رحله لـ شاليهات الخليج + صيدنا ولله الحمد .. اهداء مني للجميع [الأرشيف]

سحابه مطر

30/09/2011, 08:06 PM

بسم الله الرحمن الرحيم
السلام عليكم ورحمة الله وبركاته ..
هذي اول مشاركه لي وخصوصا بقسم صيد البحر
طبعا مو عيب البنت تصيد سمك << متعقده من كثر مايتطنزون عليها صديقاتها
انا ابوي نوخذه وعلمني من يومي صغيره بالصيد وصرت اعششقه
بس مااحب اكل السمك لان قد مره غصيت بالعظم :D
ندخل بالمهم ..
رحنا يوم الاربعاء 30/10/1432 لـ شاليهات الخليج بالسفانيه
وصلنا المغرب ولا قدرنا نصيد شي ورطوبه قويه
اليوم الثاني .. الخميس
اول ماصحيت من النوم صورت هالمنظر وان شاء الله يعجبكم

http://dc18.arabsh.com/i/03447/o2kagwprxwn7.gif

http://dc18.arabsh.com/i/03447/427ipkjfmcnf.gif

http://dc16.arabsh.com/i/03447/1r6jfvceplab.gif
اتمنى انهم يطورون الشاليهات وينظفونهاا لانها تجيب القرف من داخل
والله حتى النوم ماقدرنا ننام من الوصاخه ..

المهم لما جت الساعه 9 ونص قلت بروح احدق
وابوي واخوي يقولون ماراح تصيدين شي وهم جالسين يتفرجون
واول ما حذفت الخيط الا الخير هل علي وراحو جابو خيوطهم :D
وبعده صارت الشمس قويه وحاميه وخلينا تكملة الحداق للساعه 3 العصر
ولله الحمد .. الله رزقنا بخيير .. اذكروو الله .. ترى كله حداق

http://dc15.arabsh.com/i/03447/lc7fb42srcbp.gif

http://dc15.arabsh.com/i/03447/3va9d6grclfs.gif

http://dc15.arabsh.com/i/03447/jugm7tffu1t8.gif

http://dc15.arabsh.com/i/03447/djh5cwsinq03.gif

http://dc15.arabsh.com/i/03447/jng2uhp0uq3w.gif

زووووم لصيدنا (ماشـاء الله )

http://dc15.arabsh.com/i/03447/zsy1z20xhrki.gif

http://dc15.arabsh.com/i/03447/kkkstozjuipp.gif

http://dc15.arabsh.com/i/03447/f3740ahcak1j.gif

ان شاء الله الموضوع يعجبكم ..
تـحيآتي .. سحابة مطر

kvip

30/09/2011, 08:50 PM

ما شاء الله صيد العافيه

Makaveli

30/09/2011, 08:55 PM

ماشاء الله تبارك الله
حتى أنا لما أصيد أعطي النتاشة للمدام
الصيد للجميع حتى السواق يتسلف سنانيري
بس لو ضيعها أحسله يشرد من البيت
صور جميلة وشكراً لكي

safii

30/09/2011, 09:02 PM

مشالله تبارك الرحمن
وعقبال السبيطيات انشالله
بس الي يشرف هل الكميه من القرقفان يقول حاطه غزل :)

mr-albreak

30/09/2011, 09:09 PM

ماشاالله نظفتي البحر من القرقفان عيني عليك بارده
وموفقه بااالجايات انشاالله ونعم مو عيب البنت تحدق
أنا اطلع احيان أحدق مع المدام وعنها سناره
وأتوقع الشباب اللي يمزقون في تالا شافو المره اللي دايم تحدق هناك
وفي الختام عليك باالف عافيه

O M A A R

30/09/2011, 09:23 PM

وعليكم السلآم ورحمة آلله وبركاته

حيآك آلله أختي ، بين أخوانك وأهلك ،

ومثل ماقلتي الصيد مو حصري لأهل الشنبات بس :D

صيد طيب وحصيلة كبيرهـ آلله لآ يضركم ، عوآفي عليكم

بإنتظآر تقاريرك الجاية ، تحياتي

خفجآإوي

30/09/2011, 09:24 PM

مشاء الله انقرض القرقفان
والله ونعم
صيد السمك تعتبر رياضه وهوايه
واهم مافيها تعلم الصبر الي يفتقدوته اغلب الناس الحين
واصلي ترا مو عيب الحداق ولا فيه شي ابد
تحياتي لك اخوك خفجاوي
ننتضر تقاريرك القادمه

