الطير الطلاع بين الحقيقه والاصطناع,,,,,,صقار الأسياح

[صقار الأسياح]

السلام عليكم ورحمة الله وبركاته:-
يعتبر الطير الطلاع عند العموم وكما هو دارج من قبل
النوع الاول:

وهو الطلع الراكد الي يركد على المرتبه ويطلع على اليد و يطلع الحبارى على مسافه بعيده ويركد من الصباح حتى المساء, ويكون حذر جدا ونبيه , ولا يكون طلعه كاذب , ويكون شديد الانتباه وتحصله مشغول في الالتفات يمنه ويسره خوفا لا تفوته حبارى عن غفله حتى انك تشفق عليه من حرصه الزائد, فهذا هو الغاية.

النوع الثاني:

وهو الطلاّع الذي يزهق من كثرة التطلاع على التكايه فتحصله يركد له 4 ساعات ومن ثم يزهق وتحصله اما ينقز (يطمر) على المرتبه الخلفيه ولا يكفخ يبي يطلع مع الدريشه ولا يبي ينط فوق راسك..


النوع الثالث:

وهو الطلاّع الذي اذا وجد الصقار جرة الحبارى اخذ منه برقعه وجعله يتطلع والسياره واقفه فتحصله يركد على المرتبه واذا مشت السياره كفخ او انه ينزل به خارج السيارة.


النوع الرابع:

وهو الطلاّع اللي على اليد فتحصله كأنه طابوقه على يد صقاره واذا نزلته على المرتبه كفخ يبي اليد , او انه ينزل به من السياره وهو على يده وتحصله لو يمشي مسافه طويله وهو على يده مايتحرك ولا يكفخ

واخواني مرت معي طيور طلاعه وشف مع اخويانا ومعي طير مايطلع إلا كروان وحبارى والحمام وغيره ما يناضره لاكن اذا ارتفع وزنه مره قام يلعب يطلع بدون شي
وهناك طيور العكس اذا ارتفع ثبت طبعه واذا نزل كفخ
استنتج من ذلك ان الطلع 70% من طبوع الطير ليس للانسان تدخل فيها واما 30% فهي من تدخل الانسان وتعويده للطير واذكر واحد من اخويانا اشترى طير وحش جرمه صغير وشكله غلط وصلت شبه وشريت كل الطيور إلا هو واشتراه خوينا بثلاث الاف وخمس ميه ودهل تدهيل بسط ولا دعاه وفك برقعه على التكيه بارض مقناص شوي وطلع الطير وضرف القزاز ما يعرف الدريشه المهم حاس وداس وطلع مع الطريشه واطلب شوي إلا هو على حبارى وش رايكم اتمنى الفكره وصلت والبعض يقول اللي يطلع على الكراوين ماهو طلاع بالعكس الكروان اكثر حذاره وقلة حركة من الحبارى ويعتبر طلاع
ولكم اجمل تحيه
صقار الأسياح

[راعي طلقان]

مشكور اخوي علي الموضوع الرايق
بس عند استفسار عندي حر توني شارية راكد بلحيل علي التكاية بس جربتة ابي اطلعة من الدريشة ما يطلع
وحاط علي الدس علف
ارجو انك تفيدني يا الغالي

[برق حرب]

الله يعطيك العافيه اخوي ولا تجيب الا المفيد

[ســـبــار ربــعـــه]

مشكور اخوي علي الموضوع الرايق
بس عند استفسار عندي حر توني شارية راكد بلحيل علي التكاية بس جربتة ابي اطلعة من الدريشة ما يطلع
وحاط علي الدس علف
ارجو انك تفيدني يا الغالي

سلام عليك ياخوي.

طريقة تعليم الطير على الهدد مع الدريشه بعد التدهيل والدعو والجرد حط له حمامه واربطها بسبب من دون مايشوفها وبعدين رح عنها مسافه وعود وخله يشوفها مع الدريشه يعني لا تنحرها بمقدم الموتر لف يسار وخله يشوفها مع الدريشه اليمنى .

اذا هد عليها تراه تعلم على الطريقه. واسف على تعرضي لسؤال موجه لأخوي صقار الأسياح ولكن كلي ثقه انك راح تلقى عنده علم ازين من الي زودتك به وشكرا.

