المساعد الشخصي الرقمي

مشاهدة النسخة كاملة : كمبيوتر الفتك 2006 خرب مرتين وش الحل.....تكفووووون ... ؟


جبل حائل
30/09/2011, 10:06 PM
السلام عليكم ورحمه الله وبركاته
هلا وغلا بالجميع
موتري سوبر سفاري 2006 سعودي قير اوتوماتيك وعادي
في رمضان ولعت لمبه المكينة وصارت الدعسة ضعيفة يعني نص دعسة والموتر ما يتعدى الضغط 2 والسرعة حدود 100 بس والحرارة ثابتة ممتازة وصرف البنزين ممتاز ما يصرف بس العزم والدعسة ضعيفة
رحت به لورشة الهبيش وفحص كل الكتاوتات والاسلاك مافيه فايدة وقال لي رح للعثيم بصناعية الرواف
فحصه العثيم ولقى الكمبيوتر خربان فيه ( لذعة ) وحاول يصلحه عند محل الكترونيات وما قدر له .. وجاب لي كمبيوتر مستعمل حق 2004 من ورشة متخصصة بالكمبيوترات بالرس بـ 2700 ريال مع التركيب .. لان الكمبيوتر جديد بـ 7000 ريال بعد الخصم
بعدها طفت لمبة المكينة ورجع الموتر تماااام ورحت عليه مشاوير طويلة وهو تماااام
يوم الثلاثاء الماضي ولعت اللمبة ورجعت نفس المشكلة ورحت به للعثيم وفحص الكمبيوتر لقاه خربان و ( لاذع ) نفس اللي صار للكمبيوتر الاول
تكفون وش الحل ....؟
هل هناك احد متخصص اكثر من العثيم ؟
هل هناك طريقة اوترهيم يحل هالمشكلة ؟
ALBDRANE
01/10/2011, 10:46 AM
ما دامه لذع ثانيه أتوقع عندك مشكلة في الظفيره والله أعلم
الوسيطاء
01/10/2011, 12:40 PM
العثيم هو المسؤل عن المشكله ويتحمل تصليحه ولازم يشيك لى الظفيره ويفرزها وبعدين يقرر
قرم العيال
01/10/2011, 01:15 PM
اذا كان على الضمان رده لهم ..

