المساعد الشخصي الرقمي

مشاهدة النسخة كاملة : تعبئة دبة الغاز في الكويت


kamalhome
29/09/2011, 08:19 PM
الإخوان الأحباب الأجاويد وين أقدر أحصل أماكن تعبئة دبة الغاز في الكويت خاصة في المناطق الجنوبية أو أي مكان ما يهم بس الله الله يرحم والديكم أعطوني العنوان وإذا أمكن سامحوني ثقلت عليكم تعطوني عناوين محلات لوازم الرحلات؟

بارك الله فيكم
ابوفهيدان
29/09/2011, 08:34 PM
السلام عليكم. تقدر تعبيها بنفسك. ولاتحتاج شي وراجع موضوع. اخونا. سرهيد ابوعبدالله. موضوع مفيد. للامانة. او. فيه محل في حولي. بجانب وكيل بريموس. وهذا. رقم صاحبه ٩٩٠٢٨٩١٤× بعد اذن المشرفين
شعبي11111
29/09/2011, 11:41 PM
السلام عليكم شركة الغاز مينا عبدالله وسعرهم من 400 الى فلس750 قلس حسب حجم الدافور ولكن لازم الدبه تكون اصليه يعني ذات مواصفات امان عاليه ولا مايستلكونها منك
يعني الدبه صناعه سوريه مايعبونها ولكن يعبونها لك بقالاة الايرانيه صناعيةالجليب شارع المخفر بس غشاشيين مايملونها لك وترا الوصله حقة التعبئه عند اي بقاله ايرانيه والسلام
شعبي11111
29/09/2011, 11:42 PM
واي خدمه حاظرين
الوازعي
29/09/2011, 11:50 PM
في محل رمادان للوازم الصيد والرحلات تلقى عندهم اللي تبي
بصناعية الجهراء ورقمهم 24575534
وتعبأة الدوافير جنبهم هم يدلونك عليه
kamalhome
30/09/2011, 06:13 AM
الله يجزيكم كل خير على الردود الطيبه وما قصرتوا يا الغاليين
بارك الله فيكم
المطعون
21/10/2011, 02:25 PM
وين مكان وكيل بريموس بالضبط
أبلج
21/10/2011, 07:30 PM
وكيل بريموس الرخيص ومحلهم في حولي اول ماتدخل شارع تونس من الدائري الثالث اول مجمع تجاري على اليمين مجمع الصقر وبجنانب محلهم محل يعبي الدوافير بس لازم تخليه عنده وتجيله يوم ثاني عل حسب علمي
وفيه بعض محلات الاواني اللي في سوق السلاح يعبون الدوافير والله اعلم
الرحال2222
22/10/2011, 06:11 AM
يا شيخ ليت ذا النظام عندنا بالسعودية ويريحونا من الدبات الصينية اللي بكل مكان وكل شوي وهي شابة بواحد
والله فكرة حلوة ما يعبون الا الاصلي يجبرون التجار على احظار الاصلي وترك التقليد المخيس

نرجع لموضوعك اشتري لي وعبية بنفسك اريح من المشاوير كل شوي واوفر بالفلوس كمان والمنتدى مليان مواضيع كثيرة عن طريقة التعبئة
بس انتبة لا تعبيها الا بمكان مفتوح وبعيد عن كل مصادر اللهب والغاز الله يحفظنا جميعا
سالم تسلم
22/10/2011, 12:48 PM
ارحب ارحب


تعبئة الغاز متوفر في صناعية الجهراء عند رمادان او عند اهل المكيفات او عند حسين الايراني مقابل مستشفى العرف ( جنب مغسلة التويجري ).