[صقار الأسياح]

هلا بالجميع
اما تعليم الطلع مع الدريشه مادام الطير راكد ممتاز اول شي افتح الدريشه والطير على التكيه وتعال مد يدك مع الدريشه واذا قرب منك ابعد حتى يجيك مع الدريشه او حط علف على الباب من عند الدريشه وبعدين طبق طريقه اخونا واحذر تلوح للطير وتخليه يجيك مع الدريشه بعدين يطلع على الازوال والرعيان

[راعي طلقان]

مشكورين يا الغالين علي المعلومات القيمة
وعقبال ما ابشركم علي طلع الحبارى
الله يجيبها

[القناص أسعدي]

اخي صقار الاسياح
الله يهديك من الواضح انك صقار مبتدء ولا تعرف مسطلحات الصقاره وصنفت الطير الطلاع الى اربعة اصناف
وخلطت بين الركاده والطلع
وانت تعتقد ان الطلع والركاده مربوطتين ببعضهما 0 اما ان تتحدث عن الطلاع او تحدث عن الركاده؟؟؟؟؟؟؟؟؟؟
الطلاع هو الطير اللذي باستطاعته لمح ومشاهدة الفريسه بسرعه ومن مسافة بعيده او قريبه ويكون مميز عن بعض الطيور الاخرى وتجده سريع بلمحة الفريسه وتركيزه اقضل من بعض الطيور رغم ان اغلب الطيور متقاربه بحدت النظر والتركيز ولكن هناك طيور تفوق الاخرى 0
يعني الطلاع الطير الذي يحدد تحرك الفريسه ومشاهدتها بسرعه - وليس له علاقه بالركاده والكفخ 0 هذا موضوع وهذا موضوع اخر - حتى ان بعض الردود يعتقد ان الطلاع الذي يطلع من نافذة السياره الجانبيه

بالعربي الفصيح الطلاع صنف واحد وليس ارعه اصناف - الطلاع وكما قلت هو الطير الذي باستطاعته مشاهدة وتحديد الفريسه بسرعه اثناء حركة الفريسه سواء من بعيد او قريب وكل -ماطلع - على الفريسه من بعيد يكون افضل من الاقرب يسمى طلاع
احيانا تشتري طير وحش واتعلمه على حبارى وهو كفاخ لسا وحش ولا تعود على الغماره - وتقف وتطلع انت والصقارين الاخرين على اثر جرة حبارى ويكون الفرخ الكفاخ اسرع طلع من الطيور القرانيس المتعلمه وكذلك العكس ايضا

فالطلاع اسمه طلاع صنف واحد ولاتخلط الطلاع والكفخ وتصنف الطلع باربعة اصناف

[صقار الأسياح]

اخي صقار الاسياح
الله يهديك من الواضح انك صقار مبتدء ولا تعرف مسطلحات الصقاره وصنفت الطير الطلاع الى اربعة اصناف
وخلطت بين الركاده والطلع
وانت تعتقد ان الطلع والركاده مربوطتين ببعضهما 0 اما ان تتحدث عن الطلاع او تحدث عن الركاده؟؟؟؟؟؟؟؟؟؟
الطلاع هو الطير اللذي باستطاعته لمح ومشاهدة الفريسه بسرعه ومن مسافة بعيده او قريبه ويكون مميز عن بعض الطيور الاخرى وتجده سريع بلمحة الفريسه وتركيزه اقضل من بعض الطيور رغم ان اغلب الطيور متقاربه بحدت النظر والتركيز ولكن هناك طيور تفوق الاخرى 0
يعني الطلاع الطير الذي يحدد تحرك الفريسه ومشاهدتها بسرعه - وليس له علاقه بالركاده والكفخ 0 هذا موضوع وهذا موضوع اخر - حتى ان بعض الردود يعتقد ان الطلاع الذي يطلع من نافذة السياره الجانبيه

بالعربي الفصيح الطلاع صنف واحد وليس ارعه اصناف - الطلاع وكما قلت هو الطير الذي باستطاعته مشاهدة وتحديد الفريسه بسرعه اثناء حركة الفريسه سواء من بعيد او قريب وكل -ماطلع - على الفريسه من بعيد يكون افضل من الاقرب يسمى طلاع
احيانا تشتري طير وحش واتعلمه على حبارى وهو كفاخ لسا وحش ولا تعود على الغماره - وتقف وتطلع انت والصقارين الاخرين على اثر جرة حبارى ويكون الفرخ الكفاخ اسرع طلع من الطيور القرانيس المتعلمه وكذلك العكس ايضا

فالطلاع اسمه طلاع صنف واحد ولاتخلط الطلاع والكفخ وتصنف الطلع باربعة اصناف


ليتك كنت افضل بالاسلوب من كذا ونعم انا مبتدي لين اموت كل يوم اتعلم شي جديد
ويالغالي الطلع والركادة مربوطتين ببعض كيف الطير يصير طلاع وهو ماهو راكد الركاة اول شي لازم يكون راكد على التكيه وبعدين يكون يتطلع الله يهديك بس اجل لو معي طير عارضه للبيع واقول طلاع بس ماهو راكد يضحكون الناس ههههههههههههههههههههه
ركز وانتبه الله يهديك ويسامحك على هاللقافه

