الطير يشبع بسرعة و مايتجاوب معاي في التدريب؟؟

[بو عزام 2011]

السلام عليكم

طيري قصرت علية يوم ما عطيتة علف و احاول انقزة ما يجي و كل ما اجي اعلفة احس ان الطير شبعان و ما ياكل بشراسة وش هو الحل هل اشنذر الطير؟؟

[ابو مقحم]

لا تشنذر الطير افحصه قبل واذا طلع سليم شنذره

موفق خير

[بركات ت ت]

هلا بك اخوي

مثل ما قال لك اخوي ابو مقحم انا اتفق معه في الرأي .

[الروقي نت]

انصحك تشنذره إذا كان وزن الطير مثالي ولافيه هزل

[بو عزام 2011]

مشكورين على الرد الطيب

[الجفران]

يوم مايكفي طمره اقل شي يومين

[الجفران]

يوم مايكفي طمره اقل شي يومين بعد الربطه

[أَبوابراهيم]

قبل كل شيء رح لم بيطري ويعطيك العلم كامل ..

واذا كان اكله عن اول فرق حيل احتمال كبير يكون به قلاع الي هو الدود
وعلاجه سهل حبوب عند البيطري

بس افحصه وتأكد اول

[ابن الاصيل]

اخوي افحص طيرك واذا طلع مافيه شي شنذره

[alyasy]

أخوص يمكن الطير مسوي ربط معده :)

أمزح معك أرجو أني ما ضايقتك.


عطه وجبتين لمدة 3 ايام مع دواء الدود وبعدها شنذرة

أتمنالك التوفيق

[دبي داري]

عليك بالتدريب اولا بحمل الطير و ثانيا تقصر في اكله

اذا الطير فرخ لا تشندره و اذا ضعيف لا تشندره

و لا تشندر الا بعد الفحص بيومين

[النشمي505]

اول شي السلام عليكم
الطير اذا توه وحش يمكن عاده يبي له تدهيل لين يتشجع عليك وبيعلف واحيانا بعض الطيور ماهي حاره على العلف يعني تعلف من غير حراره الطيور تختلف ولا تشنذر الطير لين تدعيه احسن
شف مقاس الطير وزنه اذا ورنه على وسرته حاول تنزل الطير شوي لين يحتاج للعلف خل الطير يركد وانقل الطير لاوقات طويله وبعدين عطه وقت لين ما يفيد فيه الاشياء اللي ذكرتها افحص الطير يكون سليم من الالتهابات واي مرض بعدهاتقدرتشنذر الطير وبعدما يقط الشبيكه عطه ماء وبعدهابوقت تعطيه لحمه من غير عظم او ريش لحمه بس وخل اللحمه منقعه في حليب لمده بسيطه واعلف الطير وريحه يوم ومن بكره شف الطير نفسه بتكون احسن وبعدها بثلاث ايام عطه حبتين سارتكس لمدة ثلاث ايام
ارجو ان عطيتك المستفيد واكيد فاتتني اشياء ارجو الاخوان اللي عنده زياده لايبخل

[صالح الحنيان]

شنذار الطير ياخوي انا طير نفس الحاله ما له خلق يطير ومو مشتهي العالف وشنذارت الطير قمت حلته تصير احسن شنذار طيرك

[PATROL91]

افحص طيرك اول شيء وبعدين شنذر طيرك مثل ما قالو الاخوان

[الغرشوب]

ماقصرو الشباب افحص الطير قبل اي شي واذا فيه اقلاع عليك بحبوب الكنكر ~ اما الدود لها اكثر من علاج .. وان شاء الله مافيه الا العافيه اما اذا الطير طالع من المربط .،خف عليه شوي من العلف وشف مرج الطير وش لونه واهل الخبره يزدونك بالعلم .~ والله اعلم ~

[ياس البوادي]

السلام عليكم
اخوي بوعزام اولا ما هو نوع الطير وهل هو فرخ ام جرناس وبعدها بقدر افيدك .
اخوكم يــــــــــــــاس البوادي