سحابه مطر

30/09/2011, 09:26 PM

مشكوورين على ردوودكم
لاعدمت طلتكم الحلووه

باتمان

30/09/2011, 09:27 PM

ماشاء الله صيد طيب
وماهو عيب ان البنت تصيد
وعساك على القوة

مرسى الأحلآم

30/09/2011, 09:30 PM

وعليكم السلام
ماشالله صيد جميل
احجام طيبة
عوافي وليس بالعيب ان الاهل يصيدون
بالعكس متعة الصيد ان احد يشاركك بالرزق
ويعطيكِ الف عافيه وننتظر تقاريرك
موفقه

سحابه مطر

30/09/2011, 09:30 PM

والله شقوول وش اخلي هنااك البحر مليااان قرقفااان
مايخلص والا صرت اصيد حلالي يعني بالثنتين ورا بعض
مستحيل تضيع ربيانه من غير شي
لا وبعد صار لي موقف وانا قاعده اصيد كان فيه موج ومع الموج الا نطت احلى قرقفاانه وامسكهاا
قبل لاترجع للبحر .. والله اننا نشوف القرقفان على السيييف لا قطيت خيطك الا عشرين قرقفانه على المجدار

مالك مجال

30/09/2011, 09:35 PM

سحابه مطر

30/09/2011, 09:39 PM

مشاء الله تبارك الله
صيد وفير وجعلة بالعافية وعلى قولة المثل ولد الوز عوام طبعا صرتي بنت الوز دام الوالد الله يحفظه لكم نوخذة اكيد انتي بالفطرة خذيتي هواية الصيد.
عقبال ماتصيدين احجام كبيرة

تقبلي مروري

لا انا اصييد اكبر من كذا
بس اول مره بحياتي اصيييد كذا يعني كثييير
والله اني اتعب من كل حذفه لازم فيهاا سمكه
خير الله كثيرر
الحمدلله عالنعمه

مشكور اخوي عالمرور

حسن ابو طالب

30/09/2011, 09:50 PM

ماشالله جاك خير يكفي للبيت والجيران بعد :D

عليكم بالعافية اختي

..

سحابه مطر

30/09/2011, 09:51 PM

مشكوورين على مرووركم

abo3omar

30/09/2011, 10:06 PM

ما شاء الله صيد ممتاز عليكم انتو و جيرانكم بالعافيه :)
و ان شاء الله احجام اكبر المرات القادمه

الصياد 7000C

30/09/2011, 10:11 PM

والله انا اتمنى اخواتي واهلي يصيدوا معاايا لكني وحيد ف اهلي بالهوايه ديه وتقبلي مروري

رهوة البر

30/09/2011, 10:32 PM

عليكم السلام ورحمة الله

ماشاء الله تبارك الرحمن

كمية تجاريه عليكم بالعافيه

الحمد لله هواية صيد السمك لاهي حرام ولاعيب
ولالها جنس أو عمر محدد
واصلي وأتحفينا بالتقارير

بارك الله فيك وحفظ لكم الوالد

تقبلي مروري

ابوياسر

للزمن ثمن

30/09/2011, 10:52 PM

السلام عليكم ما شاء الله تبارك الله
عليكم بالعافيه والله يزيدكم من فضله يارب
تحياتي

A_hariri

30/09/2011, 11:29 PM

ماشالله تبارك الله
البحر حلو والصيد احلا
بالتوفيق انشالله

White_Shark

01/10/2011, 07:54 AM

ماشاء الله تبارك الله

كمية ممتازة و حلوة من القرقفان , عليكم بألف عافية .

بس نصيحة لوجه الله .. مادام السمك هذا مصيود بالحداق مش بالغزل أو السالية يفضل وضعه في الثلاجة حتى لايخرب وخصوصاً إن صيدكم وقت الظهر ولسه الجو حار .