[أبو أمين]

تعبان وموضوع شاسع يبي له جلسه

اللي اقدر اقوله :

١- موضوع دسم جزل عيار ٥٠ مبطي عن المواضيع هذي

٢- تصنيفات الطلع اتمنى تنسب لك يوما ما

تحياتي

[راعي طلقان]

اكبر ميزة في الطير الراكد انه ما كأن معك طير في السيارة من ركادة وعدم الحركة
و اكبر ميزه في الطير الطلاع اذا ضيعت الجرة او اختفت ( جرة الحباري)
مع انها مرتبطة مع بعضها البعض
وان صحت مقولتي( الطير علي صقارة)

[القناص أسعدي]

ياخوي انت إمصر وامبين انك ماتفهم الطلاع - والراكد -
نعم لوتفهم الطلع كان ماتربطه في الركاده - الطلع غير والركاده غير
فيه طير طلاع وراكد
وفيه طير طلاع وصلف يعني كفاخ
ماله علاقه ذي بذي

نعم تروح للسوق واذا كان طيرك طلاع اتقول طلاع واتثاني على الطلع يعني انه مميز عن طلع الطيور
واذا كان صلف يعني كفاخ تقول والله الطير صلف كفاخ ماله علاقه بالطلع
انت مشكلتك انك تخلط بين الركاده والطلع

طيرصلف و كفاخ ولكنه طلعه قوي يعني يسمى طلاع
وطير راكد من الصبح لحد المسا وطلعه قوي يعني يسمى طلاع
كلهم يقالهم طلاع الله يهديك
هذا يسمى طلاع وراكد
وهذا يسمى طلاع وصلف كفاخ
الكفاخ الصلف يعتبر من عيوب الطير ولو كان طلعه قوي
والراكد الطلاع يعتبر ميزه حسنه ويفرق بسعر الطير

افهم ياخوي الله يحفظك لاتعطي معلومات ومصطلحات لانه بعض الصقاره الجدد يحسب انه معلوماتك دقيقه ويمشي عليها واهو غلط
ولو يسولف هالسوالف عند اهل العرف بالصقاره كان اضحكوا عليه

اخوي الله يهديك اتمنى اتكون قبلت نقدي بصدر رحب

واذا حبيت تروح للسوق واتبيع طير فقل هذا راكد والا ماهو راكد - فاعل والا ماهو فاعل - طلاع ولا طلعه مافيه ميزه عن الطيور - اذكر اللي تعرفه عن طيرك للمشتري
ولا تخاف ماحد ضاحك عليك الا الغشيم بالصقاره -- الطلع غير الركاده افهم ياحبيلك

[aa.m]

انا مع اخوي صقار الأسياح فيه طيور تركد على التكيه وتطلع وفيه طيور تركد بس على اليد وتطلع واذا تحركت السياره ياويلك..
والطير اللي ماهو راكد ماراح يطلع على شي لاقريب ولابعيد ولايسمى طلاع ولا راح أعرف طلعه صحيح او بس يبي يطلع من السياره
طيب اذا خليته من الصبح الى المغرب يكفخ ويكسرر روحه وفجأه طارت حبارى عن بعد وهديته أقول طيري كفاخ لكنه طلاع..؟
شلون أصلا بتقول الطير طلاع ومن تشيل البرقع يكفخ وجنحانه تمزعت وعيونه ماعاد الا تطلع من راسه
الحبارى رابضه وقريبه ومايشوفها الا اللي خلقها والطير مشغول بالكفخ وباله وتركيزه كله يبي يفارق الغماره
متى بيشوفها..؟ اذا طارت مثلا..!
أو أحطه براس جبل لجل مايكفخ وأقص حبارى وعين للجره وعين للطيراذا هد أعرف ان طيري طلاع
الطلاع لازم يكون راكد لجل (يتطلع) على تكيه او على يد بسياره او ان شاءالله على بعير ويطلع لجل أتأكد انه طلاع ونفتك من هالطير وطلعه ههههههههههه

[القناص أسعدي]

انا مع اخوي صقار الأسياح فيه طيور تركد على التكيه وتطلع وفيه طيور تركد بس على اليد وتطلع واذا تحركت السياره ياويلك..

