريتو
09/10/2011, 11:09 PM
لاهنت يالشرطي ارسل لي معلومات عن هالباكستاني .أنا راعي فيافي شقراء 0544796056
بواردي رحال
10/10/2011, 05:57 AM
اخوي انا بنفسي سالت عن الاسعار
فيه اشكال وانواع واسعارها ما تتعدى ال 30 ريال

وبخصوص الي يبيعون الناريه انا سمعت ان سوق الزل يبيعون فيه لكن ما شفت
اَلمشتآآآق
14/10/2011, 08:10 PM
ماشاء الله عليك الله يجعلها في ميزان حسناتك