الـغـبــار يـدخــل بـوســط الـمـوتــر، وش الـحــل؟

[عفط]

مرحبا بالجميع
،،
معاي باترول صالون دخلت فيه مطينه "رادميه"
الوكاد بديت احس بغبار يدخل علي بالموتر
ثم بعده سكرت الدريشه "النافذه"
لكن نفس المشكلة
مع العلم الموتر
لايعرف البـر ولا فيه طقطقه ولاسمكره بالأبواب ولله الحمد
فماهو الحل ياشباب ؟

[هويدي]

شيك على الارضيه خصوصاً الخلفيه وربلات الابواب الخلفيه

[ساري 111]

شيك على ربلات عصا القير والدبل

[hz1oo]

عندك الهوايات الي ورا مرة فكهن وسدهن من داخل بسفنج او اي شي علشان مايدخل الغبار والفتحات الثنتين على شكل لهاة

[ماون ماركز]

عندك الهوايات الي ورا مرة فكهن وسدهن من داخل بسفنج او اي شي علشان مايدخل الغبار والفتحات الثنتين على شكل لهاة

اذا سد الهوايات اللي وراء .. تخرب ربلات الأبواب ويمكن تتوسع الأبواب

هما ليش حطوها .. عشان لما تسكر القزاز وتسكر الباب
فيه هواء داخل السيارة ..

تسمح بخروج الهواء ولا تسمح بدخوله الى السيارة
لأنه يوجد فيها ما يسمى السكشن فلف

واذا سكرت الباب .. والباب ضغط هواء مع دفته بيدك ..

وين بيروح الهواء الزائد ..

يا يطلع الهواء الزائد اللي أنضغط .. مع ربلات الباب .. ومع الوقت تخرب او يفتح الباب شوي

او يطلع مع الهوايات اذا هي سليمة ومفتوحة

[Wolf hill]

شيك من عند القير
وشيك من عند ثلاجه المكيف تكون اسفنجه على دخول ماصوره الفريون للثلاجه
وشيك على الابواب من تحت اذا جيت من مشوار صحراء افتحت الابواب يمكن تحصل غبار معنى انه الجلد فيها تهريب
وشيك على باب الشنطه الاغلب منها
واذا انت فاك المراتب من قبل يمكن يكون مسمار ماهو في محله وتكون دخول للغبار

[hz1oo]

من عشر سنين وانا مسوي الطريقة ومافيه اي اشكالية ومرتاح من الغبار وغثاه

[عفط]

عفاكم الله جميعآ وجاري الأخذ بمشورتكم

[. ذيب ساحوق]

اظن ماينفع الغبار وراك وراك واظنه يدخل من الباب الخلفي لكن نزل الدرايش وروح

[الحزوبر]

افتح الهوايه وانسا الغبار طريقه مجربه والسبب انك لما تفتح الهوايه يزيد الظغط داخل الغماره عن الظغط الخارجي لذلك مايخش عليك الغبار بس القزاز طبعا يكون مسكر.