والطير اللي ماهو راكد ماراح يطلع على شي لاقريب ولابعيد ولايسمى طلاع ولا راح أعرف طلعه صحيح او بس يبي يطلع من السياره
طيب اذا خليته من الصبح الى المغرب يكفخ ويكسرر روحه وفجأه طارت حبارى عن بعد وهديته أقول طيري كفاخ لكنه طلاع..؟
شلون أصلا بتقول الطير طلاع ومن تشيل البرقع يكفخ وجنحانه تمزعت وعيونه ماعاد الا تطلع من راسه
الحبارى رابضه وقريبه ومايشوفها الا اللي خلقها والطير مشغول بالكفخ وباله وتركيزه كله يبي يفارق الغماره
متى بيشوفها..؟ اذا طارت مثلا..!
أو أحطه براس جبل لجل مايكفخ وأقص حبارى وعين للجره وعين للطيراذا هد أعرف ان طيري طلاع

الطلاع لازم يكون راكد لجل (يتطلع) على تكيه او على يد بسياره او ان شاءالله على بعير ويطلع لجل أتأكد انه طلاع ونفتك من هالطير وطلعه ههههههههههه




انت مع صقار الاسياح وعلى راسي

ابعطيك افتراض علك تفهم الطلع وشو وانت براحتك
افرض انك ناديت ربعك على اثر حباري وقلت يالربع ابشروبها وبعدين قلت لصاحبك فلان , والله مايهد عليها الا انت مع العلم انه معه فرخ وحش معلم على حبارى قبل يومين , وانت معك طير فاعل يعني صايد الحبارى وراكد ,,, خلك معي بالسالفه ,,,, ترفعتوا انت وياه وكل واحد بسياره , وانت امفرع بطيرك على التكيه على شان اتوكد طلع طيرك واتخبر صاحبك انه طلع , واهو مفرع بطيره على ايده بالسياره رغم ان الطير مو راكد بزياده , وقلت بصحابكم يالله يالربع قصوا الاثر , او انت وخويك تقصونها , او خلنا وانتم واقفين جنب بعض والربع يقصون الحبارى وانت وصاحبك مترفعين في نفس المحل , بسم الله قصينا الحبارى , وانت طيرك مفرع وطير صاحبك الفرخ امفرع قالك صاحبك طيري يطلع,
وانت اتطلع بطيرك ماتحرك وقالك صاحبك مره ثانيه الطير يطلع , اخينا بالله فك الطير وروح قدااام , واذا هذي الحبارى بعيده تدرج بين الشجر واتكوبر يعني شافها من بعيد لمن تحركت., قبل طيرك الراكد الفاعل يعني هذا اهو اسمه الطلع , يعني طلعه افضل من الطير الاخر وتركيزه افضل ,, هذا هو مصطلح الطلع , او العكس هذا الفرق باسم الطلع , ولم اتكلم عن الركاده او النزر
انت ياخوي تتكلم عن طير - كفاخ - صلف - نزر -لمن تقول كيف اقنص وهو كفاخ - وكانك تتكلم عن طير وحش دوبك شبكته من الجو , انا اتكلم عن مصطلح الطلع وتعريفه,
وبعدين احب افيدك معلومه , انت تقول انه حبارى رابظه وتبي الطير يطلعها , لمعلوميتك الصقور والطيور الجارحه ماتطلع على الاشياء الثابته او الرابظه يس لها اي حركه ,
اي طير مايطلع الا على شي يتحرك ولو حركه بسيطه ( او هواء يحرك ريش الصيده وهذا نادر جدا ) اي حركه للفريسه الطير الطلاع يطلع , اما اللي مايتحرك او رابظ مايطلع عليه الطير لو يكون جنب السياره ,
الطلع صنف واحد , يعني لو فرضنا ان خمسين طير ,,انواع واشكال راكد وكفاخ ووسط , وكل واحد بسيارته واقفين عند بعض وامترفعين الصبح او المساء يطلعوون على مشجار والطير اللي يطلع الاول هذا يقاله طلاااااااع ,,,, فيه طيور راكده وطلعها ماهو قوي ماهو فطين ماهو نبيه ماهو شاطر او العكس
عطيتك سالفه اغتراضيه لتفرق بين الطير اللي - يتطلع يعني راكد ويتطلع لكن طلعه مو قوي والا قوي هذا يريحك بالقناصه لكن ماله علاقه بقوة الطلع - وفيه طير وسط في الركاده ويطلع بقوه ولا مايطلع - او طير نزر ولا هو راكد واذ صارو اخوياك يقصون الحبارى اتحصله هو اول مايطلع -- هذا مثال بس من ضان ماتخلط الطلع ---- باللي تقنص وراكد ويتطلع --- والا تفنص واهو ماهو راكد فيه صلاغه وكفاح يزعجك ----
الطلا - يعني اطير اللذي يطلع على الحبارى باي حركه منها قبل الطيور الاخرى
فلا تخلط الاسماء ببعضها وان شاءالله ان عمري بالصقاره دبل عمرك ثلاث مرات
وربما انك قد عمر ابني الله يحفظك

