ركبت مراوح سوبارو للباترول وبدا يستهبل الدينمو

[صالح ابو وليد]

لسلام عليكم ورحمة الله وبركاتة

ياشباب ركبت مراوح سوبارو للباترول وجلس اسبوعين وطلع الدينمو ضعيف :BUTT1:
هل يتصلح او يغير ؟؟
واذا كان يغير هل اركب دينمو مكسيما < لان فيه واحد محه لي :good2:
وشكرا

[ماون ماركز]

مو لازم اذا ركبت مراوح على سيارة أنه تركب على سيارة ثانية


دائما نقول .. أعرفوا الأحمال اللي يستهلكها اي جهاز يركب على السيارة
قبل تركيبه مو بس المراوح .. اللمبات .. البواري .. الثلاجات .. ألخ


أنا بصراحة ما قرأت المعلومات على مراوح السوبارو عشان أحكم على قدرة دينمو سيارتك
لا أدري كم تستهلك المراوح من أمبير ولا كم وات قدرتها


لأني لما أعرف كم الأمبير اللي تستهلكه المرواح وكم الوات عليها .. اقدر

أعرف الدينمو اللي يتحملها
ومقاس الأسلاك اللي بركبها
وطول الأسلاك اللي بركبها
والفاصل اللي بركبه
والحساس اللي يصلح بها
وطريقة التوصيل الصحيحة


أما أني سمعت فلان ركبها او فلان مدحها لي .. للأسف ما تمشي عندي ها الأمور

[الا سير]

ياخوي يمكن الدينمو تعبان من اول
وتاكد من البطاريه لازم تكون 70 امبير
من شان ماترهق الدينمو
خذ لك واحد من التشليح وابعد عن المجدد

[ابو فتكه]

اتوقع له فحمات الدينمو وكلتشات تتصلح ماتتعدى 70 ريال

غيرها وانشاء الله يضبط معك

وانا اقول لو تركب ديمو جمس اطلتز لك

[sgl2002]

رجع االموتر وكالة ماحنا بأشطر من اليابان

[شاص نيسان 93]

ركب دينمو مكسيما ولا دينمو مورانو ولا دينمو باترول من 2003 وفوق يجي 110 امبير

وانس الحراره

[صالح ابو وليد]

كل الي ردوا على الموضوع يعطيكم الف عافيه كثر الله من امثالكم وجزاكم الله خير ماقصرتوا
اخوي شاص نيسان 93 كم يجي سعر دينمو الباترول 2003 مستعمل ( تشليح ) واذا تخبر لي يكون احسن
موقعي بالرياض مخرج 15

[القنبله1]

أخوي أبو وليد الدينمو حق الباترول 4500 هو 100 أمبير تلقاه بالتشليح من 800 الى 1200 على حسب التشليح دور الين تلقا شي رخيص وراكب ع الموتر وحق الفتك 4800 تلقاه من 1600 الى 1800 وهو 110 أمبير بس ركب حق 4500 زين أنا مركبه وحلو وتقبل مروووري ...

[مركز حراره]

اهم من الدينمو بدل حساس المراوح وركب 80-85 تريح الدينمو شوي ويعيش معك
ركب دينمو مكسيماء

[بومحظار]

ركب دينمو مكسيما لأن دينمو الباترول القديم ضعيييييف جدا اما الفتك فهو ممتاز ولكنه غالي جدا جدا في الوكاله والبديل هو دينمو مكسيما من التشليح او ترهيم قاعده لدينمو كابريس امبالا القديم يجيك 140 امبير وسعره وهو جديد رخيص. ولكن دينمو المكسيما يركب بدون ترهيم

[صالح ابو وليد]

يعطيكم العافيه ماقصرتوو جزاكم الله خير :)

[فهم العدواني]

وخذ عندك اذا بترهم دينمو الكدلك اس تي اس القديم مايتعدى 100ريال في التشليح وقوته 160 امبير تقريبا

[شاص نيسان 93]

ركب دينمو الباترول 4500 يركب بدون ترهيم ولا شي افضل من المكسيما

بس تراك يالله بتلقاه في التشليح وسعره من 700 وفوق

[قوقل النفود]

اخوي ركب دينمومكسيما أوباثفندر قوته 100أمبير سعره 350مستعمل أصلي أو800سعر خاص من الوكاله أسأل مجرب

[uae_cars]

بالتوفيق انشالله
والله المستعان

[صالح ابو وليد]

جزاكم الله خير

[ولدحمد]

السلام عليكم ورحمة الله وبركاته ..
اخوي صاحب الموضوع اليك الحل لمشكلتك مع التجربه الخاصه :
اولا بالنسبه للدنمو :
اذا تغيره يكون احسن وركب حق فتك 100- 110 امبير ..
طبعا سعره بالتشاليح على حسب تلقاه من 500 لحد 700 :good2: ..
اذا انت بالقصيم مر ابوعبدالله الصمعاني ولا تشليح الرقيبه ..
ثانيابالنسبه لتركيب المراوح:
احرص ان الاسلاك يكون كل مروحه مستقله عن الثانيه ولا تركب اسلاك المراوح وتشبكهن مع بعض ولاتنسى يكون في فيوز وفاصل للسرعه الثانيه ..
والاسلاك تكون متينه وتتحمل الحراره ..
ادخل على رابطه ملاك الباترول 1988- 1997 وبتلقاء اجابه وافيه لمشكلتك ..
وانا ختصرتها لك وهذي تجربه شخصيه وحاجه اعرفها جيدا لا فلان قالي ولا اخذت من فلان ..

[صالح ابو وليد]

يا اخوان انا ركبت دينمو باترول مكيفين وثلاجتين 100 امبير الدينمو الاول 70 امبير
ركبته 350 ريال ولله الحمد ممتاز
مشرفنا العزيز وجنا الحل

[عزٍيزٍ]

انا ماابطيت مركب لفتك 2002 دينمو ماكسيما 2005 ياباني جديد

اخذته اضن بـ280
وركبته بـ 100

يركب على طول بدون ترهيم , وبدون تغيير بكره

بس الشداد يبيله حديده صغيره ومسمار

( الدينمو خذ ياباني والا وكاله ,, الماليزي لا تقرربه ابد ابد )

[إسم العضو]

ركب دنمو مكسيما جديد أصلي 100 أمبير
أستطيع توفيره لك ب950 ريال
إذا لك رغبه راسلني عالخاص

[بني عدنان]

مرواح الشيروكي افضل للباترول من السوبارو