تقبلوا مروري .

احمد ابوزيد

01/10/2011, 08:01 AM

عليكم با العافيه والله انك قدها...

ذوالجناح7

01/10/2011, 08:08 AM

مـــا شـــاء الله تبارك الله

تستاهلين الخير ومن صبر ضفر

عقبال أحجام XL

لاتخجلين عااادي كورنيش الدمـــام يااااكثر الحريم الحداقة فيه

ياااخوفي يغلبونااااا :director:

مره كنت جالس أحدق في الكورنيش ألا جالي واحد مع عياله
( من الرياض )

وسلم وقال ممكن تساعدناااا

قلت خير !!!

قال البنت ودهااا تحدق بس ماتعرف
كيف ترمي ؟؟
وكيف تشك الطعم ؟؟
ومتى تسحب ؟؟
وجلست أشرح لهم وكل شوي جالي والله الخيط شير بالصخر
والثقل قطع مع سحب البنت والرجال محرج من كثر الروحات والجيات :j

وقلت له عااادي مافي أي مشكله :)

قال إذا ما صادت بمر سوق السمك أشتر لهااا 2 سمك علشان تفكناااا :D

بالتوفيق إن شاء الله

Boury

01/10/2011, 08:34 AM

ما شاء الله صيد طيب و وفير
الله يزيدكم من فضله

alqamr

01/10/2011, 08:46 AM

ماشاء الله تبارك الله :)
وانا اقول القرقفان من قرض هذي الايام
عليك بالعافية ... وبلعكس مب عيب ورياضه صيد الاسماك ليست حكرا على الرجال :)

سحابه مطر

01/10/2011, 08:47 AM

الله يعافيكم ..
مشكورين عالمروور ..

White_Shark
اكيد اول ماصدناه ابووي على طول وداه الثلاجه
لاتحاتي معانا ابوي النوخذه مايطوف عليه شي الله يخليه لنا

ذو الجناح 7
شكلك ذاك اليوم ماتهنيت بالصييد ههههه
اكيد مو عيب البنت تصيد بس شسوي
اهلنا وبعض صديقاتي يتطنزون يقولون انتي كبرتي وللحين تحدقين
بعدين مااحد بيتزوجك هههههه

سحابه مطر

01/10/2011, 09:02 AM

انا ولله الحمد بديت بالصيد وعمري 7 سنين
وكان الوالد الله يحفظه يعلمني كيف احذف الخيط وكيف احط
الجيم او الطعم واول ماحذفته كان قريب لان مااعرف
وجلست شوي الا شي سحبني بقووه انا قلت لابوي فيه شي قوي جالس يسحب
ابوي اخذ الخيط مني وصار يسحب بقووه وبقووه لين جاا احلى هاموور مدري كم كيلو فيه
يعني كبيييير هذي اول سمكه صدتهاا
اتمنى اصييد سبيطي لان مااقد صدت الا فروخ السبيطي يعني النزي
طبعا صدت انوااع كثيره من السسمك اكره سمكه تقهرني اللي هي بنت النوخذه ( الفسكره )
مدري ليه احسها مغروره بالوانها ههههههه

السهران1

01/10/2011, 10:18 AM

الف عافية عليكم الصيد وبيض الله وجهك على التقرير هذا

ممكن اعرف كم سعر الشاليه ورقم جوال اتصل عليهم لانه قبل يومين كنت اسال عن السفانية ومنيفه

عاشق الوكري

01/10/2011, 10:20 AM

ماشاء الله

لا اله الا الله

كفووو واصلي وعقبال السبيطي ان شاء الله ابو 9 كيلو

والله يوفقك يابنت

واذا تبين نصايح عن السبيطي حاضرين معك كنق السبيطي هههههههههههههه

اخوخالد

01/10/2011, 10:24 AM

ما شاء الله صيد العافيه

سحابه مطر

01/10/2011, 10:31 AM

الف عافية عليكم الصيد وبيض الله وجهك على التقرير هذا

ممكن اعرف كم سعر الشاليه ورقم جوال اتصل عليهم لانه قبل يومين كنت اسال عن السفانية ومنيفه