[ابن الاصيل]

يجماعه قولو لاالله الاالله تعوذو من الشيطان كلكم كلامكم صح فيه طير راكد على التكايه بس ماهو طلاع والعكس الركاده غير والطلع غير بس الطلاع اذا كان راكد اظافه ميزه على طلعه وترا الموضوع صار فيه حساسيه بينكم وانتم اكبر من كومت ريش والامعلومه

[مشاري الهذيل]

السلام عليكم ورحمه الله وبركاته

انا مو صقار ولا افهم بالطيور الا القليل

ولكن متابع جيد لكل ما يتعلق لهوايه الصقور

وانا مع اخوانا القناص اسعدي

ولاقصور فيك ياصقار الاسياح
لان اخونا الاسعدي قال في فرق بين الطلاع والراكد وانا اقول صح كلامه والسبب اني اتابع بيع الطيور وتكون موجوده في استماره البيع هاذي الاسئله
مثاااااااااال
هل صاد الطير الحباري؟؟نعم
هل صاد الطير الكروان؟؟نعم
هل صاد الطير الارنب؟؟لاعلم
هل الطير طلاع على الحباري؟؟ نعم طلاع موقف مشألله (((ركـــز ))
هل الطير يرغب الحمام؟؟نعم وجناحه طيب حيل سبوق
هل الطير راكد على التكايه ؟؟نعم ((ركـــــــــــز))

هذا دليل ان الطلع غييير الركاده

وسامحوني عالمداخله

[حكيم الرياض]

أحبتي السلام عليكم

أولا أنا لي فوق أربعين سنه في الصقارة من غير قصور بالجميع ولكن لا شك أن طول المدة في أي مهنة أو هواية تكسب المرأ خبرة لاينكرها إلا جاحد وكذلك كل أصدقائي وجلسائي صقاقير من خيار الصقاقير على مستوى المملكة ومشهود لهم بذلك ، أما موضوع النقاش بين الأخوة فرأيي أن الركادة لا علاقة لها بالطلع فالطلع ليس مرهون بالركادة وكثيرا ما نسمع إن طير فلان مثلا طلعه طيب لكنه طير نزر أي غير راكد ولا شك أيضا أنه إذا اجتمعت الصفتان الطلع والركادة في طير واحد فهذا شيء طيب جدا ومثل ما تجتمع صفتان طيبتان في رجل واحد كقولك فلان رجل صدوق وكريم ولكن لا يشترط أن يكون كل من كان صدوقا أن يكون كريما فربما يكون صدوقا ولكنه بخيل آمل أن يكون الأمر اتضح للجميع ، وللجميع تحياتي وصادق محبتي .

[رفحاوي 999]

السلام عليكم ورحمه الله وبركاتة

اخوي صقار الاسياح

يعطيك الف عافيه على الموضوع الجزل .

والموضوع هذا مايكتبة الا صقاراً وافي شروااك اخوي

واما بخصوص بعض الردود المخالفه للراي (والاختلاف لايفسد للود قضية)

طبوع الطيور مختلفة تلقا النزر الصلف وتلقى الهادي وحدة البصر قوية في الاغلب وفيه تفاوت بينها منها من تميز باكتشاف الطريدة من بعيد ودقيق الملاحظة هذا الكلام طبعا في حياة الطير الطبيعية اما بالاسر وتحت ترويض الصقار ماخبرنا طير طلاع ماهو راكد ابد (لكن حصلنا الراكد اللي ماهو طلاع ) يعني الركادة شرط للطلوع واكتشاف الموهبه لدى الصقر وتعليمه ...
... واخواني عمركم شفتوا شيهانة طلاعة ؟؟؟ يمكن 5 % السبب عدم ركاده الشيهانة والله اعلم واحكم ..

