ماطور الكهرباء

[صقرحايل]

مرحبا يااخوان
ابي استفسر عن ماطور كهرباء صينى يقول درجه اول
3كيلو العلامه الفارقه انه يوجد له كفرات وتقدر تدفه
يقول سعره ةجديد 2800
ويبي يبيعه على با 1500 ويش رايكم
الصور ما اعرف انزلها
هو يقول كلن يعرغه اذا قلت ابو كفرات زى العربيه
الى عمده خلفيه يقولى عنه

[صقرحايل]

طيب يمر الواحد ويسلم

[almushraq]

ابعد عن الصيني نصيحه

اذا صار فيه عطل بسيط ماتقدر تصلحة

[الهشم]

بالتوفيق:f

[الزبيرة96]

اخوي فديتك خدلك هوندا تجميع هندي حول هالسعر ويثنون عليه بعض الشباب أتمني لك التوفيق

[no fear 78]

الماطور الصيني مثل الجحه يا حمرة يا بيضه لا اتخسر روحك خذلك يا روبين او هوندا غلي بس مو على الخالي

[المهاجر انا]

ماخذ ماطور صيني من محل المظله في شارع الريل مقاس 6500 ب2600 وعليه ضمان سنة وله عندي تقريبا 5 شهور وما شريته الا عقب تجربة واحد في مخيم

[صقرحايل]

ماخذ ماطور صيني من محل المظله في شارع الريل مقاس 6500 ب2600 وعليه ضمان سنة وله عندي تقريبا 5 شهور وما شريته الا عقب تجربة واحد في مخيم

مرحبا اخوى
ممكن صوره الماطور

[هولاكو1]

انحش عن الصيني
اناشاري اثنين من محل المظله في شارع الريل مقاس 8000 كاتم العام زي هلوقت ومسويلهم صيانه مرتين عندهم وما كملو ست شهور والحين تخرخر زيوت يعني 7000 ريال تبخرت بالهوا .

[المنبسط]

نصيحة أخو مجرب
خذ نوع معروف في السوق مثل هوندا أو روبن
القطع متوفرة - الصيانة كلن يعرف لها - اذا جيت تبيع مايطيح سعره - زبونه جاهز

[ابوطيف2]

ما انصحك ياخوي خذ التجميع الهندي احسن

[هآوي الصيد]

عندك هوندا . اللي صناعته هندي او تجميع هندي .

اطلق شي وحق مكده ..

وهذا مالي خبره فيه ولا كان أفدتك .
لكن الصيني ماحد يرغبه حتى في البيــــــــع

[مراقب اكسبريس]

خذ روبن اخوي من خلال تجربة لان الصيني الحين اسعاره رخيصة مرة ولا يصلح يشتغل معك فترة وترمية بالنسبة للروبن عملي وحلو والاسعار حسب الحجم وعليه ضمان

[راعي الخريب]

اخوي اذا هي الي لونها برتقالي فاقع
وعند الازرة لون فضي
ولها نفس مقبض القاري اخذ وانت مغمض لان قطع غيار الهوندا يركب عليها
توني ماخذ وحدة من السوق الصيني وللحين ماشتكيت منها ولله الحمد

[داود الهاجري]

الصيني اللي تسأل عنه ليس له قطع غيار ونصيحة أبعد عنه أفضل شي الهندي الهوندا لك ولزمن

[طائي الجبل]

أسأل مجرب
انا شريت هوندا ياباني قوة 3000 مستعمل أربع أشهر بألف وأربع مائة ريال
وهو فعال ويتحمل أقسى الأجواء من غبار وحر مايستهلك بنزين تشغيله بسلف واذا فضت البطارية بكل سهولة تشغله بهندل السحب علما ان بطاريته ماتفضي لأنها للتشغيل فقط
وله حساس اوتماتيكي يفصل الكهرباء اذا حصل أي ألتماس وسعره جديد بالوكالة بألفين وأربعمائة تقريبا قبل أسبعوعين بوكالة هوندا بحائل
انصحك لاتشتري الصيني واذا ماحصلت ياباني اشتر تجميع هندي

[صب لي فنجال]

السلام عليكم
اخوي عندي هوندا تجميع هندي ماخذه جديد له عندي اكثر من 3سنوات الحمدلله اعبي بنزين وأغير الزيت كل 3 او 4 تشغيلات وسالك معي

[تكفون البر]

بالنسبة للماطور الصيني قطع الغيار متوفرة في السوق وقطع غيار الهوندا تركب عليه والصيني انواع وموديلات فيه نوع جيد وفيه نوع سيء هذا من خلال خبرة وبعدين سعره معقول مع جودته وعلى حسب الاستخدام الماطور يا جماعة ما يخرب بسرعة اذا شيكت على الزيت قبل تشغله

[ابوعبيد1]

عليك بالروبن اسال مجرب
جربت الهواند وجربت الصيني ابو كفرات
ما عاش عندي الا الروبن

[بوجندل]

اذا اسمه ASTRA

خذه بس السعر تقريبا واجد

لأن الجديد عندنا في قطر 1800 تقريباً

يجيك لونه اسود والكتابه بالاصفر ومثل ماقلت كأنّه عربانه

له كفرات 2 صغار من جهة وحده والجهة الثانية قباضات

بس على فكره 3 كي في لايشغّل لك مكيّف