والله يعينك يبدو عندك مكشله بالكهرب تسبب لذعه للكمبيوتر ..
جبل حائل
01/10/2011, 01:19 PM
شكرا لمروركم
العثيم فحص الظفيرة قبل يحط الكمبيوتر في رمضان وشيك عليها بس لقاها تمام كما قال لي …
على ذمته
تكفون اللي يعرف احد صارت له مثل المشكلة يعلمن
او اذا فيه محل بالقصيم او الرياض او الدمام خبير بالنيسان لا يخفي علي لاني بلشت وتوهقت
جبل حائل
02/10/2011, 01:25 PM
اليوم يقول العثيم ركب لك جديد وش رايكم …؟
برق دوسر
02/10/2011, 01:42 PM
اخوي شيك على حساس الدعسه شفه حول قربه الهواء
تراه دايم يرتخي ويسبب ضعف فالعزم وتدعس للموتر ويالله يمشي
واذا انت مركب هدرز اشبك الحساسات فالقزوز
جبل حائل
02/10/2011, 04:56 PM
شكراً برق دوسر
الحساسات كلها تمام
المشكلة وش اللي يحرق الكمبيوتر
لان الحساس اذا خرب يغير
هذا من اول ما تولع لمبه المكينة يضرب الكمبيوتر
ابو تركي المطيري
02/10/2011, 06:56 PM
شوف مكان الكمبيوتر يمكن يدخل عليه ماء شيك على المكان
صباح القايله
02/10/2011, 07:18 PM
اخوي شف واحد عارض كمبيوتر فتك بقسم الاكسسورات
اتوقع افضلك من الجديد
بعدين اخوي مهب معقوله يخرب اثنين اتوقع عندك التماس
اهم شي لاتستعجل برد ومرمر على الورشات
شف مر الخضير يمكن يفيدك
وذكر فيه واحد عرض مشكله في القير وغيره بواحد نضيف ولا ضبط وصارة المشكله من ضفيره القير
asd112
02/10/2011, 07:27 PM
السلام عليكم ورحمة الله
اخى العزيز صاحب المشكلة اتمنى من الله ان يمنك ومن يقراء واعضاء المنتدى بالصحة والعافية
كانت عندى نفس المشكلة على فتك 2002 وبعد بحث مع الشركة اكثر من مرة حول المشكلة كالتالى :--
الدعس لا يتعدى 2 اربى ام
لا يوجد عزم معاها
بمعنى اخر لا تقبل دعسه
اخذو منى الله لا يوفقهم 1000 ريال لاصلاح العيب وخرجت السيارة من عندهم وبعدها اسبوعين رجعت نفس المشكلة رديته لهم قالو مو على الضمان لان المشكلة مختلفة وتحتاج 1500 للاصلاح رفضت ذلك ورحت عند ورشة بمكة اتضح وجود مشكلة بالتروتل وهناك التماس مائى داخله وشيك على كاملة الضفيرة لم يجد اى مشكلة وتم تغيير التروتل والان لها ماشية سنه والحمد لله مية مية
شيك على التروتل وقيمته فى الشركة حوالى 5000 وفوق جبته من الامارات بقيمه 2500 بالشحن الى مكة شوف اذا احد معه نفس موترك غير التروتل وجرب
هذا ما اردت افادتك به من واقع تجربة وليس من الشرط ان تكون مشكلنك مثلها ولكن جرب
ابوراكان تبوك
02/10/2011, 10:47 PM
اصلاً الكمبيوتر ما يخرب كله تلقى احد الآيسيات ضارب والسبب عندك كهرباء راجعة او ماس تأكد من الظفيرة ومن علبة الفيوزات قبل كل شيء شيك على ارقام الفيوزات هل هي بمكانها صح او لا حسب مخطط السيارة تلقاه مكتوب على غطاء العلبة احياناً يكون عندك ماس على خط ضعيف ومركب عليه فيوز اكبر من المطلوب والله يعينك على شغلات الكهرباء اهم شيء اللي يركب لك الكمبيوتر يضمنه لك اقل شيء شهر
جبل حائل
02/10/2011, 11:32 PM
الف شكر على هالمعلومات … بس لوسمحت
اخوي asd112 وشو التروتل وين مكانه×
abahal
03/10/2011, 11:08 AM
شيك على علبه الفيوزات دايما تسبب التماس غيرها
قرم العيال
03/10/2011, 01:35 PM
الف شكر على هالمعلومات … بس لوسمحت
اخوي asd112 وشو التروتل وين مكانه×


يقصد اللهات .. ما غيره
العابر2222
03/10/2011, 11:48 PM
قد صارت معي

أخوي تأكد من افياش الكمبيوتر مرتخيه (والدليل يوم ركبت الكمبيوتر الجديد جلست فترة ومع الحراره ارتخت)
وعلى فكرة اذا الأفياش مرتخيه يعطي في الفحص بالكمبيوتر انه كمبيوتر السيارة ما يوصله كهرب كافي وان فيه خلل

واذا موترك فيه التماس ما راح يجلس فتره الين يخرب الكمبيوتر مجرد تركبه بيخرب

فكها وركبها من جديد واكبسها بقوه ... وبعدها افصل اصابع البطارية لمدة 10 دقايق

مكانها اذا فتحت الكبوت ... بتكون تحت خرطوش الهواء من جهة السواق لونها زرقاء

(بس لا تفكهم جميع عشان ما تلخبط فك الأول ونفخه وركبه وبعدها فك الثاني)
جبل حائل
04/10/2011, 12:24 PM
هلا وغلا العابر ٢٢٢٢
ابي اجرب هالمعلومات
لكن هل البطارية الاضافية تكون من اسباب خراب الكمبيوتر
العابر2222
04/10/2011, 01:40 PM
ما عندي خبره عن البطاريه الأضافيه بس البطاريه الأضافيه لها فاصل اذا شحنت تفصل الكهرب
واتوقع مالها اي دخل في الكمبيوتر ... البطارية الأضافيه اذا تركيبها خطاء او بموزع وفاصل اي كلام يكون ضررها على الدينمو