لكن ممكن سؤال اخي الصقار اسعدي

كيف يكتشف الصقاااار صفه الطلع بالطير من غيررر لايركد فسروا لي بالتفصيل الممل ؟؟؟. ( الا اذا الطير يطلع وهو بالبرقع هاذي جديدة وتحسب لكم كسبق في تاريخ الصقارة )

ومنكم نستفيد

رفــــــــــــحــــــــــــــــــــاوي 999

3/11/1432هـــ

[أبو أمين]

يالربع انا لي ٦ قرون وربع يعني حول ٦٢٥ سنه وانا انقل الطير

طبعا ماتوا ناس وانولدوا ناس وتغيرت ممالك وانا مستمر بنقل الطير

اذكر اخر ايام العباسيين كنت قانص انا واليشموم بن ربيعه حول اليمامه

وبعدين ذكروا الحيا عند سقط اللوى وروحنا صوبها وكانت الحباري كثيره جدا

بس مشكلتها انها جايه في وعر يبيلها طير يطلع وكان يقول لي اليشموم : يابو امين

طيرك يطلع ؟ قلت له : اول ما افرع به يشتغل كالحمره المروعه بس ان كان في شي فالارض بيطلعه

قال اليشموم : ما يخالف بس طيرك اذا قعد يكافخ كيف تعرف انه اطلع ؟

قالت : انما الاعمال بالنيات !!!

قال : وانت داخل في نيته ؟

فضحك القوم وعاشوا في سعاده وهناء .

[ســـبــار ربــعـــه]

يالربع انا لي ٦ قرون وربع يعني حول ٦٢٥ سنه وانا انقل الطير

طبعا ماتوا ناس وانولدوا ناس وتغيرت ممالك وانا مستمر بنقل الطير

اذكر اخر ايام العباسيين كنت قانص انا واليشموم بن ربيعه حول اليمامه

وبعدين ذكروا الحيا عند سقط اللوى وروحنا صوبها وكانت الحباري كثيره جدا

بس مشكلتها انها جايه في وعر يبيلها طير يطلع وكان يقول لي اليشموم : يابو امين

طيرك يطلع ؟ قلت له : اول ما افرع به يشتغل كالحمره المروعه بس ان كان في شي فالارض بيطلعه

قال اليشموم : ما يخالف بس طيرك اذا قعد يكافخ كيف تعرف انه اطلع ؟

قلت : انما الاعمال بالنيات !!!

قال : وانت داخل في نيته ؟

فضحك القوم وعاشوا في سعاده وهناء .



ههههههههههههههههههههههه اضحك الله سنك يابو امين قصه ولا قصص الف ليله وليله خصوصا الحمره المروعه ههههههههههههههههههههههههههه

[ســـبــار ربــعـــه]

اخي صقار الاسياح
الله يهديك من الواضح انك صقار مبتدء ولا تعرف مسطلحات الصقاره وصنفت الطير الطلاع الى اربعة اصناف
وخلطت بين الركاده والطلع
وانت تعتقد ان الطلع والركاده مربوطتين ببعضهما 0 اما ان تتحدث عن الطلاع او تحدث عن الركاده؟؟؟؟؟؟؟؟؟؟
الطلاع هو الطير اللذي باستطاعته لمح ومشاهدة الفريسه بسرعه ومن مسافة بعيده او قريبه ويكون مميز عن بعض الطيور الاخرى وتجده سريع بلمحة الفريسه وتركيزه اقضل من بعض الطيور رغم ان اغلب الطيور متقاربه بحدت النظر والتركيز ولكن هناك طيور تفوق الاخرى 0
يعني الطلاع الطير الذي يحدد تحرك الفريسه ومشاهدتها بسرعه - وليس له علاقه بالركاده والكفخ 0 هذا موضوع وهذا موضوع اخر - حتى ان بعض الردود يعتقد ان الطلاع الذي يطلع من نافذة السياره الجانبيه

بالعربي الفصيح الطلاع صنف واحد وليس ارعه اصناف - الطلاع وكما قلت هو الطير الذي باستطاعته مشاهدة وتحديد الفريسه بسرعه اثناء حركة الفريسه سواء من بعيد او قريب وكل -ماطلع - على الفريسه من بعيد يكون افضل من الاقرب يسمى طلاع
احيانا تشتري طير وحش واتعلمه على حبارى وهو كفاخ لسا وحش ولا تعود على الغماره - وتقف وتطلع انت والصقارين الاخرين على اثر جرة حبارى ويكون الفرخ الكفاخ اسرع طلع من الطيور القرانيس المتعلمه وكذلك العكس ايضا

فالطلاع اسمه طلاع صنف واحد ولاتخلط الطلاع والكفخ وتصنف الطلع باربعة اصناف

يا خوي القناص الأسعدي وش دخل تعليم الطير على الهدد مع الدريشه في الطلع.؟؟؟؟

[حمود الصعيبي]

