ياهل الخبره افيدوني

[الهرم 2010]

السلام عليكم ورجمة الله وبركاته
عندي ناقه لقحه فيها نفختين من عند النحر يمين ويسار صغار مدوره
بعد لاحظت فيها نفخ في الكتف الايمن تقريبا مثل كف اليد افيدوني الله يجزاكم خير
ملاحظه الناقه علي ولاد بس نسم الناقه مو عاجبني البطن ينتفخ وينسم قلت يمكن انها مكتومه من النفخ

[صقر البحيرات]

وعليكم السلام ورحمة الله وبركاته

ليس لدي خبرة كافيه بخصوص الابل ..
لكن ربما يكون الانتفاخ .. هو الحبن ( طلوع)( خراج)
ويمكنك استخدام أدوية خاصه .. أو ثقبها ومن ثم عصرها .. إذا تبين إنه خراج

أما بخصوص النسم .. بإذن الله يفيدونك أهل الإبل

ماتشوف شر

[الصابر1]

انتبه اخي لايكون اللي فيها هيام

الله يشفي ناقتك

[شباع]

هذا يسمى خراج انا عندي ناقة خلفة فيها خراج وفقعتة بمقص وحطيت عليه ملح ولا تحط الناقة مع البل

اخوك ابو رزان الحربي

[wild]

الحقن من دواء البنسلين

أذا كان خراج 10 سانتي في الموضع لمرة واحدة ويتم التكرار لها
بعد خمسة أيام
تحياتي لك

[راعي النوادر]

يخوي كل الابل فيها نفختين صغار في النحر يمين ويساراسفل الرقبة هذا خلقة ربي انتهبه تسوي شي وتذبحها واذا تبي تتئكد هو الي انا اقصده الطبيعي او لا رح اقرب ناقة وامسكها من نفس المكان راح تلقاها مثلها
وانا متئكد انه هو الي انا اقصده الطبيعي يمين ويسار بينهم مسافة شبر ونص او اقل شوي

[راعي النوادر]

والي في الكتف يمكن خراج الله مادامه في الكتف خله لين ينفقع من نفسه عقبن اعصره وغسله من الداخل بماء وملح وبخ عليه البخاخ الزرق وخلصنا
وبخصوص التنفس اتوقع طبيعي حر والناقة تقريبا ملاقي اتوقع طبيعي

[الهرم 2010]

بيض الله وجيه كل من رد علي