تكفون الفزعه لاصحاب الفتك

[ابو فتكه]

السسسسسسسسسلام عليكم ورحمة الله وبركاته
معاي فتك سوبر سفاري تماتيك 2005



ياخوان الموتر اذا صار له 18 الى 24 ساعه طافي واقف


وشغلته اول مايشتغل اسمع فيه صوت


طق طق طق طق طق طق طق
بسرعه وياخذ شوي ويروح لحتمى الموتر يعني ياخذ من دقيقتين الى خمس دقايق لقام الانبير يروح الصوت
اما اذا مطفي الموتر ساعتين ثلاث اربع خمس واشغله عادي مايطلع لان حامي



اذا صار بااارد يطلع والصوت تقريبا بالكرتير او حوله يعني الصوت في المكيننه من تحت



وانا مدري وش اسوي


مع العلم اني بجده ولا عنندهم ورش مختصه بالفتك



كل ورشمه مش حالك ويشتغلون باي شي



الفزعه يعيال وش هالصوت وااذ بشيك كمبيوتر يبين ولا لا يعني يطلعه ولا يقولون لازم نفك المكينه شغل الدبش

[ابو فتكه]

للمعلوميه الموتر مافكت مكينته ولا فك قيره

[ابوالوليدخالد]

حياك الله اخي العزيز
اعتقد والله اعلم ومن خلال خبرتي (اللي مالها داعي طبعا)
الى ان المشكلة فقط في الزيت اما ان يكون ممشاه كثير او نوعية الزيت غير جيدة
قبل تقريبا كم شهر طلع عندي نفس الصوت وغيرت الفلتر وزيت سوبر شل والسيارة تمام ما شاء الله

[يالبى الهلا]

عندك مشكله في طرمبة الزيت دفعها ضعيف

[ابو فتكه]

طيب وش اسوي ووش الحكمه لحتمى الموتر

[ابو فتكه]

الفتلر وشو ..؟ بعدينن بقول لك شغله


انا اغير زيت سوبر جي تي الي يجي علبته بيضا وب 17 العلبه زيت انجليزي

المهم كنت امشيه خمس الاف وخاصيت هالزيت خفيف


ولي كم فتره بادي اغير سوبر شل الاحمر والله مدري شكلي برجع للاول بس خفيف مره حق سيارات جديده بالعربي

[sgl2002]

الفتلر وشو ..؟ بعدينن بقول لك شغله


انا اغير زيت سوبر جي تي الي يجي علبته بيضا وب 17 العلبه زيت انجليزي

المهم كنت امشيه خمس الاف وخاصيت هالزيت خفيف


ولي كم فتره بادي اغير سوبر شل الاحمر والله مدري شكلي برجع للاول بس خفيف مره حق سيارات جديده بالعربي


هذي المشكلة جبتها بنفسك

الزيت الخفيف هو سبب الطقطقه وهذي عايدية في السيارات اللي مر عليها اكثر خمس سنين وهو ان الزيت مايرتفع بسرعه


لذلك الموتر اللي مديله جديد وممشاه شوي ينصح له بالزيت الخفيف
اما اللي صار قديم يعني تعدا الخمس سنين وممشاه تعدا المية والعشرين فينصح له بالزيت الاثقل

انا انصحك بزيت سوبر جيتي فوكس اللي علبته بلاستيك سوداء ممتاز واستخدمه من ثمان سنوات على الباترول حقي ومواتر قبله دداسن وشاص وكامريات
حط هذا الزيت وان شاء االله تختفي المشكلة او تخف
لكن لاتخاف موجوده بسيارات واجد ولايضرها خصوصا اذا ابطأ الموتر واقف×

[«نجم الخير»]

وعليكم السلام


اتوقع من مواسير الكنداسه يحك بالحديده اللي فوق
طبعا الصوت يطلع والموتر بارد لأنه يكون مرتفع لما تشغل الموتر يهتز البيب ويطلع الصوت


http://img710.imageshack.us/img710/2577/1cs15273.jpg



http://img830.imageshack.us/img830/6611/zrm15273.jpg


واذ الصوت داخل المكينة


يمكن الطرنبه

[فهد911]

تطمن هذا طبيعي انا معي فتك 2007 فية نفس اللي قلت اول مااشغلة يطلع الصوت وبثواني يروح الصوت واحد من الربع بعد معة فتك 2006 نفس الصوت ,,,,,,,

[جبل حائل]

احياناً يكون من الشداد حق سير المكيف
الشداد هذا فيه رمان احيانا يخرب الرمان من ماء او مبطي ما غيرته مع تشغيل المكيف طول الصيف لازم كل سنة تغيره
قيمته 15 ريال وتصليحه حوالي 35 ريال فقط نصف ساعة
انا صارت معي قبل سنة بـ GXR واحسب انها سبيكة داخل المكينة والحمد لله طلعت المشكلة من الرمان حق الشداد

[ابو فتكه]

طمنتوني الله يعطيكم الجنه


على فكره ترى الموتر كان فيه صوت قزوز قبل وشويه قوي

المهم عقب ماغيرت قزوز وكاله طبعن ماركبت هدرز صارت صوت المكينه واضح

وبان الصوت يعني انا مدري من مبطي او لا احتمال على قولت اخوي كنداسه

الله لايهينكم والله اني متروع قلت يمكن سبيكه ولا شي عاد توضيبه ماتحت 15 شي

[You Like Me]

وعليكم السلام والرحمه

غير السيفون اصلي من الوكيل نفسه
ولا يهمك الاصلي اللي في البناشر وعند الموزعين
وان شاء الله يختفي الصوت

[راعي طويلات]

طمنتوني الله يعطيكم الجنه


على فكره ترى الموتر كان فيه صوت قزوز قبل وشويه قوي

المهم عقب ماغيرت قزوز وكاله طبعن ماركبت هدرز صارت صوت المكينه واضح

وبان الصوت يعني انا مدري من مبطي او لا احتمال على قولت اخوي كنداسه

الله لايهينكم والله اني متروع قلت يمكن سبيكه ولا شي عاد توضيبه ماتحت 15 شي
الصوت الي بسيارتك طبيعي وهو ضعف بطرمبة الزيت اذا صار لها فترة ماتحركت تطلع هالصوت ونوعية الزيت اثبت على نوع واحد يالترا 7 أو فوكس سوبر جي تي العلبة البلاستك السوداء وكلها 20_50 أبعد عن الزيت الخفيف واحرص على السيفون الأصلي من الوكالة ولاتبطي بتغيير الزيت علشان مايبدى ينقص
وتوضيب الفتك يكلف 5الى6 الأف تقريبا(بشرط أن رأس المكينة سليم) الله لايقدر طبعا حبيت اوضح لك هالمعلومة علشان تشيل 15 من بالك:good2:

[ABO AL-HESH]

مثل ما قالوا الاخوان .. السيفون خذه من الوكاله

[ALBDRANE]

[QUOTE=راعي طويلات;7346730]الصوت الي بسيارتك طبيعي وهو ضعف بطرمبة الزيت اذا صار لها فترة ماتحركت تطلع هالصوت ونوعية الزيت اثبت على نوع واحد يالترا 7 أو فوكس سوبر جي تي العلبة البلاستك السوداء وكلها 20_50 أبعد عن الزيت الخفيف واحرص على السيفون الأصلي من الوكالة ولاتبطي بتغيير الزيت علشان مايبدى ينقص
وتوضيب الفتك يكلف 5الى6 الأف تقريبا(بشرط أن رأس المكينة سليم) الله لايقدر طبعا حبيت اوضح لك هالمعلومة علشان تشيل 15 من بالك:good2:[/QUOT


السلام عليكم
الله يجزاك خير لا توسوس بالرجال السالفة أبسط من كذا ودئما يجب أن تبدى بالاسهل والاقل تكلفه

الزبدة الصوت هذا صار في سيارتي وتمكنت من معرفته
و الصوت طال عمرك من الشيال الي يجي بين ماسورة الشكمان والبدي تحت مقعد السائق وشستجد ان الجلبه متقطعه والوردات الحديد تسوي قرقشه مع أنتفاظة السيارة أول ما تشغل والضغط مرتفع وبعده تختفي أنت تاكد منها أنها سليمه واذا وجدتها متقطعه رهم لك أي جلبه وأنا سويتها والحمدلله أختفى الصوت وكنت مثلك أتوقعه الصوت وسط المكينه والبلوف .

المهم لا تهتم بأكثر الردود لانها ليست عن تجارب وننتظر منك الرد .

[راعي طويلات]

[QU


السلام عليكم
الله يجزاك خير لا توسوس بالرجال السالفة أبسط من كذا ودئما يجب أن تبدى بالاسهل والاقل تكلفه .
المهم لا تهتم بأكثر الردود لانها ليست عن تجارب وننتظر منك الرد .

وعليكم السلام
من الي وسوس به الله يرضى لي عليك هو سأل وش سبب الصوت جاوبته أنه طبيعي وتصير باغلب الفتكات خصوصا الي ماشيه واجد بسبب طرمبة الزيت ودفعها للزيت (إذا طولت مادارت ماتدفع صح مع بداية التشغيل) ونوعيه الزيت لابد تكون ثقيله
ووضحت له أن التوضيب مايشيل 15 مثل ماهو متصور المبلغ حددته له علشان يكون عنده خلفية وين التخويف وفتح باب الوسوسه بكلامي
وبعدين يأخي الكريم أنا ماتكلم بشيء ماعلمه ولا أدري به كل كلامي عن خبره وفهم ومعايشة وتجربة خصوصا مع النيسان
الأمورالي ماعرفها أو تجهلني مافتي فيها أوأدعي أني اعرفها فمن العيب أنك تخلي نفسك الفاهم وغيره مايدرون وين ربي قايل بهم ادل بدلوك بدون تهميش لباقي الآراء الي قد يكون منها الصحيح

[ALBDRANE]

على عيني وراسي ما كنت أقصد التهميش
فقط ما بغيت الرجال يتعب ويبدا بالأشياء الصعبة لانها صارت مع ناس كثير خساير وتعب وتضييع وقت وفي الأخير تطلع الشغلة من شي ما أحد يتوقعه تسلم لي يراعي الطويلات ولا يهونون الباقين