صحيح عليك اخوي مشاري الطلع غير( الركاده في السياره)وبغيت اظيف على موظوع صقار الاسياح بعض الطيور راكد لاكن على الجره ولفات السياره وازعاج الجهاز وظول السيارات (جو الهدد) يحرس على الطلع
ويفلي القشع فلي لو تطير من بعيد لاتخاف عطه سبقه اما لحقها أو وكدها لذلك اذا طلع الطير هده لكي لاتتقي
وتروح

[أبو أمين]

ههههههههههههههههههههههه اضحك الله سنك يابو امين قصه ولا قصص الف ليله وليله خصوصا الحمره المروعه ههههههههههههههههههههههههههه

عجبتك ها ؟ ههههههه

عساها دوم هالضحكه

هذا مثل اللي يقول مهو لازم كفرات عشان تمشي السياره !!! لان السياره تشتغل على البنزين !!!

عش مددا ترى عجبا .

[جير دبي]

يالربع انا لي ٦ قرون وربع يعني حول ٦٢٥ سنه وانا انقل الطير

طبعا ماتوا ناس وانولدوا ناس وتغيرت ممالك وانا مستمر بنقل الطير

اذكر اخر ايام العباسيين كنت قانص انا واليشموم بن ربيعه حول اليمامه

وبعدين ذكروا الحيا عند سقط اللوى وروحنا صوبها وكانت الحباري كثيره جدا

بس مشكلتها انها جايه في وعر يبيلها طير يطلع وكان يقول لي اليشموم : يابو امين

طيرك يطلع ؟ قلت له : اول ما افرع به يشتغل كالحمره المروعه بس ان كان في شي فالارض بيطلعه

قال اليشموم : ما يخالف بس طيرك اذا قعد يكافخ كيف تعرف انه اطلع ؟

قالت : انما الاعمال بالنيات !!!

قال : وانت داخل في نيته ؟

فضحك القوم وعاشوا في سعاده وهناء .
هههههههه بس ماقلتنا تقنصون بطيور تهجين ولا الوحوش هههههه

[عزااااام-1]

السلام عليكم ورحمة الله وبركاتة ياخوان اعجبني ابو امين على وقت العباسين هههههههه انك والله صادق طير مثل المروحة وين يطلع ممكن يجيك طير حصاة على التكية غير سونبة وطير يجي راكد وووووطلع وطير يجي راكد وطلع يخوف الطلع مع الركادة درجات اما طلع مع مكافخ مامرت على ؟؟؟؟؟؟

[صقار الأسياح]

انت مع صقار الاسياح وعلى راسي



ابعطيك افتراض علك تفهم الطلع وشو وانت براحتك
افرض انك ناديت ربعك على اثر حباري وقلت يالربع ابشروبها وبعدين قلت لصاحبك فلان , والله مايهد عليها الا انت مع العلم انه معه فرخ وحش معلم على حبارى قبل يومين , وانت معك طير فاعل يعني صايد الحبارى وراكد ,,, خلك معي بالسالفه ,,,, ترفعتوا انت وياه وكل واحد بسياره , وانت امفرع بطيرك على التكيه على شان اتوكد طلع طيرك واتخبر صاحبك انه طلع , واهو مفرع بطيره على ايده بالسياره رغم ان الطير مو راكد بزياده , وقلت بصحابكم يالله يالربع قصوا الاثر , او انت وخويك تقصونها , او خلنا وانتم واقفين جنب بعض والربع يقصون الحبارى وانت وصاحبك مترفعين في نفس المحل , بسم الله قصينا الحبارى , وانت طيرك مفرع وطير صاحبك الفرخ امفرع قالك صاحبك طيري يطلع,
وانت اتطلع بطيرك ماتحرك وقالك صاحبك مره ثانيه الطير يطلع , اخينا بالله فك الطير وروح قدااام , واذا هذي الحبارى بعيده تدرج بين الشجر واتكوبر يعني شافها من بعيد لمن تحركت., قبل طيرك الراكد الفاعل يعني هذا اهو اسمه الطلع , يعني طلعه افضل من الطير الاخر وتركيزه افضل ,, هذا هو مصطلح الطلع , او العكس هذا الفرق باسم الطلع , ولم اتكلم عن الركاده او النزر
انت ياخوي تتكلم عن طير - كفاخ - صلف - نزر -لمن تقول كيف اقنص وهو كفاخ - وكانك تتكلم عن طير وحش دوبك شبكته من الجو , انا اتكلم عن مصطلح الطلع وتعريفه,
وبعدين احب افيدك معلومه , انت تقول انه حبارى رابظه وتبي الطير يطلعها , لمعلوميتك الصقور والطيور الجارحه ماتطلع على الاشياء الثابته او الرابظه يس لها اي حركه ,
اي طير مايطلع الا على شي يتحرك ولو حركه بسيطه ( او هواء يحرك ريش الصيده وهذا نادر جدا ) اي حركه للفريسه الطير الطلاع يطلع , اما اللي مايتحرك او رابظ مايطلع عليه الطير لو يكون جنب السياره ,
الطلع صنف واحد , يعني لو فرضنا ان خمسين طير ,,انواع واشكال راكد وكفاخ ووسط , وكل واحد بسيارته واقفين عند بعض وامترفعين الصبح او المساء يطلعوون على مشجار والطير اللي يطلع الاول هذا يقاله طلاااااااع ,,,, فيه طيور راكده وطلعها ماهو قوي ماهو فطين ماهو نبيه ماهو شاطر او العكس
عطيتك سالفه اغتراضيه لتفرق بين الطير اللي - يتطلع يعني راكد ويتطلع لكن طلعه مو قوي والا قوي هذا يريحك بالقناصه لكن ماله علاقه بقوة الطلع - وفيه طير وسط في الركاده ويطلع بقوه ولا مايطلع - او طير نزر ولا هو راكد واذ صارو اخوياك يقصون الحبارى اتحصله هو اول مايطلع -- هذا مثال بس من ضان ماتخلط الطلع ---- باللي تقنص وراكد ويتطلع --- والا تفنص واهو ماهو راكد فيه صلاغه وكفاح يزعجك ----
الطلا - يعني اطير اللذي يطلع على الحبارى باي حركه منها قبل الطيور الاخرى
فلا تخلط الاسماء ببعضها وان شاءالله ان عمري بالصقاره دبل عمرك ثلاث مرات