سعر الشاليه الليله 500 رقم الجوال اذا جا اخوي من المدرسه
باخذ رقمهم منه

سحابه مطر

01/10/2011, 10:34 AM

مشكوورين على مرووركم
وتشجيعكم لي صراحه حمسستوني ههههههه

عاشق الوكري
تسلم والله ان شاء الله المره الجايه اصيد سبيطي xL

ryma

01/10/2011, 10:45 AM

صيد طيب انايوم الخميس في الشاليهات ذبحنا الاعشاب مااستانسنا بالبحر
على فكره باي شاليه انتم 1،2،3،4،6:good2:

سحابه مطر

01/10/2011, 10:53 AM

صيد طيب انايوم الخميس في الشاليهات ذبحنا الاعشاب مااستانسنا بالبحر
على فكره باي شاليه انتم 1،2،3،4،6:good2:

احنا رقم 1
ايه الاعشااب كثيييييره

السهران1

01/10/2011, 10:56 AM

سعر الشاليه الليله 500 رقم الجوال اذا جا اخوي من المدرسه
باخذ رقمهم منه

مشكووووور لك مقدماً اختي

أبو مدني

01/10/2011, 11:06 AM

ماشاء الله تبارك الله
صيد طيب وعليكم بالعافية
والله يبلغكم شكرة

رائد ابو محمد

01/10/2011, 11:51 AM

ما شاء الله تبارك الله
صيد طيب بالعافية عليكم اختي

العررراب

01/10/2011, 11:57 AM

ما شاء الله تبارك الله ... وبالعااااااااااااافية .

ساعة صفاء

01/10/2011, 12:13 PM

الله يوفقك ومنتظرين تقاريرك الثاني

ابو اياد07

01/10/2011, 12:18 PM

يعطيك العافية أخوي سحابة مطر ..
عيوني زغللت وأنا أقرأ من الخط ..
بالعافية عليكم ماشاء الله تبارك الله صيد وفير يبيض الوجه ويستاهل المشقة ..
تقبل مروري ..
دمت بود ,,

سلطان2007

01/10/2011, 12:23 PM

مشاءالله تبارك الله .. صيد موفق والقرقفان كثير هناك صغير حق مزمزه هههههه عليكم بالعافيه وعقبال اللي يخلي السناره تركككع ان شاءالله

أَبوابراهيم

01/10/2011, 01:08 PM

ماشاء الله تبارك الله

عجيب امرك :/

العمدة 66

01/10/2011, 02:09 PM

صيد رائع ما شاء الله

الموج العالي

01/10/2011, 02:39 PM

هههههههههههههههههههههههههههه
اقول القرقفان السنه ذي ماش

اثاريه كله تم جمركته

اعترفي وش نوع الشبك الي حاطه
بالتوفيق وعقبال ما تصيدين لخمه

عبادي الجبيل

01/10/2011, 03:26 PM

:)هلا باختنا سحابة مطر :)

بالعكس من يقول انه عيب البنت تصيد

دخلتوا مجلس الشورى :D

وتقولين عيب ...

واذا مره ثانية اكلتي عظم ( خلي التمر بالسفره )

وما اشاءالله على القرقفان ماخليتو شي

الله يطعمكم بالعافية

وتقبلي تحياتي ..

اسماعيل كمال

01/10/2011, 03:49 PM

ماشاء الله تبارك الله
والله المكان شكلو مليان خير
بالعافيه عليكم

الوهم الأخير

01/10/2011, 04:22 PM

خلصتي البحر ... مشاء لله صيدك هذا يساوي صيدي في 10 طلعات .. موفقه ان شاء لله

سحابه مطر

01/10/2011, 07:28 PM

الله يعافيكم .. مشكورين
على الردووود الحلووه

سحابه مطر

01/10/2011, 07:30 PM

هههههههههههههههههههههههههههه
اقول القرقفان السنه ذي ماش

اثاريه كله تم جمركته

اعترفي وش نوع الشبك الي حاطه
بالتوفيق وعقبال ما تصيدين لخمه

ليه مو مصدق اننا صايدينه بحداق
والله اننا صايدينه بحداق لو حاطين شبك
كان صدنا اكثر من هذا ثلاث مراات
اذا مو مصدق روح هناك وشووف بنفسسك
شاكره لك مروورك

أبوحافظ

01/10/2011, 07:50 PM

ما شاء الله عليك بالعافيه

بس على الاقل كانت ذكرتي لنا بعض من الطبخات البحريه بحكم قربكم اكثر من المطبخ

تقبلي تحياتي

الموج العالي

02/10/2011, 07:37 AM

ليه مو مصدق اننا صايدينه بحداق
والله اننا صايدينه بحداق لو حاطين شبك
كان صدنا اكثر من هذا ثلاث مراات
اذا مو مصدق روح هناك وشووف بنفسسك
شاكره لك مروورك

لا لا صادقة
والله اتمنى أروح

وبحط المنطقة في جدولي

بس المشكله القرقفان ماهو جوي أبد إلا في حالة كان مافيه عندي طعم بصيده واستخدمة طعم

ويوم اني أقول شبك بسبب العشب الي مع السمك

لكن دام المنطقة مليانه عشب صيد الشبك بيكون مكشوف وفاشل لأن العشب يجره ويفضح محله للسمك

تحياتي لك

White_Shark

02/10/2011, 07:56 AM

ليه مو مصدق اننا صايدينه بحداق
والله اننا صايدينه بحداق لو حاطين شبك
كان صدنا اكثر من هذا ثلاث مراات
اذا مو مصدق روح هناك وشووف بنفسسك
شاكره لك مروورك

الله يعطيك العافية أخت سحابه مطر وبيض الله وجهك .. أنا أول ماشفت الصيد قلت هذا صيد غزل بس ماحبيت أكتبها بصورة مباشرة لأن آثار الغزل واضح على كم حبة قرقفانة .. بس مدام أنك حلفتي أنكم صايدينه حداق فأنا أكيد غلطان .

كفو بنت ابوها .. والله يرزقكم بالصيد اللي يسركم بإذن الله .

سحابه مطر

02/10/2011, 01:31 PM

لا لا صادقة
والله اتمنى أروح

وبحط المنطقة في جدولي

بس المشكله القرقفان ماهو جوي أبد إلا في حالة كان مافيه عندي طعم بصيده واستخدمة طعم

ويوم اني أقول شبك بسبب العشب الي مع السمك

لكن دام المنطقة مليانه عشب صيد الشبك بيكون مكشوف وفاشل لأن العشب يجره ويفضح محله للسمك

تحياتي لك

السمك فيه عشب لاني انا اذا صدته مستحيل امسك السمكه بايدي اخاف
فـ احذفها ياعلى الرمل او العشب وامتلى السمك كله عشب
حتى اخوي يهاوش يقول ماوخ السمك الا انتي بهالعشب
اذا تبي تستمتع بالحداق روح هناك والله اول مره بحياتي اصيد كميه كبيره
اقول لك الظهر يوم الخميس الشمس حاميه رحت اصيد فتره ربع ساعه صدت 16 سمكه
اشوف السمك على السيف وربي كان احلى يووم ان شاء الله نكرر الروحه لهنآك ..

سحابه مطر

02/10/2011, 01:35 PM

الله يعطيك العافية أخت سحابه مطر وبيض الله وجهك .. أنا أول ماشفت الصيد قلت هذا صيد غزل بس ماحبيت أكتبها بصورة مباشرة لأن آثار الغزل واضح على كم حبة قرقفانة .. بس مدام أنك حلفتي أنكم صايدينه حداق فأنا أكيد غلطان .

كفو بنت ابوها .. والله يرزقكم بالصيد اللي يسركم بإذن الله .
الله يعافيك اخووي ..
ابوي كان بيحط غزل بس تدري ماعنده تصريح
لان سلاح الحدود اذوونا كله خايفين نتعدى الشباك اللي هم حاطينه
وبعدين ابوي قال اذا حطيت غزل راح يمتلي كله عشب
وصرااحه هناك لو تحط خيط ابو 4 مجادير راح تصيد فيهم كلهم من كثير الخير