طاروف يكتب التقرير وهو زعلان

[طاروف]

صباح / مساء على كل الكشاتة من زوار واعضاء ومشرفين ..

السلام عليكم ورحمة الله وبركاتة .. على كل الحبايب

تراي امزح معكم منيب زعلان الله لايجيب الزعل .. ولكن لي عتب على بعض الحبايب .. وليس زعل ( ضرب الحبيب مثلك لزبيب) في تقريري الي قبل هذا كانت فية ملاحظات من بعض حبايبي وانا مارديت لسبب اني مشغول بهالدنيا الله لايشغلنا الا بطاعتة والسبب الثاني اني والله يالربع ماعرف للكمبيوتر واذا جيت اكتب تقرير وارد اشحذة شحاذة من حدا بناتي لاني ماعرف الا لحاجتين بهالدنيا ( البحر و النسوان ) امززح لحد يفهمني غلط .. ولاني ادخل النت واشوف ردودكم الحلوة ومواضيعكم الأحلى .. لكن اني عشان اكتب بسم الله يبيلي خمس دقايق ماحب الكمبيوتر احب اتصفح واتفرج خذ ولد لكن اكتب وما اكتب وصور ماعرف .. ندخل بالعتب :

حبيبي قلبي الرحموني : يعاتبني يبيني افصل بالتقرير وانا عارف حبيبي قلبي عشان تعطيني نجمات ( غرك بنجمة لية مالبسك تاج ) وانا ابي تاج مابي نجوم يالرحموني وادري ان حتى النجوم بعيدة عني .. لان النجوم يبيلها نواخذة كبار .. واذا ماصرت الأول مابي الثاني .. والمنتدى مشاء الله مليان نواخذة كبار انا اصغرهم .. لكن ابشر بعزك من الحين والطالع نكتبلك بالتفصيل الممل .. لكن انا احب امختصر المفيد لكن عشان الحبايب نبي نفصل ..

الأخ حوات جدة .. يبي تنويع بالصور .. بعد عمري هذا الي الله عطنا سمكتين نصورهم وخلص التقرير .. وش نسووي مابة صيد .. لكن ابشر ان شاء الله لاكثر الصيد ابشر بالصور الكثيرة ..

الأخ مكليف .. ينتقدنا يقول كل تقاريرك فيها شعري .. الحمدالله هذا عطا الله ولانصورلك طال عمرك مع ضلع وحر ويما .. والمرة الجاية ماراح نصولك الا هوامير ..


حبيب قلبي بوخالد .. الجلسة معك احلى واحلى والشباب كلهم حلوين وانا حريص ان شاء الله على الجمعات .. اكثر منك ان شاء الله ولاعمري اعتذرت .. وابشر بالي يحضر ان شاء الله ..

حبيب قلبي وايت شارك .. اشكرك انك سامحتني هالمرة ومنب انا اخوك الكبير انت الكبير .. وابشر ان شاء الله بنوعلك بالصور ونفصلك الرحلة ان شاء الله .. تقاريرك حلوة حقت الشعوم والسباطيات لكن تكفى لاتكتب عن مشاكل حرس الحدود والبحر .. وتقلب المواجع .. وبعدين نكرة البحر الي فينا كافينا .. والله الله بتقارير الشعوم والسباطية خلنا نحب البحر ..

حبيب القلب ابو محمد ( شراع العز ) .. الذيب النوخدة الكبير .. تراي اتابع تقاريرك كلة ونبيك تورينا صيدك العامر والوافر ومواضيعك اكثر من حلوة .. لكن يالله عاد ورينا اياها .. وخلنا من ركة والمنتب .. وحلو تقرير الصافي لكن يصير احلى لاصار مع عيش ابيض ..

الاخ khabari .. بالأول والاخر اشكرك الله يجزاك خير على هالنصيحة لكن تراك فاهم غلط الظاهر انك يوم شفت العورة .. تخرعت .. والظاهر اننا من القواعد مالنا عورة .. عاد وش طلع من هالعورة الركبة ! تقل ركبة بعير .. لكن ابشر ان شاء الله المرة الجاية نستتر ..

http://www.mekshat.com/pix/upload05/images228/mk97396_23.jpg


وآسفين على الأطالة وشكرا لكم على الملاحظآت .. وان منكم واليكم .. ;)

[حوات جده]

طيب يا صاحبي ليش زعلان :mad:
التنوع في الصور مو يعني تصوير الصيد وبس


صور التشخيط
واثناء الرحلة وتقطيع اللعف وكدا



انا لاحظت اغلب التقارير اذا مو كلها بس صور الحافظة والسمك



دا الي بقصده


خلي صدرك واااسع :D

[طاروف]

اما الأن مع التقرير الجديد .. والمفصل حسب طلب الاخوان الأفاضل مع اني احب الخفيف ( خير الكلام ماقل ودل ) ..

كانت لنا رحلة بتاريخ 2/10 يوم الجمعة من مدينة الدمام من الساعة 12 الى 7 الصباح .. وكان عدد أعضاء الرحلة 3 محدثكم و2 على القلب زي العسل .. وكان الجو أكثر من رائع .. ( طحين مايطير ) والصحبة كانت احلى واحلى .. والصيد كان خفيف ولكن انة حلو وكانت طريقة الصيد سماري .. اما العدة خيوط 50 و60 وميادير 9 و10 و8 والبلد 3 و 2 والطعم خثاق وسلس وكل حداقنا ركة .. والحمدالله وفقنا الله بصيد حلو لو انة شوي لكن ماقدرنا نصور داخل البحر تخبرون اليدين زفرات مشغولين مع الصيد .. لكن ان شاء الله المرات الجاية تنفرغ للتصوير ..
( ها عجبك يالرحموني و وايت شارك التفصيل ؟ ) >> امززح والمرات الجاية نشرح اكثر ..

والحين نخليكم مع الصور .. :) :
http://www.mekshat.com/pix/upload05/images228/mk97396_23 (1).jpg

http://www.mekshat.com/pix/upload05/images228/mk97396_23 (2).jpg

http://www.mekshat.com/pix/upload05/images228/mk97396_23 (3).jpg

http://www.mekshat.com/pix/upload05/images228/mk97396_23 (4).jpg

http://www.mekshat.com/pix/upload05/images228/mk97396_23 (5).jpg


اشكركم على المرور.. الله لايخلينا من تعليقاتكم ..والمرات الجاية ان شاء الله الصيد اوفر والتصوير اكثر والشرح اوفر :)

[طاروف]

طيب يا صاحبي ليش زعلان :mad:

التنوع في الصور مو يعني تصوير الصيد وبس


صور التشخيط
واثناء الرحلة وتقطيع اللعف وكدا



انا لاحظت اغلب التقارير اذا مو كلها بس صور الحافظة والسمك



دا الي بقصده



خلي صدرك واااسع :D


حبيب قلبي حوات جدة منيب زعلان والله وان شاء الله ان صدري وسيع والله لايجب الزعل وصور الحافظة والسمك هذي الزبدة اما التشخيط وانا اخوك تبيني اصور وانااشخط محد فاضيلي وادري انك ماتقصد الا كل خير .. وابشر المرة الجاية ان شاء الله نبي نصورلك كيف نقطع الطعم .. وكيف نركب الميدار وكيف نطبخها السمكة .. وكيف ناكوولها خخخخ

[منادي الخبر]

ههههههههههههههههههههههه يامرحبا ياطاروف والله يعطيك العافيه واافي وتقاريرك تبيض الوجه

[الصياد 7000C]

طيب وشرايك تكتب مواضيعك .... ولا اقولك بلاش بعدين تكتب اسمى على الملا,,,خخخخخخخخ

[صياد الخبر]

السلام عليكم


كيف حالك ابو صالح عساك بخير


بعنا بالسوق على قوله هذاك


ان كنت زعلان قلي وشهو اللي يرضيك


لا قول وش يرضي


( لا تدف طيب ) مانيب داف بس بدخل عرض


من زين هالبحر عاد


شحاذيذ ويما ونيسر


وان غصت لك غوصه بهالشقوق طلع معك هويمير مو هامور وان ابعدت وكلف عليك المشوار طلعت بمخدة وحدة


الكلام ماهو موجه لحد الكلام هذا واحد جالس يفضفض لإخوياه اللي معو بالنت


يازين البحر الاحمر يا حوات جدة ما لذ وطاب طيب وتخير


اما بحرنا يا خالي مابه الا الشحاذيذ ( صغير الشعري )


ابو صالح


عساك عالقوة والله يخلي لك عييلك ويرزقك من اوسع ابوابه


اسمحلي ع الفضفضة


بس هذة قدرتنا هل الشرقي عاد تحملونا اخوننا اهل القلزم


والقادم احلى بأذن الله


ودمتم

[أبو ناصرالدين]

السلام عليكم ابو صالح
لكم وحشة والله
نشوفكم على خير هالأسبوع

ابو ناصر

[الرحموني]

كيف ما يعجبني يعجبني ونص !!!!

الله يسعدك يا ابو صالح ويرحم الثنين اللي عقبوك

بيض الله وجهك والله اني ضحكت الين قلت يا كافي

الحين حنا نبي نستمتع وندخل جو مع رحلتك وندخل في ادق التفاصيل

وهذا هو الحماس

الله لا يخليني منك

تحياتي لك

[قارب الحجاز]

وعليكم السلام ورحمه الله وبركاته
ما شاء الله تبارك الله
صيد طيب أخوي طاروف
عليكم بالف عااااااااااافيه
وتستاهل كل خير يبو صالح
غرك بنجمه ليه مالبسك تاج00000من بعد قصر ايديك صارت طويله
تحياتي لك

[ذوالجناح7]

يعطيك 1000 عافية


ياحلووووو تقرير الزعلان :D


قاااال بوصالح وبوصالح صادق


غرك بنجمه ليه مالبسك تاج00000من بعد قصر ايديك صارت طويله:good2::good2:

[1بوخالد]

خرعتنا يا بوصالح وما عاش من يزعلك وعلى ما قالو العتب مقبول والزعل مرفوض وما في احلى من عتاب الأحبه.
واللي يعرفك يا بوصالح ويعرف طيبك لزووم يحبك بالله.
وكفو والله على هالهوامير الراهيه واعتقد ان الموسم بدى واللعب بيزين قدام ان شاء الله .
والوعد بكرى إن شاء الله نجتمع على خير.

تحياتي
أبوخالد

[White_Shark]

حبيب قلبي وايت شارك .. اشكرك انك سامحتني هالمرة ومنب انا اخوك الكبير انت الكبير .. وابشر ان شاء الله بنوعلك بالصور ونفصلك الرحلة ان شاء الله .. تقاريرك حلوة حقت الشعوم والسباطيات لكن تكفى لاتكتب عن مشاكل حرس الحدود والبحر .. وتقلب المواجع .. وبعدين نكرة البحر الي فينا كافينا .. والله الله بتقارير الشعوم والسباطية خلنا نحب البحر ..


:)

أفااااا يابو صالح عزيز وغالي والله .. والعين ماتعلى على الحاجب .. الله يعطيك العافية ويرحم والديك وماقصرت .. وابشر بالشعوم والسبيطية والتقارير الحلوة اللي مثلك .. ومانقدر على زعلك .
وكتابتي عن مواضيع حرس الحدود والمشاكل التي تحصل عشان الواحد يستفيد من المواقف ويعرف اللي له واللي عليه .. والله يعطيك يعطيك العافية يابعدي وأنت الأحلى .. وتقريري الجاي إن شاء الله بهديه لك ولايهونون باقي الأعضاء .

تقبل تحياتي .

[دابوي]

الله يوفقكم دوم يا ابو صالح على هالتقارير الحلوة الي ما ينمل منها وتستاهل كل خير

[mr-albreak]

:s
هلا والله وغلا فيك يا بوصالح ولا عاش من يزعلك عزيز وغالي :mad:
وتقاريرك زي العسل على القلب عاد هي تفصيل ولا جاهز مايهم :good:
المهم انك ذكرتنا وشاركتنا بطلعتك الله يجزاك الجنة
و هاالطلبات والتدلل عليك من باب الميانة وانا عارفين سعة صدرك
ولاكن كبير يا بوصالح ماكسرت بخاطر الشباب ولبيت طلباتهم :good2:
ما نقول الا الله يعطيك العافيه ويخلي لك العيال ويعينك على شحاذت الكمبيوتر:p
طلعة زي العسل وهوامير طيبه عليكم باالف عافية
وسلم لنا على الشباب
:s

[رهوة البر]

عليكم السلام ورحمة الله وبركاته
حيا الله أخي ابو صالح

ماشاء الله تبارك الله
قريت التقرير أكثر من مره وأكتشفت طيبة قلبك الصافيه
وحرصك على تلبية رغبات الأعضاء في التصوير والشرح
أسأل الله أن يمتعك بالصحه والعافيه وأن يرزقك من حيث لا تحتسب
وطلبات الشباب على كلام أخي ابو محمد (صياد الخبر) هذا من باب الميانه وحبهم لك
وبالنسبه للصور نبي تشاركنا بصور صيدك لو شحاذيذ
الله يرزقك بطلعه صيد كلها صبيطي وهوامير وتسدح لنا صورها هنا

كثر الله خيرك وبيض الله وجهك

تقبل مروري اخوك ابوياسر

[oula]

اقول انجز انت وركبتك نبي نصيد سميكات جاي زعلان وحالتك شقيه وهذا السمك الي جاينا فيه يابو صالح ههههههههههه