وربما انك قد عمر ابني الله يحفظك



اخوي اولا ليس بالاسلوب هذا ادب حوار زي ماقالوا اخواننا لايفسد الود قضيه اما قولك ان عمري بعمر ولدك الله يخلي لك ولد وليته جاء يتناقش معنا يمكن يكون اعقل منك واكثر احترام للاخرين ماودنا ان الموضوع يطول وركز على قصة ابو امين ايام العباسيين

[صقار الأسياح]

للاخوان كلن باسمه
ردودكم زادت ثقافتنا واعيد ان الركاة مهمه للطلع وبعض الطيور كانه يفهم انا معي طير الان اذا قصينا وشاف السيارات تقص يدري انها جرة يروبج مباشرة ويركز بقوه اما ان الطير ماهو راكد واقول طلاع نكته الطير الطلاع هو اللي يطلع بدون اثر او مع اثر يعني دجايم مفرع اي وقت يطلع اما اذا كنت مع جره كل اخويانا يفرعون واذا طير طلع قبل طير ليس معناه ان الطير اللي طلع افضل طلع يمكن تبينت له الحبارى من ورى رمث والثاني ما شافها والاسباب كثره

[روزفلت]

كل طلاع راكد ولا كل راكد طلاع
والطلع يجي مع الخبره
كل ماشاف الطير زود كل ماعرف الحروه زود
وبعض الطيور احرص من غيره
يعني عدة امور لها تاثير
والصقار له دور بركادة الطير وطلع الطير
وابو امين عزالله انه فطين

[aa.m]

يالقناص اسعدي ؟؟
حنا معك ان الركاده غير والطلع غير لكن كيف أقول الطير طلاع وهو ماركد..؟؟؟

الطلع مربوط بالركاده
طير راكد ومايطلع معقوله
وطير كفاخ ويطلع مستحيل

ممكن البرقع براسه لين ألقى جره وأفرعه دقيقه وحده ويطلع صدفه
كذا صح بقول طلع ولا اقول للناس طيري طلاع

وبعدين انا ماقلت الحبارى رابضه يعني زي الحصاه
ممكن تتحرك مسافة كيلو ومايشوفها الا طير راااكد
أما كفاخ وبفرعه على حبارى حذره بعيده وسط وعر وأبيه يشوفها صعبه

والفرخ اللي تقول مرتين طلع والقرناس ماطلع
معناتها ان الفرخ راكد ويتطلع والا كيف بيشوف الحبارى قبل القرناس اللي راكد وعارف الحبارى

[ســـبــار ربــعـــه]

لماذا تتحول النقاشات الهادفه الى مشادات كلاميه . الى متى هههههه ايام ابو امين واليشموم بن ربيعه ماكانو يتناقشون كذا كانو يضحكون ويعيشون بسعاده.
اشكر اخي صقار الأسياح على الموضوع الهادف. واشكر الجميع وخصوصا ابو امين على دماثة الأخلاق:good2::good2::good2: