وش فائده الفرارت

[سلسيف]

السلام عليكم ورحمه الله وبركاته
عندي سؤال مهم و محيرني وهو عباره عن عده اسئله عن موضوع واحد
وش فايده الفرارات وليش اكثر الناس يفضلون الفرار البرازيلي للسفاري ؟
وش هي افضل الفرارت حسب نوع السياره وموديلها
مثلا/ افضل فرار للجمس موديل 90 افضل فرار للفتك 2004 افضل فرار للتويوتاربع 2009 وللشيروكي 98 وهكذا0وسلامتكم

[sgl2002]

والله انا مركبها على باترول فرارات برازيلي اسود لعدة اسباب:

فائدتها توقف عمود الدبل والدفرنس وتجعل الكفر الامامي يتحرر يعني يصير يمشي لحاله يعني يصير الموتر مثل الهايلكس والددسن دفع خلفي بس فيصير الموتر خفيف ويقلل صرف البنزين بنسبة بسيطة وتحس بنعومة الموتر وخفته بشكل بسيط وتقلل من استهلاك الكرونة وعمود الدبل لانه يدور بدون فايدة×

[N255]

استهلاك قليل من الو قد خفه بالحركه
اصوات الاعمده وحنتهم تختفي

[باترول 4500]

وعليكم السلام

ركبتهن مده ثم فكيتهن
والسبب مافيه فرق بالصرفية والموتر نفسه ماخف ولا ثقل

[وبل نجد]

تقلل الصرفيه
ويروح وحيف وصوت العمود حق الدبل او كان فيه رجه فالفرارت وظيفتها توقف العمود عن الدوران وايضا يكون الموتر ناعم وخفيف نوعا ما

[رايق من جد]

رهيب مره تخف السياره بسبب فصل عامود الدبل وعلى فكره مايركب على الشروكي

[الفريح1]

مالها اي فايده بالنسبه لي خساير وبس

[عبدالرحمن السالم]

والله شف تقدر تستغني عن الامور إلى قالوها الشباب بأنك تفك عامود الدبل بدون ماتركب فرار ، او انك تركب فرار وتخيلي العمود متى ما احتجت ، فيه مواضيع كثيره وهذي افضلهاhttp://www.mekshat.com/vb/showthread.php?s=&threadid=8291

[sameer_1798]

فائدته لإيقاف دوران نظام الدفع الامامي (العكوس / العمود)عندما لاتحتاج إليه وبالتالي إيقاف الحنه وتقليل الصرفية .

وهذا الفيديو يوضح لك كيف يعمل الفرار :
JGGzxRAb34Q

[الصارم 444]

هل تركب الفرارات على الجكسار 2004 قير تماتيك

[sameer_1798]

هل تركب الفرارات على الجكسار 2004 قير تماتيك
هذا النوع والموديل ماهو دفع رباعي مستمر لذلك يركب عليه الفرار البرازيلي تلقاه عند السليماني